ياللي نسيت الغرام .
- نعم
خليك ناسيه علشان أنا لاقيت الغرام مع حد تاني .

بسنت سيد .

الحياة مش مدية لحد اختيارات هو أنت هتبكي على اللي راح واللي جاي مفيش أوبشن تاني .

بسنت سيد .

هفضل طول حياتي ماشية بستر ربنا وكرمه معايا وبالنعم اللي رزقني بيها في كل مرة احتاجت حاجة وإداني أضعافها .
الحمدلله دائما وأبدا .

بسنت سيد .

طول ما أنت بتعالج الغلط بغلط خوف من المجتمع ولا من كلام الناس ولا لأي سبب هتفضل حياتك ملغبطة ومش مستقرة علشان أنت نسيت تعمل اعتبار للي خلقك قبل اعتبار باقي الأسباب .

بسنت سيد .

العالم دا كله في كفة والشخص اللي يطمن قلبي دا في كافة تانية لوحدها .

بسنت سيد .

أنا لا أبكي لفُقدانك .
أنا أبكي لأن الحياة دائمًا تنصُر خوفي تجاه البشر .

بسنت سيد .

وددت لو أنني بقلبٍ لا يعرف ما معنىٰ كلمة مشاعر .

بسنت سيد .

لما تلاقوا حل لمشاكلي صحوني غير كدا محدش ييجي جنبي .

بسنت سيد .

وكم من الورد الوردي الذي طَلَّ بلونِهِ البمبي وأنار القلب بِبسمتهِ وجفف مآسي الحياة .

بسنت سيد .

أنا الذي قدّم كل ما يمكن تقديمه وخُذل في النهاية .

بسنت سيد .

لازم نواجه أي حاجة عائق في طريقنا .
الحياة مش كلها حلوة ولا كلها وحشة، الحياة عايزة حد يفهمها علشان يعرف يعيشها صح من غير إرهاق .

بسنت سيد .

مهما كانت صعوبة الظروف هتعدي وهيعدي معاها كل الوحش المهم إنك تعافر علشان متعديش عليك وتهزمك .

بسنت سيد .

أصبحت كالوردة كلانا نهايتنا الدفن في أعماق التراب .
فأنا لم أجد أحد يُساندني فسقطت، وهي لم تجد أحد يرويها فسقطت .

بسنت سيد .

هعوز إيه من الدنيا تاني وأنت معايا!

بسنت سيد .

ناس بتروح وناس بتيجي ومفيش غير قلبك يا حبيبي اللي معشش جوايا .

بسنت سيد .

يعني أنا لو مش سنجل هقول ليه إن أنا سنجل هخاف مثلا ما أنا سنجل فعلا يا بهايم يا بهايم يا بهايم .

بسنت سيد .

أنا شخصيتي مش صعبة أنتوا اللي مش عارفين تفهموني .

بسنت سيد .

بما إن في ناس جديدة جت .
أولا، فأحب أوجه كل حبي لكل الناس القديمة اللي معايا من بداية القناة وشكر إنهم لسا مكملين 🤍🤍
ثانيا، هعرفكم بنفسي سريعا كدا .
أنا بسنت سيد خريجة كلية حقوق جامعة القاهرة .
ـ بكتب خواطر أو بوستات وقصص وروايات ولو هفني الشوق ممكن أكتب شعر بس الأساسي إني كاتبة وليس شاعرة .
- دي قناتي أنا وأنا اللي بنزل كل حاجة وكل اللي بينزل ملوش أي علاقة بحياتي الشخصية إطلاقا ولا ليها علاقة بتفكيري أو مبادئي كل الفكرة إن حاجة بتيجي في بالي بنزلها .
عندي فيس وانستا ياريت تعملولي فولو علشان أحبكم أكتر وتتفاعلوا كدا بكرة أتشهر وأشهركم معايا دا هيبقى الفضل ليكم طبعا😂🤍
أتمنى بوستاتي تعجبكم وياريت تشوفوها من أولها هيفوتكوا كتير والله😂🤍
شكرا لمتابعتكم يا حبايب جلبي 😂🤍🤍🫂 .

بكرة اللي جاي يبقى أحسن من اللي فات .
- ولا مش أحسن كدا هنموت وكدا هنموت .

بسنت سيد .

أنا غاوية قراءة روايات أوي، وأنت؟ .
- أنا كمان غاوي قراءة .
قراءة إيه؟ .
- عيونك؛ قراءة عيونك علشان أحس بكل حاجة بتخبيها وعيونك بتفضحك بيها .

بسنت سيد .

يارب أتجوز شاعر علشان كل ما أزعل منه يجيبني بكلمتين .

بسنت سيد .