‏فَاصْبِرْ صَبْرًا جَمِيلًا ۝ إِنَّهُمْ يَرَوْنَهُ بَعِيدًا ۝ وَنَرَاهُ قَرِيبًا🤍

أسوأ حاجة إن الإنسان يبقى مجبور يتعايش مع وضع مش عاجبه، أو إنه يبقى مغلوب على أمره ولازم يتأقلم علشان مفيش حل تاني .
- أوقات بستغرب إزاي مشاكل الحياة ملهاش حلول!
- بعدين اكتشفت إن في حاجات كتير أوي حلها الوحيد علشان تقدر تعيش هي إنك تشوف وتسكت وتتعايش لأن لا الكلام هيغير حاجة ولا معاناتك مع نفسك هتبدل حاجة .

بسنت سيد .

أنا لا عندي كراش ولا عندي إكس ولا عندي جو أنا عندي الضغط بس .

بسنت سيد .

الامتحانات قربت تخلص ولسا مجتش المادة اللي المفروض هعوض فيها .

بسنت سيد .

الحياة علمتني محبش حد علشان هييجي في يوم ويروح .
فقيت أخاف أقابل ناس وأحبها علشان كدا بقسي قلبي وأخليني بعيد علشان موجعش قلبي في يوم من الأيام وأرجع وحيد .

بسنت سيد .

أنا دايما بحب أسيب حقي لربنا يجبهولي ودا مش علشان أنا إنسان ضعيف أبدا .
علشان عادي يقين بالله إن عقابه أقوى بكتير أوي من أخد حقي بنفسي .
دعوة المظلوم لا ترد، ويابخت اللي يسيب حقه لربه دا هياخده في الدنيا والآخرة وياويل الظالم من عذاب الآخرة .

بسنت سيد .

مش جاي على هوايا اختلط ببشر الفترة دي .

بسنت سيد .

عندما تحدثت معك عن الخراب الذي يحدث بداخلي كان أملي أن تُمحي أثاره بقلبي وليس أن ترحل وتسيبُ أثر في قلبي ويبقىٰ الخراب كما هو!

بسنت سيد .

يعني أنا أفضل أحبه من قلبي سُكيتي سنين وفي الآخر أتجوز واحد يصحيني من النوم علشان أكويله القميص!!
- أيعقل؟!

بسنت سيد .

محدش عنده مساحة زيادة ألم بيها كل اللي متبعتر في حياتي؟!

بسنت سيد .

بقى أنا يبقى عندي 20 سنة وألاقي عيل لو خلفت أجيب أده يقولي ما تيجي يمزة بغمزة حمدي الوزير!!

بسنت سيد .

مش قادرة أقولكم أد إيه أنا بموت في عيلة أبويا .
بموت فيها بجد .

بسنت سيد .

أنا عندي عيلة وعندي صحاب وعندي معارف وعندي قرايب وعندي جيران بس أنا وحيد .

بسنت سيد .

كل واحد محاوط نفسه بالحزن من كل الاتجاهات هيفضل حزين لمدى الحياة .
الحزن مش عايز حزن يفسره زي البوستات والأغاني ومشاهد الأفلام وغيره .
الحزن عايز فرح يقاومه، يعني لو كل واحد تجاهل أي حاجة تعبر عن حالته وأهتم إنه يشوف كل إيجابي هيلاقي نفسه فتح ألف طريق ينجيه من دايرة الهم اللي دخل نفسه فيها .
تيقنوا إن مفيش حاجة مستاهلة الزعل غير نفسك ودينك اللي مقصرين فيهم غير كدا شكليات .

بسنت سيد .

والنبي حتى لو الغايب عاد أنا حياتي مبتسيعش غير المخلصين .

بسنت سيد .

جماعة أنا يئست منكوا بجد🙂
مش عارفة إزاي ضميركم يسمحلكوا تسرقوا بوستات حد وتنزلوها بإسمكم؟!
أنا معنديش مشكلة في صفحتكم ولا واتساب أو غيره إنما إزاي تنزلوها في جروب أو بيدج أو إتشانل وتنسبوها ليكم وهي بوستاتي!!
بجد حسبي الله ونعم الوكيل في أي حد عمل أو بيعمل كدا حقيقي وأنا مش مسامحة بجد .

عناقٌ واحدٌ يكفيني لِيذيح عنْ قلبي كلْ هذا الألمْ .

بسنت سيد .

أنا أحب الوحدة .
لا؛ أنا كاذبة لا يوجد أحد يحب الوحدة، أنا أبدًا لا أستطيع أن أبقىٰ بمفردي .
أنا دائمًا أحتاج لأسرتي، لأصدقائي، لنصفي الآخر ليبقوا جواري .

بسنت سيد .

هل صعب علىٰ المرء أن يترُك مجال للآخر يقول له نقطة من نقاط ضعفه كالفضفضة لتذيح الغمة من علىٰ قلبه والآخر يقول له نقطة حتىٰ تخِّف النقاط من داخلهم جميعًا ويصبحوا سُعداء؟! .

بسنت سيد .

في شوية ناس كل ما أفتكر أن أنا اللي دخلتهم حياتي بإيدي ببقى نفسي أمسكني كدا وأرميني تحت أي عربية من غبائي .

بسنت سيد .

الثقة الزيادة عن حدها عمرها ما بتدي انطباع الجرأة والتقدير بالعكس دي بتقلل منك ومن احترام اللي قدامك ليك .
فرق كبير بين إنك تبقى واثق من نفسك وحكيم في كلامك وتصرفاتك وبين ثقتك اللي توصلك للغرور وتخليك تتعامل مع الكل بقلة ذوق وإباحة .
الإنسان الواثق من نفسه مبيهمهوش غير نفسه علشان كدا كل تعبه بيبقى في إزاي يطور من شخصيته للأحسن .
أما الإنسان المغرور دايما كل حاجة بيعملها من أجل نظرة الناس ليه تبقى عالية وخصوصا إنهم يشوفوه أحسن منهم ودا بيعكس الحقيقة لأن ببساطة الناس اللي مبتراعيش مشاعر غيرها دايما منفورة ومكروهة .

بسنت سيد .