صباح الخير 🤍✨
انا ما شيخة ولا وصلت هاي ليفل في التدين انا مجرد شابة بتجاهد نفسها عشان تستقيم😔❤️
فيما يخص الاحتفال بعيد الميلاد فالموضوع دة فيه جدل على نطاق واسع في ناس بقولو انه حرام وانه في الإسلام عندنا عيدين وبس والاحتفال بعيد الميلاد تشبه بالكفار! في فئة تانيةة من الناس بقولو انه ماحرام وانه الرسول صلى الله عليه وسلم كان بصوم يوم ميلاده واعتبرو الحاجةة دي طريقةة من طرق الاحتفال!
في وسط الجدال الحاصل بخصوص الموضوع نحن مطالبين نتقي الشبهات!
لكن بما انه اليوم دة مميز ممكن نحتفل بطريقةة تانيةة بعيدة عن الشبهةة ومانعتبر يوم ميلادنا عيد وإنما نعتبره بداية جديدة❤️
نحاسب نفسنا ،نراجع حسابتنا، اخطاءنا،ميزاتنا،  نخطط لسنينا الجايةة، نشوف السنةة الفاتت طلعنا منها بشنو؟ الإنجازات إلي كان مفترض نحققها في السن دة هي شنو وهل حققناها؟؟؟؟
اعتبر يوم ميلادك نقطةة تغير، ونقطةة انطلاق وبدايةة جديدة
اطوي السنةة الفاتت بكل تفاصيلها وركز على الجاي♥️
ارسم خطط ورتب اولوياتك خلي عندك مبادئي عايش عليها🤍
اسعى عشان سنينك الجايةة تكون مليانةة انجازات ونجاحات واتذكر انه كل ثانيةة تعدي من عمرك صعب ترجع💔
انت في سباق مع الزمن والحياة مابتتكرر بتعيش مرة وحدة بس خلي المرة دي تكون مميزة ♥️
وعايزة اقول ليك حاجةة وحدة بس اسعى وجاهد وقاتل لحدي ماتكون راضي عن نفسك ♥️ والرضى دة ما ح يتحقق الا لما تحقق ذاتك وتبلغ أسطورتك الشخصيةة🤍


#فاطمةة(#شغف)

#كله_بهون❤️

انا عارفة انك بتحاول♡، عارفة انه السكة طالت عليك، عارفة انه رغبتك في الوصول صادقة وبتسعى بإخلاص♥
عارفة انك زهجت من مجهودك البدون نتائج وبديت تفقد الأمل💔

مش بقولو: من سار على الدرب وصل؟؟
طالما اتخذت الخطوة الأولى وانطلقت ح تصل❤️‍🔥..ح تصل مهما طال الطريق، ح تصل مهما كترت عليك التحديات، ح تصل مهما تواجهك عثرات، ح تصل لأنك تعبت!
كلما كانت الوجهة عظيمة كان طريقها أكثر مشقة دي سنة الحياة♡

طبيعي تقابلنا مشاكل وكبوات ونحن بنسعى لاحلامنا💙
في رواية الخيمائي في عبارة بتقول:"عندما تحلم بشئ فإن العالم بأكمله يساعدك للوصول! "
لكن الحقيقة عكس كدة لما تحلم بي حاجة كل الظروف بتعترضك وكل العالم ببقى ضدك ودة أحلى مافي الموضوع♥
أحلى مافي الموضوع؟ كيف ياشغف؟؟شغف انتي جنيتي؟ لما تعترضنا الظروف وتواجهنا مشاكل دي حاجة حلوة؟؟؟
ايوة حاجة حلوة♡ أتخيل انك بتحلم بي حاجة ونفسك تحققها وبديت تسعى لكن ما واجهتك مشاكل ولا اعتراضات ولا اتعثرت ولا تعبت
وحققتها♥ هل ح تكون مبسوط؟ ما ح تحس بي قيمة الحاجة دي لأنك ما تعبت الموضوع ح يكون عادي جدا بالنسبة ليك💔
لكن لما تتعب وتعاني وتقع وتقوم تحاول تاني هنا الموضوع بختلف ♡ لما تصل الدنيا ما ح تسعك من الفرحة♥ وفرحتك ح تكون على قدر تعبك ومعاناتك♡
ما تضايقو من الاعتراضات البتقابلكم في حياتكم والله لو ما الاعتراضات والمشقات دي ما كنا ح نعرف قيمة سعينا ولا ح نحس بلذة انتصارنا♥

حاولو تستفيدو من المشاكل البتقابلكم واتعاملو معاها كدروس واتعلمو تحولو عثراتكم لي إنتصارات ونقاط ضعفكم لي قوة🔥 ..وحاولو تستمتعو عشان تطلعو بذكريات حلوة شبهكم💚 عشان لما تصل تتذكر التعب الكان زي العسل على قلبك والمشقات الكنت بتتلذذ بيها♡

اتذكرو انه الطريق الانتو بتمشو عليه ما بقل أهمية عن الوجهة العايزين تصلو ليها♡استمتعو بالرحلة وافرحو وما تأجلو فرحتكم لحدي ما تصلو💔

صدقوني الفرحة الحقيقية مافي الوصول الفرحة الحقيقة في التجربة البنعيشها رغبة في الوصول
إياكم تستسلمو وإياكم تغقدو الأمل لما تعترضكم مشاكل لأنه من غير المشاكل والعثرات دي فرحتنا ما تكتمل♥

#فاطمةة(#شغف)

صديقي
أراك حزينا ،باهتا ،فاقدا للشغف،وأنا لم اعهدك كذلك!
أعلم أن الطريق طال وأن المسير اصبح شاقا ،اعلم كم تعاني لتقاوم تلك العثرات وكيف تسعى جاهدا لإخفاء تلك الكدمات التي سببتها لك ضربات الحياة !!
أعلم انك يئست من الوصول وبت تفكر الآن أن هذا ليس مكانك! وأنك لن تنال!!

يا صديقي ..
لا يمكنك إختيار الظروف التي تعيشها!ولكن بإمكانك أن تتعايش معها!
قد تبدو تلك الظروف غير ملائمة وربما لم يكن الوقت مناسبا لكنك لا تحتاج لوقت مناسب ولا ظروفا مثالية أنت تحتاج فقط إلى الرغبة♡ إن تواجدت الرغبة فكل الأوقات مناسبة للإنجاز🔥

مهما تكرر سقوطك ومهما زادت خيباتك ومهما تأخرت لا تستسلم ! لا تكف عن المحاولة أبدا وإياك أن  تقول:"فات الأوان!"فأحلامنا ليس لها أوان ودائما يمكننا البدء من جديد❤️

صديقي ..
سقوطك ليس فشلا! الفشل هو أن تتوقف عن المحاولة💔 عثراتك ليست النهاية وإنما النهاية هي أن تفقد الرغبة في المحاولة من جديد😔💔

سأخبرك شيئا ..كل ماتمر به ليس إلا سوى فصول مرهقة سيأتي بعدها الربيع حتما فقط اصبر
ارجوك قاوم لا تتوقف عن المحاولة حتى وإن تعاون كل العالم لإيقافك تذكر أن الأحلام خلقت لتتحقق وأن الرغبات خلقت لننالها وأن الله لا يضيع أجر من احسن عملا🤍

صديقي ..
اريدك حالما،ساعيا،مجتهدا،متفائلا،شغوفا،محاولا مرارا وتكرارا🔥
اريدك ان تحذف كلمة المستحيل من قاموسك فالإصرار يصنع المعجزات!!،أريدك أن تتحلى بالشغف !! فالشغف هو الترياق الذي نتجرعه إن أصابتنا سموم اليأس
تمسك برغبات قلبك حتى وإن تعاون جميع العالم لإيقافك! إرفض التنازل عن أحلامك حتى وإن استحالت الطرق الموصلة اليها!! ،..إهمس لتلك الأماني التي تغفو في قلبك قائلا لها :"أن الوقت قد حان لتصبح واقعا" وعاهد ذلك الحلم بأنك ستلتقيه حتما حتى وإن استحالت الطرق المؤدية اليه😔❤️..

صديقي..
إنهض وأمضي قدما فإستمرارية السعي تعني حتمية الوصول كن استثانئيا فأنت تستحق ..
لن أقول لك: "ابحث لنفسك عن مكان في القمة فالقاع شديد الازدحام" ولكن سأقول لك:" أجعل طموحك أعلى من القمة فالجميع يبحث لنفسه عن مكان في القمة هربا من ازدحام القاع!"

#فاطمةة(#شغف)

متابعين شغف🤍
صباح الخير على قلوبكم❤️
القناة هدفها تحفيزي في المقام الأول 🤍
عايزة كل متابع هنا يعرف انه الدنيا حلوة ومفترض نعيشها لانها ما بتتكرر💔
وانه مافي حاجةة مستحيلةة لكن في حاجات صعبةة ومطلوب مننا صبر ومجهود واستمرار🤍
وانه اي زول هنا هو بطل قصةة حياته وبستحق يكون الافضل ويرسم حياة مليانةة طموحات وانجازات ونجاحات 🤍✨
ما تبخل على نفسك بالتميز وما تكتفي بالحياة العاديةة
عشان نفسك اجتهد عشان تكون متألق ومميز دائما "فليس قدرك بالأدنى او الدون!!"
كل واحد فينا بيقدر يحقق ذاته ويكون زي مابيحلم اذا كان عنده رغبةة 🤍
بس كيف نبدأ؟ وكيف نقدر نستمر عشان نحقق الوصول 🤍
ماعايزة ابقى زي مدربين التنميةة البشريةة واقول ليك انت بتقدر وانت بتستطيع ومافي مستحيل و...الخ
لكن عايزة اقول ليك الشخصيات العظيمةة والمؤثرة من بدايةة البشريةة وحتى اليوم هم اختارو يكونو كدة❤
في جزء منهم حالفهم الحظ وقدرو يتألقو ويلمعو وفي جزء منهم ظروف حياتهم ساعدتهم عشان يبدعو ،وفي جزء منهم قدر يلمع بالرغم من انه امكانياتهم كانت صفر وكل الظروف ضدهم ..
رغم اختلاف ازمانهم واوضاعهم وظروفهم المعيشيةة بتشابهو في انهم اختارو يكونو استثنائين 🤍
وانت بتستاهل تكون استثنائي❤️
ح تعيش مرة وحدة بس اتعب عشان المرة دي تكون مميزة✨☺️

#فاطمةة(#شغف)

صباح الخير✨
أحلامنا ممكن تتحقق بسرعةة🤍 وممكن تتأخر علينا وننتظرها كتيير😔
وممكن كمان ما تتحقق ونفضل ننتظر للأبد💔 في النهايةة كله من ربنا وكله خير لينا🤍لانه اختيارات ربنا دايما في مصلحتنا حتى لو كانت ضد رغباتنا💙
لكن احلى مافي الموضوع دة هو الرحلةة البنمشيها في سبيل الوصول 💙
ولو وصلت او ما وصلت ح يجي عليك يوم وتقتنع انه الرحلةة مابتقل اهميةة عن الوجهةة و ح تكتشف انه الوجهةة كانت جزء لا يتجزأ من الرحلةة !!
فبغض النظر عن كل حاجةة حاول تستمتع بالرحلةة لانها جزء من حياتك وخصماُ من عمرك💙
عليك بالسعي ونتيجةة السعي خليها على ربنا🤍🤍🤍

#فاطمةة(#شغف)

صباح الخير 💙
لما تكون مخنوق وحاسي بضيق💔 وخمول وفاقد الشغف وموودك خربان وحاسي انك ما عندك طاقةة عشان تجتهد أو تنجز اي حاجةة وتموت جواك الرغبةة وتحس انك ماعايز تعمل اي حاجةة ولا حتى عايز تفكر بس عايز الوقت يعدي بسرعةة وتتخلص من الاحساس بالضيق وتكون ماطايق نفسك ولا غيرك وما عندك استعداد تتكلم او تدخل في نقاشات ،اذا بتعاني من الأعراض دي راجع حساباتك مع ربنا❤️ اكيد علاقتك بربنا فيها شئ من الفتور
الحياة بعيد عن ربنا ما بتتجازف ولما تبعد منه وامورككلها تجوط إتأكد انه بحبك وعايزك قريب❤️❤️❤️
حسن علاقتك بربنا وكل حياتك ح تتحسن❤️❤️
اللهم ردنا اليك ردا جميلا وقربنا اليك قرب المحب لا قرب المحتاج🤍

#استقم_تستقم_لك_الحياة

#فاطمةة(#شغف)

صباح الخير 🤍✨
لما تفشل وتنكسر وتنخذل ،وتستاء،وتفقد الشغف،وتموت جواك الرغبةة 💔
اتأكد بأنه العالم ما ح يقيف لفشلك،وانكسارك،وخذلانك!!
والحياة ح تفضل مستمرة
انت كمان ضمّد جراحك ولملم شتاتك واستمر وماتقيف عند محطات انكسارك
اسعى وانت بتتوجع عشان كل ثانية مهمةة وكل حاجةة ح تعدي💙
اللحظات الصعبةة المريت بيها ح تعدي لو طالت او قصرت! ح تبقى مجرد ذكرى و لو وقفت عندها كتير ح تندم على الزمن الضيعتو وانت بتتحسر لما تعرف انه مافي حاجةة بتستاهل!
اتعامل مع عثراتك بحكمةة وحولها لنقاط قوة وحاول تحقق انتصار جانبي في كل مرة تقع فيها عشان ما تطلع من التجربةة بصفر انجاز! لانه فكرة انه الوقت يعدي وانت لسةة في مكانك فكرة مؤلمةة💔💔💔
آخر حاجةة عايزة اذكرك انه السقوط مافشل الفشل هو اننا نبطل نحاول

#keep_going

#فاطمةة (#شغف)

الموضوع الشاغل بالك وبتخطط ليه وبتفكر فيه على طوول محتاج منك رغبةة صادقةة عشان النتيجةة تكون زي ما بتحلم💙
ح تقول لي كيف ياشغف؟؟ كل واحد فينا عنده رغبةة يكون ناجح، ومتفوق اكاديميا،ومستقل ماديا،وعلاقته مع ربنا ممتازة ليه ما قدرنا نحقق الرغبات دي؟؟!!
ح اقول ليك كلنا عندنا رغبةة لكن ما كلنا رغبتنا صادقةة!
الرغبةة بس يعني التمني فقط!! والرغبةة الصادقةة يعني التمني مع السعي والعمل !
واستمراريةة السعي يعني حتميةة الوصول🔥 انت بس ابدأ واعمل الخطوة الاولى وماتشيل هم السكةة مصيرها تنتهي مهما طاالت والتفاصيل القاسيةة ح تعدي وتبقى مجرد ذكرى🤍
يلا قوم ابدأ اسعى في الموضوع الشاغل بالك واتذكر انه كل متوقع آت فخليك متفائل وانسى الدنيا بما فيها ووجه كل زمنك وتفكيرك ومجهودك في رغبتك الساكنةة بالك ❤️ عشان تحقق الوصول

#احلامنا_بتستاهل🤍

#فاطمةة_شغف

السلام عليكم ورحمة الله ❤️
وبسم الله على قلوبكم حتى تطمئن 🤍
أعزائي متابعين شغف الشغوفين✨
بعتزر جداً عن غيابي عليكم الفترة الفاتت بسبب سوء الانترنت 😔
شغف اشتاقت ليكم شدييييد زي ما اشتاقت للخرطوم❤️🥹
عايزة اذكركم انه الفترة الصعبةة دي والأيام الثقيلةة دي خصماً من عمرنا 💔
انا عارفةة انه في ملل وقلق وتوتر حاصل  وضيق وازمات نفسيةة عشان كدة عايزة اذكركم انه هذا الوقت سيمضي 🤍
مهما طالت الفترة دي وقست علينا ح تعدي..
ح تعدي وتبقى ذكرى  ولو شئنا او ابينا ح تعدي وتخصم من عمرنا فحاولو تستمتعو وتستفيدو من الفترة دي رغم كل حاجةة
انا عارفةة انك في الفترة دي ماطايق حتى نفسك😔💔 لكن الاستاء والزعل والتنشنةة ماحل ياجميل🙃
خليها على الله وخليك مؤمن انها ح تهون❤️
وزعلك واستياءك وضيقك ما ح يغيرو حاجةة غير انهم ح ياثرو على صحتك ونفسيتك ومستقبلك 💔
عزيزي الشغوف امانةة عليك تخلي بالك من نفسك وتتوكل على ربك🤍
ولااااا تشيل هم اعقلها وتوكل🤍 واتذكر كلامي عن استغلال الازمات وتحويل العقبات لانجازات 🔥
انت هسي فاضي وماوراك حاجةة اهتم بنفسك، اهتم بإنجازاتك، احفظ القرءان، اتعلم لغةة انت بتحبها، طوّر مواهبك، اتعلم حاجات جديدة، طوّر نفسك في مجالك واكتسب خبرات اكتررر🔥🔥حاول تستمتع بالأيام دي وتنسج ذكريات حلوة شبهك❤️
عاين للنص المليان من الكأس 🙃🤍 وخليك انسان عاقل
-يعني مطلوب مني شنو هسي ياشغف؟😕
ياعيون شغف انت مطلوب منك تعيش وبس🙃
-اعيش كيف يعني ياشغف؟😕 وانا هسي ميت يعني؟🙂
ااااي ميت🙃 طالما انك زهجان 😓ومستاء 😥ومنفسن😢 وناسي نفسك وقاعد تحسب في الساعات والأيام عشان ترجع لحياتك البتحبها تبقى ميت لانه دي ماعيشةة😞
اطلع من الموود الكئيب دة وحاول تنجز وتنبسط وخليك على قناعةة بأنه كله ح يهووون ويعدي وبااااكر تهون القواسي ويبقى كل الفات حكايةة🤍🙃

#وقعت_ياجميل؟🙃

#فاطمةة(#شغف)

عزيزي الشغوف❤️...
طالما عندك مبادئ عايش عليها واهداف بتكافح عشناها فإنت على قيد الحياة❤️

#فاطمةة(#شغف)

السلام عليكم 🤍
وبسم الله على قلوبكم حتى تطمئن ❤️

أعزائي الشغوفين...
بعتزر لأني الايام دي ما ح انزل ليكم نصوص ايجابيةة تواسيكم وتخفف عنكم وتعالج اكتئابكم لانه البيعمل فيه الشعب الفلسطيني اليومين دي كفيل بأنه يعالج اكتئابنا❤️❤️❤️

#فاطمةة(#شغف)

#اللهم_اعز_الاسلام_والمسلمين🤍

صباح الخير 🤍
وبسم الله على قلوبكم حتى تطمئن تطمئن😔❤️
أنا كفاطمةة مؤمنةة انه كل واحد فينا قادر يعيش حياته زي ما نفسه🤍،يتخذ قراراته،يحدد مواهبه،يرسم أهدافه، ويتحمل مسؤوليةة سعادته مسؤوليةة كاملةة؛لانه في نظري مافي حاجةة أهم من انه الواحد يعيش حياته بمستوى أحلام طفولته✨
كل الموضوع محتاج تخطيط سليم ليس إلا

#بتعيشو مرة وحدة بس خلو المرة دي تكون استثنائيةة🙃❤️

#فاطمةة(#شغف)

..صباح الخير  لاحلامنا التي عاهدناها باللقيا💙
لامنياتنا المعلقة في عنق السماء♡، لمحاولاتنا المستمرة❤️‍🔥..
، لطرقاتنا التي طالت وشق سيرها..لشغفنا🔥، لاصرارنا،
لقلوبنا التي تشرق املا✨💕


#صباح_الخير_جدا💖

#فاطمةة_شغف

السلام عليكم 🤍
بسم الله على قلوبكم حتى تطمئن ❤️
حبيبي الشغوف💛🙃
عايزة أقول ليك حاجةة،حياتك أغلى من إنك تكرس جزء منها للإنتقام!، وإنجازاتك أعظم من إنك تحققها عشان تثبت لي زول حاجةة!!
نجاحاتك ليك انت وبس🤍 وإنجازاتك عشانك انت أولاً وأخيراً..
سعيك،مجهوداتك، وكل انتصاراتك ليك عشان انت بتستاهل تعيش حياة مليانةة طموحات ونجاحات وانجازات 🔥
"فليس قَدركَ بالأدنى أو الدون "
بتعيش مرة وحدة بس خليك حريص انه المرة دي تكون استثنائيةة*
وإياك تركز مع غيرك أو تفكر تنتقم او حتى تحاول تثبت لي زول حاجةة عمرك غالي وما بتعوض ومافي زمن عشان تضيعه مع سفاسف الأمور
أنسى كل حاجةة وأمضي قدماً🔥

#فاطمةة_شغف

أخيراً..
استطعت التجاوز!
واعتزال كل ما يؤذيني ..
بعد صراع مزق روحي إلى أشلاء
وتيه كاد يجعلني هباء !..
بعد صبر وانكسار
بعد حزني والدمار
بعد أن صار القلب ينبض ألما
ونضب معين الشغف،وحل اليأس غيما ..
بعد ضعفي بعد وهني وانكساري
عدت أقوى عدت أعظم لا أبالي ..
جئت أقسم أن سأحلم..
أن سيغدو الحلم جاري ..
أن سيأتي الشغف سيلا
سوف يأتي لهيب ناري..
يقتل اليأس الذي هزم انتصاري..


#فاطمةة_شغف

نعم اخاف..
أخاف على حلمي من الانتظار اذا شقّ على المسير وطال الطريق
أخاف عليه من الأب،والأخ والعابرين على ساحل قلبي🩶
أخافُ على حُلمي من نفسي ومن يأسي ومن الأيام التي تقرع طبول المستحيل

أنا ابنةة الطرقات عادتي هي المضي قدماً دون إلتفات
أصدّق أحلامي🩶 وأكذب أيامي
فأيامي لم تنصفني
لدي حلمٌ واحد..
أن أجدني 🩶

#فاطمةة_شغف

22 دولة عربية و57 دولة مسلمة وفلس*طين تقاتل وحيدة💔
القدس ما قضيةة الشعب الفلسط**ني فقط القدس قضيةة كل الشعوب العربيةة والمسلمةة
ولو القيادات العربيةة سكتت وباعت القضيةة واخدت موقف محايد فنحن كشعوب أعزّها الله بالاسلام لن نسكت!
ما في يدنا حاجةة ندعم بيها الشعب الفلسط*يني وننصر بيها الإسلام لكن ما ح نوقف دعاء، ولا ح نسكت عن تخاذل قادات العرب وخيانتهم ، ح نفضل نتكلم عن القضيةة قطع الانترنت من غزة وتقييد حساباتننا وحظرنا دليل على خوفكم وايمانكم بأنه الق*دس عربيةة ومعرفتكم بأنكم تقاتلون على باطل
الق*دس عربيةة وستبقى 🩶

*لَقَدْ صَدَقَ اللَّهُ رَسُولَهُ الرُّؤْيَا بِالْحَقِّ لَتَدْخُلُنَّ الْمَسْجِدَ الْحَرَامَ إِنْ شَاءَ اللَّهُ آمِنِينَ مُحَلِّقِينَ رُءُوسَكُمْ وَمُقَصِّرِينَ لَا تَخَافُونَ فَعَلِمَ مَا لَمْ تَعْلَمُوا فَجَعَلَ مِنْ دُونِ ذَلِكَ فَتْحًا قَرِيبًا*
وعدكم بلفور ووعدنا الله وإن وعد الله حق🩶

#فاطمةة

#starlinkforgaza
#غزة_تنزف
#القدس_عربيةة
#مايحدث_في_غزة_جريمة_حرب

اليوم حصل معاي موقف غريب جداً وفي نفس الوقت جميل جداً❤
بعد دوام مرهق في المستشفى رجعت البيت ونمت نومةة طويييلةة وحرفياً حسيت بأنه كل خليةة من جسمي نالت نصيبها من الراحة🩶
لما صحيت فجأة من غير ما أشعر لقيت نفسي قعدت وإبتديت أمرر إبهامي على حلقات اصابع يدي اليمين وتلقائياً لقيت نفسي بقول:"سبحان الله،سبحان الله!"
بعد شويةة استوعبت الحصل وقلت يافطومةة انتي جنيتي؟
استغربت لانه مافي سبب واحد يخليني اصحى من النوم وابدأ اسبح التسبيح البعد الصلاة!
ضحكت في نفسي ورجعت رقدت وسرحت أفكر في الحصل
بعد تفكير اتذكرت اني بعد الصلاة برقد رقدة طويييلةة في الصلايةة بدعي فيها كتيير و بعد انتهي من الدعاء بقول الاذكار البعد الصلاة بدءاً بالتسبيح!
فإكتشفت اني في رقدة الدعاء برتااح بنفس الطريقة الارتحت بيها في النومةة دي!
ومخي مُبرمج على التسبيح بعد الراحة دي!
انا لسةة ماقادرة استوعب الموقف الغريب دة وماا قادرة القى تعابير مناسبةة عشان اشرح ليكم بس بتمنى تكونو فهمتو 🩵
منو قال الدنيا مافيها راحةة؟؟ الدنيا فيها راحةة والراحةة دي بنلقاها ونحن قريبين من ربنا🤎
ياجماعة الصلاة دي كل حاجة حافظو عليها وسعادتكم، وتوفيقكم وراحتكم بالتقرب لي ربنا❤‍🩹
سبحان الله💓💓

#فاطمةة_شغف

صباح الخير ❤️
حبيبي الشغوف💛🙃
عايزة أقول ليك حاجةة،حياتك أغلى من إنك تكرس جزء منها للإنتقام!، وإنجازاتك أعظم من إنك تحققها عشان تثبت لي زول حاجةة!!
نجاحاتك ليك انت وبس🤍 وإنجازاتك عشانك انت أولاً وأخيراً..
سعيك،مجهوداتك، وكل انتصاراتك ليك عشان انت بتستاهل تعيش حياة مليانةة طموحات ونجاحات وانجازات 🔥
"فليس قَدركَ بالأدنى أو الدون "
بتعيش مرة وحدة بس خليك حريص انه المرة دي تكون استثنائيةة*
وإياك تركز مع غيرك أو تفكر تنتقم او حتى  تحاول تثبت  لي زول حاجةة عمرك غالي وما بتعوض ومافي زمن عشان تضيعه مع سفاسف الأمور
أنسى كل حاجةة وأمضي قدماً🔥

#فاطمةة_شغف

السلام عليكم ورحمة الله
أحبائي الشغوفين  كيفكم عساكم بخير✨
وبسم الله على قلوبكم حتى تطمئن♡

لي سنتين متواصلة معاكم كتابياً بوصل ليكم أفكاري من خلال المحتوى الكتابي وبعرف انتو محتاجين شنو عن طريق تفاعلكم مع المحتوى البقدمه ليكم♡
وزي ماقلت ليكم قبل كدا علاقتي بيكم ما مجرد علاقة كاتب وقارئ البينا أعمق من كدا بكتيير وانتو مُلهميني وأسرتي الشغوفة🩶
وبعد سنتين من التواصل الكتابي قررت أرتقي بعلاقتنا  شوية  وبجانب المحتوى الكتابي يكون في محتوى صوتي♡ وقررت أقدم ليكم بوداكاست 
♡
كنت مخططةة لفعاليات كتيرة بمناسبة الذكرى السنوية الثانية لشغف لكن سوء الانترنت في منطقتنا وقف حائل أمام الفعاليات المنتظرة ف ح نكتفي بالبوداكاست لحدي مالشبكة تتحسن بإذن الله
ح نتناول مواضيع شيقةة وقضايا مهمةة في بوداكاست شغف خليكم قريبين 🙃🩶
ولحدي ما نتلاقى تاني ساعدونا بالشير عشان المحتوى يصل للكل♡

وما تنسو الكهف♥️

كونو بخير🩶✨

#فاطمةة_شغف