كل حاجة حلوة بتحصل في حياتنا بتبقى رزق من عند ربنا .
- زي الصحاب الكويسين ساعات بيكونوا أكبر رزق .

بسنت سيد .

متخليش اللحظة الحلوة تضيع من إيدك، أنت أولىٰ بكل ثانية بتمر عليك وضحكتك فيها منورة .
أرمي كل حاجة وحشة ورا ضهرك، متخليش غير الفرح والسعادة واللحظات الجميلة وبس .
- وكل حاجة هتعدي .

بسنت سيد .

متكتمش مشاعرك جواك تجاه أي حد .
متبقاش منافق، ولا تبقى إنسان حبه غامض .
- قول كل اللي في قلبك لو عيشنا النهاردة مش هنعيش بكرة!
خليك أدها ومتتكسفش ❤️

بسنت سيد .

أنا أستاهل كل حاجة حلوة علشان أنا مقدمتش غير كدا ..!

بسنت سيد .

مش عايز من الدنيا غيرك، مش محتاج غيرك في حياتي .

بسنت سيد .

متغيرش نمط حياتك وروتينك ومبادءك علشان خاطر حد،، محدش دايم حتى لو الشخص دا كويس هيجي يوم ويموت .
خليك عايش حياتك زي ما أنت ماشي طول ما أنت في الطريق الصح علشان لو بصيت مش هتلاقي حد هيعمل علشانك حاجة .

بسنت سيد .

أنا عايزة أتنازل عن كبريائي، أنا عايزة أتكلم بصوت عالي، أنا لسا بحبك .

بسنت سيد .

أسوأ فترة ممكن يمر بيها الإنسان إنه يعيش كل يوم بيهلك في ذاته علشان يهرب من أفكاره اللي مبتنيموش .

بسنت سيد .

بعيدًا عن الهزار وكدا بس أنا شخص عاقل جدًا حتى أسأل نفيسة .
- نفيسة مين؟
دي مرات الدبدوب بتاعي 😂

بسنت سيد .

مش كل دعوة هتتحقق ولا كل الأماني هتبقى حقيقة .
- ربنا اللي عارف الخير ليك فين فمتزعلش على حاجة ❤️

بسنت سيد .

الإنسان عمر ما يبقى ليه قيمة طول ماهو عايش على الأكل والنوم والاكتئاب .
مفيش حد هيحبك طول ما أنت عايش من غير هدف في حياتك .
كل حاجة وحشة أو أي فشل عديت بيه خلاص هو عدى، شوف اللي جاي إيه .
- اللي فات مش بتاعك، اللي جاي هو اللي بتاعك .
- علشان تبقى فخور بنفسك لازم تديها حقها وقيمتها، دور على نفسك الكويسة اللي موجودة جواك هتلاقيها مليانة طاقة إيجابية وشغف لبناء حياة نضيفة جديدة بعيدة عن أي طاقة سلبية 🤍 .

بسنت سيد .

الحلم مضاعش .
حلمك موجود بس دا مش وقته علشان يتحقق .
- الحكاية وما فيها مجرد صبر وقول يارب 🤍

بسنت سيد .

لطلاب الثانوية العامة ⚠️ .
- مهما كانت النتيجة إيه يكفي إنك حاولت ومستسلمتش .
- متسمعش لأي حد يحبطك ولا يقولك الوزير هيصعبها ولا الامتحانات هتيجي من برا الكوكب ولا ولا ولا إلخ .
- أسمع صوت نفسك أنت؛ خلي الصوت العالي جواك حتى لو أنت مش بتذاكر جملة ( أنا أقدر، أنا أدها ) .
- مفيش حاجة إسمها كلية قمة وأقسم بالله؛ القمة إن حضرتك تتحط في مكان وتبقى أنت التوب فيه ✊🏻 .
- افتكر إن الثانوية العامة مش نهاية العالم ولا نهاية المطاف، حتى لو مجبتش مجموع في معاهد كويسة، لو مكملتش تعليم في شغل أيا كان نوعه هتتعب ربنا هيكافأك وهيكرمك .
أنتِ مكملتيش دوري على هوايتك جواكي مفيش حد خلقه ربنا معندوش موهبة نميها وطوري من نفسك .
- التعليم مش هو اللي بيحدد شخصية البني آدم، شخصيتك بتتحدد في اللي أنت بتعمله هل استسلمت وقعدت جمب حزنك وندبك ولا كملت وموقفتش علشان تعمل لنفسك حياة ؟! .
- الأهم من كل دا إنكم تعملوا اللي عليكم بجد إدوا للمذاكرة حقها علشان متندمش في يوم من الأيام .
- ⚠️ابعدوا عن أي حاجة سلبية ممكن تقع قدامكم ومتدوروش غير على الحاجة اللي هتديكم طاقة إيجابية تهون عليكم اللي جاي 🤍✊🏻

بسنت سيد .

المقارنة الحقيقة الوحيدة هي مقارنة نفسك بنفسك بين الماضي والحاضر .
- إنما مقارنتك بالناس دي مش مقارنة دي قلة ثقة بنفسك .

بسنت سيد .

حاول علشان تكون أنت؛ الإنسان الطموح اللي نفسه يبقاله كارير يفتخر بيه .
- متحاولش تبقى زي حد نتيجة الطريق واحدة وهي النجاح بس الاتجاهات مختلفة .

بسنت سيد .

أنا أكتر حد بيساعد الكل وأنا مش عارف أفوق من نصايبي أساسا .

بسنت سيد .

أنا بس كنت عايزة أعرف أنا عملت إيه في حياتي علشان كل اللي أحبهم يخذلوني كدا؟!

بسنت سيد .

أنا ممنونة لأي حد بيحاول يخليني مبسوطة حتى لو بكلمة حتى لو بنظرة 🤍!

بسنت سيد .