🚨 Ұлытаудан жеткен қайғылы хабар: жеті кеншінің денесі табылды

Ұлытау облысы, Жаңаарқа ауданындағы «Жомарт» шахтасында тау жынысы опырылып түсті.
Оған себеп — табиғи газ жарылысы. Оқиға кезінде үйінді астында 7 жұмысшы қалып қойған.

⌛ Қазіргі уақытта не белгілі?
• Құтқарушылар барлық жеті кеншінің денесін тапты.
• Құлау себебі — газ жарылысы.
• Тергеу амалдары жүргізілуде, тау-кен жұмыстарындағы қауіпсіздік ережелерін бұзу бабы бойынша қылмыстық іс қозғалды.

⌛ Қаза тапқандардың отбасына өтемақы:
• Жылдық табыстың 10 еселенген мөлшері + жерлеуге 2 млн ₸.

⌛ Үкімет қалай әрекет етті:
• Премьер-министрдің тапсырмасымен арнайы комиссия құрылды, оны вице-премьер Қанат Бозымбаев басқарады.

📌 Қосымша тергеу жұмыстары жүргізіліп жатыр.

🙏Қаза тапқандардың отбасына қайғыра көңіл айтамыз

Соңғы 15 жылда Қазақмыс кәсіпорнында 64 адам қаза тапқан 😱

📌 КазТАГ агенттігі 2010 жылдан бері Қазақмыс кәсіпорнында болған қайғылы оқиғалардың статистикасын жариялады.

15 жыл ішінде оннан астам ірі апат тіркелген:
2010 жыл – 3 кенші қаза тапты;
2011 жыл – "Капитал" газетінің мәліметінше, 19 қызметкер мен 5 мердігер көз жұмды;
2012 жыл – "Капиталдың" дерегі бойынша, 15 қызметкер мен 4 мердігер қаза тапты;
2013 жыл – 3 қызметкер қайтыс болды;
2015 жыл – 1 проходчик ажал құшты;
2023 жыл – 5 қызметкердің өмірі қиылды;
2024 жыл – 2 адам қаза тауып, 1 жарақат алды;
2025 жыл – 7 шахтер қайтыс болды.

Қазақмыс кәсіпорны Владимир Ким мен Эдуард Огайға тиесілі.

📨 Блогерлар Хогвартстан емес, мемкіріс комитетінен жаппай хат алуда: салықтан жалтарған кімдер және қаншаға?

Қазақстандық блогерлер жаппай миллиардтаған теңге көлемінде салықтық берешегі бар екендігі туралы хабарлама алды. Мемлекеттік кірістер комитетінің мәліметінше, 594 адам өз табысын жалпы сомасы 53,3 миллиард теңгеге төмендеткен.

МКК былай дейді:

Бақылау шараларын жүргізу кезінде мемлекеттік кірістер органдары уәкілетті мемлекеттік органдармен, ұйымдармен және өзге де тұлғалармен өзара әрекеттеседі. Түрлі дереккөздерден алынған ақпарат пен ұсынылған салық декларацияларындағы мәліметтерді салыстыру нәтижесінде 594 тұлға бойынша 53,3 миллиард теңге көлемінде айырмашылық анықталды. Соның негізінде 13-14 ақпан аралығында хабарламалар жіберілді.

Енді блогерлер не түзетілген салық есебін тапсырып, салықтарын төлеуі керек, не 30 жұмыс күні ішінде түсініктеме беруі тиіс.

Жарнама мен онлайн табыстар салық төлеуге жатады
Ведомство онлайн-жарнама, тауарлар мен қызметтерді ілгерілету, курстар сату, ұтыс ойындарын өткізу мен басқа да коммерциялық қызметтерден түсетін барлық табысқа салық салынатынын ескертті.

"Сонымен қатар, түрлі интернет-ресурстарда онлайн-жарнама орналастырудан, ақпараттық өнімдерді сатудан, түрлі оқу курстарын өткізуден, ұтыс ойындарын ұйымдастырудан түскен кірістер үшін салық төлеу міндетті екенін ескертеміз. Бұл міндеттемелер ҚР Конституциясы мен Салық кодексінде белгіленген", – делінген ресми хабарламада.

📌 Айта кетейік, 2023 жылдың соңында Қазақстанда блогерлерді әлеуметтік желілердегі жарнамадан түскен табысқа салық төлеуге міндеттеу жоспары белгілі болған. Енді инфлюенсерлер жарнаманы арнайы белгілеуі тиіс, сондай-ақ "фейк" ақпарат таратқаны мен салықтан жалтарғаны үшін жауапқа тартылуы мүмкін.

Бұл шешімді қолдайтындар бар ма? Блогерлер салық төлеуі керек пе?

Бектенов кімді мақтады? Қазақша баяндама жасаған Дмитрий Мун "сөзіңізде тұратын азамат екен"

Премьер-министр Олжас Бектенов Үкіметте бастан-аяқ қазақ тілінде баяндама жасаған Цифрлық даму вице-министрін осылай мақтады. Дмитрий Мун авиация саласын цифрландыру мәселесі туралы айтты.

Айта кетейік Дмитрий мырза өткен жолғы отырыста мемлекеттік тілде баяндама жасамағаны үшін Үкімет басшысынан ескерту алған еді.

Керемет 👍

🤫Батыс Қазақстан облысының Бөкейорда ауданында белгісіз ұшу аппаратына ұқсас нысан табылған.

18 ақпан күні сағат 23:10 шамасында Ұялы ауылдық округінің әкімдігіне жергілікті тұрғындар ауылдан 8 шақырым қашықтықта ерекше затты байқағандарын хабарлаған.

🗣️ Алдын ала мәліметтерге сәйкес, табылған нысан ұзындығы 120 см болатын пилотсыз ұшу аппаратына ұқсайды. Жедел түрде оқиға орнына Ұялы ауылдық округінің полиция қызметкерлері жетті. Кейін олармен бірге аудан орталығы Сайхын ауылынан әкімдік, полиция және төтенше жағдайлар қызметінің мамандары да келді.

Қазіргі таңда мамандар нысанның шығу тегі мен кімге тиесілі екенін анықтауда.

Дереккөз: ОралПласт

Бұл не болды екен? 🤔

📱 Депутаттар TikTok-қа шектеу қоюды ұсынды

Мәжілісмен Жанарбек Әшімжановтың айтуынша, TikTok-та пайдалы контенттен гөрі жастардың санасын улайтын, кері әсер ететін ақпараттар көбейіп барады. Әлем елдері бұл әлеуметтік желіге шектеу қойып жатса, біз неге қарап отырмыз дейді депутат.

Ресми дерек: Соңғы 2 жылда TikTok-қа 14,1 млн қазақстандық тіркелген. Оның басым бөлігі – балалар мен жастар.

‼️ Депутат не деп алаңдаушылық білдіріп отыр?
– Құмар ойындардың жарнамасы
– Әдепсіз стримдер
– Белгісіз діни уағыздар
– Тыйым салынған заттарды насихаттау

📌 Депутаттар кәмелетке толмағандар үшін TikTok-қа қатаң шектеу қоюды немесе тіпті толық бұғаттау мүмкіндігін қарастыруды ұсынып отыр.

💬 Бұған сіздер не дейсіздер? Қолдайсыздар ма?

🕌 Әлеуметтік желі белсендісі Алексей Лодочников блогерлермен бірге дін қызметкерлерінің де табысын тексеру керек дейді

⛪️ Блогер Instagram желісінде видео жариялап, мемлекеттік кірістер комитеті жүргізіп жатқан тексерісті қолдайтынын мәлімдеді.

🕍 Ол имамдар мен шіркеудегі дін қызметкерлерінің де «көрсетпей» жүрген табысын тексеруді ұсынды. Толығырақ видеода ⬆️

Блогердің бұл ұсынысын қолдайсыздар ма?

🇰🇿 Қазақстан өзгерістер кезеңінде дейді Сенат төрағасы Мәулен Әшімбаев

🗣️ Мақала жариялаған Әшімбаев Қазақстан жаңа экономикалық реформалардың алдында тұр дейді. Спикердің айтуынша елімізді терең өзгерістер мен батыл қадамдар күтіп тұр.

⌛ Мәулен мырза мақаласында атап өткен негізгі бағыттар мынадай:
• Шикізатқа тәуелділіктен бас тарту — басымдық технологиялар мен өңдеуші өнеркәсіпке беріледі.
• Әділ бәсеке мен бизнесті қолдау — бюрократия азайып, инвестицияларға жол ашылады.
• Инфрақұрылымды дамыту — жолдар, теміржолдар мен логистиканы жақсарту.
• Инновациялар мен адами капитал — жасанды интеллект пен ғылымға инвестиция.

Әлем жаңа экономикалық дәуірге қадам басуда, ал Қазақстан дамыған елдердің қатарына қосылуға ұмтылып отыр. Бұл сын-қатер ғана емес, өсу мүмкіндігі дейді Әшімбаев мырза.

Жалпы, бұған дейінгі 5 жыл ішінде Қазақстан ескі жүйені бұзып, демократиялық қоғамға бетбұрыс жасаса, енді нағыз өзгерістер уақыты туған сияқты.

💬 Сенат төрағасының сөзімен келісесіздер ме?

🔄 Тоқаев Мемлекеттік протокол туралы жарлыққа өзгерістер енгізді

Қазақстан Президенті бұрын бекітілген «ҚР Мемлекеттік протоколын бекіту туралы» жарлыққа өзгерістер енгізді. Жаңартылған ережелерге сәйкес, протоколдық мәртебе келесідей ретте қойылды:
• Президент
• Премьер-министр
• Сенат Төрағасы
• Мәжіліс Төрағасы
• Мемлекеттік кеңесші
• Президент Әкімшілігінің басшысы
• Экс-президенттер
• Конституциялық сот төрағасы
• Жоғарғы сот төрағасы
• Ұлттық банк төрағасы

Әрі қарай:
• Бірінші вице-премьер
• Президент Әкімшілігі басшысының бірінші орынбасары
• Қауіпсіздік кеңесінің хатшысы
• Бас прокурор
• ҰҚК төрағасы
• ОСК төрағасы
• Президент іс басқарушысы
• «Самұрық-Қазына» АҚ басқарма төрағасы
• Жоғарғы аудиторлық палата төрағасы
• Вице-премьерлер (тағайындалған күніне қарай)
• Президент көмекшілері (тағайындалған күніне қарай)
• Министрлер мен күштік құрылымдардың өкілдері.

📎 Толық тізіммен сілтемеден таныса аласыздар.

Халық туындысы 😁

Салықтан "жалтарды" деген блогерлер Кальмар ойыны әлемінде өздерін қалай ұстар еді?

Видео авторы: bakordamems

⏰ Қатон Қарағайда жаңа уақыт (жұмыс уақыты)

📝Қатон-Қарағай ауданында мемлекеттік мекемелер мен әлеуметтік ұйымдардың жұмыс кестесі өзгерді. Аудан әкімдігі тұрғындардың ұсынысын қолдап, өзгерісті пилоттық режимде енгізді.

2025 жылдың 5 қаңтарынан бастап Катонқарағай ауданында мемлекеттік және әлеуметтік мекемелердің жұмыс күні бір сағатқа ерте басталады.

Енді жұмыс уақыты:
таңғы сағат 08:00-де басталып, кешкі 17:30-да аяқталады.
Түскі үзіліс 12:00-ден 13:30-ға дейін созылады.
Бұл жаңа кестеге ауданның 40 ұйымы қазірдің өзінде көшкен.

- Бұл өзгеріс еңбек өнімділігін арттырып, ауданның әлеуметтік-экономикалық дамуына оң әсер етеді, деп атап өтті Қатон-Қарағай ауданының ішкі саясат бөлімі.

📌 Қазақстан былтыр 1 наурыздан бастап жаңа уақыт белдеуіне көшіп, бүкіл елде уақыт теңестірілді. Алайда бұл барлық тұрғынға бірдей қолайлы болмай шықты. Қазақстандықтар тіпті уақытты кері қайтару туралы петиция жариялап, оған қысқа уақытта 50 мың қол жиналған. Мәжілістің бір топ депутаты да жаңа уақыт белдеуіне қарсы пікір білдірген еді.

Мұндай жұмыс кестесіне қалай қарайсыздар?

🚑 Енді жедел жәрдем тек адамдарға ғана емес, төрт аяқты достарымызға да көмекке келеді

🐕 Алматы ветеринарлық қызметі екі арнайы бригаданы іске қосты. Олар шақыртуларға барып, қараусыз қалған және қаңғыбас жануарларды құтқарады. Қажет болған жағдайда ветеринарлық клиникаға жеткізеді.

Жедел ветеринарлық көмек жол-көлік оқиғалары, биіктен құлау, улану, шағу, ауыр жарақаттар мен жедел аурулар кезінде шақыртылады.

🐩 Барлығы алдын ала ойластырылған: арнайы көліктер торлармен жабдықталған, зембілдер, дәрі-дәрмектер мен диагностикалық құрылғылар да бар.

📌 Сондықтан көшеде көмекке зәру жануарды байқасаңыз, бұл қызметтің барын ұмытпаңыз

Алматыдағы ауаның сапасы туралы шетелдіктердің де ауызынан ести бастадық

Норвегиялық гроссмейстер, шахматтан бірнеше дүркін әлем чемпионы Магнус Карлсен бір подкастта Қазқстанның оңтүстік астанасына сапарын еске алды. Тауларына тамсанып, оларға жету үшін бас-аяғы бір-ақ сағаттың керектігіне таңдай қаққан шахматист қаланың бір әттеген-айы туралы да айта кетті.

Ол, әрине, ауа сапасы мен тыныс алар таза ауаның жоқтығы. Нақты не дегені міне:

«Шахматтан әлем чемпионаттарын кейде өте оғаш жерлерде өткізеді. Солардың бірі Алматыда өтті. Қыста ондағы ауа өте ластанған, ал қаланың өзі онша емес. Маған төменде, қалада болу шынымен қиынға соқты. Егер бүгін жарысқа қатысқым келсе, таза ауа қажет екенін түсіндім. Сондықтан тәуекелге бардым», – деп еске алады Карлсен.

Толығырақ видеода 🔝

🏢 Астанадағы лифттегі шабуыл

Астанадағы Sport City тұрғын үй кешенінде қорқынышты оқиға орын алды. Ер адам қолында пышақпен лифт ішінде әйелге шабуыл жасап, оның бетін жаралауға тырысқан.

Әзірге оқиғаның толық мән-жайы белгісіз.

Сақтық шараларын ұмытпай, абай болып жүріңіздер 🙏

💡Ақыл — бүгінгінің ең құнды капиталы. Оған инвестиция салатын уақыт келді дейді мәжілісмендер

Мәжілісмендер интеллект тек IQ тесттерімен шектелмейтінін, нақты жетістіктер де маңызды екенін есіне салды. Енді халықаралық ғылыми байқауларда жеңіске жеткен оқушылар мен олардың ұстаздарын бір реттік сыйақымен марапаттауды ұсынып отыр.

Егер бұл өзгерістер қабылданса, оқушылардың жетістігі тек мақтаумен емес, нақты ақшалай сыйақымен де бағаланады. Мұғалімдер — талантты тәрбиелегені үшін, ал оқушылар — блогерлікті ысырып қойып, ғылымға көңіл бөлгені үшін марапатталмақ 😁

Еске сала кетейін, бұған дейін парламент оқушыларға халықаралық ғылыми байқауларда жеңіске жеткен жағдайда ҰБТ тапсырмай-ақ жоғары оқу орындарына түсуге мүмкіндік берген болатын.

🔄 Осындай әрекеттердің арқасында елдегі ғылым жаңа деңгейге шығады деп үміттенеміз

🌄 Шығыс Қазақстандықтар мәселені шешуді өз қолдарына алған екен

Бүгін Марқакөл мен Үлкен Нарын өңірлерінде жергілікті жағдайларға бейімделген жаңа жұмыс кестесі енгізілді.
Енді жұмыс күні таңғы 8:00-де басталып, кешкі 17:30-да аяқталады. Түскі үзіліс 12:00-ден 13:30-ға дейін.

Бұл өзгерістер ерте ататын таң мен күннің тез батуына байланысты жасалды. Енді тұрғындар жұмысты ертерек аяқтап, отбасымен уақыт өткізуге, жеке шаруаларымен айналысуға немесе үй шаруашылығын реттеуге мүмкіндік алды.

Халықты ол мүмкіндіктен айырғандар мәселені шешуге аса тырысып жатпаған сияқты 👀

Жалпы, Шығыс Қазақстанда қазір 3 өңір жаңа режимге көшті. Алғаш болып 5 қаңтарда Катонқарағай ауданы ауысқан еді. Қазір бұл тәртіппен 40 ұйым жұмыс істеп жатыр.