الحاجات الصعبة كتيرة ودايما بنقدر ننجزها لو امنا فعلا بالحاجة دي وزي ما عمر عبدالعزيز قال: (لو أن الناس كلما استصعبوا أمرا تركوه ، ما قام للناس دنيا ولا دين)
وما كل حاجة شايفنها صعبة بنخليها ونقول يااااخ
الحاجة دي كبيرة علي 😪 والله انا ما قدر الحاجة دي😩 عبارات كتير بنقولها وعادي انك تقولها لكن ما اي حاجة بنقول فيها كدا عدا الحاجةالانت اصلا عاجز عنها بسبب مرض او غيرو في الحالة دي دا عذر 🌚.
يعني انا بقدر اتحمل حاجة ليه ارفض او حتى اجرب اني قدرها لانو عدم المسؤولية دي م حاجة هينة وما لازم نمر عليها مرور الكرام بالعكس دي حاجة مملة وروتينية شديد تكون قاعد لا شغلة ولا مشغلة بتحس انو كسل الدنيا دا كلو فيك احساس انو انت ما عندك هدف في الحياة وعدم شغل وقتك بحاجة مفيدة وتحمل مسؤولية اتجاه شي معين فيو دا بخليك تمشي للافكار السوداوية وتحس بالاكتئاب والشعور بالسلبية واكتر من كدا لكن لما تكون واعي وعارف انك ممكن تشيل مسؤولية حاجة وما تتهرب منها قدرك برتفع عند نفسك اولا قبل الناس وبتزيد ثقتك بنفسك لانو انت عارف انك اتعلمت من الحاجة دي، قادر تتحمل المسؤولية انت في السليم ، وحتى لو فشلت فيها المهم انك جربت وعرفت يقينا انو الحاجة دي م قدرك م حكم طوالي كدا انك م عندك طاقة او قوة قبل م تخت نفسك في التحدي وتكون قدر المسؤولية، وبتكون دايما شايف الناس الما مسؤولين االساااهل والصعب بقيف ليهم في طريقهم لانو معتمدين او متواكلين على ناس غيرهم، فكون انت مختلف زول مسؤول بعتمد على نفسو وذاتو مهما كان عمرو وقادر تتعامل مع مختلف الظهور والضغوطات عشان تكون زول عندك شخصية و تخلي الناس تثق فيك لانو انت زول يعتمد عليو .
😊 صباح المسؤولية صباح خيييير 🌻

#خليك_مسؤول


#الدرداء_حماد

وإن عجزت عن تغيير العالم سأكون أنا التغيير الذي أتمنى أن أراه في العالم 🌍🎐 ✨

#فاطمةة(#شغف)

لما الدنيا تبشتن قلبك..
عيد ترتيب نبضاته بآية💕😴

صباح_اليقين🤍✨

يأتي مع الانجذاب للشئ والتعلق به ( الحذر )......
ومثال :
تعلقنا بالبحر لأنه منفس للغضب والإحباط ويسرب لنا التفاؤل والتفكر الصافي كعذوبة مائه مع كل هذا وذاك و شعورنا بالانسجام عند نظرنا لشفافيته وزرقته إلا أنه ينبغي الحذر من خطره وعدم المخاطرة بالاقتراب منه فإنه لا يرحم حينها وسيبلع ويغرق كل من لم يعرف السباحة فيه؛ لدي صديق أعرفه كان يحب البحر ولفظ اخر أنفاسه ومات غرقاً فيه 😭.

#كسرة
لما تتعلق بزول وتتمسك فيو خليك واعي وعارف حتة تقيف وتخت حدود مهما كان درجة قربك لانو م كل تعلق بكون كويس ليك بعض القرب من ناس بكون خطر عليك بفقدك حاجات كتيرة منها مبادئك ونفسك وبخليك تقطع علاقاتك الحلوة وتدخل في متاهة ممكن تفقدك شخصيتك وروحك المرحة ; لما تحس انو العلاقة دي مستنزفاك وسارقة وقتك وبايعة ضميرك وانو القرب من الزول دا بخليك فاقد هويتك وحاسي بعدم شغفك في الحياة اعرف انو حتى لو بعدت عنو ح تنجرح ابعد احسن ليك لانو الجرح أخف من الفقدتو واحساس انو في زول متحكم فيك ومسيطر عليك دا ابشع شعور واخير تنجرح من تعيش بروح ميتة وحياة كلها كآبة عشان تحافظ على زول بسبب ليك الوجع ونفسك م مستاهلة تضحي بيها لانها غالية م تبيعها بابخس ثمن ؛ خليك حذر من العلاقات المسمومة .

#الدرداء

الطب مهنة نبيلة ذات طابع انساني
الطبيب بتعامل مع حياة بشر وأرواح بني آدمين عشان كدة سموهم ملائكة الرحمة🤍
الطبيب بلسم بكون عايش عشان يداوي ويعافي بإذن الله ❤️
عارف يعني شنو انك تكون عايش بلسم؟؟
يعني فاعل للخير وخادم الإنسانية
ملاك للرحمة وسفير للحب❤️
  💓اتخيل كمية الأرواح الانت ح تنقذها بفضل ربنا وكمية الآلام الح تخففها
الأوجاع الح تطبطب عليها والنفوس البتعالجها نفسيا قبل ما تشوف المرض العضوي !اتخيل الإبتسامة الح تترسم على وجه طفل بعد يتعافى❤ودمعة أمه الشايلة الفرحة
اتخيل كمية الدعوات البتلقاها من كل مريض وكل ام ملهوفة على أولادها وكل شاب  خايف على ابوهو💖
اتخيل كمية الاحترام والحب اليتلقاها💚
والمكانة المرموقة الح تتميز بيها في المجتمع
اتخيل طفل قرر يبقى طبيب زيك لانك عالجت أمه واتعافت بفضلك ح تبقى قدوة 💖
وملهم وواهب للحياة❤️
الطب ممتع اتخيل انك بتتعمق وتدرس الجسد والأعضاء من أصغر زرة لحدي اكبر جهاز
وتبحر في المعرفة وتكتشف وتتلذذ بإثارة الاكتشاف وتتعرف على تركيبك ووظايفك والكيفية الانت عايش بيها كيف بشتغل القلب ؟وكيف بتتجدد الخلايا؟كيف بنفكر وكيف بنتحرك وبننفعل؟؟وغيرها من التساؤلات
الطب وظيفة تستحق نجاهد عشان نصل ليها
نصلها ..الطب شغف الطب بلسم الطب حياة ما مجرد حلم!او مجرد مهنة
الطب صعب ومافي حاجة حلوة بتجي بالساهل اجتهدو واتعبو
عشان ربنا يكافئكم ويعوضكم عن تعبكم لما ماهو جميل
اليوم طلاب وغدا اطباء💙
فاللهم التوفيق والثبات..❤️🩺🩺

#فاطمة(#شغف)

امتنان 🫶
ما قصدي اسم البنت الحلوة ديك لكن قصدي المعنى الأجمل للكلمة ، والزول البكون عندو جزو من الفعل دا بكون انسان راقي جدا عشان م اي زول في الدنيا بكون ممتن .
أمتنان إنك تشكر المعروف القدمو ليك الشخص وما تستنكرو فهو عكس الجحود وبس الزول الحساس بشعر بالامتنان وبعرف قيمة الحاجة العملوها حتى لو كانت حاجة معنوية بسيطة من مؤازرة و لطف و انك تمسح دمعة بكلمة طيبة وحتى الابتسامة م الا تكون حاجة مادية .
والوالدين اكتر ناس احنا جوانا امتنان ليهم وممتنين لأي زول خفف عننا او دعمنا او خلانا انو نشعر اننا ناس مهمين في الحياة .
وشكرا كبيييييرة من القلب ليييكم 🤍
[خلونا نعرف الناس الانتو ممتنين ليهم في التعليقات]
#الدرداء

"يُمكننا دائمًا البدء مرَّة أخرى."⁣
“We can always start again.”⁣

«وزاحمِ النجْمَ في عُليا مطالعه
فليس قَدْرُكَ بالأدْنى ولا الدُّون»

#صباح_الخير 🤍✨

اجعل بين جمعتيك نور يزيل عنك ظلام الفتن ولتردد قصة اصحاب الكهف وصاحب الجنتين وسيدنا موسى والخضر عليهم السلام وذو القرنين.
تذكير بقراءة سورة الكهف 🤍

مساء الخير عليكم🤍
شغف اليوم ماذكرتكم بقراءة سورة الكهف
يتمنى ماتكونو نسيتوها🤍😔

شغف عايزة تقول ليكم الأيام البتكونو فيها مخنوقين ومتضايقين،
واللحظات البتحسو فيها إنه الدنيا ضاقت عليكم وتتمنو فيها الموت الف مرة مصيرها تعدي وتبقى مجرد ذكريات💙..
صدقوني ح تعدي زي ما عدت الأزمات القبلها..

#ما_تشيل_هم💚

#فاطمة(#شغف)

السلام عليكم
ادعو لشغف تقوم بالسلامة وربنا يواليها بالعافية😔❤️❤️
دائما بتواسينا وكلماتها بتربت على قلوبنا كلنا🤍
بنلقى في حروفها الأمل كلما نيأس بنرجع نحاول تاني كلما فقدنا الشغف بفضلها وبفضل دعمها الدائم لينا ❤️
دمتي لنا ودامت حروفك ياشغف
أنا متأكد انه كل متابع هنا بيدعي ليها غيبا كلما يقرأ نص يلامس قلبه🥹
ادعو ليها يشباب بتستاهل😔

ربما لم تكن الأمور تسري كما نخطط لها لكننا فرحين بما اتانا الله من فضله!
ربما تسري سفينتنا بما لا تهواه نفوسنا لكنا نقسم بأننا سننال كل ما تمنته قلوبنا يوماً!
وعهد علي سأصنع عاصفة من اصراري لتحول مسار سفينة حياتي كما أهوى
وما خلقت إلا لاحقق مع كل صباح انتصارا جديداً في رهاني مع الحياة!


#صباح_الخير


#فاطمة♥✨
(#شغف)

متابعين شغف الأعزاء 🤍
عندكم فكرة عن ماذا حدث في نفس ذاك اليوم( بكرة) ؟؟
تتوقعوا في شنو او بكرة يوم مميز ليه ؟

بكرةةةة عيد ميلااااااد شغف 🔥🔥🌹🤍🥳🥳🥳🥳🥳🥳

شغف ياااااا شغف 🤍🤍💋💋يا وردتنا ويا غالية علينا بكرة احلى يوم بيك🌹 .
وفي عيد ميلادك 🌸🌸🌸اهديك حبا ممزوج بعبير يفوح روعة كروعتك.🌻
عزيزتي فاطمة تمسكي بحبل الله فكل حبل سواه ينقطع✨ ولتكن ايامك القادمة ريحان وعنبر عليكِ ومليئة بالبهجة كما كنتي تدخلينها على متابعينك وكما كنتي بلسم لجراح النفس التي يصعب علاجها.
يزدهر الغد بيك يا جميلة عشان كنتي دايما جمال على جمال🔥🔥 فاتمنى انو تتحلى ايامك وتعيشي دايما مبسوطة وفرحانة وتتيسر ليك كل طرق السعادة .

🍀🍀غاليتي شغف بتمنى تمتد ايامك امطار رخاء وتحققي احلامك وتعيشي طموحك فكنتي دايما البلسم لينا والزولة الراقية البتحسسنا اننا بنستاهل وبتثق في قدرتنا على الوصول تعيشي يا عسل لما تفتري وتتنور دنيتك💫 وكل عام وانتي الى الله اقرب.
خليك زي ما انتي ببسمتك وشغفك وحماسك وطيبتك وشخصيتك فانتي غالية على كل الناس وبالذات💋 متابعين شغف 💋 فكل عام وانتي بالف خييييييير ❤️


🤍بوست كبيييييير في حب شغف 🤍

رونق الشغف في عينيك بادي** فاطمة تفيض سعادة كخير وادي
🤍🤍🤍❤️❤️🤍🤍
#الدرداء
#تتهني-ياااا-شغفنا

3/7 للوهلة الأولى ممكن تحسو انه تاريخ عادي لكن في الحقيقة هو نقطة تغير بالنسبة للعالم
في اليوم دة اتولد الشغف وأعلن العالم عن وجود كائن جديد كائن استثنائي وجات شغف على الدنيا♥️
في اليوم دة اتولدت الانسانة صاحبة اكبر قلب وارهف احساس
اتعودنا عليها مميزة في كل حاجة استثنائية زي ماهي شايفة نفسها
طموحة ،شغوفة، ملهمة، داعمة،
ممتنين جدا لوجودها في حياتنا
نسال ربنا يوفقها ويجبر بخاطرها زي ما بتجبر بخاطرنا ♥️

#mo_ed

صباح الخير 🤍✨
انا ما شيخة ولا وصلت هاي ليفل في التدين انا مجرد شابة بتجاهد نفسها عشان تستقيم😔❤️
فيما يخص الاحتفال بعيد الميلاد فالموضوع دة فيه جدل على نطاق واسع في ناس بقولو انه حرام وانه في الإسلام عندنا عيدين وبس والاحتفال بعيد الميلاد تشبه بالكفار! في فئة تانيةة من الناس بقولو انه ماحرام وانه الرسول صلى الله عليه وسلم كان بصوم يوم ميلاده واعتبرو الحاجةة دي طريقةة من طرق الاحتفال!
في وسط الجدال الحاصل بخصوص الموضوع نحن مطالبين نتقي الشبهات!
لكن بما انه اليوم دة مميز ممكن نحتفل بطريقةة تانيةة بعيدة عن الشبهةة ومانعتبر يوم ميلادنا عيد وإنما نعتبره بداية جديدة❤️
نحاسب نفسنا ،نراجع حسابتنا، اخطاءنا،ميزاتنا،  نخطط لسنينا الجايةة، نشوف السنةة الفاتت طلعنا منها بشنو؟ الإنجازات إلي كان مفترض نحققها في السن دة هي شنو وهل حققناها؟؟؟؟
اعتبر يوم ميلادك نقطةة تغير، ونقطةة انطلاق وبدايةة جديدة
اطوي السنةة الفاتت بكل تفاصيلها وركز على الجاي♥️
ارسم خطط ورتب اولوياتك خلي عندك مبادئي عايش عليها🤍
اسعى عشان سنينك الجايةة تكون مليانةة انجازات ونجاحات واتذكر انه كل ثانيةة تعدي من عمرك صعب ترجع💔
انت في سباق مع الزمن والحياة مابتتكرر بتعيش مرة وحدة بس خلي المرة دي تكون مميزة ♥️
وعايزة اقول ليك حاجةة وحدة بس اسعى وجاهد وقاتل لحدي ماتكون راضي عن نفسك ♥️ والرضى دة ما ح يتحقق الا لما تحقق ذاتك وتبلغ أسطورتك الشخصيةة🤍


#فاطمةة(#شغف)

ديك الدعاوي الثابتة
في كل السجود❤️
باكر نقول:
اتحققت❤️!
نلقى الحلم أصبح نصيب✨
والعتمة ديك اتبددت! ..


#صباح_الخير 🤍✨

كل عام وانتن طمأنينة وسلام💜..
كل عام وانتن مصدر أمل وايجابية✨..
كل عام وانتن مدرسة ، وسند، ومأوى، وحبب❤️، ووئام، وقوة، وإلهام🤎..

كل عام وانتن كل شيء وبدونكن لا يكتمل شيء!
كل عام وانتن سند وعون كل عام وبصمة ابداعكن تلامس كل نجاح يقوم به آدم🖤..
كل عام وانتي الأم🤎..والاخت💓..والزوجة💜..والرفيقة🦋..والطبيبة♥..
والحبيبة🖇..والمربية💕..والمعلمة🔖

كل عام وانتي شغوفة وحالمة وطموحة ومبدعة وملهمة🤍..

إلى كل حواء..
جميلة انتي💕..جميلة بلونك الأسمر أو الأبيض ، جميلة بشعرك الناعم أو المجعد، طويلا كان أم قصير انتي جميلة♥
جميلة انتي بأنفك المعتدل أو الكبير ، جميلة بوجهك الصافي أو الملئ بالبثور، جميلة بصوتك الأنثوي أو الفوضوي انتي جميلة♥..جميلة بكل تفاصيلك لأنك انتي💚..وكل ما خلقه الله جميل💟
كوني نفسك ♥
انتي لست بحاجة لتغيير لون بشرتك أو إنقاص وزنك أو تعديل انفك ولستي بحاجة كذلك إلى وضع مساحيق التجميل انتي جميلة على طبيعتك ♥
ولتعلمي أن الأنثى التي تكون على طبيعتها أكثر جاذبية من اللاتي يسرفن في استخدام مساحيق التجميل ويخضعن للعمليات الجراحية ..الطابع الرباني أكثر سحرا وجاذبية لذا كوني على طبيعتك حفظك الله🤎..
كل أنثى تطمح لأن تغدو الأجمل وهذا شئ فطري لكن كوني جميلة في اخلاقك واجعلي زبنتك هي عقلك💞..تعلمي اطلعي اقرأي طوري نفسك وابدعي في كل مجالات الحياة ،..
كوني مع الله ♥واحبيه فهو السند الذي لا يميل🤎
احفظي القرءان ورتليه فهو الصاحب والانيس ولا يتعافى المرء إلا بالقرءان❣..
أحبي نفسك ودلليها اعشقي تفاصيلك مظهرك، وضحكتك، وصوتك، ووزنك، ثقي بنفسك فالثقة نصف الجمال🤎
لا تظلمي نفسك😔لا تنادي بالمساواة مع ادم💔..
من خلقنا لم يساوي بيننا وصرح بذلك في نص القرءان ألا ترضين بحكم الله؟ ..
أحمدي الله على نعمة الاسلام أولا ثم ثانياً اعلمي أن الإسلام أعطانا من الحقوق مالم يرد في أي ديانة أخرى! الإسلام حفظنا وكرمنا وأعلى من شأننا ولم ينقص من قدرنا شيئاً ..
الإسلام عظمنا ووصى علينا ودللنا فلما تظلمن انفسكن وتنادين بالمساواة؟؟!

كل عام وشعارنا
#وراء_كل_رجل_عظيم_امرأة_عظيمة
فلتفخري يا حواء 🔥
كل عام وانتن بخير ✨💜
...

#فاطمة✨🪄(#شغف)