اِرْوِي قَلْبِي بِحُبِكَ فَإنَّهُ لَمْ يُسْقَ مُنْذُ زَمَنٍ .

بسنت سيد .

الحياة مش حلوة بس أنا اللي بحاول أحليها علشان منهيش بنفسي دوري فيها .

بسنت سيد .

متلومش حد أنه محبكش مهما بذلت من مجهود .
لوم نفسك علشان فضلت مكمل لحد اللحظة اللي خلتك تتأكد إنه مبيحبكش .

بسنت سيد .

مش مهم أي حاجة .
- المهم إن أنا لسا بحاول .

بسنت سيد .

صباح الخير .
أكيد اللي جاي كله خير🤍

أشعر بخيبة أمل عندما لا يحدث ما رسمته بخيالي .
لم تكُن أحلامًا مستحيلة بل كان يمكن تحقيقها لو لم يفسدوا الأمر .
- تبًا لمَن أشعرني يومًا بِلحظة يأسٍ .

بسنت سيد .

الحياة لا تسير بدون أهداف لذا؛ أحترس جيدًا لوضعها .

بسنت سيد .

أهرب من حياتي وأروح على فين؟!

بسنت سيد .

أنت محدش هيشجعك توصل بس أنت أول ما توصل لوحدك هتلاقيهم طوابير قدامك أول ما تشوفهم تف عليهم وكمل طريقك عادي .

بسنت سيد .

الاكتئاب مش مستني موسم ييجي فيه لأن هو كدا كدا موجود معانا في كل فصول السنة!

بسنت سيد .

قصص الحب كلها جميلة بس هي مش هتنفع لينا .

بسنت سيد .

تمنيت لو كان بإمكاني التّعبير عن حُزني بصوتٍ عالٍ؛ أوشك الصمت يقتلُني .

بسنت سيد .

القاعدة هي تربية الأب والأم لأبنائهم وتعلّمهم للصح والخير وكل الصفات الحميدة .
«لكن لكل قاعدة استثناءات»
أحيانا يُشذ شخص من أسرة صالحة!
- العتاب هنا مش لأهله أنهم معرفوش يربوه لأ؛ العتاب عليه هو، ربنا منورنا بطريقين الخير والشر وإحنا اللي بنختار بإرادتنا نمشي في أنهي اتجاه والوالدين كذلك بينورونا لطريقين الصح والغلط وإحنا برضو اللي بنختار بحريتنا .
- الظروف مبتخلقش إنسان دي حجة متمسكين بيها علشان نبرر حياتنا واللي بنوصل ليه في النهاية .
- الظروف مجرد اختبارات صعبة يا نعديها بتحدي لوحدينا يا إما هنتجه للغش والوصول على حساب تعب الآخرين، وفي النهاية النتيجة مش بتبقى واحدة اللي أتقىٰ الله بيطيب خاطره وييسرله أموره لكن نتيجة الضلال هي اللاشيء .
- كل واحد عارف هو بيعمل إيه، كل حاجة بتحصل برغبتنا، باختيارنا، بحريتنا!
«وقد يُخلق من يهوديٍّ مُسلمٍ؛ لعلّه أراد أن يسلِك هذا المسار» .

بسنت سيد .

One day the best is sure to come .

بسنت سيد .

صباحكم لذيذ🤍
أبدا يومك بابتسامة مشرقة🤍
خد نفس عميق واستكمل ما تريد فعله🤍
الحياة طُرق، اختار الصح المستقيم علشان توصل للنهاية الموفقة🤍💪🏻

أنا وكل عشاق الشتاء مبسوطين بالجو دا واللي زعلان ميقفش في الشباك يدلدل صوابعه للمطر علشان مقطعهالوش .

بسنت سيد .

طموحاتي مش مجرد أحلام بتمناها من بعيد وأنا مش عارف هتتحقق ولا لأ .
طموحاتي أهداف عالية مبنية على خطط وترتيبات ولكل وقت أذان وأنا واثق في ربنا وعندي يقين تام إنه معايا في كل خطوة وإن اللي راح مكنش ليا واللي ليا هييجي وأحسن بكتير، وواثق في الوقت وفي الظروف وفي نفسي!
- أنا عارف إني هحقق اللي أنا عايزه وقريب جدا .

بسنت سيد .

أنا أي شخص عنده Psychological problem بعيش معاه دور ال I can fix him جدا .
والشخص فعلا بيفيكس وبيبقى زي الفل أوي، بس بعدين أنا بنتقل
- لـ مرحلة I can't fix me !
- أنت بتبذل مجهود وبتاخد من وقتك وطاقتك وحياتك علشان تخلي شخص يعيش نورمالي جدا وفي الآخر أنت اللي بتبقى إنسان أبسيت فوق المتوقع .
- مش أي حد يستاهل إنك تضيع نفسك علشانه .
- في ناس بتقدر وتستحق علشان هي عايزة تساعد نفسها وفي ناس هوايتها إنها تملا حياتك negative energy وتاخد منك ال positive وفجأة تختفي وعيش أنت بقى مع نفسك .
«أنت إنسان عندك قدرة محدودة مهما كان وضعك ومركزك في بيتك أو شغلك أو في أي مكان مينفعش تفضل تدي من حياتك من غير نتيجة ومكمل»
- أطلع من دايرة maternity role علشان أنت عمرك ما هتقدر تساعد إنسان هو رافض وناكر يساعد نفسه .

بسنت سيد .

عارفين إيه الانجاز اللي بجد!
- إنك تتغلب على نفسك وشيطانك وأي وسواس سلبي وتقول لأ .
- إنك تسعىٰ علشان تبقى إنسان كويس بيرضي ربه .
- الانجاز هو معافرتك في منافرة الكبائر اللي محاطة بيك من كل الاتجاهات وتمسكك بربك ودينك وتربيتك .
«ياما ناس واصلة ومركز بس قليلة الرباية» .

بسنت سيد .

الخوف الوحيد اللي أنا بتمنى أنه يفضل ملازمني لآخر نفس في عمري هو خوفي من ربنا .
- أكتر حاجة بتدخل في تصنيف النوادر وجود ربنا في حياتنا، إحنا بقينا وسط فئة بتدي النصيحة وتقول: بعيدًا عن الدين!
- اللي هو أعرف الحلال والحرام من اتجاه الرياح بقى .
- يارب أفضل دايما خايف من ربنا دي نعمة كبيرة أوي مش عند أي حد .

بسنت سيد .

في شخص في حياتي عامل زي يوم التلات كدا مهما حاولت أحبه لازم يعمل تصرفات تكرهني فيه!

بسنت سيد .