Россия Федерациясида хориж фуқаролари фарзандларининг ҳуқуқий мақоми: амал қилиш лозим бўлган талаблар

Россия Федерациясига вояга етмаган фарзанди билан келаётган фуқаролар учун қуйидаги талабларга амал қилиш муҳимдир — бу фарзандларингиз ҳуқуқий мақомини таъминлаш ва муаммоларнинг олдини олишга хизмат қилади.

1️⃣Миграция ҳисоби:
Бола доимий (РВП/ВНЖ мавжуд бўлса) ёки вақтинча яшаш жойи бўйича ота-онаси ёки қонуний вакили билан бирга миграция ҳисобига қўйилиши керак.

2️⃣Дактилоскопия ва суратга тушиш:
6 ёшдан ошган бола агар Россияда 90 кундан ортиқ қолса, у махсус рўйхатдан ўтиши — дактилоскопия ва суратга тушиши лозим. Бу жараён ота-она ёки вакил иштирокида амалга оширилади ва махсус ҳужжат («яшил карта») берилади.

3️⃣Яшаш муддатини узайтириш:
Фарзандларингиз Россияда қолиш муддати қуйидаги асослар билан узайтирилиши мумкин:
– ота-онанинг патенти ёки иш рухсатномаси мавжуд бўлса;
– РВП, ВНЖ ёки фуқароликка ариза берилган бўлса;
– ЕОИИ давлатлари фуқаролари учун меҳнат шартномаси;
– ота-онанинг кундузги таълимда ўқиши.

❗️Агар муддат ўз вақтида узайтирилмаса, бола ноқонуний деб ҳисобланиши ва махсус рўйхатга киритилиши мумкин.

📜Муддат узайтирилгандан сўнг болани қайта миграция ҳисобига қўйиш зарур.

ℹ️ Эслатиб ўтамиз, 2025 йил 1 апрелдан бошлаб чет эллик болаларни мактаб ва боғчаларга қабул қилишда қўшимча талаблар жорий қилинган. Бу ҳақдаги маълумотлар аввал эълон қилинган.

😎 Telegram 💙 RuTube 😎 Instagram

Ҳурматли юртдошлар, ноқонуний фаолият юритувчи иш берувчиларга алданиб қолманг!

Меҳнат фаолиятини амалга ошириш мақсадида Россия Федерациясига йўл олган ватандошларимиздан бири, уч ой аввал айоли билан биргаликда қишлоқ хўжалиги соҳасида ишлаш учун келган ва оғир меҳнат шароитларида қийналган ҳолда Миграцияси агентлигининг Россия Федерациясидаги ваколатхонасига мурожаат қилди. Унга ва турмуш ўртоғига зарур маслаҳат ҳамда ташкилий ёрдам кўрсатилиб, Москва — Самарқанд йўналишидаги мунтазам авиарейс орқали Ватанга қайтиши таъминланди.

“Иш жуда оғир эди, шароитлар ҳам қийин. Бир пайт келиб, бу ерда қолишнинг иложи йўқлигини англадим. Расмий каналингиз орқали бизга ўхшаган фуқароларга ёрдам берилиши хақида ӯқигандим. Мана бугун сизлардан ёрдам олиш учун келдим, тушундингиз, ёрдам бердингиз. Ҳаммаси учун раҳмат. Энди уйга — ота-онам бағрига қайтаяпман. Жуда миннатдорман”, — дейди фуқаро.

Миграция агентлиги – юртдошларимизни ҳар қандай шароитда қўллаб-қувватлашга тайёр.

😎 Telegram 💙 RuTube 😎 Instagram

⚡️ РАСМИЙ МАЪЛУМОТ

Ижтимоий тармоқларда хорижда вақтинча меҳнат фаолиятини олиб бораётган фуқаролар ўртасида жанжал юз бергани акс этган видео тарқалди. Видеода қайд этилган ҳолат жамоатчилик орасида турли талқинларга сабаб бўлди.

Мазкур воқеа юзасидан Ўзбекистон Республикаси Миграция агентлигининг Россия Федерациясидаги ваколатхонаси томонидан ўтказилган ўрганишлар натижасида аниқланишича, воқеа Москва шаҳрида фаолият юритувчи ООО «Антек» қурилиш компаниясида содир бўлган. Жанжал айрим ишчилар томонидан техника хавфсизлиги қоидаларига риоя этилмагани сабабли бригадир томонидан жарималар қўлланилганидан сўнг келиб чиққан.

Айни дамда, ишчилар билан тушунтириш ишлари олиб борилди, муаммо тўлиқ бартараф этилди ва барча ўз иш жойига қайтди.

Шунингдек, маълум қиламизки, можароли вазиятда иштирок этган шахслар орасида Ўзбекистон Республикаси фуқаролари бўлмаган.

Жамоатчиликдан тасдиқланмаган ва ноаниқ маълумотларга ишонмасликни, фақат расмий манбаларга таянишни сўраймиз.

😎 Telegram 💙 RuTube 😎 Instagram