السلام عليكم
عايزة اذكرك بأنك على قدر ما تتعب بتلقى💙
كل ما اتضاعف المجهود ح تتضاعف عظمة الانجاز🔥وبالتالي تتضاعف الفرحة 🤍✨

البعمل الذنب بكل برود ولو هداو زول ومنعو عن الذنب بقول (انت مالك ح تحاسبني انت ؟ )
انت عارف ح يحاسبك منو ح يحاسبك رب العباد والقال في القرآن الكريم: {إِنَّ لَدَيْنَا أَنكَالًا وَجَحِيمًا * وَطَعَامًا ذَا غُصَّةٍ وَعَذَابًا أَلِيمًا}
فوقت م تعمل ذنب اتذكر الآية دي جزء بسيط شديد من العقاب والحساب المنتظر المكذبين والمستهزئين وعشان الله بحكم بالعدل جعل التوبة والاستغفار وبمحي الذنوب اذا العبد تاب عنها فما بعاقب طوالي .
استغفر الله العظيم واتوب إليه
#الدرداء

صباح الجمعة صباح مختلف 🤍🤍صباح مملوء بالطمأنينة والسكينة صباح يسبق الخطبة وصلاة الجمعة 🌹ويوم مختلف لأن الصلاة على النبي محمد ﷺ معروضة عليه (فأكثروا منها وسلموا على حبيبكم 🤎) 🤍 يوم الحسنات وقراءة القرآن وعيد المسلمين ويوم الراحة النفسية ☺️🌸

فابدأ صباحك بتفاؤل وانشر البسمات 😁🌻💫
#الدرداء

أعزاء شغف 🤍 طمنونا عليكم
إن شاءالله كلكم بخير وكويسين؟
في وضع زي دا استهدوا بالخالق الحافظ و
قولوا بسم الله الرحمن الرحيم واستعينوا بالله ما تفكروا في حاجة ادعوا بس واكيد محنة وح تزول عشان الله رحيم بعباده.
وما تفكروا في الموت او اي حاجة كعبة 😔 دايما اتفائلوا واعرفوا انو اي حاجة مكتوبة
املوا قلبكم يقين بالله واحسنوا الظن به. اختبار عشان تصبروا واكثروا من الحوقلة (لاحول ولاقوة الا بالله) والله يجعل كيد اي ظالم في نحره.

وتذكروا انو الله ما بضيع حق زول وح ينصر الحق.
يارب احفظ السودان وأهله 🤲

اللهم وطني وما دونه هين 😔❤️🇸🇩

اللهم احفظ السودان بعينك التي لا تنام😔❤️

السلام عليكم ورحمة الله
متابعين شغف ربنا يلطف بيكم ويحفظكم من كل سوء😔❤️
أي زول محتاج مساعدة طبيةة او ماديةة أو مأوى يحتمي فيه يراسلني هنا @Swsh4g2ftf5
حفظ الله البلاد والعباد 😔❤️

اللهم إنا نحب هذه البلاد كما لم نحب قبلها ولن نحب بعدها فلا تبتلينيا فيما نحب😔❤️🇸🇩

بسم الله على قلوبكم حتى تطمئن💜😴
ما تخافو ولا تشيلو هم نحن ما اول شعب يمر بالظروف دي ولا آخر شعب وما ح يحصل لينا الا المكتوب والبجي من ربنا كله جميل😊❤️..ربنا ما ح ينسانا هو ارحم علينا حتى من نفسنا اتوكلو واطمنو كيف تخافو وهو كفيل بيكم؟🙃
ادعو كتيييير واحسنو الظن بالله وماتهتمو بالاشعات والترهيب الحاصل في التايم لاين
حفظ الله البلاد والعباد 💕
وبسم الله مرة أخرى على قلوبكم حتى تطمئن

بدأت قصةة عشقنا العنيفةة ذات يوم وأنا دون الخامسةة!
اسكنته قلبي❤️وتوجته ملكاً على عرش الحب فلم يعرف فؤادي الحب الا معه وبه وله❤️
ذات يوم واثناء اندلاع حرب الجنوب شاهدت البؤس على الوجوه والدموع تتمالك نفسها خشيةة السقوط وشهقات الحزن تًحبس تارة وتارة أخرى تخرج مرغمةة ..
لم أكن ادري ماذا اصاب الخطوب؟ ولم اعلم لما الحزن؟
كنت طفلةة لا تعرف شيئا سوى المرح تتعالى ضحكاتها لترغم الجميع على الابتسام رغم كل شيء لكنهم لم يضحكو في ذلك اليوم ! أصابتني عدوى البوس،جئت لأمي اجرجر قدميّ وعلامات الاستفهام تعلو وجهي..
سألتها:لما الخوف؟والحزن؟
أجابتني وملامح وجهها يملؤها الاسى: الحرب ياابنتي! السودان في خطر !
لم أكترث لكلمةة "الحرب"التي تفزع كل من يسمعها لأن مسامعي اجتذبها وقع كلمةة "السودان" ذلك الوقع الذي لا يزال يتردد في مسمعي واستلذ به❤️
لا أهواه !فهو قلبي الذي أهوى به❤️
فوالله وبالله وتالله لم أعرف الحب قبله ولا مجال لأعرفه بعده فمن ملك الفؤاد كفاه وأكفاه ❤️

#قد_شغفني_الوطن_حباً❤️🇸🇩❤️
#وهمت_به_عشقاً❤️
#شغف

#العيد_على_الابواب
أنا عارفةة انه مافي زول عنده نفس يعيد💔كلنا مقهورين وموجعين وخايفين 😔💔
عارفةة انه في أسر فقدت ناس غاليين عليها والدنيا مسخت ليهم، عارفةة انه في اصحاب فقدو صاحب غالي او زميل
عارفةة انه في أطفال ح يعيدو ايتام لأول مرة في حياتهم 💔
عارفةة انه في وحدة قلبها موجوع وفقدت خطيبها او زوجها،عارفةة انه الحاصل لينا ماهيّن والشفناه كتيييييير
لكن ياجماعةة لازم نعيد تعظيماً لشعائر ربنا❤️
لازم نعيد لأننا بالجد محتاجين نفرح ونطلع من الموود الكئيب دة😔
لازم نعيد عشان خاطر أطفالنا الشافو حاجات مامفترض يشوفوها وهم في السن دة💔 لازم نفرحهم ونطمنهم ويشوفو حاجةة حلوة وسط الألم والخوف والرعب والدمار دة💔
لازم نعيد احتسابا للأجر لأنه العيد عبادة❤️
أخبزو، ونضفو البيت وجهزو للعيد افرحو وفرحو اطفالكم وعايدو بعض🤍
ما تخلو الأيام الصعبةة دي تطفيكم ولا تخلو الحرب تسلبكم فرحتكم
ولو ماعايزين تفرحو وتعيدو خلو غيركم يفرح🤍 ماتهاجموهم وتقولو ليهم انتو في شنو ونحن في شنو ؟؟،ومعقول عندكم نفس تعيدو؟ و..الخ
ماعندنا نفس و الله لكن محتاجين نفرح قلوبنا موجوعةة شديييييييد 😔💔

كل عام والشعب السوداني بخير وإن شاء الله يكون آخر عيد بطعم الدم💔
وآخر عيديةة من ميلشيات الدعم💔
حفظ الله البلاد والعباد بعينه التي لا تنام 🤍🇸🇩

أستودعكم الله الذي لا تخيب ودائعه😔🙏

السلام عليكم ورحمة الله
تقبل الله صيامكم وقيامكم وجعلكم من عتقاء الشهر الفضيل واعاده عليكم بالخير واليمن والبركات ❤️
وكل عام وانتم أقوى وأسمى وإلى احلامكم اقرب🤍
اسأل الله أن يزيل عنكم البلاء ويحفظكم بعينه التي لاتنام 🤍🙏
دمتم سالمين ،ساعين،حالمين،صابرين،شغوفين،ناجحين،ملهمين 🔥🤍

كل عام وانتم بخير 🤍✨

‏يرنو إليّ بلهفةٍ
ويقول لي: عيدٌ سعيد
يا عيد قلبي ما سِوى
لُقياكَ للمُشتاقِ عيد!

العيدُ أُمي في جمال خضابها
‏ وأبي إذا زانَ البخور رداهُ 🫂💕

بعييد عن الأوضاع المأساويةة النحن عايشنها دي تعالو ننتبه للتفاصيل الجميلةة 🤍
الحرب دي نبهتنا لتفاصيل ماكنا منتبهين ليها او بمعنى آخر ما كنا عارفين اهميتها
اول حاجةة كشفت لينا عن طيبةة واصالةة الشعب دة حاجةة تشرح القلب لما تشوفهم كلهم مهمومين وكل واحد ناسي نفسه وشايل هم التاني🫂
بتفقدو بعض بسألو من حوائج بعض وخايفين على بعض🫂🤍
الحرب بينت لينا حقيقةة علاقات كتييرة وفي ناس في حياتنا كانو مجرد معارف ليس إلا لكن الظروف دي اثبتت لينا انهم بستاهلو يكونو اكتر من اخوان🤍
انا مثلاً اول يوم في الاشتباكات دي طلعت عني اشاعةة اني اتوفيت برصاص قوات الدعم السريع ونزل بوست في قروب الجامعةة والاشاعةة انتشرت لقيت كميةة من المكالمات والمسجات عشان يطمنو اني بخير ❤️
في ناس ارقامهم ماعندي ومافي كلام بيينا وعلاقتنا سلام بس لكن كانو خايفين علي وشايلين همي🫂🤍..
الحرب خلتني اعرف اهميةة الجامعةة الكنت بتذمر منها وبسب وبسخط كل يوم لانه الدوام مرهق💔 وبيتنا بعيييد والقرايةة كتيرة
هسي نفسي ارجع لمحاضرة سبعةة ولصف الكفتريا ووقفةة المواصلات مستعدة استحمل كل التفاصيل دي مقابل اني أشوف دفعتي تاني بخير واسلم عليهم وصدى ضحكاتنا يملأ الجامعةة 😔🤍
الحرب ذكرتني اني كنت عايشةة في رفاهيةة وما حاسةة بيها💔
كنت بتذمر لما القى امي عاملةة اكلةة مابحبها هسي عايزة آكل وبس
كنت بتذمر لو مشيت الدكان ومالقيت بيبسي هسي أقصى طموحي انه المويةة تكون متوفرة حتى لو حارة!
لو كنت نايمةة وزول شغل الاضاءة بتنرفز وبزهج وبصدع هسي عايزة انوم وانا مطمنةة !!
كنت بعيدة من ناس بيتنا ومنعزلةة في الكتب والكتابةوالكورسات وتطوير الذات والعمل الطوعي  و..الخ هسي نفسي الوضع يستقر وارجع اعيش معاهم تفاصيل حرمت نفسي منها 💔
ما كنت بقدس العلاقات وما بحب الناس والتجمعات وبفضل اكون براي هسي نفسي اتعرف على ناس كتييريييين واتعامل معاهم واتعمق في كل العلاقات🫂
الحرب اذتني وقهرتني ووجعت قلبي على البلد لكن غيرتني!!
اول مالازمةة دي تعدي إن شاء الله ح اتخلص من الانطوائيةة والانعزال ح اقدس العلاقات وابعد فكرة انه مافي زول دايم لي زول دي
وفي اول يوم اطلع من البيت بعد استقرار الأوضاع إن شاء الله ح ابتسم لاي زول مابعرفه بطريقةة مجنونةة😂 و ح احضن كل وحدة بعرفها 🫂
و ح افضل ادعي باقي عمري انه ربنا مايحرمنا الامان🤍
و ح تكون دي الدعوة الثابتةة في كل صلاة😔🤍

بكره نسمع قالوا سالمة🥺
وقالوا آمنة😔 ونبقى اجمل شعب صابر ويبقى كل الفات حكاية 🤍!

ومهما طالت الاحزان اكيد قلم الظلم مكسور
ومهما طال ظلام الهم مصيرو يروح بجيةة النور
ومهما تسيل مآقينا مصيرها في يوم يجيها سرور✨

بسم الله على قلوبكم حتى تطمئن ❤️

السلام عليكم اولاً
وبسم الله على قلوبكم حتى تطمئن ثانياً
بتمنى تكونو كلكم بخير وعافيةة😔🤍
#علاقتي_بيكم ما مجرد علاقةة كاتب محتوى وقارئ! البينا أعمق من كدة بكتيييير انتو مُلهميني وأُسرتي الشغوفةة
وعشان انا بحبكم ومصلحتكم تهمني عايزة اشارككم نصيحةة ح تغير من حياتكم و ح تطوركم جداً🔥
حسب الأوضاع البتمر بيها البلاد كلنا مؤجزين وفاضيين 24 ساعةة كل نشاطاتنا اتوقفت بسبب الحرب 💔
وماعارفين الوضع دة ح يستمر كدة لمتين لكن عارفين انه الوقت دة خصماً من عمرنا💔 وعمرو ما ح يرجع ولا ح يتعوض😔
عشان كدة لاازم نستغلو صح ونستفيد منو🙃..تعالو اوريكم كيف👇
طبعاً اكيد كلكم زهجانين وحاسين بالملل😓 وعايزين اي حاجةة تملو بيها فراغكم
خصصو وقت للقراءة📖 حتى لو ما بتحبوها، ماشرط تقرو كتيير صفحةة وحدة في اليوم كافيةة اذا ما بتقدرو او ما بتحبو القراءة، القراءة مفيدة بتوسع فكرك وتطور ادراكك وتثقفك حاول على قدر الإمكان ماتنوم بنفس العقل الصحيت بيه حتى لو تقرأ سطر واحد! صدقني كل سطر تقراه بفرق كتيير وبأثر في شخصيتك وحياتك مستقبلاً
خصص وقت لحفظ القراءان أعمل جدول حفظ او احفظ بطريقةة عشوائيةة، ممكن تبدأ بالسور البتحبها❤️ او السور الصغيرة او ممكن تحفظ آيتين بس بعد كل صلاة ومع الوقت ح تحفظ القرءان كاامل🤍
-طور نفسك في مجالك الدراسي أقرأ عن تخصصك احضر فيديوهات اتثقف وذاااكر لانه ح ترجع للجامعةة تااني لما الازمةة دي تعدي و يستحسن تنزل جااهز ومخلص🙃
- ادرس المهارات الطبيةة حتى لو كنت طالب هندسةة🙃 #ليه_ياشغف؟🙂
ياعيون شغف انت اتعلمها عشان لا قدر الله ممكن تتخت في موقف يتطلب منك تكون بتعرف الاسعافات الطبيةة والتعامل مع حالات الطوارئ!، اتعلمها عشان تزيد مهاراتك لانه كل مازادت مهاراتك قلّت حاجتك للناس وزادت حاجةة الناس إليك🙃 طيب ياشغف اتعلمها كيف؟؟ المنصات الطبيةة قصرت معاك في حاجةة؟؟
-آخر حاجةة خصص وقت لتعلم لغةة جديدة🤍 في تطبيقات لغات كتييرة  استخدمها اصلا انت فاضي وما وراك حاجةة طوّر من نفسك وبالمناسبةة تعلم لغةة جديدة ما صعب انا ابتديت اتعلم الصينيةة والعبريةة😂 في البدايةة كنت شايفةة انها حاجةة بعييييدة وصعبةة اكن لما بديت شويةة شويةة بديت احس انه الموضوع سهل ومسلي كمان  وبقيت مؤمنةة بفكرة اني ممكن أتكلم الصينيةة والعبريةة بطلاقةة واتحمست لزيادة رصيدي اللغوي اكترر🔥
واذا عندكم هوايات تانيةة زي الرسم والتصميم أو رياضةة معينةة حاولو تطورها في الفترة دي استغلو الزمن لانه خصماً من عمركم🙃
ربنا يحفظكم ويسدد خطاكم ويوفقكم
دمتم سالمين 🤍

#فاطمة(#شغف)

اشتقت ليكم والله يا شغوفين 🤍❤️😍
معليش ظروف بعدتني عنكم لكن في بالي وكنت بتمنى ألقى فرصة أطمن عليكم+ شغف م مقصرة ما شاء الله 🌹
عساكم طيبين وفي أفضل حال وم عندكم عوجة ومعافيين نفسيا وجسديا من البحصل في بلدنا دا 😭
وبندعي ملء فاهنا أنو السودان يكون بلد أمن وأمان وسلام ومحبة ويرجع زي زمان بلد يتحبا ونعيش مطمنين وما يزورنا الخوف والحزن نهائي يارب 😭🤲🤲

م عندنا شبكه نهائي والله فأنا هسي سافرت لمحل فيو شبكة لكن ح ارجع قريب لمكاني الاول فبرضو م ح يكون في شبكة للأسف عشان اطمن عليكم

وبإذن الله القادم أحلى ✨🤎

محبتكم الدرداء