⚡️РАСМИЙ МАЪЛУМОТ

Ижтимоий тармоқларда «Россиянинг Новосибирск шаҳрида мигрантларга қарши рейд ўтказилмоқда» сарлавхаси остида вақтинча меҳнат фаолиятини амалга ошираётган фуқароларни ҳуқуқни муҳофаза қилувчи орган ходимлари калтаклаётгани акс этган видео тарқалди. Видеода қайд этилган ҳолат жамоатчилик орасида турли талқинларга сабаб бўлди.

Ўзбекистон Республикаси Миграция агентлигининг Россия Федерациясидаги ваколатхонаси ҳамда Новосибирск шаҳридаги Бош консуллик томонидан ўрганиш ишлари олиб борилди. Аниқланишича, мазкур ҳолат Новосибирск вилоятининг Верх-Тула қишлоқ хўжалигида фаолият юритувчи «Азия Сибирь» агрокомплекси ҳудудидаги бозорда содир этилган.

Рейд тадбирлари давомида Россия фуқароси, озарбайжон миллатига мансуб шахс ҳуқуқни муҳофаза қилувчи орган ходимларининг қонуний талабларига бўйсунмаслик, куч ишлатиш ва бошқа фуқароларни норозиликка ундашга уриниш оқибатида зиддият юзага келган.

⚡️Агрокомплекс раҳбари Музаффар Раҳимов билан олиб борилган суҳбатга кўра, ушбу ҳолатда Ўзбекистон фуқаролари иштирок этмаган.

Жамоатчиликдан тасдиқланмаган маълумотларга ишонмаслик, фақат расмий манбалар орқали тарқатилаётган ахборотларга таяниш сўралади.

😎 Telegram 💙 RuTube 😎 Instagram

Свердловск ва Ленинград вилоятларида ҳамкорлик ва фуқаролар ҳолатини ўрганиш бўйича ташрифлар

Жорий йилнинг 12 май куни Ўзбекистон Бош консулхонаси биринчи котиби С.Юлдашев ва Миграция агентлигининг Екатеринбург шаҳридаги вакили И.Ходжакулов Свердловск вилоятидаги йирик иш берувчилардан бири — “Ихлас” ташкилотига хизмат ташрифи билан борди. Учрашувда фуқароларимизни ишга жалб этиш, патент расмийлаштириш, яшаш ва меҳнат шароитлари, трансфер масалалари муҳокама қилинди. Ташкилот раҳбари А.М.Гогаев 50 та бўш иш ўрни мавжудлигини ва фуқароларимизни ишга қабул қилишга тайёрлигини билдирди.

Шунингдек, Миграция агентлигининг Россиядаги ваколатхонаси Санкт-Петербургдаги вакиллиги ҳамда Консулхона ходимлари Ленинград вилоятида фаолият юритаётган “Выборжец” МЧЖга ташриф буюриб, у ерда вақтинча меҳнат қилаётган 40 нафарга яқин фуқароларимиз билан учрашди. Учрашувда уларнинг яшаш ва ишлаш шароитлари ўрганилиб, амалий ёрдам кўрсатилди. Фуқароларга миграция қонунчилигидаги янгиликлар юзасидан тушунтиришлар берилди, шунингдек, ҳуқуқбузарликларга йўл қўймаслик ва жамоат тартибини сақлаш масалалари бўйича тарғибот ишлари олиб борилди.

😎 Telegram 💙 RuTube 😎 Instagram

Астрахандаги 38 нафар фуқаронинг ҳужжатлари ва иш ҳақи масаласи ўрганилди

2025 йил 7 май куни Ўзбекистон Республикаси Миграция агентлигининг Россия Федерациясидаги Ваколатхонасига фуқаро С. Турдалиев томонидан Астрахань шаҳрида мавсумий ишларда фаолият юритаётган 38 нафар фуқаронинг иш ҳақи тўланмаётгани ва шахсий ҳужжатлари иш берувчида сақланаётгани ҳақида мурожаат келиб тушди.

Мазкур мурожаат юзасидан олиб борилган тезкор чора-тадбирлар доирасида, 2025 йил 13 май куни Ваколатхона ходимлари фуқароларнинг иш жойига чиқиб, ҳолатни бевосита ўрганди.

Ўрганиш натижасида қуйидагилар аниқланди:

— фуқаролар меҳнат фаолиятини апрель ойи бошидан оғзаки келишув асосида, расмий шартномаларсиз амалга оширгани аниқланди;

— шахсий ҳужжатлар иш берувчи томонидан олиб қўйилмаган бўлиб, фуқароларнинг розилиги билан хавфсизлик мақсадида сейфда сақлангани маълум бўлди; барча ҳужжатлар тўлиқ равишда қайтариб берилди;

— 2 мартдан 10 майгача бўлган даврда бажарилган ишлар учун иш ҳақи соатига 270 рубльдан ҳисоблаб чиқилди ва жами 2 миллион 842 минг рубль тўлаб берилди.

Шунингдек, иш берувчи ва мурожаатчи ўртасидаги молиявий ҳисоб-китоб масалалари юзасидан ҳуқуқий тушунтиришлар берилди. Фуқаролар 2025 йил 14 май куни Ўзбекистонга қайтиши режалаштирилган бўлиб, қайтиш тартиби юзасидан тегишли тавсия ва йўл-йўриқлар тақдим этилди.

Мазкур ҳолатни ҳал этишда Миграция агентлиги Ваколатхонаси томонидан тезкор ва манзилли амалий ёрдам кўрсатилди.

😎 Telegram 💙 RuTube 😎 Instagram

Ўзбекистон фуқароларини ишга жалб этиш масалалари юзасидан Ханты-Мансийск АО иш берувчилари билан видеоконференция ўтказилди

2025 йил 15 май куни Екатеринбург шаҳридаги Бош консулхона биринчи котиби С.Юлдашев ҳамда Миграция агентлигининг Россия Федерациясидаги ваколатхонаси вакили И.Ходжакулов Ханты-Мансийск автоном округининг Аҳоли меҳнати ва бандлиги бўлими, Савдо-саноат палатаси ва 28 нафар йирик иш берувчи вакиллари иштирокида видеоконференцияда қатнашдилар.

Видеоконференция давомида ХМАО Аҳоли меҳнати ва бандлиги бошқармаси директор ўринбосари Алексей Мокринский томонидан округ бўйича 20 мингга яқин бўш иш ўринлари мавжудлиги таъкидланди. Шунингдек, у 2024 йил давомида “патент” расмийлаштирган Ўзбекистон фуқаролари улуши 100 фоиздан 60 фоизга тушганини маълум қилди ҳамда иш берувчилар томонидан юртдошларимизни ишга фаол жалб этиш муҳимлиги қайд этилди.

Ўзбекистон вакиллари ташкилий ишга жалб этиш бўйича “буюртнома” ва ижтимоий кафолатлар юзасидан маълумот берди.

Учрашув якунида барча иш берувчиларга ҳамкорлик келишувлари ва тегишли талабномаларни кўриб чиқиш учун тақдим этилди.

😎 Telegram 💙 RuTube 😎 Instagram

Татаристон Республикасидаги қурилиш ташкилоти “Центр-Спец-Строй” МЖЧ вакиллари билан учрашув ўтказилди.

Учрашув давомида Альметьевск шаҳрида қурилиш ҳамда автомобиль йўлларини таъмирлаш соҳасида малакали кадрларни жалб этиш масалалари муҳокама қилинди.

Иш берувчи корхона вакиллари томонидан қурилиш ҳамда автомобиль йўлларини таъмирлаш соҳасида ишлаш учун келган фуқароларга ўртача 800-900 АҚШ доллари миқдорида ойлик маоши тўланиши маълум қилинди. Шунингдек, ходимларга яратилган яшаш ва ишлаш учун шарт-шароитлар ўрганилинди.

Учрашув якунида иш берувчи ташкилот ҳамда Миграция агентлиги ўртасида ҳамкорлик масалалари келишилди.

😎 Telegram 💙 RuTube 😎 Instagram