أنا عندي عيلة وعندي صحاب وعندي معارف وعندي قرايب وعندي جيران بس أنا وحيد .

بسنت سيد .

كل واحد محاوط نفسه بالحزن من كل الاتجاهات هيفضل حزين لمدى الحياة .
الحزن مش عايز حزن يفسره زي البوستات والأغاني ومشاهد الأفلام وغيره .
الحزن عايز فرح يقاومه، يعني لو كل واحد تجاهل أي حاجة تعبر عن حالته وأهتم إنه يشوف كل إيجابي هيلاقي نفسه فتح ألف طريق ينجيه من دايرة الهم اللي دخل نفسه فيها .
تيقنوا إن مفيش حاجة مستاهلة الزعل غير نفسك ودينك اللي مقصرين فيهم غير كدا شكليات .

بسنت سيد .

والنبي حتى لو الغايب عاد أنا حياتي مبتسيعش غير المخلصين .

بسنت سيد .

جماعة أنا يئست منكوا بجد🙂
مش عارفة إزاي ضميركم يسمحلكوا تسرقوا بوستات حد وتنزلوها بإسمكم؟!
أنا معنديش مشكلة في صفحتكم ولا واتساب أو غيره إنما إزاي تنزلوها في جروب أو بيدج أو إتشانل وتنسبوها ليكم وهي بوستاتي!!
بجد حسبي الله ونعم الوكيل في أي حد عمل أو بيعمل كدا حقيقي وأنا مش مسامحة بجد .

عناقٌ واحدٌ يكفيني لِيذيح عنْ قلبي كلْ هذا الألمْ .

بسنت سيد .

أنا أحب الوحدة .
لا؛ أنا كاذبة لا يوجد أحد يحب الوحدة، أنا أبدًا لا أستطيع أن أبقىٰ بمفردي .
أنا دائمًا أحتاج لأسرتي، لأصدقائي، لنصفي الآخر ليبقوا جواري .

بسنت سيد .

هل صعب علىٰ المرء أن يترُك مجال للآخر يقول له نقطة من نقاط ضعفه كالفضفضة لتذيح الغمة من علىٰ قلبه والآخر يقول له نقطة حتىٰ تخِّف النقاط من داخلهم جميعًا ويصبحوا سُعداء؟! .

بسنت سيد .

في شوية ناس كل ما أفتكر أن أنا اللي دخلتهم حياتي بإيدي ببقى نفسي أمسكني كدا وأرميني تحت أي عربية من غبائي .

بسنت سيد .

الثقة الزيادة عن حدها عمرها ما بتدي انطباع الجرأة والتقدير بالعكس دي بتقلل منك ومن احترام اللي قدامك ليك .
فرق كبير بين إنك تبقى واثق من نفسك وحكيم في كلامك وتصرفاتك وبين ثقتك اللي توصلك للغرور وتخليك تتعامل مع الكل بقلة ذوق وإباحة .
الإنسان الواثق من نفسه مبيهمهوش غير نفسه علشان كدا كل تعبه بيبقى في إزاي يطور من شخصيته للأحسن .
أما الإنسان المغرور دايما كل حاجة بيعملها من أجل نظرة الناس ليه تبقى عالية وخصوصا إنهم يشوفوه أحسن منهم ودا بيعكس الحقيقة لأن ببساطة الناس اللي مبتراعيش مشاعر غيرها دايما منفورة ومكروهة .

بسنت سيد .

يا ويله القلب عندما يحل عليه لعنة العذاب .

بسنت سيد .

ما تشيل الميوت يا رايق جالي ضيق تنفس من الريتش اللي مش موجود🥲💔

محدش صان العيش والملح حتى التلاجة باظت وبقينا عايشين بالبركة .

بسنت سيد .

براحة علينا ياعم بهاء سلطان دا أنت غلبت تامر عاشور جدا .

بسنت سيد .

لن أتوقف؛
سأظل أعافر من أجل أحلامي فهي تستحق الركوض .

بسنت سيد .

هما مش بيقولوا قدم السبت تلاقي الحد .
أنا بقالي عشر سنين بقدم كل أيام الأسبوع ومش بلاقي حاجة!!

بسنت سيد .

وسلامًا علىٰ مَن هان عليهِ قلبي، فلا مكانة له ولا معزة تُمحي أخطاؤه .

بسنت سيد .

محدش عنده ضحكة سلف أداري حياتي كلها جواها مش دموعي بس؟!

بسنت سيد .

ياللي نسيت الغرام .
- نعم
خليك ناسيه علشان أنا لاقيت الغرام مع حد تاني .

بسنت سيد .

الحياة مش مدية لحد اختيارات هو أنت هتبكي على اللي راح واللي جاي مفيش أوبشن تاني .

بسنت سيد .

هفضل طول حياتي ماشية بستر ربنا وكرمه معايا وبالنعم اللي رزقني بيها في كل مرة احتاجت حاجة وإداني أضعافها .
الحمدلله دائما وأبدا .

بسنت سيد .

طول ما أنت بتعالج الغلط بغلط خوف من المجتمع ولا من كلام الناس ولا لأي سبب هتفضل حياتك ملغبطة ومش مستقرة علشان أنت نسيت تعمل اعتبار للي خلقك قبل اعتبار باقي الأسباب .

بسنت سيد .