تلك الأماني المعلقة في عنق السماء ستكون من نصيبك يوما ما فقط لا تفقد الرغبة في الحصول عليها !..
تلك الأحزان التي تخيم على قلبك ستزول حتماً فقط تذكر أن كل ما يأتي من الله جميل✨😊..
تلك المشقات التي تلازم دربك ستتخطاها فقط جدد شغفك🔥..
تلك الطرقات الصعبة والطويلة ستنتهي وستعبرها يوماً ما فقط إستمر في المحاولة 😴..
ذلك الخوف الذي يعتريك دائماً ويجعلك مترددا سيزول بعد أن تجرب !..
ستتألم وتحزن وتفقد، وتخسر، وتقع، وتيأس في هذه الحياة وكل ذلك لن يدوم فقط اصبر💜..
ذلك الصبر الذي كنت تتحلى به عندما تصيبك صروف الحياة سيتحول جبرا وعوضا جميلا فكل الصابرين قد جبرو✨❤️..
هكذا هي الحياة فرح وحزن ، كسر وجبر، تعب وراحة، خوف وسكينة، ضحك وبكاء ستعيش كل ذلك فكن راضيا ..لا تتذمر من الأحداث السيئة وتظل تترقب الفرج لتعيش حياتك قد لا يأتي هذا الفرج أو قد يأتي بشكل لم نتوقعه ويضيع عمرك في الانتظار دون أن تعيشه! ..عش اليوم بكل تفاصيله أنسى الأمس وتجاهل الغد ..استمتع بالتفاصيل الجميلة ولا تكترث بالسيئة اصطنع السعادة في كل عمل تقوم به حتى الأعمال التي تكرهها ولكنك مجبر عليها ..
تعلم أن تعيش فالحياة جميلة جدا✨🦋..لكنها لا تتكرر !


#فاطمة (#شغف)✨🪄

السلام عليكم
شغف عايزة تقول ليك متذكر آخر ضائقة مريت بيها؟؟
متذكر خوفك وحزنك وقلقك؟متذكر الهم الكنت شايلو؟متذكر انت اتمنينت الموت كم مرة؟
متذكر كرهك لي نفسك لما جبت معدل ما عاجبك؟ متذكر الاكتئاب الكنت عايشه لما اختلفت مع الزول البتحبه؟
متذكر الهم الكنت شايله لما مرت بيك ازمة مالية؟
متذكر؟؟
عايزة اسألك سؤال واحد وين الخوف؟وين الهم؟وين القلق والاكتئاب؟؟
عدو صح؟ عدو وبقو ذكرى ليس الا!!
ماكنت متوقع انه الاوقات دي تعدي صح؟
اهي عدت!وح تمر بأوقات قاسية غيرها ويمكن اقسى وبرضو ح تعدي زي ماعدت الأزمات القبلها!
الدنيا ما بتقيف لما ترسب او تتشاكل مع صحبك او تختلف مع اخوانك او تنفصل عن شريكك! الدنيا ما بتقيف لما تمر بضايقة مالية او ازمة صحية!مابتقيف!
كل حاجة تحصل ليك مقدرة ومكتوبة وربنا مابكتب ليك الا الخير❤✨
كن مؤمن انه ربنا ادرى بمصلحتك اكتر منك وهو احن عليك حتى من نفسك🥹🤍 اختياراته دايما في مصلحتك حتى لو كانت ضد رغبتك😔❤️..
اتعلم تدي اي حاجة حجمها الطبيعي ،اتعلم تستفيد من الازمات البتواجهك وتحولها لانجازات🔥،اتعلم تعيش! حياتك مابتتكرر !
واتذكر انه مافي حاجة في الدنيا بتستاهل ابتسامتك الحلوة دي تروح❤
ماتزعل من المصائب البتقابلك والعترات البتعترضك واتذكر انها من ربنا وكل مايأتي من الله جميل❤
ماتقيف في محطات الحزن والخذلان والانكسار كرس كل زمنك للانجاز واتجاوز🔥✨..
#احلامك_تستحق❤️🔥

#فاطمة(#شغف)✨

خُطوه أولى ..
عتبة عتبة ..
عتره حبه..
حِلم أجمل❤️🦋✨
سِكه صعبه😔
.. بس ح نوصل🔥

انت قادر على تجسيد تلك الاحلام التي رسمتها في مخيلتك بقلم الشغف والوان الأمل✨وجعلها واقعا ملموسا!..
انت أقوى مما تعتقد🔥

#لك_شئ_في_هذا_العالم_فقم🔥



#فاطمة(#شغف)

اتعلم تبدأ يومك بالصلاة وحافظ على ورد القرءان 💜..
لما تلتزم بورد القرءان وتجعل القرءان جزء من روتينك اليومي ح تحس بالفرق ..
ح تلاحظ بركة القرءان في كل تفاصيل حياتك🦋..
كل أمورك ح تتيسر وتتسهل وايمانك ح يزيد وعقيدتك ح تقوى✨
دة غير التأثير البعملو القرءان في شخصيتك! عقليتك ح تتغير 180 درجة القرءان بهذب النفوس وبرقيها🍃..دة مجرد إلتزامك بورد يومي فما بالك لو حفظت القرءان كامل! ..أتخيل كمية السعادة والراحة النفسية الح تحس بيها ...
اللهم اجعلنا من حفظة كتابك🖤واجعلنا من المرتلين له آناء الليل وأثناء النهار 🤲💜💜..


#فاطمة

بقولو العترة بتصلح المشية وشغف بتقول العترات تصنع العظماء!
وبقولو كمان الطرقات الصعبة تؤدي الى وجهات جميلة وشغف بتقول الطرقات الصعبة تصنع المكانات العظيمة🔥
فلما تقابلك مشاكل ومشقات في طريقك ما تستاء وكون على يقين بأنه ربنا ما بختك في محنة الا اذا عارف انك قدرها وممكن تتجاوزها وما بمشيك في طريق الا اذا عارف انك ح تكمل المشوار🔥
فلما تواجهك مشقات في دربك ما تقول دة ما مكاني! لا دة مكانك ! طالما ربنا كتب ليك تكون هنا بغض النظر عن كل الظروف الانت بتعيشهاا ..

#لك_شئ_في_هذا_العالم_فقم🔥

#فاطمة(#شغف)✨

"وما كان ربك نسيا "❤️❤️❤️
ربنا ما ح ينساك 💜
ح يعوضك ويجبر بخاطرك🦋..
وكل حاجة فقدتها ح تلقى بدلها عوض أجمل💜عوض عمرك ما كنت تحلم بيه✨...

#ولا_تشيل_هم🙃

#صباح_الخير

تذكير بقراءة سورة الكهف 🤍..🍃

كل الصعاب ستزول.. كل الالم ستنهى... سيمضي الزمان... لتجد نفسك حققت حلمك... اصبر... توكل... ابذل قصارى جهدك... حلمك يتنظرك... لا تياس، لاتتوقف، لا تفقد الأمل او الاصرار، كن قويا وذو عزم! تمسك بحلمك ولا تتوقف ابدا، ربما انت قريب، لكن تحتاج المزيد من الصبر والثقة بالله ❤️✨فالحلم يتنظر وسيظل يناديك ❤️ليسمع قلبك الصغير ذلك الصوت ويدفعك نحوه لذا لا تيأس ❤️✨

#لا_تيأس_هناك_امل_دائما_في_كل_شيء

متابغين شغف الرائعين ❤️
ازيكم؟ كويسين؟؟
عارفة اني طولت منكم😔لكن الانتو ما عارفينه انه اي واحد فينا عندو معركة خاصة بخوضها وبموت فيها كل يوم الف مرة!
شغف بتواسيكم وبتطبطب عليكم بحروفها بتديكم بوزتف عشان تكملو بتذكركم انه الجاي احلى وتعويضات ربنا بتستحق الانتظار ..لوهلة ممكن تفتكرو انها انسانة مليانة تفاؤل وايجابية وحماس للحياة زي ما بتعكس كتاباتها!
لكن النور قد يولد من رحم الظلام! كل الايجابية والتحفيز والامل البقدمه في صورة محتوى كتابي انا اكتر وحدة محتاجة ليه! وبشاركه معاكم لاني عارفة الدنيا قاسية قدر شنو عسى ولعل يخفف عنكم ولو قليل ..
يمكن كل الظروف تكون ضدك،يمكن مخططاتك ما تمشي زي ما انت عايز،يمكن تفقد الامل والشغف وحتى الرغبة ،ممكن تصل لي مرحلة انك ما عايز اي حاجة من الدنيا غير انك تعيش الايام الباقية ليك بسلام😴 من غير خذلان من غير خسائر وانكسار ..ما عايزة اقول ليك ثابر وماتستسلم للظروف وانت اقوى مماتعتقد واحلامك تستحق،و..الخ لاني الكلام دة قلته كتيييير لكن عايزة اقول ليك لازم تكون راضي عن نفسك❤️..وعمرك ما ح تكون راضي عن نفسك الا لما تحقف ذاتك وتبقى زي مانفسك تكون✨🌸..
فما تقيف!..

#فاطمة(#شغف)..🍂

#كله_بهون❤️
انا عارفة انك بتحاول♡، عارفة انه السكة طالت عليك، عارفة انه رغبتك في الوصول صادقة وبتسعى بإخلاص♥
عارفة انك زهجت من مجهودك البدون نتائج وبديت تفقد الأمل💔
مش بقولو: من سار على الدرب وصل؟؟
طالما اتخذت الخطوة الأولى وانطلقت ح تصل❤️‍🔥..ح تصل مهما طال الطريق، ح تصل مهما كترت عليك التحديات، ح تصل مهما تواجهك عثرات، ح تصل لأنك تعبت!
كلما كانت الوجهة عظيمة كان طريقها أكثر مشقة دي سنة الحياة♡
طبيعي تقابلنا مشاكل وكبوات ونحن بنسعى لاحلامنا💙
في رواية الخيمائي في عبارة بتقول:"عندما تحلم بشئ فإن العالم بأكمله يساعدك للوصول! "
لكن الحقيقة عكس كدة لما تحلم بي حاجة كل الظروف بتعترضك وكل العالم ببقى ضدك ودة أحلى مافي الموضوع♥
أحلى مافي الموضوع؟ كيف يعني؟ فطومة انتي جنيتي؟ لما تعترضنا الظروف وتواجهنا مشاكل دي حاجة حلوة؟؟؟
ايوة حاجة حلوة♡ أتخيل انك بتحلم بي حاجة ونفسك تحققها وبديت تسعى لكن ما واجهتك مشاكل ولا اعتراضات ولا اتعثرت ولا تعبت وحققتها💚 هل ح تكون مبسوط؟ ما ح تحس بي قيمة الحاجة دي لأنك ما تعبت الموضوع ح يكون عادي جدا بالنسبة ليك💔
لكن لما تتعب وتعاني وتقع وتقوم تحاول تاني هنا الموضوع بختلف ♡ لما تصل الدنيا ما ح تسعك من الفرحة♥ وفرحتك ح تكون على قدر تعبك ومعاناتك♡
ما تضايقو من الاعتراضات البتقابلكم في حياتكم والله لو ما الاعتراضات والمشقات دي ما كنا ح نعرف قيمة سعينا ولا ح نحس بلذة انتصارنا♥
حاولو تستفيدو من المشاكل البتقابلكم واتعاملو معاها كدروس واتعلمو تحولو عثراتكم لي إنتصارات ونقاط ضعفكم لي قوة🔥 ..وحاولو تستمتعو عشان تطلعو بذكريات حلوة شبهكم💚 عشان لما تصل تتذكر  التعب الكان زي العسل على قلبك والمشقات الكنت بتتلذذ بيها♡
اتذكرو انه الطريق الانتو بتمشو عليه ما بقل أهمية عن الوجهة العايزين تصلو ليها♡استمتعو بالرحلة وافرحو وما تأجلو فرحتكم لحدي ما تصلو💔
صدقوني الفرحة الحقيقية مافي الوصول  الفرحة الحقيقة في التجربة البنعيشها رغبة في الوصول
إياكم تستسلمو وإياكم تغقدو الأمل لما تعترضكم مشاكل لأنه من غير المشاكل والعثرات دي فرحتنا ما تكتمل♥

#فاطمة(#شغف)

قبل أن تفكر في الاستسلام وترك المحاولة... فكر في النهاية والنجاح ومتعته✨🦋
عاود الوقوف... ارتح قليلا وواصل السير... اغمض عينك وتخيل اللحظة وافتح تلك العين التي تخيلت وانظر لما حولك وابني عالمك الذي تخيلته ♥️✨انها البداية وهي دوما صعبة لكن النهاية أجمل بكثير 😉♥️ هناك من ينتظرك في القمة.. انه نجاحك 🤝🏻

#مساء_الخير_ي_عظيم🦋✨
#شغف_تجمعنا❤️✨

#ديسمبر_21

اليوم شغف تمت سنة🤍✨..
سنة من الامل✨،سنة من التحفيز🔥،سنة من الايجابية🤍..
#سنة من العطاء💞،سنة من الحب💛
سنة من #الشغف💫..
كان نفسي الذكرى السنويةة الاولى لشغف تكون مميزة واقدم ليكم حاجةة مختلفةة بمناسبةة اليوم دة بس انشغالي حال بيني وبين المناسبةة دي ..
لكن في مبدأ كلنا متفقين عليه وهو مبدا شوف الجايات وانسى الرايحات!! والجاي احلى بكتييييير💙✨
وبالمناسبةة الحلوة دي عندي مفاجئة لمتابعين شغف 💥 مفاجئة جميلة بجمال قلوبهم🤍💋
اترقبو مفاجأة  الذكرى السنوية لانشاء مجتمع شغف 🎊🎉..


#سنة_معاكم_ومكملين🔥🎊

#شغف

تذكير بقراءة سورة الكهف🤍..🍃

شغف عايزة تقول ليكم ما تخلو في حياتكم مساحةة للندم مهما يحصل !!
عارفين ليه؟؟ لسببين:
#السبب_الاول انه الندم مابصلح حاجةة ولا بغير حاجةة عشان كدة لازم تتجاوز وتكسب زمنك وتركز على الجاي🔥
#السبب_التاني انه اي جاجةة تحصل ليك اتاكد انها في مصلحتك وخير ليك حتى لو ضد رغبتك🙃 لانه ربنا ارحم عليك من نفسك 🥹🤍
#خلاصة
ماتخلي للندم حيز في حياتك واعرف انه الجاي احلى لسةة في فرص جايةة اكتر من الرايحةة وفي بدايات جديدة✨
واحلام عظيمةة بتنتظرك ما تتأخر عليها🙃🤍✨ فما تقيف عند خيباتك ومحطات انكسارك كتييير عشان مافي زمن💙✨

#لك_شئ_في_هذا_العالم_فقم🔥


#صباح_الخير

#فاطمة(#شغف)

قبل ما تنوم..
خت في قلبك نية قيام الليل ولو ركعتين بس! لو قمت صليت فلك أجر ما قمت♡
ولو ما قمت إنما الأعمال بالنيات ولكل امرئ ما نوى♥ ربنا ح يثوبك وكأنك قمت♡♡
ختو النية عشان ماتضيعو الثواب♥

تصبحون على واقع أجمل💕

#شغف

في ديسمبر مابتكتمل الاحلام ولا بتنتهي الاحزان!..
في ديسمبر بنراجع حساباتنا ونتخذ قرارات جديدة ونبدأ بدايات جديد و
مع فرص جديدة💕✨في ديسمبر بنقرر نقاتل الاحزان ونتجاوزها،في ديسمبر بنبدأ نحلم تاني💕 ونزهر تاني،في ديسمبر بشتعل الشغف حتى لو كان منطفئ🔥..في ديسمبر بنراجع خلاصةة سنة من التجارب والمغامرات والمحاولات والعترات والانتصارات💕✨..في ديسمبر نظرتنا للحياة بتختلف لانه خبرتنا في الحياة بتكون زادت سنة!
وبنعيد ترتيب اولوياتنامن جديد و توجيه افكارنا🤍✨..
في ديسمبر بنتذكر احداث العام بنغوص في التفاصيل،بنتذكر كيف اتجاوزنا العترات وكيف حققنا الانتصارات🤍✨
في ديسمبر بنمسح على اوجاعنا ونجبر انكسارتنا ونقول:ح نبدأ من جديد والجاي احلى❤️✨..
في ديسمبر بنزهر من جديد ونبدأ نحلم وبنطلق العنان لطموحنا وشغفنا✨..

#القادم_اجمل✨❤️

#فاطمة(#شغف)

تذكير بقراءة سورة الكهف 🤍..🍃

نحنا في ختام سنة مضت بخيرها وشرها، خضنا فيها تجارب، صارعنا فيها من أجل اهدافنا، لقينا فيها الاحباط والتفائل والامل، عثرنا على قوتنا فيها تارة وتارة اصابنا الضعف، حققنا إنجازات كبيرة وصغيرة، لكن ماذا عنها؟
لقد مضت وها نحنا على أعتاب سنة جديدة فكيف ناوي تبدأها ؟
لنبدأها معاً
١.اتعود تدعو الله كل يوم ان يثبتك على صراطه المستقيم وان يجعل كل يوم وسنة وشهر ملئين بالطاعة والعبادة والإنجازات
٢. ضع قائمة من الأهداف التي تود تحقيقها في هذه السنة وضع قائمة باهداف قديمة تود إكمالها
٣. ابحث عن شغفك وابحث عن صديق لرحلتك
٤. ابدا العام بالطموح والامل والشغف فهو عام جديد قد مضى السابق بما مضى يحمل م يحمله لكن لا تحمل العام الجديد اعبأ الماضي

اسعى عشان أحلامك وأهدافك وم تكسل واتذكر دائما قول ربنا تعالى:
{ وَأَن لَّیۡسَ لِلۡإِنسَـٰنِ إِلَّا مَا سَعَىٰ }.
وتفسيرها بتلقى الثواب على قدر سعيك من غير زيادة او نقصان فأنت اسعى بكل طاقتك عشان تلقى ثواب كبير ✨❤️

وقبل تحبط نفسك او تقول انا م قدرها اتذكر قول ربنا تعالى:
{ لَا يُكَلِّفُ ٱللَّهُ نَفۡسًا إِلَّا وُسۡعَهَاۚ } وتفسيرها لا يكلف الله نفسًا إلا ما تطيقه من الأعمال... لذا تأكد دوما انك تستطيع فعل ما تشاء فلو كان فوق طاقتك لما وضعه الله في نفسك ✨❤️

#شغفنا موجود بس_محتاج انو نبدأ بداية جادة عشان نصل لي🔥❤️

شغف بتتمنى ليكم عام جديد و سعيد ملئ بالطاعة و الإنجازات و التطورات و النجاحات وكل يوم مبسوطين بإنجازاكم الصغير والكبير 🔥وم تنسو نحنا معاكم ✨❤️

#The_Hope 🦋✨

" يمكننا دائمًا البدء مرة أخرى".

قبل فترة قريت كتاب اسمه "انا قبل كل شئ "
للجوهرو الرمال💞..
من الكتب القليلةة الي لمست فيها شئ من العمق!..بيحكي عن بنت بتفقد النظر بعمر١١ وبيرجع ليها بعمر ٢٠ حياتها بتكون بائسةة ومافيها حاجةة مميزة وبعد تفقد نظرها بتزيد معاناتهاا اكترر لكن التجربةة دي بتخليها تقبل على الحياة وتتعلق بيها رغم كل شئ!رغم الالم البتعيشه،رغم الظلام الحولها في كل مكان،رغم انها وحيدة وعاجزة بشتعل جواها شغف للحياة ،وبعد يرجع ليها نظرها بترجع تكمل حياتها من نفس السن الفقدت فيه نظرها وكلها حماس،..هي مجرد روايةة ويمكن تكون بعيدة عن الواقع بس مهما يحصل ومهما نعاني ومهما نتأخر دايما يمكننا البدء من جديد!!

السقوط مانهايةة والفشل الحقيقي هو اننا نوقف المحاولةة!!

#وتستمر_الحياة🔥

#شغف