Меҳнат сафари давом этмоқда: “ANTI YAPI” 42 нафар янги ишчиларни қабул қилди!

Миграция агентлигининг Россия Федерациясидаги ваколатхонаси томонидан ташкилий тарзда Наманган вилоятидан 42 нафар фуқаро “Anti Yapi” қурилиш компаниясига вақтинчалик меҳнат фаолиятини амалга ошириш мақсадида етиб келди.

Янги жамоа аъзоларига Россияда вақтинчалик меҳнат фаолиятини амалга ошириш тартиблари, ҳуқуқ ва мажбуриятлари ҳақида тушунтиришлар берилди. Улар самарали меҳнат, муносиб шарт-шароитлар ва ўзаро ҳурматга асосланган муҳитда иш бошлашга тайёр.

😎 Telegram 💙 RuTube 😎 Instagram

1️⃣5️⃣кун қолди! Россия ҳудудида ўз ҳуқуқий мақомини расмийлаштириш учун сўнгги муддат яқинлашмоқда!

Еслатиб ӯтамиз! 2025 йил 5 февралдан бошлаб, Россия ҳудудида ноқонуний равишда бўлиб турган хорижий фуқароларга нисбатан депортация режими қўлланилади. Бундай фуқаролар назоратдаги шахслар реестрига киритилади.

🪧 Россия Федерацияси Президентининг 2024 йил 30 декабрдаги 1126-сонли Фармонига мувофиқ, мазкур реестрга киритилган фуқаролар 2025 йил 30 апрелга қадар ўз ҳуқуқий мақомини ҳал қилиш учун мурожаат қилишлари мумкин:
• Россия ИИВнинг ҳудудий органларига;
• ФГУП «ПВС» ИИВ филиалларига (ўз бўлиш жойи бўйича);
• Москва шаҳрида бўлиб турганлар учун — ММЦ “Сахарово”га.

✍️ Хорижий фуқаролар Россияда бўлиб туриш ҳуқуқини берадиган ҳужжатларни қуйидаги мажбурий тартиблардан кейин олишлари мумкин:
– биометрик идентификациядан ўтиш;
– тиббий кўрикдан ўтиш (қаттиқ касалликлар, наркотик воситалар ёки психотроп моддалар истеъмоли йўқлигини тасдиқловчи маълумот талаб қилинади);
– давлат пошлинаси, солиқ, жарима ва бошқа мажбурий тўловлар бўйича қарздорлик мавжуд эмаслигини текшириш.

⚡️ 2025 йил 1 майдан сўнг ҳуқуқий мақомни расмийлаштириш имкони бўлмайди!

❌ Ушбу муддатдан кейин ўз мақомини расмийлаштирмаган хорижий фуқароларга нисбатан депортация ва кейинчалик Россияга киришни тақиқлаш каби қонуний чоралар қўлланилади.

😎 Telegram 💙 RuTube 😎 Instagram

Ҳужжатларингиз тўлиқ ва тўғри, лекин “назоратдаги шахслар” рўйхатига тушиб қолганмисиз? Қандай чора кўриш керак?

🔈Агар сизнинг барча ҳужжатларингиз — патент, рўйхатдан ўтиш, меҳнат шартномаси ва бошқалар — амалда бўлса-да, “назоратдаги шахслар” рўйхатига киритилган бўлсангиз, қуйидаги тартибда ҳаракат қилиш тавсия этилади:

1. Миграция масалалари бўйича ИИБ бўлимига (МВД) мурожаат қилинг ва рўйхатга киритилиш сабабини аниқланг.
2. Рўйхатдан чиқариш тўғрисида расмий ариза тайёрланг. Аризага қуйидагиларни илова қилинг:
• амалдаги барча ҳужжатлар нусхалари;
• агар тақдим этилган бўлса — олдинги билдиришнома (уведомление);
• қонунбузарлик йўқлиги ёки бузилиш бартараф этилгани ҳақида тушунтириш хати.
3. Аризани Ички ишлар органларининг миграция бўлимига шахсан, МФЦ орқали ёки почта билан тақдим этинг.
4. Агар мурожаат рад этилса, прокуратурага ёки судга шикоят киритиш мумкин.

Қўшимча саволлар туғилса ёки масала юзасидан тушунтириш керак бўлса, биз билан боғланишингиз мумкин.

😎 @pomoshrussiamigrant
☎️ Телефон:+79250454744

😎 Telegram 💙 RuTube 😎 Instagram

📌📌📌📌📌

Россиядаги юртимиз фуқаролари учун муҳим эслатма!

⏱️ 2025 йил 30 апрель — Россия Федерацияси Президентининг 2024 йил 30 декабрдаги 1126-сон Фармонида белгиланган имтиёзли муддат якунланади! Бу Фармон орқали Россия ҳудудида қонуний мақомини йўқотган хорижий фуқароларга ҳуқуқий мақомини тиклаш учун имконият берилган.

Россиялик таниқли ҳуқуқшунос Вадим Коженов ушбу жараён ҳақида Youtube-каналида тўлиқ тушунтириш берди. У ўз видео мурожаатида айниқса, Ўзбекистон фуқароларига қимматли маслаҳатлар бериб ўтди.

Кимга ва қаерга мурожаат қилиш керак?
Ҳаммаси видеода — танишларингизга юбориб қўйинг!

Батафсил кўриш

😎 Telegram 💙 RuTube 😎 Instagram

Яна бир Ўзбекистон фуқароси Россияда ўзининг ҳуқуқий мақомини муваффақиятли тиклади. Бу мумкин — агар ўз вақтида мурожаат қилинса ва ёрдам олинса.

❗️Қўрқманг, легаллашиш йўлида қадам ташланг. Муҳими — 30 апрелгача улгуринг. Биз ҳар бир босқичда сизга кўмак беришга тайёрмиз.

😎 @pomoshrussiamigrant
☎️ Телефон:+79250454744

😎 Telegram 💙 RuTube 😎 Instagram

МОСКВАДА БАХТСИЗ ҲОДИСАГА УЧРАГАН ЮРТДОШИМИЗ ВАТАНГА ҚАЙТАРИЛДИ

Россиянинг Москва шаҳрида юз берган бахтсиз ҳодиса оқибатида оғир аҳволда шифохонага ётқизилган юртдошимизни Ватанга қайтариш бўйича Миграция агентлигининг Москва шаҳридаги ваколатхонаси томонидан зарур чоралар кўрилди.

Фуқаро шифокорлар хулосаси асосида ётқизилган ҳолда Ўзбекистонга олиб кетилди.

Беморга саломатлик тилаган ҳолда, хорижда меҳнат қилаётган барча юртдошларимизга шундай мурожаат қиламиз:
Сиз бегона юртдасиз — ҳар бир қадам, ҳар бир ҳаракат масъулиятли бўлиши шарт.
Муаммога дуч келсангиз, ёлғиз эмассиз. Миграция агентлиги ҳар доим сизнинг ёнингизда:
▪️ моддий ёрдам,
▪️ ҳуқуқий ҳимоя,
▪️ психологик ва ижтимоий кўмак.

Мурожаат учун:
😎 @pomoshrussiamigrant
☎️ Телефон: +7 925 045 47 44

😎 Telegram 💙 RuTube 😎 Instagram

Агар патент олишда рад жавобини олган бўлсангиз, рад этишнинг асосий сабаблари билан танишиб чиқишингизни тавсия қиламиз.

😎 Telegram 💙 RuTube 😎 Instagram

Қонуний миграция — ишончли агентликлар билан!

Бугунги дунёда меҳнат миграцияси — фақат иш топиш воситаси эмас, балки мамлакатлар ўртасидаги ҳамкорлик, кадрлар салоҳияти ва инсон ҳуқуқларини таъминлашда муҳим платформага айланмоқда.

Ўзбекистон Республикаси фуқароларини хорижда ишга жойлаштиришга кўмаклашиш қонун билан тартибга солинган хизмат тури бўлиб, Вазирлар Маҳкамаси ҳузуридаги Миграция агентлиги ҳамда лицензия асосида фаолият юритувчи Хусусий бандлик агентликлари (ХБА) бу хизмат билан шуғулланишга ҳақли. Бугун Миграция агентлигида ХБАларга лицензия топшириш рамзий маросими бўлиб ўтди.

⚡️Тадбирда, жорий йил 22-апрелдаги 252-сонли Ҳукумат қарорининг мазмун-моҳияти тушунтирилиб, Миграция агентлиги чет давлатлар томонидан таклиф этилаётган бўш иш ўринларини тўлдириш бўйича ХБАлар билан яқин ҳамкорликда ишни ташкил қилишга тайёр эканлиги таъкидланди.

Самимий давра суҳбатида, ХБАлар вакилларининг саволларига жавоб берилди, таклифлари тингланди, ечимини кутаётган масалалар юзасидан аниқ вазифалар белгилаб олинди.

😎 Telegram 💙 RuTube 😎 Instagram

🖍🖍🖍 Москвадаги Сахарова миграция маркази 1 ва 9 май кунлари ишламайди.

Россияда қисқа иш ҳафтаси бошланди: 1 май — Меҳнат байрами ва 9 май — Ғалаба байрами муносабати билан мамлакат бўйлаб тўрт кунлик байрам ва дам олиш кунлари белгиланган.

Қолган кунлари, жумладан шанба ва якшанба кунлари ҳам, марказ одатий тартибда ишлайди.

Ҳужжат расмийлаштиришни режалаштираётганларга буни инобатга олишни тавсия қиламиз.

😎 Telegram 💙 RuTube 😎 Instagram

📢 ДИҚҚАТ! ХУШХАБАР!
Россияда Федерациясида легализация муддати расман 10 сентябргача узайтирилди!

🇷🇺 2025 йил 28 апрель куни Россия Федерацияси Президенти Владимир Путин томонидан имзоланган Фармонга (№ 272-сон) мувофиқ, Россияда вақтинча меҳнат фаолиятини олиб бораётган хорижий фуқаролар учун ҳуқуқий мақомини легаллаштириш жараёни 2025 йил 10 сентябрга қадар узайтирилди.

💡БУ НИМА ДЕГАНИ?
Сиз ҳозиргача ҳужжатларингизни тўлиқ расмийлаштирмаган бўлсангиз, қонуний мақомингизни тартибга солиш ва меҳнат фаолиятини расмийлаштириш учун яна 4 ой вақт берилди!
Шу вақтдан унумли фойдаланиб, барча ҳужжатларни тўғри ва ўз вақтида расмийлаштириш имконияти мавжуд.

📲 Ушбу муҳим хабарни дўстларингиз ва яқинларингизга ҳам етказинг!

😎 Telegram 💙 RuTube 😎 Instagram

Санкт-Петербургда ҳужжат расмийлаштириш жараёнидаги навбатлар юзасидан расмий мурожаат йўлланди

Санкт-Петербург шаҳридаги миграция маркази олдида хорижда вақтинча меҳнат фаолиятини олиб бораётган фуқаролар, жумладан, Ўзбекистон фуқаролари 2-3 кунлаб ҳужжат расмийлаштириш учун навбатда туришга мажбур бўлаётгани муносабати билан, Ўзбекистон Республикасининг Санкт-Петербургдаги Бош консулхонаси томонидан Россия Ташқи ишлар вазирлигининг мазкур шаҳардаги ваколатхонасига расмий мурожаат йўлланди.

Мазкур мурожаатда хорижий фуқароларни қабул қилиш жараёнини тезлаштириш ва улар учун қулай шароит яратиш мақсадида қўшимча қабул ойналари очиш таклифи илгари сурилган.

Бундан ташқари, ҳар ҳафтанинг пайшанба куни соат 15:00 дан 17:00 гача Бош консулхона ҳамда Ўзбекистон Республикаси Миграция агентлигининг ваколатхонаси ходимлари миграция марказида фуқаролар мурожаатларини қабул қилиб, ҳуқуқий ва амалий ёрдам кўрсатмоқда.

Бош консулхона ва Миграция агентлиги фуқаролар ҳуқуқларини ҳимоя қилиш ва шарт-шароитларни яхшилаш юзасидан амалий чоралар кўришни давом етади.

😎 Telegram 💙 RuTube 😎 Instagram

😎 Telegram 💙 RuTube 😎 Instagram