اتأكدوا إن كل حاجة بتحصل في حياتكم وراها سبب حتى لو مكنش ظاهر كفاية إن ربنا عارفه .
كل حاجة بتحصل في حياتنا خير حتى لو هي عكس اللي إحنا بنتمناه .
- بلاش تيأسوا وتستسلموا للحياة وللظروف .
- واجهوا كل حاجة واتسمكوا بالأمل لآخر لحظة وأتعشموا في ربنا مش في إنسان .
ربنا يريح بالكم جميعًا🤍

قلبي تائهٌ وسط عواصف الحُب .
لا يمكنني العودة إلىٰ ما كُنت عليه، ولا يمكنني الاستمرار في طريقي للمُحب .
- أنا هُنا في المنتصف، انتظر إلىٰ أين تأخذُني الرياح .

بسنت سيد .

متهربش من حزنك مهما كانت قوته .
كل لحظة ضعف تجاهلتها هتبنى جواك مع الوقت إنسان جاف؛ إنسان فقير لِلذّات الحياة .
مش مهم تبين حزنك للناس، المهم إنك تواجه بينك وبين نفسك كل حاجة بتمر بيها .
- اعترف إنك زعلان، مقهور، حاسس بالندم، اتظلمت!
- كل شعور بيراودك قوله لنفسك بصوت عالي، على أد اعترافك على أد ما هتنسى وهتقدر تعدي .
- ملكش دعوة باللي حواليك، المهم أنت، المهم احساسك إيه .

بسنت سيد .

أنا عمري ما حسيت بإحباط تجاه أي حاجة في الحياة، دايما عندي أمل في كل حاجة وبكره الاستسلام جدا .
من يومين بس كنت على حافة السقوط!
وقررت من جوايا إني أسيب نفسي وأقع ولوهلة حسيت بالاحباط، أول مرة في حياتي من موقف أفقد الأمل من كل حاجة .
لما نمت حلمت بحاجات مشوشة بس كل اللي فكراه كويس جدا .
" وأنا قاعدة بتكلم مع مدير الشغل وبقوله أنا الحاجة الوحيدة اللي نفسي تفضل معايا لآخر عمري أملي في أن كل حاجة هتبقى كويسة " .
- كانت إشارة من ربنا ليا، طول ما في نفس في بكرة يعني في أمل .
- طول ما في أمل جواك هتتعدل وهتحلى وهتبقى أقوى من أي حاجة .
- ثقتك في ربنا هي اللي هتغير حياتك هي اللي هتخليك سعيد بس في ربنا ثم نفسك ثم لا أحد🤍

لا بأس .
أحرفٌ بصيصة أقولُها دائمًا لنفسي حينما تهزمُني الحياة مرارًا وتكرارًا .
لا بأس إن فشلت .
لا بأس إن هُزمت .
لا بأس إن عجزت .
لا بأس إن تآكل قلبي من الألمِ .
لا بأس إن نصفت الدُنيا كل مَن سار على تراب أرضها عدا أنا .
- لقد جئت إلىٰ هنا حتىٰ أكون أنا، لأعيش سعيدًا، حتىٰ يتحقق ذلك عليّ دائمًا التشبث بالأمل .
- غدًا سيكون أفضل بالتأكيد أفضل؛ فلا بأس .

بسنت سيد .

مهما كان قدر الألم اللي ساكن قلوبكم رددوا دايما .
- كل حاجة هتبقى كويسة أكيد هتبقى كويسة!
طبطبوا على نفسكم واحتووها محدش غيركم هيقدر يواسيكم أدكم .
أنتوا السند والقوة لأنفسكم أنتوا وبس .

بسنت سيد .

تملا وقتك، تهلك نفسك، تشغل يومك، تفكر قليل، ترتاح كتير .
متهلكش نفسك، تريح بدنك، تقعد في فراغ، تفكر كتير، مترتاحش خالص .

بسنت سيد .

المشكلة إن الإنسان حتى وهو بيحاول يتعايش مش عارف يتأقلم مع الوضع!

بسنت سيد .

ليه لازم نستنى مقابل لكل حاجة بنعملها في حياتنا؟
ليه منقدمش كل حاجة وإحنا من جوانا عايزين نقدمها مش لمجرد أنه فعل وليه رد .
المقابل دا أكبر حاجة كفيلة تخلي الواحد يحزن عمره كله .
- عيشوا حياتكم من غير انتظار مقابل، اعملوا خير، ساعدوا صحابكم، اهتموا، حبوا!

بسنت سيد .

في عيون معينة كدا كل ما بصلها بتعميني عن البشر والدنيا إلا هي فاللهم ارزقني رؤيتها كل يوم وكل ساعة وكل ثانية يارب .

بسنت سيد .

اللي قاهرني إني كاتمة كلام جوايا مش لاقية أقوله لمين .

بسنت سيد .

النار مفيدة بس لو قربت منها هتحرقك .
- وأنا هنا مبتكلمش على النار .

بسنت سيد .

كانوا بيقولوا إن الزعل على أد المحبة .
وأنا اكتشفت إني متحبتش!
- علشان كدا بديلي جي بسرعة .

بسنت سيد .

ما تُريده لا يُريدك وما يُريدك لا تُريده .
هكذا تسيرُ الحياة .
أحلامٌ تتحطم .
قلوبٌ تنكسر .
عقلٌ رافضٌ للواقع .
فينتهي المطاف بنا هنا وسط عتمة الهلاك .

بسنت سيد .

شعور الغربة ملازمني في كل لحظة؛ وأنا مع الكل، ووأنا مع نفسي!
- أوقات كتير مبعرفنيش .

بسنت سيد .

صباح الخير .
أكيد ربنا هيراضي قلبك في الوقت اللي هو شايفه مناسب ليك .
متستعجلش على حاجة وأفتكر دايما إن ربنا شايلك الخير وهيرزقك بكل حاجة أنت محتاجها واتمنيتها بس اصبر؛ إن الله مع الصابرين🤍

كل سنة وأنتم طيبين جميعا ورمضان كريم وينعاد عليكم بالخير والسعد والهنا وعلى أسرتكم يارب يا حبايب قلبي🤍

التوقف .
من أهم النقط اللي لازم تبقى أول أوليات حياتنا التوقف .
- استوب لكل حاجة غلط أو مقلقة وموترة .
- استوب لكل الأشخاص التوكسيك اللي مينفعش يبقوا في مسيرة حياتنا الجاية .
- استوب للصفات السلبية اللي جوانا اللي قد تكون سبب في أذية اللي حوالينا بقصد أو غير .
- استوب لكل حاجة negative في المطلق مرتبطة بينا أو لأ .
قدرتك في إنك تقف مع نفسك وتوقف اللي قدامك علشان تمنع أي خطوة تعوقك في إنك تبقى إنسان كويس دا انجاز .
لازم يبقى في حد مش كل حاجة تبقى متاحة .
- متتوقفش في إنك توقف نفسك واللي حواليك عن الغلط، استمر، وقول لأ مينفعش، عمرك ما هتخسر طول ما أنت قادر تقاوم .

- بسنت سيد .

ابتلاني الحبيب بحبُه .
كان يعلم أني أخشىٰ أن يُصاب قلبي بِجرح الحُب، ولكنه أصرّ التّخلص منه؛ فميلت وسكنت .
- والآن أنا علىٰ فراشي، انتظر متىٰ يأتي حتىٰ يُداوي چُرحىٰ قلبي .

بسنت سيد .

إلىٰ أين يأخذني الحنين .
يزداد شوقي يومًا بعد يوم .
كيف لكل شيءٍ بصيصٍ يُذكرني بما لا أريد تذكرُه!
ما أنا من ضلع الحياة نشأت علىٰ ترابها، كيف أصبحت قاسية بهذا الوضع القاتل!

بسنت سيد .