ژن باب

دبێژن کورەکێ ساڤا دانا ئەردی و دایکا وی مر ، بابێ وی کورێ خو ب ئەمانەت تەسلیمی خالەتێ کر ، پشتی چەند مەهەکا ژ مەجبوری خێزانەکا دی پێکئینا و کورێ شەش هەیڤی زڤراندە لایێ ژن بابێ .

پشتی پێنج سال بورین لسەر ژیێ کورکێ
سێوی وبێ چاڤدان و برسی، روژەکێ ژن بابێ مالا برایێ خو مێهڤان کرنە خارنێ ، کورك یێ برسیە خو نێزیکی خارنێ کر ، بەلێ ژن بابێ نەهێلا و دەستێ وی کرت و بلندکر و هاڤێتە دبەلەکونێدا و دشەڤەکا پر سەرمادا . تاکو مێڤانا خارن خاری و چوین ، باب ژنوی هاتە مال.

درەنگی شەڤە و پرسیارا کورێ خوکر ، ژنێ گوتی یێ لسەر جهێ خو نڤستیە !! باب نڤست و ژنا بەرێ هاتە خەونێ و گوتێ کورێ من ئێمانەتێ تەیە ، زەلام ژخەوێ هشیاربو ، جارەکادی پرسیارا کورێ خوکر ، ژنێ گوتێ یێ نڤستی یە ، زەلام نڤست دوبارە ژنا بەرێ هاتە دخەونێ دا و گوتێ کورێ من ئێمانەتێ تەیە ، ژخەوێ هشیاربو و پرسیارا کورێ خوکر ، دیسان ژنێ گوتێ وەی مالاتە ماتو باوەر ژمن ناکەی کورێ تە یێ لسەر جهێ خو نڤستیە!!.

جارەکادی زەلام نڤست و ژنا بەرێ هاتە خەونا وی و گوتێ ئەڤە کورێ من یێ لدەڤ من و توژی بخو تێر بنڤە !!! زەلام ئێکسەر ژخەوێ رابو لمال گەریا و کورك نەدیت ، چوو دبەلەکونێدا بەرێ خو ددەتێ ژسەرما و ترسا و برسادا کورکێ مری و رحکا وی یا شرین قەستا دایکا خو یاکری .

ئەڤجا بابو ژخەوێ رابە عەیالێ تە یێن برسینە
ژن بابامە یا هوسایە ، کارێ وێ بەس کەرب و کینە
مژویل نەبە بویە درەنگ دەستا ل وێ ب هەلینە
لێبدە داری تا ئێڤاری سەرێ وێ تو ب هەرشینە
دابیت عیبرەت بو ژن بابا خودان کرن هوسا نینە


رێز و احترام بو ژن بابێن باش

زالم و مەزلۆم

دبێژن روژەکێ موسا پێغەمبەر سلاڤێن خودێ لسەربن ، چوو چیای و پرسیار ژخودای کر و گوتێ: چەوا دێ مەزلوم مافێ خوە ژ زالمی وەرگریت ؟ خودای گوتێ: سوباهی لدانێ ئێڤاری هەرە فلان جهی وخو بێدەنگ بکە دێ ب چاڤێن خو بینی.

لروژا پاشتر لدانێ ئێڤاری موسا چوو وی جهی و بەرێ خوە ددەتێ کو ئاڤەکا جوانە و سیارەك ژ حێشترێ هاتە خوار و ئاڤ ڤەخوار و چاندکا خو هێلا لوێرێ وچوو ، زاروکەك هاتە سەر ئاڤێ و ئەو چانتە دیت، ڤەکر کو یا تژیە ژ زێر و زینەتا ، هەلگرت و چوو ، پیرەمێرەك هاتە سەر ئاڤێ داکو ڤەخوت ، دگەل وێ چەندێ سیار زڤری سەر ئاڤێ و پرسیارا چاندکا خوە ژ پیرەمێری کر ، بەلێ بەرسڤ دا و گوت من نەدیتیە ، کەربێت سیاری ژێ ڤەبون و شیرێ خوە بلدکر و سەرێ پیرەمێری فراند و چوو !!
موسا ماحێبەتی و چوو چیای گازی کرە خودێ و گوت من وەسا دیت کو زولم ل پیرەمێری هاتە کرن و سیار زالمە و زاروكی یێ فایدەیە و تو چ دبێژی؟؟

خودای گوتە موسای ، وی پیرەمێری بەری 20 سالان بابێ سیاری کوشتبو و ئەو گەهشتە مافێ خوە و بابێ زاروکی 20 سالان بو بابێ سیاری کاردکر و چ تشت نەددانێ وزولم ل بابێ زاروکی دکر ، لەورا ئەوژی گەهشتە مافێ خوە .

ئەڤجا باش بزانن هەر کەسەکێ زولمێ بکەت خودایێ مەزن بو ناهێلیت .

هه رکه سه کی چو ژییاناته په شیمان نه به به لی جهه کی بچیک بهیله بو په شیمانیی🙌🌚

بریارا کوشتنا هەمی ئافرەتا هاتە دان
(خەلەکا 1)

دبێژن لسەر دەمێ خەلیفە ( هارون الرشید) بریار هاتە دان لسەرانسەری باژێرێ بەغدا روناهی بهێنە ڤەمراندن بشەڤ و هەر کەسێ پێگیر نەبیت دێ هێتە سزادان .

زێرەڤانێت خەلیفەی بشەڤێ گەریان دناڤ باژێری دا و بەرێ خوە ددەنێ کو لقاتێ دووێ دقەسرەکێڤە روناهی هەیە و زێرەڤانا هێدی هێدی خوە گەهاندە پەنجەرێ و دیت کو زەلامەك یێ نڤستیە لسەر تەختی و ئافرەتەك یا لهنداف سەرێ وی تا دبیتە سەرێ سەعەتێ ئافرەت یا دنڤیت و زەلام یێ نوبەداریێ لێ دگریت!!

تا بویە سپێدە کارێ ئافرەتێ و زەلامی ئەڤەبوو و هەر ئێك سەعەتەکێ دنڤست و یێ دی نوبەداری لێ دگرت و پشتی سەعەتێ جهێن خوە لئێك گوهارتن !!

زێرەڤان گەهشتنە لایێ خەلیفەی و ئەوا ب چاڤێن خوە دیتی دشەڤا بوریدا گەهاندێ ....دبێژن خەلیفەی بریارا گرتنا ئافرەتێ و زەلامی دا و ئامادەکرن ، خەلیفەی جودا جودا دگەل ئاخفت گوتە ئافرەتێ بوچی هەوە روناهی هێلایە هەل و هەر سەعەتەکێ ئێك ژهەوە دنڤیت و یێ دی نوبەداری دگریت؟

ئافرەتێ بەرسڤدا و گوت : ئەز و ئەو گەلەك حەش ئێك و دوو دکەین و یاشمەڤە ئەگەر ئەم هەردوو پێکڤە بنڤین دێ مرین !! لەورا هەر ئێك ژمە سەعەتەکێ دنڤیت و یێ دی نوبەداریێ لێ دگریت .
خەلیفەی گوتە ئافرەتێ تو گەلەك حەز ژوی دکەی؟
- بەلێ ئە .
- تو گەلەکا جوانی ! بوچی تو زەلامێ خوە ناکوژی و دێ تە لکورەکێ خوە مەهرکەم ؟
- بلا ئەزا رازیمە و دێ وەکەم !

پشتی هینگێ جابا زەلامی فرێکر و هەر ئەو پرسیارە ژێ کرن و وەکی ئافرەتێ بەرسڤ دا ، کو ژبەر حەژێکرنێ ئەم ڤی کاری دکەین . پاشی خەلیفەی گوتێ : تو بوچی ژنکا خوە ناکوژی دێ کچەکا خوە لتە مەهرکەم ؟
- ئەزبەنی تە سەد کچ هەبن و هەر سەد کچا لسەر ناڤێ من مەهر بکەی ئەز ڤی کاری ناکەم و ژنکا خوە نادەمە ب هەر سەد کچێن تە !!
(چاڤەرێی خەلەکا 2 بن) رویدانێت گرنگ

بریارا کوشتنا هەمی ئافرەتا هاتە دان
(خەلەکا 4 )

دبێژن خەلیفەی بریاردا ب کوشتنا هەمی ئافرەتان و بزویترین دەم ئەڤ بریارە بهێتە جێ بەجێکرن ژلایێ جەلدەڤانیڤە (جەلادی) .
پشتی جەلاد گەهشتیە مال یێ عێجزە و بابێ وی گوتێ : تەخێرە کورێ من تویێ عێجز ؟
گوتێ : باب خەلیفەی بریاردایە ب کوشتنا هەمی ئافرەتان و ئەها ئەڤە من چوار زاروك هەنە و ئەگەر من ژنکا خوە کوشت دێ کی چاڤدێریا ڤان زاروکان کەت ؟
بابێ وی گوت : خو عێجز نەکە کورێ من دێ چمە لایێ خەلیفەی و سەرهاتیەکێ بو بێژم ، بەلکی ژ بریارا خوە پاشکەز بیت !
بابێ جەلادی گەهشتە لایێ خەلیفەی و گوتێ ئەزبەنی ئەڤ بریارا ژلایێ تەڤە هاتیە دان لسەر کوشتنا هەمی ئافرەتان گەلەك دجهێ خوەدایە بەلێ ئەز دێ شێم هاریکاریا تەکەم و دەرفەتێ بدەیە من سەرهاتیەکێ بوتە ب ڤەگێرم ؟
خەلیفەی کوتێ : فەرموو ....
دبێژن بابێ جەلادی گوتە خەلیفەی بەری 20 سالان ئەز رەشەکێ بابێ تە بوم بروژێ هەمیێ دگەل دهاتم و دچوم و بشەڤێ من کارێ تالانا دکر ، هەر جهێ من ڤیابا کەس نەدشیا ببیتە رێگر و من تالان دکر و ئەزێ ب ناڤ و دەنگ بووم .

شەڤەکێ من دیت کو سیارەك دبەر منرا بوری و هەر ئەز ب چ حساب نەکرم ، ئەز ژی دیفرا چووم ، هێدیکا من خو نێزیك کر و دەست هاڤێتە رۆمێ خوە و ئاراستەی سیاری کر ، من هند دیت ئەز یێ ل ئەردی و سیار یێ لهنداڤی سەرێ من و شیرێ خوە دانا سەر حەفکا من و گوت : بتنێ جارەکادی تو خوە نێزیکی من بکەی دێ سەرێ تە ژێڤەکەم و رابوڤە و چوو !!

جارەکادی ئەز دیفرا چوم ، بەلێ نەوێرام خوە نێزیك بکەم و شەڤە و بەرێ خوە ددەمێ گەهشتە قەسرەکێ و دەوارێ خوە لبەر دەری گرێدا و چوو دژورڤە . ئەز ژی مامە لدەرێ من هند دیت سەرێ کابرایەکی دپەنجەرێدا هاتە خوار و پشتی هینگێ سەرێت دوو کەسێت دی دپەنجەرێ را هاتنە خوار
و سیار ژقەسرێ دەرکەت و چوو و هەرسێ سەرێن مروڤا هێلانە لبەر دەرێ قەسرێ !! ئەز ژی دیفرا چومەڤە و .....
دبێژن سیار گەهشتە دناڤ گوڕستانەکێ دا و چوو هنداف گوڕەکی و شیرومەتالێن خوە دانان و جلکێن لەشکری ژبەر خوە کرن ، ئەز بەرێ خوە ددەمێ کو ئەو سیارە ئافرەتە و گازیکرە گوری و گوت : کورمام من تولا تەڤەکر و ئەوێ تو کوشتی من ئەو و برا و بابێ وی هەرسێ کوشتن و سیندێ دخوم پشتی تە مێر لسەر من حەرام بن و خو بسەر شیری دادا و خوە کوشت !!

ئەز چومە هنداف سەرێ وێ بتنێ من گوت مخابن بو شێرە ژنا و گوڕەك کولا و ئافرەت هاڤێتە تێدا برەخ کورمامێ وێڤە و شیر ومەتالێن وێ هەلگرتن و تا ئەز هاتیمە دەف بابێ تە ، گیروبوم و بابێ تە بریاردابو کو سەرێ من ژێڤەکەت ، بتنێ من داخاز ژێکر کو وێ سەرهاتیێ بو بێژم و وەکی تە گوت فەرموو .
پشتی من ئەڤ سەرهاتیە بو بابێ تە ڤەگێرای ئەز عەفو کرم .

ئەڤجا هەمی ئافرەت وەکی ئێك نینن و ژن ژی یێ دهەین و ژنکوك ژی یێ دهەین وشێرە ژن ژی یێ دهەین . ئینا خەلیفەی گوتی : لسەر خاترا تە وڤێ سەرهاتیێ من هەمی ئافرەت عەفوکرن بتنێ ئەو ئافرەت نەبیت ئەوا خیانەت ل مالاخوە کری دڤێت سزایێ خوە وەرگریت.

ژ ئەنجامێ هەر (٦) خەلەکا ئەڤ خالێن خارێ نە :
١- ئەڤینا راستەقینە ناهێتە گوهارتن ب چەند مالێ دونیایێ ( ئەڤینا دایك و باب و خێزانێ ، ئەڤینا کچ و کۆرا، ئەڤینا ئاخێ و نەتەوایەتی، ئەڤینا خودایی و ئاینێ پیرۆز و ......... هتد) .
٢- نابیت کەسەك خەلەتیێ بکەت وچەند کەسێن دی دگرارا ویدا سزای وەربگرن .
٣- دڤێت کەسێ خائین سزایێ خوە وەربگریت ، داکو ببیتە عیبرەت بو پشتی خوە .
٤- چەند تو خوە مەزن بکەی دێ هەر رۆژەك هێت سەرو وسەر بکەڤی و کێر بکەڤیتە سەرحەفکا تە .
٥ - لدەمێ بریاردانێ لسەر هەر تشتەکی، دڤێت ئەرێنی و نەرێنی بهێنە بەرچاڤ وەرگرتن ، پاشی بریار لسەر بهێتە دان .
٦- خودایێ مەزن یار و پشتەڤانێ وە هەمیان بیت و ببورن ئەڤ زنجیرا سەرهاتیا ب (2)خەلەکانڤە دبیت هندەك ژهەوەیێن هێژا بێزارکربیت ژبەر چاڤەرێبونێ و مەرەما سەرەکی بتنێ بێهن فرەهی بوو ، هەر ساخ و تەندروست باشبن .

🙌🌚🤦‍♀️خودی خه ریبی نه کته دلی چ که سادا

چ تشت وکی خریبیێ مروڤی نا ئیخیت

ئاریشا مروفین میشک 🙌

گرتی اوه کو ده فی وان 🌚

هه رده م یی فه کریه🤏

بەرزەبویا من تە وەکی روژێن زڤستانێ شەوقا خو دیارکرو ناف عەورادا بەرزەبوی، ژیان بێتە چ رامانا خو نینە

چەند ئاواتمە خەڵک تێبگەن...
#tobashi