شغف عايزة تقول ليكم الأيام البتكونو فيها مخنوقين ومتضايقين،
واللحظات البتحسو فيها إنه الدنيا ضاقت عليكم وتتمنو فيها الموت الف مرة مصيرها تعدي وتبقى مجرد ذكريات💙..
صدقوني ح تعدي زي ما عدت الأزمات القبلها..

#ما_تشيل_هم💚

#فاطمة(#شغف)

السلام عليكم
ادعو لشغف تقوم بالسلامة وربنا يواليها بالعافية😔❤️❤️
دائما بتواسينا وكلماتها بتربت على قلوبنا كلنا🤍
بنلقى في حروفها الأمل كلما نيأس بنرجع نحاول تاني كلما فقدنا الشغف بفضلها وبفضل دعمها الدائم لينا ❤️
دمتي لنا ودامت حروفك ياشغف
أنا متأكد انه كل متابع هنا بيدعي ليها غيبا كلما يقرأ نص يلامس قلبه🥹
ادعو ليها يشباب بتستاهل😔

ربما لم تكن الأمور تسري كما نخطط لها لكننا فرحين بما اتانا الله من فضله!
ربما تسري سفينتنا بما لا تهواه نفوسنا لكنا نقسم بأننا سننال كل ما تمنته قلوبنا يوماً!
وعهد علي سأصنع عاصفة من اصراري لتحول مسار سفينة حياتي كما أهوى
وما خلقت إلا لاحقق مع كل صباح انتصارا جديداً في رهاني مع الحياة!


#صباح_الخير


#فاطمة♥✨
(#شغف)

متابعين شغف الأعزاء 🤍
عندكم فكرة عن ماذا حدث في نفس ذاك اليوم( بكرة) ؟؟
تتوقعوا في شنو او بكرة يوم مميز ليه ؟

بكرةةةة عيد ميلااااااد شغف 🔥🔥🌹🤍🥳🥳🥳🥳🥳🥳

شغف ياااااا شغف 🤍🤍💋💋يا وردتنا ويا غالية علينا بكرة احلى يوم بيك🌹 .
وفي عيد ميلادك 🌸🌸🌸اهديك حبا ممزوج بعبير يفوح روعة كروعتك.🌻
عزيزتي فاطمة تمسكي بحبل الله فكل حبل سواه ينقطع✨ ولتكن ايامك القادمة ريحان وعنبر عليكِ ومليئة بالبهجة كما كنتي تدخلينها على متابعينك وكما كنتي بلسم لجراح النفس التي يصعب علاجها.
يزدهر الغد بيك يا جميلة عشان كنتي دايما جمال على جمال🔥🔥 فاتمنى انو تتحلى ايامك وتعيشي دايما مبسوطة وفرحانة وتتيسر ليك كل طرق السعادة .

🍀🍀غاليتي شغف بتمنى تمتد ايامك امطار رخاء وتحققي احلامك وتعيشي طموحك فكنتي دايما البلسم لينا والزولة الراقية البتحسسنا اننا بنستاهل وبتثق في قدرتنا على الوصول تعيشي يا عسل لما تفتري وتتنور دنيتك💫 وكل عام وانتي الى الله اقرب.
خليك زي ما انتي ببسمتك وشغفك وحماسك وطيبتك وشخصيتك فانتي غالية على كل الناس وبالذات💋 متابعين شغف 💋 فكل عام وانتي بالف خييييييير ❤️


🤍بوست كبيييييير في حب شغف 🤍

رونق الشغف في عينيك بادي** فاطمة تفيض سعادة كخير وادي
🤍🤍🤍❤️❤️🤍🤍
#الدرداء
#تتهني-ياااا-شغفنا

3/7 للوهلة الأولى ممكن تحسو انه تاريخ عادي لكن في الحقيقة هو نقطة تغير بالنسبة للعالم
في اليوم دة اتولد الشغف وأعلن العالم عن وجود كائن جديد كائن استثنائي وجات شغف على الدنيا♥️
في اليوم دة اتولدت الانسانة صاحبة اكبر قلب وارهف احساس
اتعودنا عليها مميزة في كل حاجة استثنائية زي ماهي شايفة نفسها
طموحة ،شغوفة، ملهمة، داعمة،
ممتنين جدا لوجودها في حياتنا
نسال ربنا يوفقها ويجبر بخاطرها زي ما بتجبر بخاطرنا ♥️

#mo_ed

صباح الخير 🤍✨
انا ما شيخة ولا وصلت هاي ليفل في التدين انا مجرد شابة بتجاهد نفسها عشان تستقيم😔❤️
فيما يخص الاحتفال بعيد الميلاد فالموضوع دة فيه جدل على نطاق واسع في ناس بقولو انه حرام وانه في الإسلام عندنا عيدين وبس والاحتفال بعيد الميلاد تشبه بالكفار! في فئة تانيةة من الناس بقولو انه ماحرام وانه الرسول صلى الله عليه وسلم كان بصوم يوم ميلاده واعتبرو الحاجةة دي طريقةة من طرق الاحتفال!
في وسط الجدال الحاصل بخصوص الموضوع نحن مطالبين نتقي الشبهات!
لكن بما انه اليوم دة مميز ممكن نحتفل بطريقةة تانيةة بعيدة عن الشبهةة ومانعتبر يوم ميلادنا عيد وإنما نعتبره بداية جديدة❤️
نحاسب نفسنا ،نراجع حسابتنا، اخطاءنا،ميزاتنا،  نخطط لسنينا الجايةة، نشوف السنةة الفاتت طلعنا منها بشنو؟ الإنجازات إلي كان مفترض نحققها في السن دة هي شنو وهل حققناها؟؟؟؟
اعتبر يوم ميلادك نقطةة تغير، ونقطةة انطلاق وبدايةة جديدة
اطوي السنةة الفاتت بكل تفاصيلها وركز على الجاي♥️
ارسم خطط ورتب اولوياتك خلي عندك مبادئي عايش عليها🤍
اسعى عشان سنينك الجايةة تكون مليانةة انجازات ونجاحات واتذكر انه كل ثانيةة تعدي من عمرك صعب ترجع💔
انت في سباق مع الزمن والحياة مابتتكرر بتعيش مرة وحدة بس خلي المرة دي تكون مميزة ♥️
وعايزة اقول ليك حاجةة وحدة بس اسعى وجاهد وقاتل لحدي ماتكون راضي عن نفسك ♥️ والرضى دة ما ح يتحقق الا لما تحقق ذاتك وتبلغ أسطورتك الشخصيةة🤍


#فاطمةة(#شغف)

ديك الدعاوي الثابتة
في كل السجود❤️
باكر نقول:
اتحققت❤️!
نلقى الحلم أصبح نصيب✨
والعتمة ديك اتبددت! ..


#صباح_الخير 🤍✨

كل عام وانتن طمأنينة وسلام💜..
كل عام وانتن مصدر أمل وايجابية✨..
كل عام وانتن مدرسة ، وسند، ومأوى، وحبب❤️، ووئام، وقوة، وإلهام🤎..

كل عام وانتن كل شيء وبدونكن لا يكتمل شيء!
كل عام وانتن سند وعون كل عام وبصمة ابداعكن تلامس كل نجاح يقوم به آدم🖤..
كل عام وانتي الأم🤎..والاخت💓..والزوجة💜..والرفيقة🦋..والطبيبة♥..
والحبيبة🖇..والمربية💕..والمعلمة🔖

كل عام وانتي شغوفة وحالمة وطموحة ومبدعة وملهمة🤍..

إلى كل حواء..
جميلة انتي💕..جميلة بلونك الأسمر أو الأبيض ، جميلة بشعرك الناعم أو المجعد، طويلا كان أم قصير انتي جميلة♥
جميلة انتي بأنفك المعتدل أو الكبير ، جميلة بوجهك الصافي أو الملئ بالبثور، جميلة بصوتك الأنثوي أو الفوضوي انتي جميلة♥..جميلة بكل تفاصيلك لأنك انتي💚..وكل ما خلقه الله جميل💟
كوني نفسك ♥
انتي لست بحاجة لتغيير لون بشرتك أو إنقاص وزنك أو تعديل انفك ولستي بحاجة كذلك إلى وضع مساحيق التجميل انتي جميلة على طبيعتك ♥
ولتعلمي أن الأنثى التي تكون على طبيعتها أكثر جاذبية من اللاتي يسرفن في استخدام مساحيق التجميل ويخضعن للعمليات الجراحية ..الطابع الرباني أكثر سحرا وجاذبية لذا كوني على طبيعتك حفظك الله🤎..
كل أنثى تطمح لأن تغدو الأجمل وهذا شئ فطري لكن كوني جميلة في اخلاقك واجعلي زبنتك هي عقلك💞..تعلمي اطلعي اقرأي طوري نفسك وابدعي في كل مجالات الحياة ،..
كوني مع الله ♥واحبيه فهو السند الذي لا يميل🤎
احفظي القرءان ورتليه فهو الصاحب والانيس ولا يتعافى المرء إلا بالقرءان❣..
أحبي نفسك ودلليها اعشقي تفاصيلك مظهرك، وضحكتك، وصوتك، ووزنك، ثقي بنفسك فالثقة نصف الجمال🤎
لا تظلمي نفسك😔لا تنادي بالمساواة مع ادم💔..
من خلقنا لم يساوي بيننا وصرح بذلك في نص القرءان ألا ترضين بحكم الله؟ ..
أحمدي الله على نعمة الاسلام أولا ثم ثانياً اعلمي أن الإسلام أعطانا من الحقوق مالم يرد في أي ديانة أخرى! الإسلام حفظنا وكرمنا وأعلى من شأننا ولم ينقص من قدرنا شيئاً ..
الإسلام عظمنا ووصى علينا ودللنا فلما تظلمن انفسكن وتنادين بالمساواة؟؟!

كل عام وشعارنا
#وراء_كل_رجل_عظيم_امرأة_عظيمة
فلتفخري يا حواء 🔥
كل عام وانتن بخير ✨💜
...

#فاطمة✨🪄(#شغف)

#كله_بهون❤️

انا عارفة انك بتحاول♡، عارفة انه السكة طالت عليك، عارفة انه رغبتك في الوصول صادقة وبتسعى بإخلاص♥
عارفة انك زهجت من مجهودك البدون نتائج وبديت تفقد الأمل💔

مش بقولو: من سار على الدرب وصل؟؟
طالما اتخذت الخطوة الأولى وانطلقت ح تصل❤️‍🔥..ح تصل مهما طال الطريق، ح تصل مهما كترت عليك التحديات، ح تصل مهما تواجهك عثرات، ح تصل لأنك تعبت!
كلما كانت الوجهة عظيمة كان طريقها أكثر مشقة دي سنة الحياة♡

طبيعي تقابلنا مشاكل وكبوات ونحن بنسعى لاحلامنا💙
في رواية الخيمائي في عبارة بتقول:"عندما تحلم بشئ فإن العالم بأكمله يساعدك للوصول! "
لكن الحقيقة عكس كدة لما تحلم بي حاجة كل الظروف بتعترضك وكل العالم ببقى ضدك ودة أحلى مافي الموضوع♥
أحلى مافي الموضوع؟ كيف ياشغف؟؟شغف انتي جنيتي؟ لما تعترضنا الظروف وتواجهنا مشاكل دي حاجة حلوة؟؟؟
ايوة حاجة حلوة♡ أتخيل انك بتحلم بي حاجة ونفسك تحققها وبديت تسعى لكن ما واجهتك مشاكل ولا اعتراضات ولا اتعثرت ولا تعبت
وحققتها♥ هل ح تكون مبسوط؟ ما ح تحس بي قيمة الحاجة دي لأنك ما تعبت الموضوع ح يكون عادي جدا بالنسبة ليك💔
لكن لما تتعب وتعاني وتقع وتقوم تحاول تاني هنا الموضوع بختلف ♡ لما تصل الدنيا ما ح تسعك من الفرحة♥ وفرحتك ح تكون على قدر تعبك ومعاناتك♡
ما تضايقو من الاعتراضات البتقابلكم في حياتكم والله لو ما الاعتراضات والمشقات دي ما كنا ح نعرف قيمة سعينا ولا ح نحس بلذة انتصارنا♥

حاولو تستفيدو من المشاكل البتقابلكم واتعاملو معاها كدروس واتعلمو تحولو عثراتكم لي إنتصارات ونقاط ضعفكم لي قوة🔥 ..وحاولو تستمتعو عشان تطلعو بذكريات حلوة شبهكم💚 عشان لما تصل تتذكر التعب الكان زي العسل على قلبك والمشقات الكنت بتتلذذ بيها♡

اتذكرو انه الطريق الانتو بتمشو عليه ما بقل أهمية عن الوجهة العايزين تصلو ليها♡استمتعو بالرحلة وافرحو وما تأجلو فرحتكم لحدي ما تصلو💔

صدقوني الفرحة الحقيقية مافي الوصول الفرحة الحقيقة في التجربة البنعيشها رغبة في الوصول
إياكم تستسلمو وإياكم تغقدو الأمل لما تعترضكم مشاكل لأنه من غير المشاكل والعثرات دي فرحتنا ما تكتمل♥

#فاطمةة(#شغف)

النفس والهوى:
إحذر من النفس التي تتبع الهوى فهو ضآل لها وإن جاريتها مرة ساقتك الى الحضيض في المرات القادمة ؛فحينها تكون نفسك تحت سيطرة الهوى تنفذ ما تؤمر به من هواها وإن كان يقودها للشر فتكون من عبدة الهوى فيضلها ضلال بعيد .
#كسرة
خليك زول قوي على نفسك م دايما اي حاجة تطيعها وتنفذها ليها امنعها من حاجات محرمة وجاهدها، صح الجهاد صعب لكن بحميها من انو تقع في الشرور والحرمات لكن لو عودتها دايما على الهي عايزاو صدقني ح تجرك لدروب عمرك م كنت متوقع انك تصل ليها ؛ حتى في الحلال مرات امنعها وما تكون نفسك في اي حاجة عشان تعلمها الانضباط وتقدر تتحكم في نفسك وهواك فضبط النفس م حاجة ساهلة لازم تتدرب عليها وكتر من الصيام عشان بعلم تهذيب النفس وعدم مجاراة هواها.
فالنفس تضل لما تتبع الهوى ومن كتاب الله بعض الآيات:
قال تعالى:(وَلَا تَتَّبِعِ الْهَوَىٰ فَيُضِلَّكَ عَن سَبِيلِ اللَّهِ ۚ إِنَّ الَّذِينَ يَضِلُّونَ عَن سَبِيلِ اللَّهِ لَهُمْ عَذَابٌ شَدِيدٌ بِمَا نَسُوا يَوْمَ الْحِسَابِ)

قال سبحانه وتعالى:(إِن يَتَّبِعُونَ إِلَّا الظَّنَّ وَمَا تَهْوَى الْأَنفُسُ ۖ وَلَقَدْ جَاءَهُم مِّن رَّبِّهِمُ الْهُدَىٰ)
#الدرداء
<الدر ست الكل>

في آيةة جميلةة جدا بتقول :"{إِنَّهُ مَنْ يَتَّقِ وَيَصْبِرْ فَإِنَّ اللَّهَ لَا يُضِيعُ أَجْرَ الْمُحْسِنِينَ}❤️

وفي بيت شعر دارجي لطيف خاالص بقول:
أحلامنا بالصبر الجميل
باكر بتتحقق قواام🥹❤️

وفي مقولةة حلوة بتقول:"اصبر فكل الصابرين قد جٌبرو"

وشغف بتقول: كل لحظةة ألم تعيشها قصادها فرحةة وعوض وجبر خااطر 😉

اصبررر وربنا بنص القرءان وعدك بالجزاء "وماينطق عن الهوى"

على قدر ماتتعب بتلقى🤍 اصلا الدنيا كدة عشان كدة ضااعف مجهودك قدر الامكان عشان الفرحةة تتضاعف✨

هو الموضوع مرهق شويةة وممكن يكون ممل لكن لازم تتعب لانك ما ح تحصد حاجةة لو ما طلعت من حيز الراحةة🙂

#أتعب_عشان_الفرحةة_تستاهل✨

#صباح_الخير

تذكير بقراءة سورة الكهف 🤍..🍃

قم فإنك كالنور مرتحل بين الأمكنة لتضئ ثنايا عمّها الظلام ، فقم كالصبح وكالنجم وكأمطار الخريف لتروي عطش الأرض وتسقي نفسك كؤوس النجاح فلا تدري أي ريح هبت على قلبك لتلهمك سقوط المطر كأرادة صقلت من حديد وعزيمة لا تثنيها قوى الجبال.
كن صامدا جلدا صابرا على ما مر وما سيمر فالكون يحتاج نجاحك ليضعك في قائمة المشهود لهم بالإنجاز وليسطر اسمك في صفحات التاريخ فأنت الصامد الصبور على كدر الحياة والمتحصل والمحظوظ بصفائها.
إياك وخذلان نفسك وإحباطها بتوقيفها في قاع لا تنتمي إليه فهي تستحق الأفضل ولها الحق في الوصول إلى القمة بأسبقية وبكل جدارة فأصعد سلَّم المحاولة والتجريب والاجتهاد فتكن موفقا ومتفوقا بإذن الله؛فلا المجد يأتيك على راحة وعدم جد ولم يكن الكسل يوما صديق النجاح فأنت تدري أن العُلا هو ضد القاع.
قم فإنك كالنور يشع إشعاع ساطع لينير لك طرقات سدّتها الخيبات ووقفت على أعتابها أنبل الأمنيات فلا تيأس من تحقيقها وأنرت طرقاتك بمصابيح البصيرة ولتفهم أن النور يضئ فقط إن اشعلتهُ بقبس، قم كالطير يغدو آملا ويواجه الخطر فمن خاف المخاطر ومشى الهوينى ولم يبادر بتخطيها فلا يكون له مع العظماء شأن.
قم بصلابة قلبك ومتانة روحك لتفيض على العالم أجمع نجاحات متتالية ولتشرق شمسك بمجد وسؤدد عالي زانته صعاب وشوارع ملتوية فقد كانت وعرة لكنها لم تفلح في ثنيك عن إرادتك فلك إرادة من حديد وهمة شابها إخلاص وطموح بتحقيق الذات فأضرمت نيران مستعرة في الفشل وألحقت الهزائم بكل اليأس الذي كان في داخلك،فعدت إنسان جديد بالأمل والهمة العالية مكللا بنجاح وصانع أمجاد من الشرف بكل قيمة حسنة فيك .
فلتقرأ لتضئ العالم ولتردد بلسان صادق يحيا العلم الذي رفع الشعوب وتعيش القراءة التى صنعت الأمجاد وزادت صاحبها قدرا وشرفا.

#صباح_الهمّة
#الدرداء

صديقي
أراك حزينا ،باهتا ،فاقدا للشغف،وأنا لم اعهدك كذلك!
أعلم أن الطريق طال وأن المسير اصبح شاقا ،اعلم كم تعاني لتقاوم تلك العثرات وكيف تسعى جاهدا لإخفاء تلك الكدمات التي سببتها لك ضربات الحياة !!
أعلم انك يئست من الوصول وبت تفكر الآن أن هذا ليس مكانك! وأنك لن تنال!!

يا صديقي ..
لا يمكنك إختيار الظروف التي تعيشها!ولكن بإمكانك أن تتعايش معها!
قد تبدو تلك الظروف غير ملائمة وربما لم يكن الوقت مناسبا لكنك لا تحتاج لوقت مناسب ولا ظروفا مثالية أنت تحتاج فقط إلى الرغبة♡ إن تواجدت الرغبة فكل الأوقات مناسبة للإنجاز🔥

مهما تكرر سقوطك ومهما زادت خيباتك ومهما تأخرت لا تستسلم ! لا تكف عن المحاولة أبدا وإياك أن  تقول:"فات الأوان!"فأحلامنا ليس لها أوان ودائما يمكننا البدء من جديد❤️

صديقي ..
سقوطك ليس فشلا! الفشل هو أن تتوقف عن المحاولة💔 عثراتك ليست النهاية وإنما النهاية هي أن تفقد الرغبة في المحاولة من جديد😔💔

سأخبرك شيئا ..كل ماتمر به ليس إلا سوى فصول مرهقة سيأتي بعدها الربيع حتما فقط اصبر
ارجوك قاوم لا تتوقف عن المحاولة حتى وإن تعاون كل العالم لإيقافك تذكر أن الأحلام خلقت لتتحقق وأن الرغبات خلقت لننالها وأن الله لا يضيع أجر من احسن عملا🤍

صديقي ..
اريدك حالما،ساعيا،مجتهدا،متفائلا،شغوفا،محاولا مرارا وتكرارا🔥
اريدك ان تحذف كلمة المستحيل من قاموسك فالإصرار يصنع المعجزات!!،أريدك أن تتحلى بالشغف !! فالشغف هو الترياق الذي نتجرعه إن أصابتنا سموم اليأس
تمسك برغبات قلبك حتى وإن تعاون جميع العالم لإيقافك! إرفض التنازل عن أحلامك حتى وإن استحالت الطرق الموصلة اليها!! ،..إهمس لتلك الأماني التي تغفو في قلبك قائلا لها :"أن الوقت قد حان لتصبح واقعا" وعاهد ذلك الحلم بأنك ستلتقيه حتما حتى وإن استحالت الطرق المؤدية اليه😔❤️..

صديقي..
إنهض وأمضي قدما فإستمرارية السعي تعني حتمية الوصول كن استثانئيا فأنت تستحق ..
لن أقول لك: "ابحث لنفسك عن مكان في القمة فالقاع شديد الازدحام" ولكن سأقول لك:" أجعل طموحك أعلى من القمة فالجميع يبحث لنفسه عن مكان في القمة هربا من ازدحام القاع!"

#فاطمةة(#شغف)

متابعين شغف🤍
مساء الخير او صباح الخير حسب التوقيت البتقرو فيه البوست🤍
شاركت بالنص دة في مسابقةة تحفيزيةة
ح اكون سعيدة جدا لو دخلتو على اللينك وعملتو لي لوف❤️ على البوست
https://t.me/Goma8ra/7609

سأُحسنُ الظنَّ مهما طال بي أملي
‏كم مُستحيل بحُسن الظنِّ ..نِلناهُ

#صباح_الخير ✨

‏طَالَ الغِيَابُ وَحَانَ قُرْبُ لِقَائِهِ
فَتَهَيَّؤُوا وَاسْتَـقْـبِلُوا رَمَـضَـانَا

هَبَّتْ نَسَائِمُهُ النَّدِيَّةُ فَانْتَـشَىٰ
قَلْبِي… وَأَجْـرَىٰ نَبْـضَهُ أَلْـحَانَا

يَا رَبِّ… بَلِّـغْ كُـلَّ مُشْــتَاقٍ لَهُ
وَارْزُقْهُ فِيْهِ العِـتْقَ وَالغُـفْرَانَا‎.

متابعين شغف🤍
صباح الخير على قلوبكم❤️
القناة هدفها تحفيزي في المقام الأول 🤍
عايزة كل متابع هنا يعرف انه الدنيا حلوة ومفترض نعيشها لانها ما بتتكرر💔
وانه مافي حاجةة مستحيلةة لكن في حاجات صعبةة ومطلوب مننا صبر ومجهود واستمرار🤍
وانه اي زول هنا هو بطل قصةة حياته وبستحق يكون الافضل ويرسم حياة مليانةة طموحات وانجازات ونجاحات 🤍✨
ما تبخل على نفسك بالتميز وما تكتفي بالحياة العاديةة
عشان نفسك اجتهد عشان تكون متألق ومميز دائما "فليس قدرك بالأدنى او الدون!!"
كل واحد فينا بيقدر يحقق ذاته ويكون زي مابيحلم اذا كان عنده رغبةة 🤍
بس كيف نبدأ؟ وكيف نقدر نستمر عشان نحقق الوصول 🤍
ماعايزة ابقى زي مدربين التنميةة البشريةة واقول ليك انت بتقدر وانت بتستطيع ومافي مستحيل و...الخ
لكن عايزة اقول ليك الشخصيات العظيمةة والمؤثرة من بدايةة البشريةة وحتى اليوم هم اختارو يكونو كدة❤
في جزء منهم حالفهم الحظ وقدرو يتألقو ويلمعو وفي جزء منهم ظروف حياتهم ساعدتهم عشان يبدعو ،وفي جزء منهم قدر يلمع بالرغم من انه امكانياتهم كانت صفر وكل الظروف ضدهم ..
رغم اختلاف ازمانهم واوضاعهم وظروفهم المعيشيةة بتشابهو في انهم اختارو يكونو استثنائين 🤍
وانت بتستاهل تكون استثنائي❤️
ح تعيش مرة وحدة بس اتعب عشان المرة دي تكون مميزة✨☺️

#فاطمةة(#شغف)