❗️Ҳуқуқий мақомимни қандай легаллаштираман?

🇷🇺Россияда ишлаб юрган бўлсангиз ва сизни ҳам шу савол қийнаётган бўлса видеони кўришни тавсия қиламиз!
Ҳуқуқий мақомингизни тартибга солиш, патент олиш тартиби, босқичлари тушунтириб берилган.

⏺“Назорат қилинадиган шахслар реестири"дан ҳолатингизни текшириш
⏺Мажбурий тўловлар бўйича қарздорлик ва жарималарни текшириш

Унитманг, "амнистия" 2025 йил 30 апрелга қадар берилган! Видео фойдали бўлиши учун барча танишларингиз билан улашинг!

😎 Telegram 💙 RuTube 😎 Instagram

🛑 Санкт-Петербургда тест марказида юзага келган вазият бўйича расмий маълумот:

21 февраль куни Телеграм каналлар (@vodiybozor ва @uz_migrant) орқали, Санкт-Петербург шаҳридаги А.И. Герцен номидаги РГПУ тест марказида Ўзбекистон фуқароларининг катта йиғилиши ҳақида хабар тарқалди.
Хабарга кўра, тестдан ўтиш учун кунига фақат 40-50 киши қабул қилинаётгани таъкидланган.
✅Ушбу вазиятни ўрганиш мақсадида Санкт-Петербургдаги Миграция агентлиги ваколатхонаси вакиллари марказга ташриф буюриб, жойида текширув ўтказдилар.

⁉️Текширув натижаларига кўра, марказ олдидаги йиғилиш эрталабдан кўплаб хорижий фуқароларнинг бир вақтда келишидан юзага келган. Улар асосан Ўзбекистон, Тожикистон, Ҳиндистон ва Хитой фуқаролари эди. Экзаменлар олдиндан рўйхатдан ўтган ҳолда ва давлат божи (3800 рубль ёки тахминан 40 доллар) тўланганидан кейин амалга оширилади.

🟢 Маълумот учун:
• Тест ўтадиган хона сиғими – 16 киши.
• Имтиҳон ўтказиш вақти – 1 соатгача.
• Тест 20 саволдан иборат бўлиб, 18 тўғри жавоб талаб қилинади.

⚠️

Шунингдек, Хитой ва Ҳиндистон фуқаролари йирик компаниялар томонидан расмий равишда жалб қилингани учун, уларни иш берувчилар ҳамроҳлик қилиб, олдиндан тестга ёзиб қўйишган. Бу эса баъзи юртдошларимизда бошқалар навбатсиз қабул қилинаётгани

👮‍♂️

ГКРУ ходимлари марказ раҳбарияти билан суҳбат ўтказиб, аҳоли гавжумлигини камайтириш бўйича чоралар кўришни сўрадилар.

Шунингдек, фуқаролар билан ўтказилган мулоқот чоғида улар ўз ҳуқуқлари бузилаётгани ёки марказ ходимлари томонидан қўпол муносабатда бўлингани ҳақида ҳеч қандай шикоят билдиришмаган.

😎 Telegram 💙 RuTube 😎 Instagram

🖍🖍🖍 ПАСПОРТ – ШАХСИЙ ҲУЖЖАТ, УНИ ҲЕЧ КИМ, ШУ ЖУМЛАДАН, ИШ БЕРУВЧИ ҲАМ ОЛИБ ҚЎЙИШГА ҲАҚЛИ ЭМАС.

Ҳурматли фуқаролар! Агар иш берувчи паспортингизни қайтаришдан бош тортса, бу қонунга зид ҳаракат ҳисобланади. Бундай вазиятда қуйидаги чораларни кўриш зарур:

1️⃣Паспортингизни талаб қилинг ва консулликка хабар беринг.
Иш берувчи ҳужжатингизни сақлашга ҳақли эмас, паспортингизни дарҳол қайтаришни талаб қилинг. Агар рад этса, Ўзбекистон Миграция Агентлигининг Россия шаҳридаги вакиллигига мурожаат қилинг. Улар сизга ҳуқуқий ёрдам ва ҳимоя кўрсатади, зарур бўлса, полиция билан ҳамкорликда иш берувчига чора кўради.

2️⃣Полицияга ариза ёзинг.
Паспортни ноқонуний олиб қўйиш Россия қонунчилигига кўра маъмурий ҳуқуқбузарлик ҳисобланади (РФ КоАП 19.17-моддаси).Яқин атрофдаги полиция бўлимига бориб, иш берувчига нисбатан ариза топширинг. Ариза икки нусхада ёзилиши ва бири сизда қолиши лозим.

3️⃣Юридик ёрдам олинг.
Адвокат ёки ҳуқуқ ҳимоячилари билан боғланинг. Улар сизга полицияга мурожаат қилиш, иш берувчига расмий талаб йўллаш ва зарур бўлса, судга беришда ёрдам беради.

4️⃣Ҳамма далилларни тўпланг.
Иш берувчи билан бўлган мулоқотларни ёзиб олинг, хат ёки хабар алмашиш ҳолатларини сақланг, иш жойидаги гувоҳлар билан боғланиб, уларнинг исм-фамилияларини ёзиб қўйинг. Бу далиллар полиция ва судда ишни ҳал қилишга ёрдам беради.

Масалан, мазкур ҳолат юзасидан
Ўзбекистон Республикасининг Бош консулхонаси ва Миграцияси агентлигининг Москва шаҳридаги ваколатхонаси томонидан 2025 йил 31 январь – 1 февраль кунлари Красноярск ўлкасида вақтинчалик меҳнат фаолиятини амалга ошираётган ватандошларимиз билан учрашув ўтказилди.

🔴

Текширув давомида айрим иш берувчилар, жумладан “Бастион” МЧЖ, ишчиларнинг паспортларини “меҳнат интизомини таъминлаш” ва “меҳнат шартномаси мажбуриятларини кафолатлаш” баҳонаси билан ушлаб қолгани маълум бўлди. Бу ҳаракатлар фуқароларнинг эркин ҳаракатланиши ва ҳуқуқий ҳимоясига жиддий хавф туғдирган.

🔴

Музокаралар натижасида қуйидаги фуқароларнинг паспортлари қайтариб берилди:

🟢

Ш. И. О. (Жиззах вилояти)

🟢

Ф. З. Х. (Сурхондарё вилояти)

🟢

И. Б. Р. (Бухоро вилояти)

🟢

А. А. Т. (Фарғона вилояти)

🟢

Х. У. К. (Хоразм вилояти)

⚠️ЭСЛАБ ҚОЛИНГ!
Хорижда шунга ўхшаш муаммоларга дуч келган дустларингизга юборинг ва биз билан боғланинг – ёрдам берамиз!

😎 @pomoshrussiamigrant
💬 WhatsApp: +79250454744
☎️ Телефон:+79250454744

Ҳали ҳам ҳужжатларингизни қандай легаллаштириш ҳақида ўйлаяпсизми?

Вақтингизни бекорга сарфламанг!Миграция агентлигининг Москва шаҳридаги ваколатхонаси сизга ёрдам беришга тайёр. Шу мақсадда, биз легализация жараёнидан ўтган ҳақиқий инсон иштирокида махсус видео тайёрладик. Унда босқичма-босқич ҳужжатларни қандай расмийлаштириш мумкинлиги тушунтириб берилган.

❓Энг биринчи қадам нима?
❓Қайси ҳужжатлар керак бўлади?
❓Қайси жойларда қийинчиликлар бўлиши мумкин ва уларни қандай четлаб ўтиш мумкин?

Ҳаммаси содда, тушунарли ва ортиқча расмийчиликларсиз! Видеони кўринг ва дўстларингизга ҳам улашинг.

😎 Telegram 💙 RuTube 😎 Instagram