🇷🇺 Россия Федерацияси ҳудудида чет эл фуқаросига SIM-карта расмийлаштириш тартиби бўйича маълумот

Агар Сиз Россияда SIM-карта расмийлаштирмоқчи бўлсангиз, илтимос, қуйидаги тартиб бўйича ҳаракат қилинг:

1️⃣“Мои документы” (МФЦ) марказига мурожаат қилиб, Госуслуги порталидан рўйхатдан ўтадиган шахсий аккаунтингизни тасдиқлашингиз керак; бунинг учун СНИЛС, паспорт ва паспорнинг нотариал таржимаси талаб қилинади.

2️⃣Аккаунт тасдиқлангандан сўнг, исталган банкка ташриф буюриб, шахсий биометрик маълумотларингизни — юз тасвири ва овоз ёзувини — топширишингиз лозим.

3️⃣Биометрик маълумотлар қабул қилинганидан кейин, Сиз танлаган мобил алоқа оператори (Мегафон, МТС, Билайн, Теле2 ва бошқалар) офисига бориб, SIM-картангизни тасдиқлашингиз мумкин.

➡️Шунингдек, SIM-картангизни Госуслуги портали орқали онлайн тарзда тасдиқлашингиз ҳам мавжуд.

😎 Telegram 💙 RuTube 😎 Instagram

⚡️ ХАЛИ ХАМ НОҚОНУНИЙ МАҚОМДАМИСИЗ?

Россия Федерациясидаги Миграция агентлигининг ваколатхонаси томонидан мамлакат ҳудудида ноқонуний мақомда бўлиб турган навбатдаги фуқаромизга амалий ёрдам кўрсатилди.

Агар сиз ҳам шунга ўхшаш вазиятда бўлсангиз, ваколатхонамизга мурожаат қилишингиз мумкин. Сизга тегишли амалий ёрдам кўрсатилади.

😎 @pomoshrussiamigrant
☎️ Телефон:+79250454744

⚡️Ўз мақомингизни текшириш учун қуйидаги ҳаволани босиб, расмий сайтга киринг: [мвд.рф].

😎 Telegram 💙 RuTube 😎 Instagram

Миграция агентлиги хориждаги ватандошларимизни ташлаб қўймайди

Миграция агентлигининг Россия Федерациясидаги ваколатхонасига фуқаро И.Й.нинг вафот этгани ва марҳумнинг жасадини Ватанга қайтаришда амалий ёрдам кўрсатиш юзасидан мурожаат келиб тушди.

Ваколатхона томонидан зудлик билан тегишли чора-тадбирлар кўрилди. Марҳумнинг жасади, шунингдек, унинг турмуш ўртоғи ва бир нафар фарзанди Калининград — Москва — Тошкент йўналиши орқали бир вақтнинг ўзида Ватанга қайтарилди.

Миграция агентлиги фуқароларимизга чет элда ҳам муносиб ёрдам кўрсатиш, уларнинг муаммоларига бефарқ қолмаслик тамойилига содиқ қолган ҳолда, марҳумнинг яқинларига чуқур ҳамдардлик билдиради ва зарур амалий ёрдамни кўрсатишда давом этади.

😎 Telegram 💙 RuTube 😎 Instagram

🇷🇺 Миграция агентлигининг Россия Федерациясидаги ваколатхонаси 2025 йилнинг дастлабки 6 ойи давомида фуқароларга қандай ёрдам кўрсатди?

✔️2025 йилнинг биринчи ярим йиллигида Миграция агентлигининг Россия Федерациясидаги ваколатхонаси томонидан юзлаб ҳамюртларимизга ҳуқуқий ва амалий ёрдамлар кўрсатилди.

🖋 Қонунийлаштириш, ҳужжатларни расмийлаштириш, иш берувчилар билан юзага келган низоларни ҳал этиш, моддий ёрдам ва вақтинча бошпана масалалари — бу фаолиятимиз қамраб олган йўналишлардан айримлари, холос.

👫 Ҳар бир мурожаат индивидуал тарзда кўриб чиқилиб, ечим топишга амалий ёндашув қўлланилмоқда. Фуқароларга ҳуқуқий маслаҳат бериш, маҳаллий идоралар билан музокаралар олиб бориш ҳамда зарурат туғилганда тезкор чоралар кўриш — ваколатхона ишининг асосий тамойилларидандир.

📨 Агар сиз ёки яқинларингиз Россия Федерацияси ҳудудида мураккаб вазиятга дуч келган бўлса — Миграция агентлигининг Россия Федерациясидаги ваколатхонасига мурожаат қилишингизни сӯраймиз. Биз доимо ёрдам беришга тайёрмиз!

☎️Телефон: +7 (925) 045-47-44
😎Telegram: @pomoshrussiamigrant

😎 Telegram 💙 RuTube 😎 Instagram

🇷🇺 Как представительство агентства миграции в Российской Федерации оказала помощь гражданам впервые 6 месяцев двух 2025 года ?

✔️ В первом полугодии двух 2025 года Представительство Агентство Миграции в Российской Федерации оказала правовую и практическую помощь сотни наших соотечественников.

🖋 Легализация, оформление документов, урегулирование споров с работодателями, материальная помощь и содейство во временное проживание, а также возвращение на родину — это лишь некоторые направления наши деятельности.

👫 Каждое обращение рассматривается в индивидуальном порядке, применяется практически подход к поиску решений. Предоставление правовых консультаций, ведение переговоров с местными органами, а также принятие оперативных мер при необходимости — является основным принципами работы Представительства.

📨 Если вы или ваши близкие столкнулись трудной ситуации на территории Российской Федерации — обращайтесь в Агентство Миграции Республики Узбекистан в Российской Федерации. Мы всегда готовы оказать помощь!

😎 Telegram 💙 RuTube 😎 Instagram

Самара вилоятида вақтинча меҳнат фаолиятини амалга ошираётган фуқароларимиз билан учрашув бўлиб ўтди

2025 йил 5 июль куни Миграция агентлигининг Россия Федерациясидаги ваколатхонаси томонидан Самара вилоятининг Приволжск туманида меҳнат фаолиятини амалга ошираётган фуқароларимиз билан учрашув ташкил этилди.

Учрашув доирасида фуқароларнинг яшаш ва меҳнат шароитлари ўрганилиб, уларга меҳнат муносабатларининг ташкил этилиши, ҳуқуқ ва манфаатларни ҳимоя қилиш масалалари юзасидан зарур тушунтиришлар берилди. Шунингдек, иш берувчи — якка тартибдаги тадбиркор Шин А.С. билан суҳбат ўтказилиб, мавжуд шарт-шароитлар муҳокама қилинди ва тегишли тавсиялар тақдим этилди.

😎 Telegram 💙 RuTube 😎 Instagram

Ўзбекистон фуқароси Россияда миграция рўйхатига қаерда ва қай тартибда туриши керак — сафар мақсадига боғлиқ. Бу ҳақдаги энг асосий маълумотларни инфографика орқали кўриб олишингиз мумкин.

😎 Telegram 💙 RuTube 😎 Instagram