السلام عليكم ورحمة الله
متابعين شغف المميزين💙
المفاجئةة الموعودة هي برنامج لطيف بمناسبةة رمضان🤍✨
ح تكون في لايفات اسبوعيةة🔥
مع شخصيات استثنائيةة❤️
ح نتناول مواضيع هادفةة
ح نستفيد ونستمتع جدا معاكم💙
خليكم قريبين واترقبو باقي التفاصيل🔥🤍
الى ان نلتقي
كونو بخير❤️✨

#شغف

السلام عليكم ورحمة الله
رمضان كريم 🤍 وكل عام وانتو بخير ❤️
رمضان فرصةة عشان تتغير وتبدأ حياة جديدة💙 حاول تستغلها صح🙃
حاول تكتسب عادات جميلة وتتخلص من عاداتك السيئةة
الصلاة والذكر وقراءة القرآن والصدقات وكل الطاعات اكتسبها كعادات وحاول تلتزم بيها بعد رمضان ❤️
التسويف الكسل الاستهتار حاول تتخلص منهم للأبد وماترجع ليهم بعد رمضان
الخطة الوضعتها لي رمضان وقررت فيها انك تبقى إنسان هميم وملتزم ومجتهد خلال الشهر خليها منهج حياتك🤍
الحياة قصيرة شديييد عيشها صح واتذكر انه كل ثانيةة تعدي لا يمكن ترجع وكل لحظةة سعي قصادها ثمرة مجهود💙

كل عام وانتم بخير تقبل الله منا ومنكم صالح الاعمال وأعاننا على الصيام والقيام ❤️

#شغف

تذكير بقراءة سورة الكهف 🤍..🍃

صباح الخير 🤍✨
لما تفشل وتنكسر وتنخذل ،وتستاء،وتفقد الشغف،وتموت جواك الرغبةة 💔
اتأكد بأنه العالم ما ح يقيف لفشلك،وانكسارك،وخذلانك!!
والحياة ح تفضل مستمرة
انت كمان ضمّد جراحك ولملم شتاتك واستمر وماتقيف عند محطات انكسارك
اسعى وانت بتتوجع عشان كل ثانية مهمةة وكل حاجةة ح تعدي💙
اللحظات الصعبةة المريت بيها ح تعدي لو طالت او قصرت! ح تبقى مجرد ذكرى و لو وقفت عندها كتير ح تندم على الزمن الضيعتو وانت بتتحسر لما تعرف انه مافي حاجةة بتستاهل!
اتعامل مع عثراتك بحكمةة وحولها لنقاط قوة وحاول تحقق انتصار جانبي في كل مرة تقع فيها عشان ما تطلع من التجربةة بصفر انجاز! لانه فكرة انه الوقت يعدي وانت لسةة في مكانك فكرة مؤلمةة💔💔💔
آخر حاجةة عايزة اذكرك انه السقوط مافشل الفشل هو اننا نبطل نحاول

#keep_going

#فاطمةة (#شغف)

سأحسنُ الظنّٓ مهما طال بي املي
كم مُستحيل بحُسن الظنّٓ ..نِلناهُ

‏"و إذا تعلّقت القلوبُ بِربها
طابت لهَا الدنيا بِرغم أساها

قل للأماني السائراتِ لِربهّا
الله يسمعهَا ولا ينساهَا ". 💛

مساء الخير على قلوبكم ❤️❤️
هل انتو مدركين انه الدعاء يغير الاقدار؟؟
هل قادر تستوعب انه ربنا قادر يغير كل حاجةة عشان خاطر دعوتك الصادقةة ولانك احسنت الظن بربنا؟
فما بالكم بالدعاء في رمضان؟؟؟!!
ادعو كتيييير ربنا قريب مننا💙
الموضوع الشايل همه😔 الحلم البتحلم تحققه🥹،السكةة الطالت عليك وحسيت انك ماقادر تكمل، كل اوجاعك ومعاناتك ومشاكل ربنا قادر يخلصك منها بدعوة!
ادعو والله ربنا ما بخيب ظن عبد أحسن الظن بالله❤️
وهو قال:"ادعوني استجب" وكلامه حق ووعده صدق وما ينطق عن الهوى❤️

#شغف

اللهُمَّ العوض الجميل بعد الصَّبر الطويل، اللهُمَّ دربًا لا تضيق به الحياة، وقلباً لا يزولُ منه الأمل، وفرحة لا تذبل ولا تموت أبداً 💉🩺

السلام عليكم ورحمة الله ❤️
مساء الخير 🤍✨
بكرة إن شاء الله أول لايف رمضاني💙
مع الدكتورة المميزة جدا خديجةة منصور💙
دكتورة خديجةة قدوة يحتذى بها وشخصيةة استثنائيةة ح تستفيدو جدا من تجربتها الجامعيةة ح تحكي لينا عن محطاتها بكل شغف🤍 ما تفوتو اللايف موعدنا بكرة ان شاء الله
الساعةة10:00 pm
الى ان نلتقي كونو بخير🤍🤍

#شغف

الموضوع الشاغل بالك وبتخطط ليه وبتفكر فيه على طوول محتاج منك رغبةة صادقةة عشان النتيجةة تكون زي ما بتحلم💙
ح تقول لي كيف ياشغف؟؟ كل واحد فينا عنده رغبةة يكون ناجح، ومتفوق اكاديميا،ومستقل ماديا،وعلاقته مع ربنا ممتازة ليه ما قدرنا نحقق الرغبات دي؟؟!!
ح اقول ليك كلنا عندنا رغبةة لكن ما كلنا رغبتنا صادقةة!
الرغبةة بس يعني التمني فقط!! والرغبةة الصادقةة يعني التمني مع السعي والعمل !
واستمراريةة السعي يعني حتميةة الوصول🔥 انت بس ابدأ واعمل الخطوة الاولى وماتشيل هم السكةة مصيرها تنتهي مهما طاالت والتفاصيل القاسيةة ح تعدي وتبقى مجرد ذكرى🤍
يلا قوم ابدأ اسعى في الموضوع الشاغل بالك واتذكر انه كل متوقع آت فخليك متفائل وانسى الدنيا بما فيها ووجه كل زمنك وتفكيرك ومجهودك في رغبتك الساكنةة بالك ❤️ عشان تحقق الوصول

#احلامنا_بتستاهل🤍

#فاطمةة_شغف

صباح الخير
انا ماعارفةة انت متأزم من شنو بالضبط،ولا عارفةة انت شايل هم شنو لكن عارفةة انه ربنا رحيم بعباده💙
عارفةة انك إذا لجأت ليه ما ح يخيبك🤍
عارفةة انه ممكن يغير كل حاجةة عشانك ويصنع ليك معجزتك الخاصةة بسبب دعواتك❤️
قال "ادعوني استجب " ماقال سأستجب، ولا قال فأستجب وإنما قال "استجب" ح يستجيب مباشرة انت بس اخلص في دعائك واتوجه ليه بكل خضوع وخشوع و ح يجبر بخاطرك🤍 لأنه الله لا يرد سائلا!

🍀أصدقاء شغف💖
لكم في رمضان مطالب فأطلبوها...
ففي وقت الإفطار لاترد دعواتكم فسألوا الله أن تهتدوا وأن يتوب الله عليكم وأن يعفو عنا وعنكم💫 ، 🤍 تالله لا يوجد في هذا الشهر الفضيل محروم إلا من حرم نفسه 🤍 لأن الشياطين كلها مصفدة فلا تكونوا من المحرومين وقاموا النفس الأمارة بالسوء فكلها أيام معدودات فليكن زادكم فيها التقوى وأن تخرجوا منه مطهرين من الذنوب والخطايا بروح إيمانية جديدة💯.
🤲 عسى الله يوفقكم ويسهل عليكم في كل حياتكم وأن يلهمكم الثبات على دينه والإخلاص له.
ويملأ أرواحكم بالشغف والتفاؤل والطمأنينة 🫀🌻.

#رمضان_كريم
#الدرداء

مساء الخير يا اجمل متابعين🤍
جاهزين للايف؟؟🔥🔥🔥

استفدتو من اللايف؟؟؟

السلام عليكم ❤️

قبل ما تحكم على نفسك بالفشل اتذكر انك ما وصلت للمكان الانت فيه دة بالساهل حتى لو كان دة مالمكان النفسك تكون فيه
وقبل ما تبدأ تعجز نفسك وتحتقر انجازاتك اتذكر انك يوم من الايام كنت في نقطةة البدايةة وهسي لازم تكون فخور بإنجازك حتى ولو اتحركت خطوة وحدة من نقطةة البدايةة!!
انا ما عايزاك تبطل محاولة! لانك لما تبطل ح تحكم على نفسك بالفشل!!
عايزاك تستمر وتحاول لحدي ما تصل🤍 واتذكر انه دايما ممكن تبدأ من جديد
ممكن مخططاتك ماتمشي حسب تخطيطك، وممكن الظروف دايما تكون ضدك لكن ما ممكن تتحرم من حاجة انت تعبت عشانها🤍✨
وصدقني ح تصل طالما انك مؤمن بالوصول❤️❤️❤️

#فاطمة(#شغف)

تذكير بقراءة سورة الكهف 🤍..🍃

عايزاك تعاهد نفسك بأنك ح تبقى زي ما بتحلم♡، ح تحقق ذاتك💕، وتخلق اسطورتك الشخصية🔥..
عايزاك تكون صنديد وما تلين وتكون مؤمن بوصولك لمراد قلبك💚..
عايزاك تثق في نفسك وتحسن الظن بالله💛..
عايزاك تستفيد من كبواتك وعثراتك وتحول نقاط ضعفك لنقاط قوة🤍..
عايزاك تعرف أنه اللحظات الصعبة مهما طالت مصيرها تعدي وتنتهي💜😴..
عايزاك ترفع سقف طموحك وما ترضى بالقليل♡..
عايزاك ترفض فكرة انك تعيش حياة عادية وتختار حياة عظيمة تليق بيك💙..
عايزة اقول ليك الدنيا قاسية والظروف غدارة لكن الفرص ما بتنتهي طالما اننا احياء نرزق♡..
الحياة دي ما بتقيف إلا لما يتوقف قلبنا❤️..غير كدة ما في حاجة بتوقفها! ، لا فشلنا، ولا عثراتنا، ولا انكسارنا !
لملم شتات روحك وحاول تاني🧡..


#امضي_قدما

#فاطمة (#شغف)

فاسكُنْ وثِق أنَّ الدُّعاءَ بمأمَنٍ
‏ مَا تاهَ صوتُكَ إنَّ ربَّكَ يَسمعُ💙

#حكمة
ابن عربي: فقهيه وأديب أندلسي.