أعوذ بكلمات الله التامات من غضبه وعقابه، وشر عباده، ومن همزات الشياطين وأن يحضرون .
لا إله إلا أنت سبحانك إني كنت من الظالمين .
الله الواحد الأحد لا شريك له له الملك وله الحمد وهو على كل شيء قدير .
الله رب لا أشرك به شيئا .
هو الأول والآخر والظاهر والباطن، وهو بكل شيء عليم .
ربي لا تكلني إلى نفسي طرفة عين، ربي احفظني واحفظ قومي إنك بصير بالعباد .
اللهم ردني إليك ردا صالحا واجعلني من عبادك الصالحين 🤲🏻 .

زي ما في " ذكور " وحشين في " رجالة " كويسين .
كلها اختبارات من ربنا والشاطر اللي يفوز بالمكانة العالية .
في رجالة عارفة تدي الأمان وتخاف الله .
في رجالة تستاهل تتحب ويتآمن ليها ويبقوا مصدر ثقة وإحتواء .
المجتمع مبيظهرش غير المساوئ، متخلوش أي حاجة تأثر على تفكيركم وتخافوا وتولدوا عقدة جواكم بسبب السوشيال ميديا والواقع البعيد .

بسنت سيد .

اعتزلوا السوشيال ميديا وعيشوا لحظات الأمان مع أهاليكم؛ قلوبكم محتاجة لدفىٰ .

بسنت سيد .

بدل ما أنتم بتدوروا على طرق تهربوا بيها من الواقع دوروا على طرق تتأقلموا بيها مع الواقع هتعيشوا مرتاحين .

بسنت سيد .

..

أحببتُ تلكَ التي تملُك ضِحكة تجعل كلُّ مَن أنصتَ إليها ذابَ مِن إفراطِ نغمتِها .

بسنت سيد .

حتىٰ وإن طالَ شوقي إليك حدَ السماء؛
لنْ أنحني ولنْ أميل .
- فكفىٰ ضعفًا .

بسنت سيد .

أفتقد لِلمسة كانت موطن بالنسبة لي .

بسنت سيد .

ماذا بينكم وبين الله يا أهل المنصورة ليغضب عليكم هكذا؟!

هاين عليا أعمل حفلة في بيت مهجور وأستدعي العيال بتوع مدرستي التانية من ابتدائي وأولع فيهم بأعفن جاز .

يعني هي خلاص المشكلة بقت في لبسنا مش في تربيتكم!
- لنا الله .

أقلام الدنيا كلها في كفة وقلم الروتو دا في كفة تانية خالص .

بسنت سيد .

كان نفسي بجد أعمل شلة جامدة في الجامعة أو على الأقل تبقى علاقة دفعتنا ببعضها تبقى كويسة علشان نتصور زي العيال اللي هناك دي بس للأسف كلها مقصورة على اتنين .

بسنت سيد .

معنديش قمر بسهر معاه بس ثانكس جود عندي ملازم بسهر معاها وبنشرب أحلى كوبايتين شاي في هدوء .

بسنت سيد .

صباح الخير .
«تذكر مهما كان يومك طويل كل حاجة هتعدي، كل حاجة هتبقى بخير، جمد قلبك وواجه الواقع وأنت مؤمن بالله وقضاؤه» .
- مفيش حاجة مبتعديش، اللي فات مات العبرة في اللي جاي وهيبقى أحسن بكتير من اللي راح .
U do everything 💪🏻🤍 .

ساعات بستغرب أوي أنا ليه مفيش في حياتي حد يدعمني بالطريقة اللي نفسي فيها أو على الأقل بالطريقة المعتادة .
ليه مثلا مفيش حد أخد رأيه في أي حاجة تخص مصير حياتي العملية مثلا .
أو ليه مفيش حد أخد رأيه عمتا في أي حاجة، هو أنا كدا كدا بعمل اللي أنا عاوزاه بس أنا سئمت أوي من كتر ما كل قرارتي باخدها من نفسي .
يمكن الحاجة الوحيدة اللي مجربتش شعورها إني أخد رأي أي حد في أي حاجة بجد ويديني إهتمام ليها مش مجرد كلمتين رد وخلاص .
مفتقدة أوي شعور المشاركة مليت من اعتمادي على نفسي مع إنه الصح لكن مش دايما!!

بسنت سيد .

انا هادي ومحترم طول ما أنت هادي ومحترم معايا، أنا مش مجنون علشان أطلع أسوأ ما فيا من غير ما حد ييجي جمبي!
- شخصيتي أنتم اللي بتحددوها بمعاملتكم .

بسنت سيد .

مطلوب حبيب يشارك قلبي باقي التفاصيل .

بسنت سيد .