كلنا بييجي علينا وقت مش عارفين ولا فاهمين إحنا ليه عملنا كدا .
كل ما تراجع نفسك في رد فعلك لموقف معين تفضل تسأل نفسك ولو حكيت لحد يسألك ليه عملت كدا تقول: مش عارف .
إحنا فعلا بنبقى مش عارفين! مش بنكدب عليكم علشان نخرج نفسينا من الموقف لأ .
في وقت معين بنمر بيه بلغبطة وخلل نفسي وعقلي بنبقى في وقت من الغيبان ولما بنرجع لوعينا بنلاقي كل حاجة ضاعت وكل حاجة خسرناها وكل حاجة بوظناها مش بيتبقى بس غير اللي مروا بنفس شعورنا فبيفضلوا معانا مكملين .

بسنت سيد .

أجمل حاجة في الدنيا إنك تنام وواثق إن في حد بيحبك، حد بيهمه أمرك، حد بيخاف عليك من قلبه، حد لو الدنيا جت عليك لحظة يطربقها فوق الدنيا والكل، حد يمسح دموعك اللي في عينيك قبل ما تنزل على خدك، حد متأكد إنه مش هيسيبك ويمشي!

بسنت سيد .

مهما كانت علاقتك قوية باللي حواليك أو في كتير بيحبوك أوعاك في يوم من الأيام تقول لحد أنا محتاجلك .
أسند نفسك بنفسك، خد وقتك في الضعف والحزن لحد ما تدفع نفسك وتقوم بيها .
محدش هيقف جمبك! ولو حد حاول يساعدك مش هيعمل ذرة من اللي المساعدة اللي أنت محتاجها .
متحطش ضعفك تحت قوة حد! ضعفك يبقى تحت قوتك أنت وبس! أنت وبس!

بسنت سيد .

أنا مبزعلش من حد غير لو كان فارق معايا، وللأسف أنا مش بيفرق معايا حد علشان كده مبزعلش .

بسنت سيد .

تُبلل وسادتي كلَّ يومٍ من سيلان دموعي؛ فلقد تحقق كلَّ ما كنتُ أخشىٰ حدوثه .

بسنت سيد .

أمّا عن قلبِه؛ واسعٌ كالمحيط، مليءٌ بالحبِ والعطفِ والحنانِ والسكونِ والدفىٰ والأمانْ .

بسنت سيد .

لو أنني شعرت بِحُبك لحظة؛ ما ترددت في البقاءِ معك لكنك لم تفعل .

بسنت سيد .

ليه بتنتظر في كل مرة تقع فيها حد يقف جمبك؟
ليه مش بتقع من سكات وتقوم من سكات؟!
بص حواليك هتلاقي كل الناس بما فيهم أهلك محتاجين اللي يشيل عنهم! ليه بتحاول تلوم اللي حواليك في المقابل هما بيلوموك برضو على التقصير!
أسند نفسك بنفسك، وأسند غيرك لو تقدر، متستناش مقابل، ربنا معاك وجمبك في كل خطوة بس أنت اللي مش حاسس بعوضه .
- قدّر تتقدر، كل النفوس تعبانة، كل الأرواح هلكانة .

بسنت سيد .

الوجع اللي بجد إنك تعيش عمرك كله في حزن من نفس الشخص مفيش تغيير .
تخيل شخص واحد بس قادر يخليك مبسوط وحزين!

بسنت سيد .

حضن أمي اللي بعيط فيه أكبر بكتير من وسع العالم دا كله .

بسنت سيد .

خايفة أحاول وأخرب الدنيا أكتر ما هي خربانة .
وخايفة محاولش أضيع من إيدي فرصة إني أعيش مرتاحة .
أنا مش عارفة حاجة!

بسنت سيد .

لا بأس إن عجز الفم عن بوح ما أحمله لك من حبٍ؛ فهناك عينٌ لا تستطيع العجز عن التعبير .

بسنت سيد .

الطبخ دا مهارة .
لو الكل بيعرف يعمله فمش كله نفسه حلو فيه!
أصحوا للكلام اللي جاي محشي وحمام .

بسنت سيد .

لقد تيقنت بأن ما أريده لا يريدني لذا سألتزم الصمت خوفًا من أن يشعر بي أحد عن ما يمر بداخلي من خراب .

بسنت سيد .

لم تعُد الأمور مهمة؛ فأنا سأظل مشبثةً بِأهدافي .

بسنت سيد .

مينفعش نعمل مقارنة بين إحساس العجز وفقدان الشغف تجاه كل حاجة .
- أنت لما بتفقد الشغف دا شعور نابع من جواك سواء بسبب أو من غير سبب فمش بتعمل اللي أنت عايزه لحين يرجع شغفك وتبقى أقوى .
- لكن العجز إن يبقى قدامك كل الفرص اللي تدفعك تتقدم في كفة بمقابلها كفة تانية جبراك تقف مكانك فتضطر على التأقلم مع الوضع بكل أسف وذل .

بسنت سيد .

لا يوجد شيء في تلك الحياة يدفعني للأمام ولكني أقاتل أملًا بأن أنال ما أتمنىٰ يومًا ما .

بسنت سيد .

!!

أيجمعُنا لقاءً آخر؟!
أَلِي فرصة استنشقُ من نسيمِ هواءِكَ القادِم إلىٰ قلبي؟!

بسنت سيد .

أنا جاية أثير الجدل وأقول إن الشكولاتة طعمها وحش ومتتاكلش حقيقي .

بسنت سيد .