أنا فعلا معنديش شغف لأي حاجة؛ إلا لحُبك .

بسنت سيد .

لما هي كلها بقت ماشية بغض النظر عن الحلال والحرام أومال هتقيموا الصح والغلط إزاي من اتجاه الرياح!

بسنت سيد .

لا يمكن لأحد أن يشعر بما تشعر به أنت؛ فقلبك بداخلك أنت وليس بداخلهم .

بسنت سيد .

أنا أسفة يا كوكب الشرق بس حتى لو همسلي وقالي إن الحق عليه عمري ما هنسى إحنا زعلنا ليه .

بسنت سيد .

..

مش معنى إنك بتاخد رأي حد إنك لازم تعمل بالرأي دا .
أنت اللي في الموقف يعني أنت الوحيد اللي تقدر تحدد رد الفعل بتاعك ودا ميمنعش إنك تستشير كذا حد .
اسمع رأي واتنين وتلاتة متمشيش من دماغك وخلاص في قرارات كتير بتتطلب أراء ولكن القرار الأول والأخير هيبقى منك والمناسب للموقف مش مجاملة لصاحب الرأي على حساب الباقيين .

بسنت سيد .

تجربة شخصية .
وأنا صغيرة كان نفسي جدا أتعلم عود لأني غاوية مزيكا جدا بس والدي رفض وإلى الآن أنا معرفش السبب وضاع مني فرص كتير كويسة كان ممكن تخليني في مكان تاني خالص، زعلت جدا وكرهت كل حاجة لدرجة إني ضيعت برضو فرص كتير بالنسبة لكرة السلة .
«أنا بحب كرة السلة من وأنا صغيرة وبلعب كويس واتضربت كتير»
- رفض والدي إني أتعلم العود خلاني مشاركش في أي مسابقة لكرة السلة لا في مدرسة ولا في نادي فضاع عليا كتلة فرص من مجالين مختلفين، كان فكري وقتها إني بضايقهم مثلا بس الحقيقة لقيتني إني عاقبت نفسي .
- لما كبرت أتعلمت:
1- إني موقفش حياتي لمجرد رفض على حاجة .
2- مزعلش على أي فرصة ضاعت مني سواء بعمد أو غير عمد .
3- مخلطش الزعل ببعضه وأخلي كل حاجة تأثر على بعضها .
4- أي حاجة بحبها برفضها أو بعاند فيها زعلها بيرجع ليا مش لغيري يعني العقاب ليا مش لحد .
- فكرت إني لو كنت دخلت سكة الآلات الموسيقية هقع في أخطاء كتير وهنحدر عن نطاقي بحكم إني بعشق أي حاجة كلاسيكية فدا خير ليا .
- ولو دخلت المسابقات وخسرت كنت هتدمر بجد بحكم إني بكره الهزيمة فربنا عفاني من الشعور دا فقولت الحمدلله .
«العبرة من دا كله إن مع مرور الوقت والأيام هتعرف إن كل حاجة كنت عاوزها ومبقتش من نصيبك أكيد في وراها سبب مش شرط تعرفه المهم أنت تبرر لنفسك بسبب مقنع علشان ترضي نفسك وتقدر تواجه الحياة تاني بشكل طبيعي والأهم إنك متبنيش حياتك على حلم أو طموح واحد لو فشلت فيه تيأس وتسيب الدنيا تلطش فيك ولو نجحت فيه تفضل مكانك مطوروش، لازم تتقبل كل الأفكار وتفضل تدور على الإنسان اللي مليان قدرات جواك لحد ما توصل للمكانة اللي تستحقها .

dear my crush .
ما تيجي هنا وأنا أحبك .
- طب ولو مجيتش!
هحبك برضو علشان أنت قمر وتتحب .

بسنت سيد .

يومًا ما سنواجه كل مَن كان عائق في طريقُنا وسنقول لقد فعلناها وأصبحنا معًا .

بسنت سيد .

لتركت كل شيء وراء ظهري وركضت إليه مسرعة حتىٰ أختبئ بين ضلوعه، فلا مكانٍ آمن سواه .

بسنت سيد .

بما إني سنجل فأنا بقبل الهدايا بتاعة العيد عادي يعني مثلا عدية، بوكس الخروف بالشكولاتات، ٥ كيلو لحمة!

بسنت سيد .

«معلومات بستوتة»

من خلال خبرتي العريقة في المطبخ اكتشفت إن الحاجة الوحيدة اللي تضيع ريحة ظفارة أي حاجة سمك أو فراخ أو غيره من غير أي مجهود هو الفلفل الأسمر .
الملح أو الخل أو الليمون بيزودوا الريحة وبيتعمل معاهم مجهود كبير .

" يا رب تمم لي أموري القادمة على خير وبشرني بما أنتظره منك فأنت خير المبشرين، اللهم أرح قلبي وهون علي ما أثقلني كتمانه واسقني صبرًا، يارب اجعل كل ما دعيته لك سرًا وجَهرًا تكتبه لي واقعًا يفرح قلبي، يارب إني وكلتك أمري وأنت خير وكيل فدبر لي أمري فإني لا أحسن التدبير، يارب بحق سورة يس والبقرة ومحمد وآل عمران أن تُسعد قلب كل من دخل وحوقل فإنها رافعة نافعة دافعة وكنز من كنوز الجنة " 🤲🏻

اللهم صل على سيدنا محمد صلاةً تنحل بها العقد وتنفك بها الكرب وتفتح لنا بها أبواب الفرج يارب🤲🏻

أنا أبان من برا عادي بس أنا من جوايا عايز أكل كشري .

سِر في أي إتجاه تريده؛ فوالله لن أسمح لفتيات الليل يعوقن وصولك لنشأ عالمنا الخاص .
- فأنا لكَ وأنتَ لي .

بسنت سيد .

- عزيزي زوجي المستقبلي
عيش يا حبيبي حياتك براحتك كدا كدا أنا اللي هتجوزك في الآخر .

بسنت سيد .

كله اهتم بالجلاليب البيضة ومحدش أتكلم عن الجلاليب السودا خير هي خرجت برا التصنيف ولا إيه!

بسنت سيد .

أنا جيت الدنيا علشان ابني أحلام أعيش عليها، علشان أغلط وأتعلم من غلطي، علشان أتألم وأتعلم من كل علامة سابت أثر فيا، جيت الدنيا علشان أعافر وأقاوم وأقع وأقوم وأقع وأحاول لحد ما أوصل للي أنا عايزه .
أنا متخلقتش علشان أبقى ملاك برئ بجناحات، أنا أتخلقت علشان أسيب مكانة ليا في الدنيا وأعملي مكانة في الآخرة مهما كانت الطريقة .

بسنت سيد .

أنا أجمد توكسيك ممكن تقابلوه في حياتكم .

بسنت سيد .

تقتكروا الإنسان يروح فين لما ميلاقيش حد يقوله أنا مش مبسوط!