شكرا لكل الناس اللي بتقدرنا وقادرة إزاي تخليها في حالها من غير ما تتعدى على خصوصياتنا .
شكرا لأي حد متطفلش في حاجة هو ملوش دعوة بيها وأكتفى بصمته .
شكرا لأي حد عارف حدوده مع اللي قدامه ومبيتخطهاش .
شكرا لأي حد سوي نفسيا ومسالم ووجوده آمن في حياة أي حد مش محطوط في موضع الشك .

بسنت سيد .

لا هو مش كله رايح .
في حاجات لو راحت مبتتعوضش ومبيجيش الأحسن منها .
في أشخاص بييجوا مرة واحدة لو مشيوا ميتعوضوش .
في حب لو أتولد مينفعش يتنسى أو يدوب .
في ذكريات حتى لو اللي فيها راحوا هي مينفعش تروح .
مش كله بيروح ولا كله بيتعوض ولا كله بييجي أحسن منه .
أنت مش ملاك برئ أنت إنسان من طين .

بسنت سيد .

كفاية خوف من المجتمع الفسيخ أحلى من الفراخ المسلوقة .

بسنت سيد .

dear my crush:
امتا الهوى يزورك وتحس باللي قلبي نفسه يقولهولك؟!

بسنت سيد .

متسمحيش لراجل يحطك في مقارنة بينه وبين حياتك العملية والمهنية وكل الجوانب بصفة عامة .
لأن الراجل السوي الواثق من نفسه هيكون مصدر دعم ليك في كل خطوة بتخطيها غير كدا شكليات .

بسنت سيد .

أنا عايزة الناس اللي بتوصل البوستات اللي بنزلها لأمي وأبويا ميبعتوهاش اسكرين علشان هما كدا كدا عندي وبيشفوها مش مساحة في الموبايل وخلاص أنا اللي بتدبس في مسحها يا غجر .

بسنت سيد .

استنوا عليا بس اتخطب وهتلاقوا الصفحة دي كلها مفيهاش غير قلوب حمرا والعين والنني والحتة اللي جوا مني وأبو يونس سر سعادتي .

بسنت سيد .

صباح الخير .
اللي جاي كله خير ❤️
- ابدأ يومك بابتسامة مشرقة مليئة بالتفاؤل ومهما كان يومك طويل كل حاجة هتعدي بخير❤️

‏فَاصْبِرْ صَبْرًا جَمِيلًا ۝ إِنَّهُمْ يَرَوْنَهُ بَعِيدًا ۝ وَنَرَاهُ قَرِيبًا🤍

أسوأ حاجة إن الإنسان يبقى مجبور يتعايش مع وضع مش عاجبه، أو إنه يبقى مغلوب على أمره ولازم يتأقلم علشان مفيش حل تاني .
- أوقات بستغرب إزاي مشاكل الحياة ملهاش حلول!
- بعدين اكتشفت إن في حاجات كتير أوي حلها الوحيد علشان تقدر تعيش هي إنك تشوف وتسكت وتتعايش لأن لا الكلام هيغير حاجة ولا معاناتك مع نفسك هتبدل حاجة .

بسنت سيد .

أنا لا عندي كراش ولا عندي إكس ولا عندي جو أنا عندي الضغط بس .

بسنت سيد .

الامتحانات قربت تخلص ولسا مجتش المادة اللي المفروض هعوض فيها .

بسنت سيد .

الحياة علمتني محبش حد علشان هييجي في يوم ويروح .
فقيت أخاف أقابل ناس وأحبها علشان كدا بقسي قلبي وأخليني بعيد علشان موجعش قلبي في يوم من الأيام وأرجع وحيد .

بسنت سيد .

أنا دايما بحب أسيب حقي لربنا يجبهولي ودا مش علشان أنا إنسان ضعيف أبدا .
علشان عادي يقين بالله إن عقابه أقوى بكتير أوي من أخد حقي بنفسي .
دعوة المظلوم لا ترد، ويابخت اللي يسيب حقه لربه دا هياخده في الدنيا والآخرة وياويل الظالم من عذاب الآخرة .

بسنت سيد .

مش جاي على هوايا اختلط ببشر الفترة دي .

بسنت سيد .

عندما تحدثت معك عن الخراب الذي يحدث بداخلي كان أملي أن تُمحي أثاره بقلبي وليس أن ترحل وتسيبُ أثر في قلبي ويبقىٰ الخراب كما هو!

بسنت سيد .

يعني أنا أفضل أحبه من قلبي سُكيتي سنين وفي الآخر أتجوز واحد يصحيني من النوم علشان أكويله القميص!!
- أيعقل؟!

بسنت سيد .

محدش عنده مساحة زيادة ألم بيها كل اللي متبعتر في حياتي؟!

بسنت سيد .

بقى أنا يبقى عندي 20 سنة وألاقي عيل لو خلفت أجيب أده يقولي ما تيجي يمزة بغمزة حمدي الوزير!!

بسنت سيد .

مش قادرة أقولكم أد إيه أنا بموت في عيلة أبويا .
بموت فيها بجد .

بسنت سيد .