🇷🇺Татаристоннинг йирик иқтисодий зонаси "Алабуга" ва Миграция агентлиги ўртасида ҳамкорлик меморандуми имзоланди

Миграция агентлиги раҳбарияти ушбу корхонада вақтинча меҳнат фаолиятини олиб бораётган ҳамюртларимиз билан учрашиб, уларнинг яшаш, овқатланиш ва меҳнат шароитларини ўрганди. Ҳозирда жамиятда 1150 нафар ўзбекистонлик фаолият олиб бормоқда.

💬 Ўтказилган учрашувлар натижасида, иқтисодий жиҳатдан муҳим аҳамиятга эга бўлган "Алабуга" корхонаси ва Миграция агентлиги ўртасидаги келишувга кўра ўзбекистонлик мутахассислар учун қўшимча 10 минг бўш иш ўрнига талаб олинди.

Агентлик томонидан ушбу янги иш ўринлари борасидаги танлов ҳақида эълон жойлаштирилади.

😎 Telegram 💙 RuTube 😎 Instagram

🇷🇺 “КАМАЗ” билан ҳамкорлик янада кенгаяди

Миграция агентлиги директори Беҳзод Мусаев “КАМАЗ” раҳбарияти билан ўтказган учрашувда мутахассисларни ташкилий тартибда ишга жойлаштириш бўйича ҳамкорлик шартномасини имзолади.

Ушбу келишув “Камаз”да ишлаш истагини билдирган ҳамюртларимизни Ўзбекистонда касб ва тилга ўқитиш, танловларни янада қулай шароитларда ўтказиш ва ишга жойлаштириш масалаларини ўз ичига олади.

Ҳозирда корхонада Агентлик томонидан юборилган 500 нафардан ортиқ юртдошимиз вақтинча меҳнат фаолиятини олиб бормоқда. Бу ерда асосан юк автомобиллари, автобус, турли ҳажмдаги двигателлар, махсус техникалар ишлаб чиқарилади.

😎 Telegram 💙 RuTube 😎 Instagram

Татаристон Республикаси Бош вазири Алексей Песошин ва Ўзбекистон Республикаси Вазирлар Маҳкамаси ҳузуридаги Миграция агентлиги директори Беҳзод Мусаев ўртасида учрашув бўлиб ўтди.

Унда меҳнат муносабатлари соҳасидаги ҳамкорликнинг ҳозирги ҳолати ва истиқболлари кўриб чиқилди. Хусусан, қўшма дастурлар асосида фуқароларнинг касбий тайёргарлиги ва мослашувини таъминлаш, патент расмийлаштириш жараёнларидаги тартиб-таомилларни соддалаштириш масалалари муҳокама қилинди.

Шунингдек, Бош вазир ўринбосари - Татаристон Республикаси савдо-саноат вазири Олег Коробченко билан ҳам кўришилди. Муҳокамаларда миграция соҳасига оид мавжуд лойиҳалар ҳамда янги имзоланадиган шартномаларни ҳаётга тадбиқ этиш механизмлари кўриб чиқилди. Ҳамкорликни кучайтиришга келишиб олинди.

😎 Telegram 💙 RuTube 😎 Instagram

🇷🇺 Миграция агентлиги раҳбарияти "Алабуга" махсус иқтисодий зонасида дуал таълим асосида ҳам ўқиб, ҳам ишлаётган, “Алабуга Старт” лойиҳаси иштирокчилари бўлган, мамлакатимиздан борган бир гуруҳ қизлар билан ҳам учрашди. Уларнинг яшаш ва ишлаш шароитлари кўздан кечирилди.

“Алабуга Старт” - халқаро дастур бўлиб, хорижлик ёшларга Россияда ишлаб чиқариш ва таълим олиш имкониятини тақдим этади. Дастур асосан 18-22 ёшли аёлларга мўлжалланган бўлиб, уларни “Алабуга” махсус иқтисодий зонасида ишга жойлаштиради. Қатнашчиларга юқори ойлик маош, бепул касбга ўқитиш ва турар жой таклиф қилинади. Дастурда иштирок этувчилар кейтеринг, сервис, меҳмонхона хизмати ва ишлаб чиқариш соҳасида малака ошириш имконига эга бўлади.

❔ Номзод лойиҳада қатнашиш учун Миграция агентлиги ва унинг ҳудудий филиалларига учрашиши ёки ўзи мустақил равишда иштирок этиши мумкин.

😎 Telegram 💙 RuTube 😎 Instagram

Юртдошларимиз билан бирга – меҳнат ва ҳуқуқий ҳимоя масалалари муҳокамада!

Россия Федерациясида вақтинча меҳнат фаолиятини амалга ошираётган ватандошларимиз ҳолидан хабар олиш ва мониторинг ишларини олиб бориш мақсадида Миграция агентлигининг Россия Федерациясидаги ваколатхонасининг Санкт-Петербург шахридаги вакиллиги ва Консулхона ходимлари Калининград вилоятида фаолият олиб бораётган “ЗА РОДИНУ” корхонасига ташриф буюрдилар.

👷🏻Ташриф давомида 120 нафарга яқин Ўзбекистон Республикаси фуқаролари билан учрашув ўтказилиб, уларнинг яшаш ва ишлаш шароитлари ўрганилди. Шунингдек, уларнинг муаммо ва саволларига ечим топишда кўмаклашилди.

📜 Фуқароларимизга миграция соҳасидаги янги қарор ва қонунчилик нормалари ҳақида тушунтиришлар берилди. Шунингдек, қонунчиликни бузмаслик, оммавий намойишларда иштирок этмаслик юзасидан тарғибот-ташвиқот ишлари олиб борилди.

😎 Telegram 💙 RuTube 😎 Instagram