عُمر ما كان الزعل على حد كان عزيز علينا خرج من حياتنا ضعف .
أي حد مبيزعلش أو يحزن لفقدان شخص حتى لو كان أذاه بكل معاني الأذى يبقى معندوش قلب .
في حجم للزعل وفي مدة، بس بوجه عام في حزن بيفضل جوانا مأثر وعدم تقبل فكرة عدم وجود الشخص دا تاني .
الفراق أصعب بكتير من الموت؛ الموت مفيهوش راجعة حياتك هتمشي هتمشي، بس الفراق في احتمالات لا أنت ضامن الزمن ولا ضامن الظروف اللي ممكن في لحظة ترجعك لنقطة الصفر تاني .

بسنت سيد .

باركولي يا جماعة رجعت لنقطة الصفر من تاني 🤡

أنا واثق إن ربنا هيفضل معايا للنهاية ومش هيضيع تعبي .
حتى لو مطولتش اللي أنا عايزه في الآخر فأنا هيفضل عندي يقين إن ربنا شايلي الأحسن عنده .
وهفضل واثق إن ربنا شايف أد إيه أنا بعافر وبحاول أقضي رسالتي في الدنيا كويس وهيفضل معايا في كل خطوة .
يارب التوفيق من عندك .
يارب إني دعوتك و كلي يقين بأن الاستجابة من عندك، اللهم إن توفيقي وسعادتي بيديك استودعتك جل ما في قلبي فبشرني بما يسرني .
اللهم اكفني شر كل ذي شر ويسر لي كل أمنية ترفرف في صدري وتروى بالدعاء 🤲🏻

مستني اللحظة اللي أصرخ فيها بأعلى صوت عندي وأنا بحمد ربنا إنه حققلي كل أحلامي اللي تعبت وساعيت علشانها .
- مش هزهق، مش همل، مش هتعب، مش هستسلم، هفضل مستني مهما طال الزمن .

بسنت سيد .

أنا بس أخلص امتحانات ومحدش هيعرفلي مطرح .

بسنت سيد .

يا موزعين الحُب؛ في شقة بالدور الرابع في العمارة اللي على آخر الشارع متوزعش فيها!!

بسنت سيد .

أدعولي أتجوز واحد مبيحبش الفراخ .

خير يا جماعة أنا ملاحظة إن البنات هي اللي بقت تغدر وتخون وتئذي وتخزوق هو السيستم واقع ولا إيه!!

بسنت سيد .

نفسي أمسكني كدا وأديني ستين قلم على وشي علشان أفوق للدنيا .

بسنت سيد .

إن شاءالله ربنا مش هيساوي اللي بيعافر في حياته وهو بيدرس باللي بيعافر في حياته وهو متخرج .

بسنت سيد .

صباح الخير ❤️
بكرة اللي جاي هيبقى أحسن من اللي فات .
بكرة هتشوف عوض ربنا في كل حاجة بحياتك .
بكرة هيعدي وبعده هيعدي وكل الأيام هتعدي زي ما كل السنين اللي فاتت عدت .
أبدأ يومك بابتسامة مشرقة مليئة بالتفاؤل وأفتكر مهما كان يومك طويل كل حاجة بتعدي ❤️
وربنا يوفق أي حد عنده امتحان وتخرجوا مجبورين الخاطر يارب❤️
اللي فات مات العبرة في اللي جاي 💪🏻

كل حاجة هتعدي لو إحنا من جوانا عايزينها تعدي مش واقفين في النص تايهيين بين اللي القلب عايزه والعقل عايزه!

بسنت سيد .

دعني أقول لك شيئًا وإن كان الأمر لا يهم ولكن؛ أنا مازلت أحبك .
- ومازلت انتظرك .

بسنت سيد .

أنا لا عايش في حالة حب ولا نيلة أنا عايش في مرار طافح .

بسنت سيد .

والله إني ما رأيت بقلبك الحُب الذي تمنيت يومًا أن أشعر بهِ ولكني أحببتك بكل ما أملك من مشاعر .

بسنت سيد .

مع كامل احترامي لتامر عاشور بس محدش بيقلب عليا المواجع غير عمرو دياب .

بسنت سيد .

لِنترك ذلك العالم ولِنعيش بسلام
- سُحقًا لِبشاعة تلك الأيام .

حبيبة عرفة .

أنا لما هاجي أتجوز هتجوز واحد عايش لهدف قدامه وبيسعى علشان يحققه وطموح مش واحد يقولي الست مكانها المطبخ!

بسنت سيد .

في وسط الغمة اللي حلت علينا فجأة دي .
ياريت كلكم تبقوا هاديين وواعيين إن الحياة فانية سواء بسلام وموتة طبيعية أو لقدر الله حاجة تانية .
العمر دا بتاع ربنا وكل واحد مكتوبلة مسيرته .
اليوم النهاردة فعلا غريب أوي بس اللي لاحظته إن في ناس متأثرة لدرجة الاكتئاب!
هدوا نفسكم وأبعدوا عن أي توتر خصوصا اللي عندهم امتحانات، كلنا هنموت بالطريقة اللي كتبهالنا ربنا .
كل واحد يتعظ وبدل ما تضيع وقتك استغله في صلاح حالك وقربك من ربك علشان يبقى عندك استعداد تواجه .
الموت قريب مننا من كل ناحية ودي حقيقة وبكل اللي بيحصل في المجتمع سواء من دعم الشواذ ولا من القتل اللي بقى زي اللبانة في البوق ولا غيره وغيره وغيره إحنا في علامات الساعة الكبرى .
عيشوا اللي فاضل من عمركم بحُسنة ورضا واستقامة .
اليوم خلاص عدى وربنا يرحم أمواتنا جميعا يارب ويحسن خاتمتنا كلنا فاستهدوا بالله كدا وأبعدوا عن أي طاقة سلبية قدامكم وانفصلوا عن السوشيال ميديا علشان كل دا بيوتر وبيتعب الأعصاب .

صباح الخير .
دعاء اليوم .
- اللهم أخرجنا منها سالمين آمنين غير مفتونين اللهم لا تجعلنا من القاسية قلوبهم يا الله، اللهم أرنا الحق حقا وأرزقنا أتباعه، وأرنا الباطل باطلا وأرزقنا أجتنابه، لا إله إلا أنت سبحانك إني كنت من الظالمين .

«تذكر مهما كان يومك طويل كل حاجة هتعدي، كل حاجة هتبقى بخير، جمد قلبك وواجه الواقع وأنت مؤمن بالله وقضاؤه» .