مساء الخير على قلوبكم ❤️❤️
هل انتو مدركين انه الدعاء يغير الاقدار؟؟
هل قادر تستوعب انه ربنا قادر يغير كل حاجةة عشان خاطر دعوتك الصادقةة ولانك احسنت الظن بربنا؟
فما بالكم بالدعاء في رمضان؟؟؟!!
ادعو كتيييير ربنا قريب مننا💙
الموضوع الشايل همه😔 الحلم البتحلم تحققه🥹،السكةة الطالت عليك وحسيت انك ماقادر تكمل، كل اوجاعك ومعاناتك ومشاكل ربنا قادر يخلصك منها بدعوة!
ادعو والله ربنا ما بخيب ظن عبد أحسن الظن بالله❤️
وهو قال:"ادعوني استجب" وكلامه حق ووعده صدق وما ينطق عن الهوى❤️

#شغف

السلام عليكم ورحمة الله ❤️
مساء الخير 🤍✨
بكرة إن شاء الله أول لايف رمضاني💙
مع الدكتورة المميزة جدا خديجةة منصور💙
دكتورة خديجةة قدوة يحتذى بها وشخصيةة استثنائيةة ح تستفيدو جدا من تجربتها الجامعيةة ح تحكي لينا عن محطاتها بكل شغف🤍 ما تفوتو اللايف موعدنا بكرة ان شاء الله
الساعةة10:00 pm
الى ان نلتقي كونو بخير🤍🤍

#شغف

السلام عليكم ❤️

قبل ما تحكم على نفسك بالفشل اتذكر انك ما وصلت للمكان الانت فيه دة بالساهل حتى لو كان دة مالمكان النفسك تكون فيه
وقبل ما تبدأ تعجز نفسك وتحتقر انجازاتك اتذكر انك يوم من الايام كنت في نقطةة البدايةة وهسي لازم تكون فخور بإنجازك حتى ولو اتحركت خطوة وحدة من نقطةة البدايةة!!
انا ما عايزاك تبطل محاولة! لانك لما تبطل ح تحكم على نفسك بالفشل!!
عايزاك تستمر وتحاول لحدي ما تصل🤍 واتذكر انه دايما ممكن تبدأ من جديد
ممكن مخططاتك ماتمشي حسب تخطيطك، وممكن الظروف دايما تكون ضدك لكن ما ممكن تتحرم من حاجة انت تعبت عشانها🤍✨
وصدقني ح تصل طالما انك مؤمن بالوصول❤️❤️❤️

#فاطمة(#شغف)

عايزاك تعاهد نفسك بأنك ح تبقى زي ما بتحلم♡، ح تحقق ذاتك💕، وتخلق اسطورتك الشخصية🔥..
عايزاك تكون صنديد وما تلين وتكون مؤمن بوصولك لمراد قلبك💚..
عايزاك تثق في نفسك وتحسن الظن بالله💛..
عايزاك تستفيد من كبواتك وعثراتك وتحول نقاط ضعفك لنقاط قوة🤍..
عايزاك تعرف أنه اللحظات الصعبة مهما طالت مصيرها تعدي وتنتهي💜😴..
عايزاك ترفع سقف طموحك وما ترضى بالقليل♡..
عايزاك ترفض فكرة انك تعيش حياة عادية وتختار حياة عظيمة تليق بيك💙..
عايزة اقول ليك الدنيا قاسية والظروف غدارة لكن الفرص ما بتنتهي طالما اننا احياء نرزق♡..
الحياة دي ما بتقيف إلا لما يتوقف قلبنا❤️..غير كدة ما في حاجة بتوقفها! ، لا فشلنا، ولا عثراتنا، ولا انكسارنا !
لملم شتات روحك وحاول تاني🧡..


#امضي_قدما

#فاطمة (#شغف)

سيدنا علي بن أبي طالب رضي الله عنه💙 كان بقول:

"كُل مُتوقّعٍ آت"❤️

مُنتظر الخير والعوض من ربنا ح يرضى بما سيؤتيه الله من فضله💙
وصاحب اليقين ح تتحقّق مخططاته🔥 مُسيء الظن ح يكون جزاءه سوء ظنه💔
ومتوقع الخيبات والنهايات المؤلمةة ح يحصد الخيبات والنهايات المؤلمةة زي ما اتوقع💔
اتفائلو🤍✨ واتوقعو كل ماهو جميل وأزيدكم من الشعر بيت؟🙃 في مقولةة تانيةة بتقول: "تفائل بما تهوى يكن " ودي ما محتاجةة شرح🙃💙🌏

وقعت؟؟


#شغف

بدأت قصةة عشقنا العنيفةة ذات يوم وأنا دون الخامسةة!
اسكنته قلبي❤️وتوجته ملكاً على عرش الحب فلم يعرف فؤادي الحب الا معه وبه وله❤️
ذات يوم واثناء اندلاع حرب الجنوب شاهدت البؤس على الوجوه والدموع تتمالك نفسها خشيةة السقوط وشهقات الحزن تًحبس تارة وتارة أخرى تخرج مرغمةة ..
لم أكن ادري ماذا اصاب الخطوب؟ ولم اعلم لما الحزن؟
كنت طفلةة لا تعرف شيئا سوى المرح تتعالى ضحكاتها لترغم الجميع على الابتسام رغم كل شيء لكنهم لم يضحكو في ذلك اليوم ! أصابتني عدوى البوس،جئت لأمي اجرجر قدميّ وعلامات الاستفهام تعلو وجهي..
سألتها:لما الخوف؟والحزن؟
أجابتني وملامح وجهها يملؤها الاسى: الحرب ياابنتي! السودان في خطر !
لم أكترث لكلمةة "الحرب"التي تفزع كل من يسمعها لأن مسامعي اجتذبها وقع كلمةة "السودان" ذلك الوقع الذي لا يزال يتردد في مسمعي واستلذ به❤️
لا أهواه !فهو قلبي الذي أهوى به❤️
فوالله وبالله وتالله لم أعرف الحب قبله ولا مجال لأعرفه بعده فمن ملك الفؤاد كفاه وأكفاه ❤️

#قد_شغفني_الوطن_حباً❤️🇸🇩❤️
#وهمت_به_عشقاً❤️
#شغف

السلام عليكم اولاً
وبسم الله على قلوبكم حتى تطمئن ثانياً
بتمنى تكونو كلكم بخير وعافيةة😔🤍
#علاقتي_بيكم ما مجرد علاقةة كاتب محتوى وقارئ! البينا أعمق من كدة بكتيييير انتو مُلهميني وأُسرتي الشغوفةة
وعشان انا بحبكم ومصلحتكم تهمني عايزة اشارككم نصيحةة ح تغير من حياتكم و ح تطوركم جداً🔥
حسب الأوضاع البتمر بيها البلاد كلنا مؤجزين وفاضيين 24 ساعةة كل نشاطاتنا اتوقفت بسبب الحرب 💔
وماعارفين الوضع دة ح يستمر كدة لمتين لكن عارفين انه الوقت دة خصماً من عمرنا💔 وعمرو ما ح يرجع ولا ح يتعوض😔
عشان كدة لاازم نستغلو صح ونستفيد منو🙃..تعالو اوريكم كيف👇
طبعاً اكيد كلكم زهجانين وحاسين بالملل😓 وعايزين اي حاجةة تملو بيها فراغكم
خصصو وقت للقراءة📖 حتى لو ما بتحبوها، ماشرط تقرو كتيير صفحةة وحدة في اليوم كافيةة اذا ما بتقدرو او ما بتحبو القراءة، القراءة مفيدة بتوسع فكرك وتطور ادراكك وتثقفك حاول على قدر الإمكان ماتنوم بنفس العقل الصحيت بيه حتى لو تقرأ سطر واحد! صدقني كل سطر تقراه بفرق كتيير وبأثر في شخصيتك وحياتك مستقبلاً
خصص وقت لحفظ القراءان أعمل جدول حفظ او احفظ بطريقةة عشوائيةة، ممكن تبدأ بالسور البتحبها❤️ او السور الصغيرة او ممكن تحفظ آيتين بس بعد كل صلاة ومع الوقت ح تحفظ القرءان كاامل🤍
-طور نفسك في مجالك الدراسي أقرأ عن تخصصك احضر فيديوهات اتثقف وذاااكر لانه ح ترجع للجامعةة تااني لما الازمةة دي تعدي و يستحسن تنزل جااهز ومخلص🙃
- ادرس المهارات الطبيةة حتى لو كنت طالب هندسةة🙃 #ليه_ياشغف؟🙂
ياعيون شغف انت اتعلمها عشان لا قدر الله ممكن تتخت في موقف يتطلب منك تكون بتعرف الاسعافات الطبيةة والتعامل مع حالات الطوارئ!، اتعلمها عشان تزيد مهاراتك لانه كل مازادت مهاراتك قلّت حاجتك للناس وزادت حاجةة الناس إليك🙃 طيب ياشغف اتعلمها كيف؟؟ المنصات الطبيةة قصرت معاك في حاجةة؟؟
-آخر حاجةة خصص وقت لتعلم لغةة جديدة🤍 في تطبيقات لغات كتييرة  استخدمها اصلا انت فاضي وما وراك حاجةة طوّر من نفسك وبالمناسبةة تعلم لغةة جديدة ما صعب انا ابتديت اتعلم الصينيةة والعبريةة😂 في البدايةة كنت شايفةة انها حاجةة بعييييدة وصعبةة اكن لما بديت شويةة شويةة بديت احس انه الموضوع سهل ومسلي كمان  وبقيت مؤمنةة بفكرة اني ممكن أتكلم الصينيةة والعبريةة بطلاقةة واتحمست لزيادة رصيدي اللغوي اكترر🔥
واذا عندكم هوايات تانيةة زي الرسم والتصميم أو رياضةة معينةة حاولو تطورها في الفترة دي استغلو الزمن لانه خصماً من عمركم🙃
ربنا يحفظكم ويسدد خطاكم ويوفقكم
دمتم سالمين 🤍

#فاطمة(#شغف)

السلام عليكم ورحمة الله ❤️
وبسم الله على قلوبكم حتى تطمئن 🤍
أعزائي متابعين شغف الشغوفين✨
بعتزر جداً عن غيابي عليكم الفترة الفاتت بسبب سوء الانترنت 😔
شغف اشتاقت ليكم شدييييد زي ما اشتاقت للخرطوم❤️🥹
عايزة اذكركم انه الفترة الصعبةة دي والأيام الثقيلةة دي خصماً من عمرنا 💔
انا عارفةة انه في ملل وقلق وتوتر حاصل  وضيق وازمات نفسيةة عشان كدة عايزة اذكركم انه هذا الوقت سيمضي 🤍
مهما طالت الفترة دي وقست علينا ح تعدي..
ح تعدي وتبقى ذكرى  ولو شئنا او ابينا ح تعدي وتخصم من عمرنا فحاولو تستمتعو وتستفيدو من الفترة دي رغم كل حاجةة
انا عارفةة انك في الفترة دي ماطايق حتى نفسك😔💔 لكن الاستاء والزعل والتنشنةة ماحل ياجميل🙃
خليها على الله وخليك مؤمن انها ح تهون❤️
وزعلك واستياءك وضيقك ما ح يغيرو حاجةة غير انهم ح ياثرو على صحتك ونفسيتك ومستقبلك 💔
عزيزي الشغوف امانةة عليك تخلي بالك من نفسك وتتوكل على ربك🤍
ولااااا تشيل هم اعقلها وتوكل🤍 واتذكر كلامي عن استغلال الازمات وتحويل العقبات لانجازات 🔥
انت هسي فاضي وماوراك حاجةة اهتم بنفسك، اهتم بإنجازاتك، احفظ القرءان، اتعلم لغةة انت بتحبها، طوّر مواهبك، اتعلم حاجات جديدة، طوّر نفسك في مجالك واكتسب خبرات اكتررر🔥🔥حاول تستمتع بالأيام دي وتنسج ذكريات حلوة شبهك❤️
عاين للنص المليان من الكأس 🙃🤍 وخليك انسان عاقل
-يعني مطلوب مني شنو هسي ياشغف؟😕
ياعيون شغف انت مطلوب منك تعيش وبس🙃
-اعيش كيف يعني ياشغف؟😕 وانا هسي ميت يعني؟🙂
ااااي ميت🙃 طالما انك زهجان 😓ومستاء 😥ومنفسن😢 وناسي نفسك وقاعد تحسب في الساعات والأيام عشان ترجع لحياتك البتحبها تبقى ميت لانه دي ماعيشةة😞
اطلع من الموود الكئيب دة وحاول تنجز وتنبسط وخليك على قناعةة بأنه كله ح يهووون ويعدي وبااااكر تهون القواسي ويبقى كل الفات حكايةة🤍🙃

#وقعت_ياجميل؟🙃

#فاطمةة(#شغف)

عزيزي الشغوف❤️...
طالما عندك مبادئ عايش عليها واهداف بتكافح عشناها فإنت على قيد الحياة❤️

#فاطمةة(#شغف)

السلام عليكم 🤍
وبسم الله على قلوبكم حتى تطمئن ❤️

أعزائي الشغوفين...
بعتزر لأني الايام دي ما ح انزل ليكم نصوص ايجابيةة تواسيكم وتخفف عنكم وتعالج اكتئابكم لانه البيعمل فيه الشعب الفلسطيني اليومين دي كفيل بأنه يعالج اكتئابنا❤️❤️❤️

#فاطمةة(#شغف)

#اللهم_اعز_الاسلام_والمسلمين🤍

صباح الخير 🤍
وبسم الله على قلوبكم حتى تطمئن تطمئن😔❤️
أنا كفاطمةة مؤمنةة انه كل واحد فينا قادر يعيش حياته زي ما نفسه🤍،يتخذ قراراته،يحدد مواهبه،يرسم أهدافه، ويتحمل مسؤوليةة سعادته مسؤوليةة كاملةة؛لانه في نظري مافي حاجةة أهم من انه الواحد يعيش حياته بمستوى أحلام طفولته✨
كل الموضوع محتاج تخطيط سليم ليس إلا

#بتعيشو مرة وحدة بس خلو المرة دي تكون استثنائيةة🙃❤️

#فاطمةة(#شغف)

#بتعرفو_الحب؟؟
هو انا ليه بسأل السؤال الغبي دا؟ اكيد كلكم بتعرفوه♡
#بما_انك بتعرف الاحساس دا تعال نتخيل مع بعض شويةة
اتخيل انك بتحب شخص حد الجنون🩶 ووصلت اقصى مراحل الهيام وبقيت متيم بيه♡
وكرست كل حياتك ليه وعشانه🩶.
بقى محور حياتك وكل تفاصيلك متعلقةة بيه🩶
بتجتهد عشانه،بتسعى عشانه،بتقوِّم نفسك عشانه،بتحاول تحقق ذاتك عشانه،عايز تبقى عظيم عشانه.
بتحاول رغم الفشل، وبتطمن نفسك انه الجاي احلى، وبتصبر رغم تعبك، ومعاناتك، وبتواجه كل الظروف وتخوض المستحيل لانك رهنت كل حياتك عشانه♡
وفجأة وبدون سابق انذار تفقد الشخص دا💔، ح تفضل زي ما انت؟؟؟
#اكيد_لا! ؛ ح تنطفي،وتنكسر،وتفقد الرغبةة في الاستمرار وتبطل تسعى، دا لو مافقدت الرغبةة في الحياة 💔
ودا نفس الحصل لي تماماً..
فبطلو تقولو لي :"بقيتي سلبيةة_بقيتي هشةة_ ولم نعهدك كذلك"
الحرب طفتني💔 انا بحب البلد دي اكتر من نفسي وفي عروقي بيجري حب البلد دي بدل الدم!
متيمةة بيها من وانا طفلةة ولما اقول :"اني مصابةة بعشق هذه البلاد" فدي ما مجرد جملةة عميقةة والسلام! انا فعلاً مصابةة بحب هذه البلاد بكل ما تحمله العبارة من معنى!
من وانا صغيرة في تفاصيل كتيرة بتخص السودان قاهراني وبتألم منها وقررت أعدلها ♡
لما كنا في الأساس الكل كان بيحلم يبقى دكتور أو مهندس أو اي حاجةة لها شأن انا كنت بحلم السودان يتغير للافضل🩶، لما وصلنا الثانوي الكل كان بخطط يجيب نسبةة كويسةة ويدخل مجال يقدر يعيش من وراه،انا كنت بخطط وبفكر كيف احدث تغيير في البلد دي وكيف انهض بيها؟ لما دخلنا الجامعةة الكل عايز يتخرج ويستلم شهادته ويهاجر ويسيب البلد انا كنت بخطط اجتهد واحقق ذاتي وابقى حاجةة عظيمةة وعندي نفوذ وسلطةة عشان اقدر احقق التغيير الكنت بحلم بيه منذ نعومةة اظافري🩶.
انا كنت شاطرة في المدرسةة عشان السودان 🩶، تعبت واجتهدت وعانيت في الثانوي عشان السودان، ووصلت الجامعةة عشانه وكنت بستحمل كل معاناتي عشانه، كنت بصبر نفسي، وبتفائل ومليانةة طاقةة ايجابيةة وحماس عشانه.
حتى الكتابةة البحبها والمحتوى التحفيزي البقدمه عشانه، عايزة احمس شباب السودان، واواسيهم،واخفف عليهم، وادعمهم معنوياً وأمهد ليهم الطريق عشان يحققو ذواتهم عشانه لانهم هم الي ح ينهضو بالبلد دي♡ ؛ اتسميت شغف عشانه، ولقبوني ب"queen of positive" عشانه♡.
هو كل حاجةة بالنسبةة لي وحالياً هو في اسوأ حالاته تفتكرو ح اكون شغف الانتو عرفتوها؟ طبيعي الانطفاء الانا فيه، والسلبيةة البدت تتسلل لروحي لانه حبي للبلد دي هو الكان بحركني وليس الشغف!
صعب جداً اقدر اكمل وعزة بتتألم لكن ح افضل أحاول رغم الانطفاء عشان خاطر الحب الجاري في عروقي، وعن قريب ح ترجع شغف الانتو عهدتوها♡ سواءً رجعت عزة أو مارجعت ح اسعى عشان اكون فخر حقيقي ليها♡
#اللهم_وطني_ومادونه_هيِّن🩶😔
#شغف

#ديسمبر_21

اليوم شغف تمت سنتين🤍✨..
سنتين من الامل✨،سنتين من التحفيز🔥،سنتين من الايجابية🤍..
#سنتين من العطاء💞،سنتين من الحب💛
سنتين من #الشغف💫..
الذكرى السنويةة التانيةة لشغف صادفت ظروف صعبةة تمر بيها البلاد والسبب دا خلاني اتأخر عن تجهيز فعاليات للذكرى السنويةة لشغف😔
لكن في مبدأ كلنا متفقين عليه وهو مبدا شوف الجايات وانسى الرايحات!! والجاي احلى بكتييييير💙✨
وبالمناسبةة الحلوة دي عندي مفاجئة لمتابعين شغف 💥 مفاجئة جميلة بجمال قلوبهم🤍💋
اترقبو مفاجأة  الذكرى السنوية لانشاء مجتمع شغف 🎊🎉..


#سنتين_معاكم_ومكملين🔥🎊

#شغف

بعد فترة  قضيناها بين زخم الدراسة متنقلين بين الشيتات والمراجع ، متسارعين إلى المحاضرات ، متوجهين إلى المشرحة وتارة إلى المكتبة  في أيامنا الأولى متناغنين مع الرفاق♡ متحابين، متعاونين♥ ثم متشتتون، متفرقون على بقاع الأرض، بعيدون عن منازلنا، يقتلنا الحنين لازقة قلعة العلم والمعرفة وضحكات الرفاق.
بعد فترة طالت وطالت امتحاناتها واشتدت معاناتها قضيناها قلقون مجاهدون مساهرون ومثابرون أزف إليكم اليوم خبر انتهاء هذا العام الدراسي. ..
كان عاماً برائحة الاونلاين، تتخللها رائحة النزوح والغربة..
عاماً مليئاً بالتساؤلات؛ متى العودة؟ متى ستظلنا سماء الخرطوم مرة ثانية؟ متى سنقابل الرفاق في أزقة قلعة العلم والمعرفة من جديد؟
عاماً مليئاً بالدموع، والفقد، والاشتياق والضغوط الأكاديمية لكنه انقضى!
انقضى ولم يبقى منه غير الذكريات♡ ذكريات نسجناها حبا في كل مكان تواجدنا فيه سوية، والماً في كل مكان تمنينا أن نتواجد فيه سويةً،..
انتهى عامنا هذا   وستنتهى جميع اعوامنا القادمة  كلمح البصر ولن تبقى لنا غير الذكريات، تلك الذكريات التي ستكون زاداً للحنين في غابر السنين بحلوها ومرها..
احرصو على حصد الكثير من الذكريات فهذه الأيام ستمضي بلا عودة! ..
ستقف يوما ما عند حافة الماضي وتتمنى رجوعها لكنها لن تعود !..
عيشو هذه الأيام توقفو كثيرا عند تفاصيلها الجميلة وتجاوزو ما قسى منها!
استشعرو السعادة في كل لحظة تعيشونها داخل حدود الجامعة إن كُتبت لنا العودة، وخارجها مع الأصحاب والزملاء لا تكرهو، لا تحقدو، لا تستاءو لسوء المعدل أو صعوبة الامتحان فهذا الوقت سيمضي!
في الختام  ابلغكم تحياتي سائلةً المولى عز وجل أن تثمر جهودكم وتنالو أعلى الدرجات وان تسطرو تاريخا مليئاً بالنجاح وترسمو طريقا أكاديمياً محفوفا بالعلم والعمل ♡ ..
اليوم طلاب وغداً أطباء🩺
دمتم في رعاية الله وحفظه💜

#شغف