استفدتو من اللايف؟🔥

الناس الما حضرت اللايف❤️
والناس الح يحتاجو يرجعو لللايف❤️🔥

السلام عليكم ❤️✨
انا عارفةة انه التسويف الحاصل دة ما عاجبك😕
عارفةة انك حاسي بالتقصير😞
عارفةة انك بتلوم نفسك لانك ما خلصت الشيت القلت ح تخلصه امس، وما حفظت السورة الكنت مخطط تحفظها الشهر دة
عارفةة انه ضميرك بأنبك لما تأخر الصلاة 😔 وبتلوم نفسك لانه علاقتك بربنا فيها شي من الفتور💔
عارفةة انك نفسك تكون استثنائي💛
عارفةة انك عايز تحسن علاقتك بربك وبنفسك وبالناس الحولك💚💚،نفسك تطور من ذاتك وتثقفها وتطور مواهبك
وتحقق انجازات تانيةة كتيييرة
بس عايزة اذكرك بحاجةة وحدة "ومانيل المطالب بالتمني"
الرغبةة وحدها ما كافيةة لازم يكون في عمل ،وصبر،واستمرار بجانب الرغبةة عشان كل احلامنا تبقى واقع ملموس🦋
انا متأكدة انك كل يوم بتخطط لبكرة وتوعد نفسك انك ح تتغير وتبقى انسان تاني وتاني يوم بتنسى اي حاجةة
يلا عايزة اقول ليك حاجةة اضغط على نفسك واتخلص من التسويف دة عشان انت بتستاهل تعيش حياة مليانةة انجازات🔥🔥
هو في البدايةة فكرة الالتزام دي مرهقةة شويةة لكن مع الوقت ح تتعود
صدقني🤍..
ابدأ من هسي حتى ولو بحاجات بسيطةة
وحبةة حبةة ح تلاحظ الفرق
وعايزة انبهك لحاجةة مهمةة النجاح ببدأ بعادات ناجحةة!
واياك تضغط على نفسك وتحملها مالا طاقةة لها به! لانه لو اتشددت ح تفقد الشغف وتكسل ورغبتك في الانجاز ح تموت💔💔💔 في حاجةة اسمها سنةة التدرج💙🦋 ..احلامنا ،نجاحاتنا،وانجازاتنا كلها بتتحقق بالتدريج، بس انت املأ القلب دة👈❤️👉 يقين واصبر🤍😔 فكل الصابرين قد جبرو❤️❤️
واتذكر انك على قدر ما تتعب بتلقى🤍
وربنا مستحيل يضيع مجهودك ولا يمكن يكسر بخاطرك ..

#فاطمة(#شغف)

تذكير بقراءة سورة الكهف 🤍..🍃

بقولو العترة بتصلح المشية وشغف بتقول العترات تصنع العظماء!
وبقولو كمان الطرقات الصعبة تؤدي الى وجهات جميلة وشغف بتقول الطرقات الصعبة تصنع المكانات العظيمة🔥
فلما تقابلك مشاكل  ومشقات في طريقك ما تستاء وكون على يقين بأنه ربنا ما بختك في محنة الا اذا عارف انك قدرها وممكن تتجاوزها وما بمشيك في طريق الا اذا عارف انك ح تكمل المشوار🔥
فلما تواجهك مشقات في دربك ما تقول دة ما مكاني! لا دة مكانك !  طالما ربنا كتب ليك تكون هنا بغض النظر عن كل الظروف الانت بتعيشهاا ..

#لك_شئ_في_هذا_العالم_فقم🔥

#فاطمة(#شغف)✨

مساء الخير ✨او صباح الخير ✨على حسب الوقت البتقرأ فيه البوست دة❤️
عايزة اقول ليك حاجةة مهمةة
"نقطةة بتفرق!"
هل قادر تتخيل انه اي حاجةة تعملها مهما كانت بسيطةة بتأثر في حياتك؟!!
صدقني بتأثر 🤍وعشان كدة نحن لازم نستغل التفاصيل الصغيرة دي لانها بتأثر في حياتنا تأثير عظيم ولما نستغلها التأثير دة بكون في مصلحتنا 🙃🤍..
في حاجةة اسمها سنةة التدرج سمعت بيها؟؟
نقطةة المويةة لما تستمر في السقوط ممكن تنحت الصخر!
قصدك شنو يا#شغف؟؟
قصدي انك ممكن تحقق انجازات عظيمةة بعادات بسيطةة مابتكلفك حاجةة وبالتالي ح تطور من ذاتك🔥🔥 و ح تغير مسار حياتك كليا وانت المستفيد❤️
#كيف ياشغف؟؟
ياعيون شغف انت متذكر سنةة التدرج الذكرتها فوق؟ بدايةة الغيث قطرة💧والنجاح بتكون من عادات ناجحةة
#انا عايزة احفظ القرءان وكل ما ابدأ بزهج وبمل😔
#انا عايز ابقى مجتهد واذاكر اول بأول وكل ما اعمل جدول مابقدر التزم بيه☹️
#انا عايز التزم بالصلاة🥺واتقرب من ربنا لكن كل ما ابدأ التزم برجع انتكس تاني😔..
#دقيقةة ماتزعل ولا تستاء اصلا مافي حاجةة بتجي بالساهل ودايما في فرص عشان نبدأ من جديد ونحاول تااني
بس عايزة اقول ليك حاجةة لما تبدأ تنجز ماتضغط على نفسك شديد واتذكر سنةة التدرج ومجهودك ح يتضاعف شويةة شويةة لحدي ماتصل للمستوى الانت عايزه🔥❤️..
#طيب ياشغفناا بالنسبةة للعادات الناجحةة كيف اكتسبها واقدر اداوم عليها؟؟
بسيييطةة خالص طالما في رغبةة الباقي هين انت اتأكد انه رغبتك صادقةة وانك فعلا عايز تحفظ القرءان،أو تبقى حفار،او تلتزم في الصلاة او ..الخ
لو في رغبةة صادقةة ح يكون في استمرار رغم كل حاجةة ومهما تكسل وتفقد الشغف وتبطل تنجز رغبتك ح تجرك عشان تحاول تاااااني و ح تفضل تحاول لحدي ما تصل
وعايزة اقول حاجةة اخيرة ايااااك تصعب على نفسك المواضيع🙂 ولما تبدأ تنجز بغض النظر عن الجانب الانت عايز تنجز فيه احترم سنةة التدرج وماتجي على نفسك شديد واصبر فكل الصابرين قد جبرو🤍🤍



#فاطمةة(#شغف)

..صباح الخير  لاحلامنا التي عاهدناها باللقيا💙
لامنياتنا المعلقة في عنق السماء♡، لمحاولاتنا المستمرة❤️‍🔥..
، لطرقاتنا التي طالت وشق سيرها..لشغفنا🔥، لاصرارنا،
لقلوبنا التي تشرق املا✨💕

#صباح_الخير_جدا💖

السلام عليكم ❤️
قبل ما تحكم على نفسك بالفشل اتذكر انك ما وصلت للمكان الانت فيه دة بالساهل حتى لو كان دة مالمكان النفسك تكون فيه
وقبل ما تبدأ تعجز نفسك وتحتقر انجازاتك اتذكر انك يوم من الايام كنت في نقطةة البدايةة وهسي لازم تكون فخور بإنجازك حتى ولو اتحركت خطوة وحدة من نقطةة البدايةة!!
انا ما عايزاك تبطل محاولة! لانك لما تبطل ح تحكم على نفسك بالفشل!!
عايزاك تستمر وتحاول لحدي ما تصل🤍 واتذكر انه دايما ممكن تبدأ من جديد
ممكن مخططاتك ماتمشي حسب تخطيطك، وممكن الظروف دايما تكون ضدك لكن ما ممكن تتحرم من حاجة انت تعبت عشانها🤍✨
وصدقني ح تصل طالما انك مؤمن بالوصول❤️❤️❤️

#فاطمة(#شغف)

كل ما تمر به ليس إلا فصولا مرهقة ستنتهي يوماً ما وسيأتي بعدها الربيع فقط اصبر💜✨😴


#صباح_الخير🤍✨☺️

#شغف

السلام عليكم 🤍✨
فقدت الامل؟ فقدت الشغف؟فقدت الرغبةة؟؟ بجيك احساس انه دة ما مكانك وانك ما ح تقدر تعبر!!
بتبطل تحلم بحاجةة كنت متمسك بيها شديد لمجرد انك قابلتك مشاكل وعقبات؟!!!
عايزة اقول ليك مابراك وما تستاء ولا تشيل هم كلها احاسيس عابرة ما تخليها تسيطر عليك🙃🤍 وتخليك تتنازل عن احلامك
انتظرونا نهايةة الاسبوع في اللايف الثاني مع الكوتش الزبير فتحي🤍🔥
ح يحكي لي عن قصةة كفاحه وكيف قدر يحول العقبات لوسائل نجاح وكيف قدر يحول خيباته لإنتصارات🔥🔥

خليكم قريبين❤️❤️
وإلى أن نلتقى اتمسكو برغباتكم وماتنسحبو بسبب الظروف💔 واياك تقول دة ما مكاني😔 لا دة مكانك طالما ربنا كتب ليك تكون هنا 🤍

#keep_going 🔥🔥🔥

إياك أن تذبل أو أن تسمح لروحك أن تنطفئ أو يختفي شغفك .. لا شيء يستحق أن تجف .. فاعتنِ بنفسك ❤

-منقول

السلام عليكم ورحمة الله
متابعين شغف الرائعين ❤️
نعتزر عن تأجيل ورشةة اليوم مع الكوتش الزبير فتحي لظروف طارئةة ونستميحكم عذرا❤️

قبل ما تستسلم وتخلي اليأس يتملكك
قبل ما تتنازل عن أحلامك عايزة اذكرك انك قطعت شوط ماهين في مشوارك حتى لو كان بسيط، وجاهدت واجتهدت🔥وعانيت،وصبرت😔 وإنتظرت كتييير وكل خليةة في جسمك كانت مرهقةة وفي نفس الوقت راضيةة رغبةة في الوصول 🥹🤍🤍
حرام تخلي تعبك ومجهودك وزمنك دة يروح مع الريح وتطلع بمحصلةة صفر من المشوار دة
اياك تقول خلااص ما ح أواصل لأنه دة ما مكاني، او تقول انا مابقدر على الحاجةة دي😔😔😔
والله العظيم ربنا دايما بختك في انسب مكان ليك❤️ ومستحيل يكلفك بحاجةة اكبر من طاقتك صدقني🤍
طالما ربنا كتب ليك تمشي في السكةة دي اتأكد انك قدرها🔥فلا يكلف الله نفسا الا وسعها 💛..
يلا عايزاك تنسى الفات كله وتركز في الجاي وتعاهد نفسك بأنه كل الخيبات الفاتت دي ح تتحول لإنتصارات❤️‍🔥
اياااااك تفقد الشغف😕
الدنيا ما بتقيف ودايما في فرص جديدة وبدايات جديدة ومحاولات جايةةة كتيييير
ومهما نقع ونتعتر ومهما الظروف تعاندنا دايما يمكننا البدء مرة أخرى 🔥
واتذكر انه حياتك ما بتتكرر وانت بتستاها تعيش حياة مليانةة انجازات ونجاحات❤️‍🔥❤️‍🔥 بتستاهل تفرح ♥️😔
يلا قوم اسعى،واتعب،وعافر،وحاول عشان الفرحةة تستاهل💛


#ماخلقنا_لنهزم_و_ما_خلق_الوصول_الا_لنا🔥

#صباح_الخير_عملا

تذكير بقراءة سورة الكهف 🤍..🍃

«وزاحمِ النجْمَ في عُليا مطالعه
فليس قَدْرُكَ بالأدْنى ولا الدُّون»

"قُم صافحِ الصبحَ
‏وانشرْ في السما عبقا 
‏وافرد جناحيكَ حتى تبلغَ الأفقا
‏وانقُش أمانيك فوق الغيمِ إنَّ لها
‏ربًا سيفتحُ بابًا للذي طرقا"


#صباح_الخير_عملا 🔥

صباح الخير ..
شغف عايزة تذكرك انه مهما يحصل دايما ممكن نبدأ نحاول من جديد🤍
ايااك تقول فات الأوان 😔💔
عشان احلامنا ما عندها أوان وكل الاوقات مناسبةة للإنجاز🔥🔥
مطلوب منك حاجتين 🙃 البدايةة وأول خطوة في سكةة حلمك ✨اضافة للإستمراريةة🔥🔥والباقي كله بهووون
اصعب حاجةة هي كيف نبدأ؟؟!! وكيف نستحمل ونواصل ومانوقف سعي..
وعايزة اذكرك بحاجتين مهمتين..
-ومانيل المطالب بالتمني ✨
وليس للإنسان إلا ماسعى🍂

#فاطمةة(#شغف)

#أحلامك_منتظراااك_بلاش_تتأخر

& كل شئ يموت إلا الأحلام تظل تنبض ولو ببصيص أمل على أمل تحقيقها لاتموت في دواخلنا وتعيش بين ثنايا قلوبنا وعقولنا إلى أن تصبح واقعا ملموسا رغم أنها كانت حبيسة خيال لكنها تتفائل بأن تكون مجسدة في الواقع ، فسر خلف أحلامك واسعى لتصل لمبتغاك ولتكن أنت الأمل الذي يجعل أحلامك لا تموت فهي فكرة والفكرة لا تموت .... &



#aldur_hamad