تذكير بقراءة سورة الكهف 🤍..🍃

«وزاحمِ النجْمَ في عُليا مطالعه
فليس قَدْرُكَ بالأدْنى ولا الدُّون»

"قُم صافحِ الصبحَ
‏وانشرْ في السما عبقا 
‏وافرد جناحيكَ حتى تبلغَ الأفقا
‏وانقُش أمانيك فوق الغيمِ إنَّ لها
‏ربًا سيفتحُ بابًا للذي طرقا"


#صباح_الخير_عملا 🔥

صباح الخير ..
شغف عايزة تذكرك انه مهما يحصل دايما ممكن نبدأ نحاول من جديد🤍
ايااك تقول فات الأوان 😔💔
عشان احلامنا ما عندها أوان وكل الاوقات مناسبةة للإنجاز🔥🔥
مطلوب منك حاجتين 🙃 البدايةة وأول خطوة في سكةة حلمك ✨اضافة للإستمراريةة🔥🔥والباقي كله بهووون
اصعب حاجةة هي كيف نبدأ؟؟!! وكيف نستحمل ونواصل ومانوقف سعي..
وعايزة اذكرك بحاجتين مهمتين..
-ومانيل المطالب بالتمني ✨
وليس للإنسان إلا ماسعى🍂

#فاطمةة(#شغف)

#أحلامك_منتظراااك_بلاش_تتأخر

& كل شئ يموت إلا الأحلام تظل تنبض ولو ببصيص أمل على أمل تحقيقها لاتموت في دواخلنا وتعيش بين ثنايا قلوبنا وعقولنا إلى أن تصبح واقعا ملموسا رغم أنها كانت حبيسة خيال لكنها تتفائل بأن تكون مجسدة في الواقع ، فسر خلف أحلامك واسعى لتصل لمبتغاك ولتكن أنت الأمل الذي يجعل أحلامك لا تموت فهي فكرة والفكرة لا تموت .... &



#aldur_hamad

#ح_ابدأ_بكرة!!!
#اليوم_انتهى ببدأ انجز من بكرة🔥
#الليلةة_الثلاثاء ح انتظر الأسبوع يخلص وابدأ من بدايةة الاسبوع ..#اصلا الشهر دة باقي فيه اربعةة يوم ح انتظر الشهر الجديد وابدأ بدايةة جادة..
#شايف العبارات الفوق دي؟؟ دة إسمه تسويف🙂💔
ما شرط تنتظر بدايةة اليوم او بدايةة الاسبوع او حتى بدايةة السنةة عشان تبدأ تنجز😕 #شغف بتقول ليك #كل_الاوقات_مناسبةة_للإنجاز🔥
#بطل تسويف عشان الزمن مافي مصلحتك يافهيم🙂 والتأخير مافي ليه داعي ..انا ماشايفةة اي ضرورة لانك تبدأ صفحاتك الجديدة مع بدايةة اليوم او الأسبوع ليه ماتبدأ في نفس الوقت القررت تبدأ فيه صفحةة جديدة؟؟؟!!
#وبالمناسبةة كل ثانيةة تعجل بيها في سعيك بتفرق❤️...والله بتفرق صدقني
#مثلا اليوم الساعةة 1قررت تتغير وتبقى انسان مجتهد وقطعت على نفسك عهد انك تاني ح تقرأ اول بأول وما ح تضيع وقتك ورسمت خطةة محكمةة وكنت جااادي ومتحمس وبديت تتخيل تفوقك ومعدلك العالي ولما عاينت للساعةة لقيتها1 وبكل برود قلت اليوم انتهى ح ابدأ بكرة ح اصحى الساعةة3 واحفرر
وكملت يومك عاادي بنفس تسويفك الزماان وتاني يوم لو فعلا صحيت زي ماخططت او ماصحيت انت خسران لانه في اكتر من 12ساعةة كانت متاحةة امس لما قررت تجتهد وكان ممكن تستغلها وتنجز فيها لكن ضيعتها لانك ماعايز تبدا تتغير في نص اليوم😒
#ياحبيبنا نقطةة بتفرب وكل ثانيةة مهمةة وكل لحظةة سعي قصادها ثمرة إنجاز ماتضيع وقتك عشان الوقت ما بتعوض ..
#ماتنتظر الوقت المناسب عشان تبدأ تنجز عشان كل الاوقات مناسبةة للإنجاز
#وما تنتظر الظروف المثاليةة وانما اخلق لنفسك الظروف المثاليةة او اتعايش مع الظروف الموجودة وبطل تسويف 😔💔
#بطل تسويف عشان انت الوحيد الي ح تدفع الثمن 💔
#بطل تسويف عشان كل ثانيةة مهمةةوكل لحظةة سعي قصادها ثمرة اجتهاد🤍🤍
#لما اقول ليك قيم زمنك دة مابيعني نكرس كل وقتنا للإنجاز ونضغط على نفسنا لااا لازم كمان نتذكر نفسنا في وسط زحمةة انجازاتنا ما تنسى🙃
#وختاما بقولو استمراريةة السعي تعني حتميةة الوصول ف..
#kee_going🔥🔥
#واتذكر_انه_لا_مستحيل_مع_الله❤️

#فاطمة(#شغف)

تذكير بقراءة سورة الكهف 🤍..🍃

جاء الصبَاحُ فقُم كالنورِ مبتَسمًا
لا تحمل الهمّ، لكن احمل الهممَ


#صباح_الخير_جدا ❤️✨

شغف عايزة تقول ليكم ما تخلو في حياتكم مساحةة للندم مهما يحصل !!
عارفين ليه؟؟ لسببين:
#السبب_الاول انه الندم مابصلح حاجةة ولا بغير حاجةة عشان كدة لازم تتجاوز وتكسب زمنك وتركز على الجاي🔥
#السبب_التاني انه اي جاجةة تحصل ليك اتاكد انها في مصلحتك وخير ليك حتى لو ضد رغبتك🙃 لانه ربنا ارحم عليك من نفسك 🥹🤍
#خلاصة
ماتخلي للندم حيز في حياتك واعرف انه الجاي احلى لسةة في فرص جايةة اكتر من الرايحةة وفي بدايات جديدة✨
واحلام عظيمةة بتنتظرك ما تتأخر عليها🙃🤍✨ فما تقيف عند خيباتك ومحطات انكسارك كتييير عشان مافي زمن💙✨

#لك_شئ_في_هذا_العالم_فقم🔥


#صباح_الخير

#فاطمة(#شغف)

الحاجات الصعبة كتيرة ودايما بنقدر ننجزها لو امنا فعلا بالحاجة دي وزي ما عمر عبدالعزيز قال: (لو أن الناس كلما استصعبوا أمرا تركوه ، ما قام للناس دنيا ولا دين)
وما كل حاجة شايفنها صعبة بنخليها ونقول يااااخ
الحاجة دي كبيرة علي 😪 والله انا ما قدر الحاجة دي😩 عبارات كتير بنقولها وعادي انك تقولها لكن ما اي حاجة بنقول فيها كدا عدا الحاجةالانت اصلا عاجز عنها بسبب مرض او غيرو في الحالة دي دا عذر 🌚.
يعني انا بقدر اتحمل حاجة ليه ارفض او حتى اجرب اني قدرها لانو عدم المسؤولية دي م حاجة هينة وما لازم نمر عليها مرور الكرام بالعكس دي حاجة مملة وروتينية شديد تكون قاعد لا شغلة ولا مشغلة بتحس انو كسل الدنيا دا كلو فيك احساس انو انت ما عندك هدف في الحياة وعدم شغل وقتك بحاجة مفيدة وتحمل مسؤولية اتجاه شي معين فيو دا بخليك تمشي للافكار السوداوية وتحس بالاكتئاب والشعور بالسلبية واكتر من كدا لكن لما تكون واعي وعارف انك ممكن تشيل مسؤولية حاجة وما تتهرب منها قدرك برتفع عند نفسك اولا قبل الناس وبتزيد ثقتك بنفسك لانو انت عارف انك اتعلمت من الحاجة دي، قادر تتحمل المسؤولية انت في السليم ، وحتى لو فشلت فيها المهم انك جربت وعرفت يقينا انو الحاجة دي م قدرك م حكم طوالي كدا انك م عندك طاقة او قوة قبل م تخت نفسك في التحدي وتكون قدر المسؤولية، وبتكون دايما شايف الناس الما مسؤولين االساااهل والصعب بقيف ليهم في طريقهم لانو معتمدين او متواكلين على ناس غيرهم، فكون انت مختلف زول مسؤول بعتمد على نفسو وذاتو مهما كان عمرو وقادر تتعامل مع مختلف الظهور والضغوطات عشان تكون زول عندك شخصية و تخلي الناس تثق فيك لانو انت زول يعتمد عليو .
😊 صباح المسؤولية صباح خيييير 🌻

#خليك_مسؤول


#الدرداء_حماد

وإن عجزت عن تغيير العالم سأكون أنا التغيير الذي أتمنى أن أراه في العالم 🌍🎐 ✨

#فاطمةة(#شغف)

لما الدنيا تبشتن قلبك..
عيد ترتيب نبضاته بآية💕😴

صباح_اليقين🤍✨

يأتي مع الانجذاب للشئ والتعلق به ( الحذر )......
ومثال :
تعلقنا بالبحر لأنه منفس للغضب والإحباط ويسرب لنا التفاؤل والتفكر الصافي كعذوبة مائه مع كل هذا وذاك و شعورنا بالانسجام عند نظرنا لشفافيته وزرقته إلا أنه ينبغي الحذر من خطره وعدم المخاطرة بالاقتراب منه فإنه لا يرحم حينها وسيبلع ويغرق كل من لم يعرف السباحة فيه؛ لدي صديق أعرفه كان يحب البحر ولفظ اخر أنفاسه ومات غرقاً فيه 😭.

#كسرة
لما تتعلق بزول وتتمسك فيو خليك واعي وعارف حتة تقيف وتخت حدود مهما كان درجة قربك لانو م كل تعلق بكون كويس ليك بعض القرب من ناس بكون خطر عليك بفقدك حاجات كتيرة منها مبادئك ونفسك وبخليك تقطع علاقاتك الحلوة وتدخل في متاهة ممكن تفقدك شخصيتك وروحك المرحة ; لما تحس انو العلاقة دي مستنزفاك وسارقة وقتك وبايعة ضميرك وانو القرب من الزول دا بخليك فاقد هويتك وحاسي بعدم شغفك في الحياة اعرف انو حتى لو بعدت عنو ح تنجرح ابعد احسن ليك لانو الجرح أخف من الفقدتو واحساس انو في زول متحكم فيك ومسيطر عليك دا ابشع شعور واخير تنجرح من تعيش بروح ميتة وحياة كلها كآبة عشان تحافظ على زول بسبب ليك الوجع ونفسك م مستاهلة تضحي بيها لانها غالية م تبيعها بابخس ثمن ؛ خليك حذر من العلاقات المسمومة .

#الدرداء

الطب مهنة نبيلة ذات طابع انساني
الطبيب بتعامل مع حياة بشر وأرواح بني آدمين عشان كدة سموهم ملائكة الرحمة🤍
الطبيب بلسم بكون عايش عشان يداوي ويعافي بإذن الله ❤️
عارف يعني شنو انك تكون عايش بلسم؟؟
يعني فاعل للخير وخادم الإنسانية
ملاك للرحمة وسفير للحب❤️
  💓اتخيل كمية الأرواح الانت ح تنقذها بفضل ربنا وكمية الآلام الح تخففها
الأوجاع الح تطبطب عليها والنفوس البتعالجها نفسيا قبل ما تشوف المرض العضوي !اتخيل الإبتسامة الح تترسم على وجه طفل بعد يتعافى❤ودمعة أمه الشايلة الفرحة
اتخيل كمية الدعوات البتلقاها من كل مريض وكل ام ملهوفة على أولادها وكل شاب  خايف على ابوهو💖
اتخيل كمية الاحترام والحب اليتلقاها💚
والمكانة المرموقة الح تتميز بيها في المجتمع
اتخيل طفل قرر يبقى طبيب زيك لانك عالجت أمه واتعافت بفضلك ح تبقى قدوة 💖
وملهم وواهب للحياة❤️
الطب ممتع اتخيل انك بتتعمق وتدرس الجسد والأعضاء من أصغر زرة لحدي اكبر جهاز
وتبحر في المعرفة وتكتشف وتتلذذ بإثارة الاكتشاف وتتعرف على تركيبك ووظايفك والكيفية الانت عايش بيها كيف بشتغل القلب ؟وكيف بتتجدد الخلايا؟كيف بنفكر وكيف بنتحرك وبننفعل؟؟وغيرها من التساؤلات
الطب وظيفة تستحق نجاهد عشان نصل ليها
نصلها ..الطب شغف الطب بلسم الطب حياة ما مجرد حلم!او مجرد مهنة
الطب صعب ومافي حاجة حلوة بتجي بالساهل اجتهدو واتعبو
عشان ربنا يكافئكم ويعوضكم عن تعبكم لما ماهو جميل
اليوم طلاب وغدا اطباء💙
فاللهم التوفيق والثبات..❤️🩺🩺

#فاطمة(#شغف)

امتنان 🫶
ما قصدي اسم البنت الحلوة ديك لكن قصدي المعنى الأجمل للكلمة ، والزول البكون عندو جزو من الفعل دا بكون انسان راقي جدا عشان م اي زول في الدنيا بكون ممتن .
أمتنان إنك تشكر المعروف القدمو ليك الشخص وما تستنكرو فهو عكس الجحود وبس الزول الحساس بشعر بالامتنان وبعرف قيمة الحاجة العملوها حتى لو كانت حاجة معنوية بسيطة من مؤازرة و لطف و انك تمسح دمعة بكلمة طيبة وحتى الابتسامة م الا تكون حاجة مادية .
والوالدين اكتر ناس احنا جوانا امتنان ليهم وممتنين لأي زول خفف عننا او دعمنا او خلانا انو نشعر اننا ناس مهمين في الحياة .
وشكرا كبيييييرة من القلب ليييكم 🤍
[خلونا نعرف الناس الانتو ممتنين ليهم في التعليقات]
#الدرداء

"يُمكننا دائمًا البدء مرَّة أخرى."⁣
“We can always start again.”⁣

«وزاحمِ النجْمَ في عُليا مطالعه
فليس قَدْرُكَ بالأدْنى ولا الدُّون»

#صباح_الخير 🤍✨

اجعل بين جمعتيك نور يزيل عنك ظلام الفتن ولتردد قصة اصحاب الكهف وصاحب الجنتين وسيدنا موسى والخضر عليهم السلام وذو القرنين.
تذكير بقراءة سورة الكهف 🤍

مساء الخير عليكم🤍
شغف اليوم ماذكرتكم بقراءة سورة الكهف
يتمنى ماتكونو نسيتوها🤍😔

شغف عايزة تقول ليكم الأيام البتكونو فيها مخنوقين ومتضايقين،
واللحظات البتحسو فيها إنه الدنيا ضاقت عليكم وتتمنو فيها الموت الف مرة مصيرها تعدي وتبقى مجرد ذكريات💙..
صدقوني ح تعدي زي ما عدت الأزمات القبلها..

#ما_تشيل_هم💚

#فاطمة(#شغف)

السلام عليكم
ادعو لشغف تقوم بالسلامة وربنا يواليها بالعافية😔❤️❤️
دائما بتواسينا وكلماتها بتربت على قلوبنا كلنا🤍
بنلقى في حروفها الأمل كلما نيأس بنرجع نحاول تاني كلما فقدنا الشغف بفضلها وبفضل دعمها الدائم لينا ❤️
دمتي لنا ودامت حروفك ياشغف
أنا متأكد انه كل متابع هنا بيدعي ليها غيبا كلما يقرأ نص يلامس قلبه🥹
ادعو ليها يشباب بتستاهل😔