انتي مع الجواز عن حب ولا الجواز التقليدي ؟!
= أنا مع جواز السفر👀

دموع دي ولا خيول محبوسة واتفكَّت؟

- الأبنودي.

إن إقناع فتاة مثقفة بأنك تحبها
وأن تحبها بالشكل الذي يقنعها هي
أصعب بكثير من إقناع يهودي بالإسلام.

صديقي
لكي تستطيع العبث بمشاعري.
انت تحتاج الى اعصاب خبير متفجرات .

لو عاد معتذرآ !؟🖤

‏" لقد ربّتني المخيلة على يدها تمت - دائماً -
أسفاري
وبواسطتها أحببتُ
كرهتُ
تكلمتُ
وفكرت".

- انا كدا كدا داخل النار حدف 😂

- يلا يا اوختشي احنا شلة فاسدة مع بعضشينا 😂

- لا يا باشا مش هسيبك تدخل النار لوحدك طبعا 😂

- يا ستي صدق الله العظيم فكي كدا وبلاش تعقيد عيشي يابا 😂😂

- طبعا انا وانتي ملناش دعوة بجو المشايخ ده يلا نقعد ننم ع خلق الله
انا وانتي طول ما احنا قاعدين مع بعض عداد السيئات شغال مش مبطل 😂😌

لحظة ! ايه ده !!!

قال تعالى:
«أَفَمِنْ هَذَا الْحَدِيثِ تَعْجَبُونَ وَتَضْحَكُونَ وَلَا تَبْكُونَ»
«وَلَئِن سَأَلْتَهُمْ لَيَقُولُنَّ إِنَّمَا كُنَّا نَخُوضُ وَنَلْعَبُ قُلْ أَبِاللَّهِ وَآيَاتِهِ وَرَسُولِهِ كُنتُمْ تَسْتَهْزِئُونَ»

خذوا الجنة والنار على محمل الجد رجاء، مبنقدرش نشرب كوباية الشاي مغلية ولازم نستني تبرد ! هنقدر نشرب من الحميم !

مفيش هزار في الكلام دا

أفيقوا...💚

الشكر لكل الذين إبتسموا لـنا بلا سبب.

لا يا عمر مش هخلف منك
وكنتي بتتجوزيني ليه م البداية
عشان بحبك بس ده مالوش علاقة انا لسه بعرفك
ايوه انتي عايزه ايه دلوقت مش فاهم قصدك قصدي ان مبقاش لينا سنة متجوزين ولسه بنكتشف عن بعض حاجات بطلنا نتخانق عشان الغيرة والتأخير وبقينا بنتخانق عشان قميصك البني مش مكوي ، انا لسه بجرب عِشرتك والحياة معاك تحت سقف واحد ، ومقدرش اغامر واجيب طفل للحياة اعيشه مأساة لو منجحناش لمجرد ان مامتك عايزه تشوفلك حفيد وتفرح بيه
كلام فارغ احنا بنتجوز عشان نعمل اسرة سويه أسرة سوية فيها اب وام متفاهمين قادرين يحلوا مشاكلهم سوا بيحبوا بعض وناضجين وقادرين يشيلوا مسؤلية اطفال واولاد حلوه دي بعد ٣ سنين خطوبه وكام شهر جواز لسه عايزه تعرفيني؟اه يا عمر لان الحب بعد الجواز غير قبله ، لازم نختبر بعض ونشوف هل هنكمل ولا مش هنقدر ووقتها لو انفصلنا هندفع احنا التمن لوحدنا لكن لو في بنا طفل هو اللي هيحاسب على الغلطة دي مش احنا
يعني ناويه نخلف امتى
لما نحس اننا قادرين نفسياً ومدياً وقادرين نعدي ازماتنا سوا ، مش لان حد من اهالينا نفسه يشوفلنا عيل صدقني انا بحبك واللي رابطني بيك حاجه اقوى من طفل وهو حبي ليك ، بس الحب مش سبب كافي يخلينا نجيب عيال

- ايه مصحيك دلوقت
-- قُمت اشرب ، عارفه احلى حاجه في جوازنا ايه ؟
- ايه !!
-- اني بعد ما كنت بقابلك صدفه في الشارع بقيت اقابلك صدفه بين المطبخ والحمام ..
- ياسلام ، متاكد ان صاحي تشرب مش تعاكسني !
-- لأ انا صحيت مالقتكيش جمبي قولت اقوم ادور عليكي ، خُفت تكوني خرجتي تعيطي برا زي عادتك وماقولتليش بسبب اني زعلتك قبل ما انام ، بجد انا اسف والله ماتهوني عليا أبداً.

- واللهِ بجد يعني انت مهتم يعني
-- زعلك عندي غالي اوي يا هاله ، وبما انك عيوطه فـ لو هفك الشوق تعيطي بعد كده فـ انا حضني اولى بدموعك من المناديل الورق ♥️

الحوار لـ #أحمد_الشامي

اخباركوا اى ياجماعة 🌚♥️

- انت ليك باقي يا كابتن ؟

= لأ انا كدا تمام

- أمال عدم المؤاخذة واقف قدام رف البرينجلز ليه كدا

= هو ممنوع ؟

- لأ يا سيدي مش ممنوع، اتفضل اسأل

= انا مقلتش اني عايز اسأل

- مش لازم تقول، العيون شبابيك القلوب، وانت لا مؤاخذة سايب شبابيكك مفتوحة واللي ما يشتري يتفرج

= وانت بقى شوفت ايه من شبابيكي

- شوفت انك مش هتشتري بس عايز تتفرج، مكسوف تسأل سعره كام صح ؟

= هتكسف ليه يعني ؟ هو انت اللي مسعره ؟

- لأ، هتخاف على الإيمدچ بتاعتك لما اقولك انه ب٩٠ جنيه، فوشك يصفر، وعينك تغرب وتقولي طب هاتلي كيس كرانشي من ابو ٦ جنيه

= هو ب٩٠ جنيه فعلا وللا انت بتهزر ؟

- لا مبهزرش

= ليه يعني، معمول من إيه ؟

- عجينة على شوية مكسبات طعم ولون وريحة

= زي أي شيبسي تاني يعني، ليه بقى فرق السعر الكبير دا، ايه اللي اختلف ؟

- الكڤر يا باشا، انت عايش في بلد الكڤر فيها أهم من المضمون، المجتمع طول الوقت بيبيع لبعضه علب ملونة

= يعني إيه

- هو انت لو اشتريت زر بطاطا مشوية من عربية بطاطا تحت كوبري في عبد المنعم رياض، هتشتريها بكام ؟

= خمسة ستة جنيه

- نفس زر البطاطا دا لو اشتريته من عربية ملونة في التجمع، متقشرة ومتقطعة سلايزات، ومحطوطة في طبق فويل شكله محترم، ومتغلفة كويس، هتدفع فيها خمسين ستين جنيه

= صح والله

- مع إن دي بطاطا ودي بطاطا، بس الغلاف هو اللي اتغير

= بقينا بتوع مظاهر يعني

- بقينا حريفة تغيير مسميات، أي حاجة مزعلاك غير اسمها، هتلاقيها بقت زي الفل

= زي إيه مثلا

- يعني لو قرفان من نفسك عشان بتطبل لمديرك وبتسن زمايلك، بدل ما انت اسمك عصفورة، سمي نفسك ابن الشركة

= وايه تاني

- لو متضايق من قلة ذوقك وردودك الدبش مع الناس، قول أصل هو برج التور كدا، مع ان في الحقيقة انت اللي تور مش البرج

= الله يكرم أصلك

- الناس بتشتري أغلفة مبتشتريش كتب، مش مهم جواك ايه، المهم شكلك ايه، شايف الست اللي على الموبايل دي

= حلوة أوي، مين دي ؟

- دي عشيقتي، بس انا مبقولش كدا قدامها، انا مفهمها انها صاحبتي، كلمة روشة ودارجة على ألسنة الطبقة اللي فوقنا، يبقى مفيش مشكلة

= انت في السن دا وبتعرف تشقط، دا انا قد ولادك ومش عارف

- عشان مسميه شقط، جرب تسميه علاقة مفتوحة، تقارب روحي، تحرر من قيود المجتمع، هترجع البيت كل يوم باتنين في إيدك

- قد كدا الأسامي مهمة

= لما بتسمع اسم عثمان، ايه أول مهنة بتنط في دماغك

- البواب

= مع انه ممكن يبقى رجل أعمال كبير زي عثمان احمد عثمان، ممكن يبقى ممثل مشهور زي عثمان عبد المنعم، أو سلطان بيحكم مملكة كاملة، زي عثمان الأول، انت سيبت كل دول ومسكت في البواب

- صح

= نفس اللي هيحصل معاك لو اتعرفت على واحدة وقالتلك ان اسمها سونيا، هتتخيل نفسك بترمي عليها النقطة فورا

- مع انها ممكن تكون دكتورة تحاليل عادي

= الأسامي مهمة والصور كمان مهمة، انت مش ممكن تقتل فراشة، بس ممكن تضرب الصرصار بالشبشب، مع ان الاتنين حشرات، بس الشكل فرق

- طب اعمل ايه عشان الناس تشوفني فراشة مش صرصار ؟

= معاك كام في جيبك ؟

- ٢٠٠ جنيه

= حلوين أوي، انت تاخد علبتين برنجلز ب١٨٠، وانا هحطهملك في شنطة شفافة

- تمام

= هيتبقى معاك ٢٠ جنيه، تركب ميكروباص، الناس بتوع الميكروباص هيبصولك باحترام، مش بعيد عيل منهم يصورك ويحط الصورة على الفيس ويكتب عليها الكلام الروش بتاع النزول من الطبقة

- وابقى تريند ؟

= والناس كلها تعرف انك ابن ناس بس الزمن جه عليك، فالناس تحترمك، ب١٨٠ جنيه بس، يا بلاش

- انا لقيت معايه 80 جنيه كمان

= حلو أوي، خدلك علبة مارلبورو كمان

- ماشي، سلامو عليكو

= مع السلامة يا سعادة الباشا، خدت بالك اني في أول كلامي كنت بقولك يا كابتن، ودلوقتي بقولك يا باشا، انا شخصيا اتخدعت في الصورة مع ان انا اللي عاملها، ما بالك الناس اللي في الشارع بقى

#داڤنشي_Davinci

وما يدريك لعلك تقف قريباً أمام أمانيك وكل ما كنت تحلُم به قائلاً :‏{قَدْ جَعَلَهَا رَبِّي حَقًّا}

-‏ قُل لأمنياتك التي تظنها مُستحيلة  
‏ ﴿ وَكَانَ اللَّهُ عَلَى كُلِّ شَيْءٍ مُّقْتَدِرًا ﴾

‏قريباً سيكون موعد انتهاء صبرك وستبدأ أيام جبرك.

- لا تيأس فـ والله ما بكت عين إلا و لها ربُ يخبي لها الأجمل ففوض أمرك لربك .