استفدتو من اللايف؟؟؟

السلام عليكم ❤️

قبل ما تحكم على نفسك بالفشل اتذكر انك ما وصلت للمكان الانت فيه دة بالساهل حتى لو كان دة مالمكان النفسك تكون فيه
وقبل ما تبدأ تعجز نفسك وتحتقر انجازاتك اتذكر انك يوم من الايام كنت في نقطةة البدايةة وهسي لازم تكون فخور بإنجازك حتى ولو اتحركت خطوة وحدة من نقطةة البدايةة!!
انا ما عايزاك تبطل محاولة! لانك لما تبطل ح تحكم على نفسك بالفشل!!
عايزاك تستمر وتحاول لحدي ما تصل🤍 واتذكر انه دايما ممكن تبدأ من جديد
ممكن مخططاتك ماتمشي حسب تخطيطك، وممكن الظروف دايما تكون ضدك لكن ما ممكن تتحرم من حاجة انت تعبت عشانها🤍✨
وصدقني ح تصل طالما انك مؤمن بالوصول❤️❤️❤️

#فاطمة(#شغف)

تذكير بقراءة سورة الكهف 🤍..🍃

عايزاك تعاهد نفسك بأنك ح تبقى زي ما بتحلم♡، ح تحقق ذاتك💕، وتخلق اسطورتك الشخصية🔥..
عايزاك تكون صنديد وما تلين وتكون مؤمن بوصولك لمراد قلبك💚..
عايزاك تثق في نفسك وتحسن الظن بالله💛..
عايزاك تستفيد من كبواتك وعثراتك وتحول نقاط ضعفك لنقاط قوة🤍..
عايزاك تعرف أنه اللحظات الصعبة مهما طالت مصيرها تعدي وتنتهي💜😴..
عايزاك ترفع سقف طموحك وما ترضى بالقليل♡..
عايزاك ترفض فكرة انك تعيش حياة عادية وتختار حياة عظيمة تليق بيك💙..
عايزة اقول ليك الدنيا قاسية والظروف غدارة لكن الفرص ما بتنتهي طالما اننا احياء نرزق♡..
الحياة دي ما بتقيف إلا لما يتوقف قلبنا❤️..غير كدة ما في حاجة بتوقفها! ، لا فشلنا، ولا عثراتنا، ولا انكسارنا !
لملم شتات روحك وحاول تاني🧡..


#امضي_قدما

#فاطمة (#شغف)

فاسكُنْ وثِق أنَّ الدُّعاءَ بمأمَنٍ
‏ مَا تاهَ صوتُكَ إنَّ ربَّكَ يَسمعُ💙

#حكمة
ابن عربي: فقهيه وأديب أندلسي.

من رحمة الله:
انو أمرنا النبي وكلام النبي وحي بتعجيل الافطار عشان تقلل علينا المشقة وجعل في السحور بركة ومن المستحب تأخيرو عشان نقدر نستحمل بيو وأمرنا الرسول انو نطبق الحاجة دي لانها في مصلحتنا وم نتشبه بأهل الكتاب البعملو العكس ذلك.
عَنْ سَهْلِ بنِ سَعْدٍ ، أَنَّ رسُولَ اللَّهِ ﷺ قَالَ: لاَ يَزالُ النَّاسُ بخَيْرٍ مَا عَجلوا الفِطْرَ متفقٌ عَلَيْهِ.
ومن رحمة الله أن في تعجيل الإفطار وتأخير السحور ثواب وأجر .
#رمضان_كريم

عزيزي المهوم:
إن الله يعلم ما أهمّك وقادر عليه فقط ثق بالله وأدعو فوالله ظنك بالله وصرف قلبك إليه يزيح عنك أثقل الهموم واتلو قرآنه وردد:
( *لاحول ولاقوة الابالله* ) فإنها تزيل الاغتمام وتجلو الهموم.
#الدرداء

الإمام علي بن أبي طالب (رضي الله عنه)
خليفة وفيلسوف وشاعر وصحابي عربي.
#حكمة

جاهزين؟؟🔥🔥🔥
ما تفوتو اللايف 🙃🙃🤍

سيدنا علي بن أبي طالب رضي الله عنه💙 كان بقول:

"كُل مُتوقّعٍ آت"❤️

مُنتظر الخير والعوض من ربنا ح يرضى بما سيؤتيه الله من فضله💙
وصاحب اليقين ح تتحقّق مخططاته🔥 مُسيء الظن ح يكون جزاءه سوء ظنه💔
ومتوقع الخيبات والنهايات المؤلمةة ح يحصد الخيبات والنهايات المؤلمةة زي ما اتوقع💔
اتفائلو🤍✨ واتوقعو كل ماهو جميل وأزيدكم من الشعر بيت؟🙃 في مقولةة تانيةة بتقول: "تفائل بما تهوى يكن " ودي ما محتاجةة شرح🙃💙🌏

وقعت؟؟


#شغف

السلام عليكم ورحمة الله
نعتزر اليكم بتأجيل لايف اليوم إلى حين اشعار آخر لأسباب طارئةة

شغف تستميحكم عذراً🙏🤍

بادٍ مثل وجه أميِّ💙🌕🌍

..صباح الخير  لاحلامنا التي عاهدناها باللقيا💙
لامنياتنا المعلقة في عنق السماء♡، لمحاولاتنا المستمرة❤️‍🔥..
، لطرقاتنا التي طالت وشق سيرها..لشغفنا🔥، لاصرارنا،
لقلوبنا التي تشرق املا✨💕

#صباح_الخير_جدا💖

تذكير بقراءة سورة الكهف 🤍..🍃

&سنن منسية:

من السنن البننساها وفيها أجر وفوائد صحية زي لما نجي نشرب موية انو نسمي الله ونشرب ٣ دفعات وما ننسى انو نشرب جالسين لانو فيما بعد اكتشف العلماء انو الجلوس وشراب الموية عندو فوائد صحية كتيرة منها انو تخلصنا من السموم.
وعشان ما نطبق السنة دي طلعو بعض الدول الغير مسلمة بدراسة انو شراب الموية وانت واقف او ماشي أفضل للرجيم وتقليل الوزن 😔 والمفروض نمشي على هدي نبينا صلى الله عليه وسلم.

#الدرداء
#رمضان_كريم

السلام عليكم
عايزة اذكرك بأنك على قدر ما تتعب بتلقى💙
كل ما اتضاعف المجهود ح تتضاعف عظمة الانجاز🔥وبالتالي تتضاعف الفرحة 🤍✨

البعمل الذنب بكل برود ولو هداو زول ومنعو عن الذنب بقول (انت مالك ح تحاسبني انت ؟ )
انت عارف ح يحاسبك منو ح يحاسبك رب العباد والقال في القرآن الكريم: {إِنَّ لَدَيْنَا أَنكَالًا وَجَحِيمًا * وَطَعَامًا ذَا غُصَّةٍ وَعَذَابًا أَلِيمًا}
فوقت م تعمل ذنب اتذكر الآية دي جزء بسيط شديد من العقاب والحساب المنتظر المكذبين والمستهزئين وعشان الله بحكم بالعدل جعل التوبة والاستغفار وبمحي الذنوب اذا العبد تاب عنها فما بعاقب طوالي .
استغفر الله العظيم واتوب إليه
#الدرداء

صباح الجمعة صباح مختلف 🤍🤍صباح مملوء بالطمأنينة والسكينة صباح يسبق الخطبة وصلاة الجمعة 🌹ويوم مختلف لأن الصلاة على النبي محمد ﷺ معروضة عليه (فأكثروا منها وسلموا على حبيبكم 🤎) 🤍 يوم الحسنات وقراءة القرآن وعيد المسلمين ويوم الراحة النفسية ☺️🌸

فابدأ صباحك بتفاؤل وانشر البسمات 😁🌻💫
#الدرداء

أعزاء شغف 🤍 طمنونا عليكم
إن شاءالله كلكم بخير وكويسين؟
في وضع زي دا استهدوا بالخالق الحافظ و
قولوا بسم الله الرحمن الرحيم واستعينوا بالله ما تفكروا في حاجة ادعوا بس واكيد محنة وح تزول عشان الله رحيم بعباده.
وما تفكروا في الموت او اي حاجة كعبة 😔 دايما اتفائلوا واعرفوا انو اي حاجة مكتوبة
املوا قلبكم يقين بالله واحسنوا الظن به. اختبار عشان تصبروا واكثروا من الحوقلة (لاحول ولاقوة الا بالله) والله يجعل كيد اي ظالم في نحره.

وتذكروا انو الله ما بضيع حق زول وح ينصر الحق.
يارب احفظ السودان وأهله 🤲

اللهم وطني وما دونه هين 😔❤️🇸🇩