САВОЛ: Ҳужжатларни патентга топширдим. Айтишдики, патент тайёрлигини сайтдан текшириб, кейин келиб олиш керак. Лекин мен ҳозироқ иш бошламоқчиман. Патент ҳали тайёр бўлмаса ҳам, ишга жойлашишим мумкинми?

ЖАВОБ: Йўқ. Сиз фақатгина патентни қўлга олгандан кейин расман ишга жойлаша оласиз.

ℹ️ Патент тайёрлигини текшириш учун қуйидаги ҳавола орқали ўтинг↗️

📅 Ҳужжат топширилганидан сўнг 10–15 кун ўтиши билан патент тайёрлигини текшириш тавсия этилади.

#МИГРАНТ_САВОЛ_ЖАВОБ
😎 Telegram 💙 RuTube 😎 Instagram

ДАКТИЛИОСКОПИЯ ВА ФОТОСУРАТГА ТУШИШНИНГ БЕЛГИЛАНГАН МУДДАТЛАРИ

Агар сиз Россияга 90 кундан ортиқ муддатга келган бўлсангиз (ишлаш ёки бошқа мақсадларда), сиз мажбурий равишда бармоқ изларини топшириш (дактилиоскопия) ва фотосуратга тушишингиз керак.

Бунинг учун қандай муддат берилади?
🔴Агар ишлаш учун келган бўлсангиз — Россияга кирган кундан бошлаб 30 кун ичида;
🔴Агар бошқа мақсадда (масалан, меҳмончиликка, ўқишга ва ҳ.к.) ва 90 кундан ортиқ муддатга келган бўлсангиз — 90 кун ичида.

Қаерда ўтиш мумкин?
🔵Россия ИИВ (МВД) бўлимларида;
🔵ИИВнинг «Паспорт-виза хизмати»да ва унинг филиалларида;
🔵Агар сиз Москва шаҳрида бўлсангиз — махсус ваколатли ташкилотда.

👆 Бармоқ изларини топшириш ва фотосуратга тушиш бир марта қилинади. Бунинг учун давлат божи (тўлов) талаб этилмайди.

🔈 2025 йил бошидан буён мажбурий тартибда дактилоскопиядан ўтган шахслар сони ўтган йилга нисбатан 15,5 фоизга кўпайиб, 940 минг нафардан ошган.

😎 Telegram 💙 RuTube 😎 Instagram

⚡️ РАСМИЙ МУНОСАБАТ

Ленинград вилоятидаги қурилиш объектида юз берган бахтсиз ҳодиса юзасидан расмий тергов ишлари олиб борилмоқда

2025 йил 1 июнь куни Россия Федерацияси оммавий ахборот воситаларида Ленинград вилояти, Всеволожск тумани, Новосаратовка қишлоғидаги «Невская долина» қурилиш майдонида юз берган ҳалокатли ҳодиса тўғрисида хабарлар эълон қилинди. Хабарларга кўра, қурилиш ишлари давомида ишчи шахс бошига юқоридан металл челак тушиши оқибатида оғир тан жароҳатлари олиб, шифохонада вафот этган.

🔵Ўзбекистон Республикасининг Санкт-Петербург шаҳридаги Бош консулхонаси ҳамда Миграция агентлигининг Россия Федерациясидаги ваколатхонаси томонидан мазкур ҳолат юзасидан тегишли расмий идоралар билан ҳамкорликда тезкор аниқлаштириш ишлари амалга оширилди.

Тергов органлари томонидан ушбу воқеа бўйича Жиноят кодексининг 216-моддаси 2-қисми — «бошқа ишлар бажарилишида хавфсизлик қоидаларига риоя этилмаслиги оқибатида одам ўлимига сабаб бўлиш» моддаси бўйича жиноят иши қўзғатилган. Ҳозирда воқеанинг барча жиҳатларини аниқлаш, жавобгар шахсларни аниқлаш ва меҳнат хавфсизлиги талабларига риоя этилган-этилмаганини текшириш ишлари давом этмоқда.

🔴Шу билан бирга, 3 июнь куни марҳумнинг жасади иш берувчи ташкилот ҳисобидан Ўзбекистонга юборилган.

🔵Ўзбекистон Республикасининг Россия Федерациясидаги дипломатик ваколатхоналари ушбу ҳолатни доимий назоратга олган ва фуқароларнинг ҳуқуқ ҳамда қонуний ҳимоя қилиш юзасидан тегишли чораларни кўрмоқда.

😎 Telegram 💙 RuTube 😎 Instagram

⏳ Макомингизни расмийлаштириш учун фақат 98 кун қолди — вақти узоқ эмас!

Агар сиз ИИВ базасида “Назорат остидаги шахслар” рўйхатига тушган бўлсангиз, қуйидаги тартибда босқичма-босқич ҳаракат қилишингиз мумкин:

⏺“Назорат қилинадиган шахслар реестири"дан ҳолатингизни текшириш
⏺Мажбурий тўловлар бўйича қарздорлик ва жарималарни текшириш
⏺ Россиядаги ҳудудий миграция бўлимларининг манзиллари

Агар сизга тушунтириш ёки амалий ёрдам керак бўлса, Миграция агентлигининг Россиядаги ваколатхонасига мурожаат қилишингиз мумкин:

☎️ Телефон: +7 925 045 47 44
📱Telegram:@pomoshrussiamigrant

😎 Telegram 💙 RuTube 😎 Instagramғ

ПАСПОРТНИ АЛМАШТИРДИНГИЗМИ? ПАТЕНТГА ЎЗГАРИШ КИРИТИШ ТАРТИБИ

Агар патент амал қилиши давомида шахсни тасдиқловчи ҳужжат (паспорт) ўзгарган бўлса, хорижий фуқаро ўз вақтида патентга ўзгариш киритиши шарт. Бу учун Москва шаҳридаги Миграция марказига мурожаат қилиш лозим.

Манзил: Москва ш., Вороново муниципал тумани, Варшавское шоссе, 64-км, 1-уй, 47-бино, «П» сектори.

Мурожаат қилишда қуйидаги ҳужжатлар талаб қилинади:
🔵янги паспорт,
🔵амалдаги патент,
🔵патент учун тўланган солиқ тўловлари ҳақидаги квитанциялар,
🔵паспортнинг нотариал таржима нусхаси.

Ўзгаришлар 10 иш кунида киритилади.

Мазкур хизмат тўловли бўлиб, маъмурий хизмат учун тўлов 4 000 рублни ташкил этади. Шунингдек, алоҳида паспорт нотариал таржимаси керак булади.

Ўзгаришларни ўз вақтида киритиш патентингизнинг ҳаққонийлигини сақлаш учун муҳимдир.

😎 Telegram 💙 RuTube 😎 Instagram

Хорижий фуқаро миграцион картасини йўқотганида нима қилиши керак ?

Агар хорижий фуқарода юқорида талаб этилган ҳужжатлардан бири ёки бир нечтаси йўқ бўлмаса, фуқаро Россия Федерациясидан чиқиб кетиши зарур.

😎 Telegram 💙 RuTube 😎 Instagram

⚡️ДИКҚАТ! САНКТ-ПЕТЕРБУРГ ВА ЛЕНИНГРАД ВИЛОЯТИДА ИСТИҚОМАТ ҚИЛУВЧИ ВАТАНДОШЛАРИМИЗ!

2025 йил 8 июнь куни Санкт-Петербург шаҳрида Ўзбекистон Республикаси Миграция агентлиги ва Бош консулхонаси ҳамкорлигида спорт-маданий тадбир — футбол турнири ўтказилади.

Тадбирда 200 га яқин Россия Федерациясида меҳнат фаолиятини олиб бораётган ватандошларимиз иштирок этади. Футбол турнири 8 июнь куни соат 10:00 да Санкт-Петербург, ул. Доблести, 15, манзилидаги «ФОК Доблести, спортивный комплекс, » стадионида бошланади.

🤩 Тадбир якунида иштирокчилар учун миллий таом — ош дастурхони тайёрланади.

⚡️ Барча ватандошларимиз юртдошларимизни қўллаб-қувватлашга таклиф қилинади.

😎 Telegram 💙 RuTube 😎 Instagram

Қурбон Ҳайити муборак!

Ўзбекистон Республикаси Миграция агентлигининг Россия Федерациясидаги ваколатхонаси муҳтарам юртдошларимизни муқаддас Қурбон ҳайити байрами муносабати билан чин қалбдан табриклайди.

Бу улуғ ва муборак кунда ҳар бир оилага тинчлик ва фаровонлик, яқинларингизга соғлиқ-саломатлик, барча эзгу ниятлар ва амалларингизда барака ҳамда муваффақият тилаймиз.

😎 Telegram 💙 RuTube 😎 Instagram

Санкт-Петербург шаҳри ва Ленинград вилоятида истиқомат қилаётган ватандошлар диққатига!

Эслатиб ўтамиз,2025 йил 8 июнь куни Санкт-Петербург шаҳрида Миграция агентлигнинг Россия Федерациясидаги ваколатхонаси, Ўзбекистоннинг Санкт-Петербургдаги Бош консулхонаси ва «Uzbekistan Airways» вакили ҳамкорлигида футбол турнири ташкил этилади.

Тадбирда Россия Федерацияси ҳудудида меҳнат фаолиятини амалга ошираётган юзлаб ватандошларимиз иштирок этади.

📍 Манзил: Санкт-Петербург, ул. Доблести, 15 («ФОК Доблести»)
🕙 Вақт: 2025 йил 8 июнь, соат 10:00

Барча ватандошлар мусобақада иштирок этувчи жамоаларни қўллаб-қувватлашга таклиф этилади. Тадбир якунида миллий таом — ош дастурхони ташкил этилади.

😎 Telegram 💙 RuTube 😎 Instagram