أهلي نومه أعلة الترب محد دفنهم
راح أروح الكربلاء احفر لحـــدهم
قلبــي يتلهـــب عمـــه يــــازينب
__________________________


1
الليلة أمشي الوالدي وبجفـي احضنه
أرد أشمـــه بمنحـــره مـن قبـل دفنــه
شلون اغسله بهالمسيه شلون أجفنه
والله حيــرة كــل كتــر ماصاحي منـه
___________________________

كــوه لميت أبوصـــــاله وقلبي ممرود
بس بقى من عدنه خنصــر جنه مفقود
والدمع دم صب عمـــه يــزينــــب



2
كمت أتوجـه أعلـه صبـري بيـن الأجسـام
حـــايـر بهمــي ويــذري أرمـــاد الخيــــام
كمت مـاميــز الجثــث مــن كثــر الإسهـام
هذا الأكبر مـدري عــابس مــدري جســام

صرت أميز بالجثث مـن عطـر الثيـاب
اطلع إسهامه وادفنــه ويبدي المصاب
روحي تتعــذب عمـــه يــــازينب



3
عالطفــل يــاعمــه قلبــي نفــذ صبـــــره
الكمــاط امـــــدمــــم ومكطـــوع نحـــرة
كلــت ما ادفنـــه الطفــل وحفرله حفــرة
مـن دفنت حسيــن خليتـه أعلـه صــدره

شلته بس من شلته مدري شصار بيه
جنه طيــر وكــام يتهاوه امــن أديـــة
خاطري أتصوب عمــــه يـــازينب



4
شفت موقف عالشريعة أيهـــز الإحساس
جثـــــه العبــــــاس لا جفيـــــن ولا رأس
شفت صدره امحفر امــن الخيـــــل يناس
كمت أنـــــــروح والطــم وانـــده يعبـــاس

زينب أتريدك عدل يامـــاي العيون
راد أتشوفك سواد وضرب المتون
والوضع أصعب عــمــه يــــازينب



5
من دفت أحبـاب قلبــي جــــوه التــراب
شفته روحي بهل وضع وتحن للأحباب
كمت أدق أعله الوجه غاب الابـو غاب
راح عنـي وخلـه بيـه أعظــم أمصــاب

راحـــوا الأحبـاب راحو مــايجــوني
خلو ابقلبي المصيبــة وفـــاركوكني
والهجــــر كـــرب عمــــــه يـــازينب



6
الليلة زينب حايره ومسكـوه الأضلاع
هيه لوعته سفينــة ومحنــــتي أشراع
اتكلي ياعمه علي ضـــاع الأمل ضاع
بقت عالميتيــن بس جلمــات الــوداع

بالوداع اتهل دمعتي أعله البعدين
الله يرحم كل أهلنا ويرحـم حسين
أخـــر المطلب عمــــه يازينب

شطره
امجــــد صاحــب الشطـــــري

يزينــب ويــن ســويتي عــزه حسيـــن

خبرينـــه قبـــــل لا عنــــــه تمشيـــــن
يزينــب ويــن ســويتي عــزه حسيـــن

علـى أفــراش المـــرض واقبالح البين
يزينــب ويــن ســويتي عــزه حسيـــن

كـولــي وخــــل يصيــــر الجبد نصين
يزينــب ويــن ســويتي عــزه حسيـــن

غربـــــــــــــة وللمحنـــــــــه ماتحنين
يزينــب ويــن ســويتي عــزه حسيـــن

عملـــــــت كربلــــه وسبــي النساوين
يزينــب ويــن ســويتي عــزه حسيـــن

مابيـــــــــن الجثــــث لــــو بالدواوين
يزينــب ويــن ســويتي عــزه حسيـــن

أبــو الغيــــرة ينـــادي ويهــمل العين
يزينــب ويــن ســويتي عــزه حسيـــن

ويلـــي وكــــل أهــــل بيتــج مطاعين
يزينــب ويــن ســويتي عــزه حسيـــن

لا خيمــــه بقـــــت لاناصــــــــر ايعين
يزينــب ويــن ســويتي عــزه حسيـــن

صـــرتــي حايــرة مابيــــن صوبيــــن
يزينــب ويــن ســويتي عــزه حسيـــن

فــــوك التــــل بعـد ولمـــن تشوفين
يزينــب ويــن ســويتي عــزه حسيـــن

لا عبـــاس يبــــــرالج ولا الحسيـــــن
يزينــب ويــن ســويتي عــزه حسيـــن

مـــن بعـد السبــــي تمشيـــن لاوين
يزينــب ويــن ســويتي عــزه حسيـــن

وأنتــــــــي للمنيـــــــــة راح ترحيــــن
يزينــب ويــن ســويتي عــزه حسيـــن

غيـــــر أحبــــاب هـــل ليلـــة تظليــــن
يزينــب ويــن ســويتي عــزه حسيـــن

حتــــى بحفرتــــج هــــــــم راح تبجين
يزينــب ويــن ســويتي عــزه حسيـــن

بغداد
امجد صاحب الشطري

ودعتــك مــذبـوح وافراكــك شيبني
طلعت مني الروح وافراكــك شيبني
ماتحضـر دفنتــي وتشـارك محنتـــي
_________________________

1
كَطـع نحرك وسط عيني يبويـه وتـدري ماناسي
ألا من ناصر أنت أتصيــح وانه اختنكت انفاسي
عليل وظهري محني عليك يبويه وانهدم ساسي
من صار أعله نحرك سيف هــاي الشيبت راسي
_______________________________

أذكـر مـن ذبحــوك والدمعات بعيني
وبكصتك ضربــوك والدمعات بعيني
ماتسمــع ونتــــي وتشــارك محنتـــــي


2
على أفراش الأجـل يحسيـن عليل وصـرت أتذكر
بصباح العاشر بعاشور ظلام أيحيطه سيف الشر
رمــاك الحاقـد بسهمـه وسمعتـه بصـدرك أتكسـر
اجيـت وريتني لاجيـت لكيـت أعلــه الرمـح منحـر

راسـك يحجي ويـاي وعيونه أعله الخدر
مارحمــوني أعـداي وعيونه أعله الخدر
ضليــت بحيـرتي وتشــارك محنتــــــي

3
ليلــة دفنتـــك ونيـــت ووســــط الحفــرة نزلتـــك
جثمانــك جمعتــه وصـــال وبـــــلا رأس وسدتــك
سمعت لو ماسمعت الصوت مـن كتلك سبيه أختك
حسيــت النحــر دم ســال وانــه مـن النحر بستـك

عمتي أتسلـم عليك ضلت يم رضعانك
ماكــــــدرت تلفيـك ضلت يم رضعانك
مصيبتها مصيبتي وتشــارك محنتـــــي

4
حياتـي بـلا حيـاه ياحيـف مـن يـوم النـزف دمـك
البقـة مـن عمـري أتمنـاه يخلـص بس دمـع يمك
ظــل مـن الشمس ما أريـد يلي بـلا غطـه جسمك
وإذا اغفة الوسادة أتراب وأحط همي علـى همـك

أرويــــك بدمعـــات من تعطـش يابويه
وتنـــــوح الآهــات من تعطـش يابوية
من تنظر حالتـي وتشـارك محنتـــي

5
وكت ما أعلمــت بالمــوت تمنيــت أتحضـــر ليه
تغمــض عينــي يابويـــه وتقـرا الفاتحــة عليــه
وقبـــل ماتبــــدأ التغسيــــل دقــق بالنضــر بيــه
تشـوف سيـــاط بمتــوني واثر لحبـــال مطويّــة

كلما أصيح حسيــن بالسـوط يضربوني
كلما تجــري العيـن بالسـوط يضربوني
و دافـــــع عمتـــي وتشــارك محنتـــي

6
متــت مامنكَطــع راســي ولا بصـدري اثــر حافر
ولا منـي انكَطــع خنصــر ولا سهـم بجبــد صـاير
لا عطشــــان لا عريــــان ولا بيــــن العـــدة حاير
متت مـن كَد عذابي عليك ومـن كَد كسـرة الخـاطر

شما اعد بيه أهموم هيهات أوصل همك
اقســــم يامظلـــــوم هيهات أوصل همك
مـن انـزل حفرتي وتشــارك محنتــــي

شطره
امجــــد صــــاحب الشطـــــــري

آه اعليك ياسيدي ياسيــــدي آه عليك
كل شيعي أصبح حاير
من غبت يابو الباقــــر
1
ليل المصيبة خيـــــــــم اعله الأحباب
بغيمة سماها شفنــــــه مرسوم أغياب
ردنه نفسر معنـــــــــه هـــاي الأسباب
فسرنــه يـالغالي وطلــع عدنه أمصاب

ونواسيـــك ياسيدي ياسيدي ونواسيــــك
مكسور منـــه الخاطر
من غبت يابو الباقــــر
2
بينـــك وبيــــن النايبــــة بــــس الليل
ودارك تظـل وحشة ومدامعنـه أتسيل
ياحيـــل يصبـــر مــن تسافـــر ياحيل
حتى الرواسي من الهجر تبدي أتميل

ونــواريـــك ياسيــــدي ياسيــــدي ونواريـــــك
نــور الرسالة مهاجــر
من غبت يابو الباقــــر
3
جمـــرة قلبنـه انفجـــرت بهــــذا اليوم
وطيــر المصيبــة الداميــة ظـل أيحوم
مــن كربلــه حسينــــك تعنــه المظلوم
ياقلــــــب مايتحمـــل ويبجـــــي أدموم

وأناديــــك ياسيـــدي ياسيـــدي وأناديــــك
ياريتــه لا هـل باجــــر
من غبت يابو الباقــــر

4
يامـــــن تحمــل قلبــك اشكـــد أجروح
مـن شفت عودك نحره بالطف مذبوح
ومن شفت جف الشمر بسياطه أيلوح
يضـــرب يتامــاكــم ودمهـــم مسفوح

وتحاجيــك ياسيــدي ياسيــدي وتحاجيـــك
ألمهــه جـــف الغــــادر
من غبت يابـو الباقــــر


5
قصـــة حزنـــه ابكربلـــه تبقــى أسنين
بيهـــــا عليــل وبيهــــا حنــــه وجفين
وبيهـــا وذبيــح وجــرح ينزف سبعين
وبيها شبيــه المصطفى الصابــه البين

شيــداويك ياسيــــدي ياسيــــدي شيــدواويك
وأعليـك يشهــد جابــر
من غبت يابو الباقــــر
6
آه اعله جرحك نصـرخ احنـه اجم اه
يلــي مصــابـــك هـــــز قلبنــه وأذاه
نقسمـــــك بحامـــي الضيعنــة والوه
هــذا الحــزن طــول الــدهر ماننساه

ونعزيـــك ياسيــــدي ياسيـــدي ونعزيـــــك
نبجــي ونـون ونكابــر
من غبت يابو الباقــــر

شطره
امجـــد صاحــــب الشطــــــــري

نزله ميمر للسيدة رقية ع


بيــن المنيــة وراســـك ودمعتهـــا
بنتــك رقيـة وأسمعـــت شهكتهـــا
فتحـت أديهـا وعالطشــت خلتهـــا

شمــت عطـــر نحــر وصـــدر
شافــت شمـــر بسيــف الغــدر
صاعد على صدر الخير وطفلة باذه مخليها

2
ركــب المنايـر مـن مشــه بالصحــره
راسـك أشوفـه أبعيني قبـة وحضــرة
يعـــايــن رقيــــة ولمصابــــك يقـــره

والطفلتـــــك دم دمعتــــك
جن شبكتــك مـن ركبتــك
مــن طولــت يــم الـرأس كـام النحــر ينعيهــا
3
ليــش الحوافـر خويـة سحكـوا صدرك
فــوك الرمــح يبــن أمـي شالــو نحرك
وبلخيزرانــة أيــزيــد يضـــــرب ثغرك

كامــت تـــوّن طفلــة وتحــن
تبجــي بحـزن طبكــت جفــن
من البجـي صاح أيزيد هل طفلة هاي شبيها

4
صاحتـــلك أو نتهــــــا مامخفيـــــة
أفتح عيونـك بويــة صــــد أعليـــه
اشكيــلك امـــــن الباكـــو الترجيــة

قلبــي انهضم مثــل الحــــرم
أنعـــــه بألــم وبأذنـــــــي دم
وجــن عمتــي بيــن الــزلـم ومكطعيــن أديها
5
ماجنهــا ميتــة اعلــه النحــر ماجنها
كـــــوم بحنانــك ياعضيــدي احضنها
شيعهـــــا وبــذيـــج الخرابـــة ادفنها

أهل الــرجس قتلـــوا نفس
ماتــت شمس نــور القدس
بالغربـة ياخويـة حسين منـهو الذي أيواريها

6
معقولــة ادفــن بيــده وردة ازغيـــره
ترجــع محنتـي وهــم أطيــح أبحيــرة
لا أنــت حاضـر يمــي لا أبـو الغيـــرة

زينــــب أنــه المدوهنــــــه
من أول سنة ظهري أنحنه
من دمعتي وعمـر النوح دولـة مصيبة ابنيها

7
لليلــة حزنهــا الليلـــة والهـــم بيـــه
خلتنــي بهمومـــي ومشــت محنيـــة
هــــاي العزيــزة الغاليـــة الحوريــة

للهــم مشــت من ما اجت
روحي نعــت واتحــــريت
حيـل أنعصر وابجي أدموم من ينذكر طاريها


بغداد
امجد صاحب الشطري

هـذًا آخـر يـِـوُم اوُيـَـاج يَاشَمّعـَــة عَيِنـِــيّ
بَاجـِـر أنْتــي وَيَحسِيـّــن رَاَح اَتـوُدِعِيِنـِـي
يِنـزِل مَـوُتِــي المَحتُـــوُم وأَنْتـي تشَيِعِينـي


1
خلــص عمــري يزينــب وانفطـر جبــدي
وبعــــد سـاعات خـــويه أتوســد بلحــدي
دمعــــات الــــوداع أتهــــل علــى خـــدي
تــدفنــــوني واضلـــن بالقبــــر وحــــدي

كلكــم عنــي أتروحــون وأديـــر أعيـــوني
وانــده يهلـــي الأحبــــــاب لا لتعـــوفــوني
عـــــودي يامــاي العيـــن ويــاج أخـــذيني



2
اريــدج لـــو متـــت يختـــــي تغسليـــــني
وتجفنيــني ووســـــط قبـــري تنزلينـــــي
قبــل ما اندفــن يـــــم أمــــــي زورينــــي
هلبــت يــم قبــــــــرها فتحـــــت عينـــــي

تنظــر جبــدي المسمــوم وتشــارك همــي
مـن نعشي انــزل لهفان واشبـك صدر أمـي
هــي أتبــاري الـــــدلال وأنتـــي تضمينـــي

3
اليحــس بالفركه ليـــش المـــوت يتــوازة
عجيبــة العنـــده طيـــــب بغـــدر يتجــازه
وكــف نبـض القلـب مــــن ودع اعــزارة
اخـذ عـزريل روحــي وبقـــــه الاجنـــازة

شفت أمي أباب البيــت وتهـل دمع احمر
من هل موقـف حسيـت عـرش الله تفطـر
وجبـريل بلايـه جنــاح ويغمــض عينــي
3
تعالــي أتقـــربي حــــان الأجـــــل بيــــــه
شمينـــي بنفــــــس صـــدرج يعلـــويــــه
شبيــدي أعلـــه المنيــة النـــزلت أعليــه
أمــوت ولا اشــوفـــــج خـــويه مسبيــــة

ما أريد انظـر بالخيـل مسحـــوك عضيدي
وجاسم شاب وعريس ويـــروح من أيدي
مثل ابنــي ومثـل حسيـن هـم يــذبحـــوني

5
الســم أهــون ولا عالناكـــه يسبـــــــونج
شيضــل بيــه إذا اشــوفج يضــربـــــونج
اخوانـــــــج لا تصيـــــحي مايسمعـــونج
شبيــدها عالسيــاط الخسفـــت امتــــونج

يازينــــب مـــن تبجيــــن راح أيـــــأذونج
ياخـويه شمـــا ضربـوج غطيهـا عيـونـج
غطيهــا وذاك اليــــوم بالطــف ذكــــريني

6
تكطـع جبــدي خويـــه ونـــاحت السبعــة
جبــدج أنتــي راح يصيــر جـــم قطعــــة
جــم غـــالي وي غالي اعيونـج أتودعـه
باجــر منـــهو الـــج يازينـــب البضعــــه

حتى بالحظــات الموت هـم دهـرج حاقــد
وأنتــي مــن الخـــوان ماعنــــدج واحـــد
يومــج وســط الملحـــود نــاره تجـوينــي

شطره
امجــد صـــاحب الشطــــري

نيرانك يالحسن تسعر طول الزمن آه يـاولينـه
مانشفت دمعتك والليلــة أمصيبتك ردت تاذينه

1
عـادت الذكـرى ورجــع كَسـر الخواطر
هــــذا آخـــر يــــوم إلك باجــــر تسافر
شــوف حـال أحبابـك وجــم قلـب حاير
يـالنويــت اعلــه الهجــر ظــل لا تغادر

جم خاطر ينكسر مــن يضمـك قبـر منهو ايحامينه
نحتـــار بغيبتــك والليلــة أمصيبتك ردت تاذينــــه







2

شنهــو ذنبـك صـرت هـل الليلة ضحية
لأن شـــايـــل أســـــم حمـــــاي الحمية
جنــــت بيتـــــك فاتحـــه الكــــل البرية
هســه ضيفــك صـار سَـمّ من آلـــ أميه

أقرب ناسك غدر بيـك وبعـدك خسر حاير بسنينه
جعـدة من سمتك والليلــة أمصيبتك ردت تاذينــه

3

الـــراح مايتعــــوض الــــراح شيجيبـــة
مستحيــــــل أيعــــــود ويبطــــل مغيبــه
حسيــن يمـــك منحنـي وتسمــع نحيبــه
وعلـى راسـك تمسـح ابجفهــا الحبيبــة

زينب يمك لفت ويــاك اتـــوادعت وحسين ونينه
مذبوح الحالتك والليلــة أمصيبتك ردت تاذينــــه
4

راســـك بحِجّـــر الأخــو وأيــده بجبينــك
وبالمدامــع هــل مســـه مختنقـه عينـــك
اعيـالـي خويـــه سلمتهـــا آنــه بيمينــك
مــن أمــوت أرعاهــا يحسيـــن بحنينــك

لو غمضت الجفن غيـرك محــد يحن ويفكر بينه
لبـاهــا أوصيتـــك والليلــة أمصيبتك ردت تاذينه

5

ماكفــاهــم يالحســــن جبــــدك يسمـــوه
بالحقــد تالــي النعــش بسهـام يرمــــوه
قـرب جــدك مارضــوا جســمك يدفنــوه
قالــوا بــأرض البقيــع اهناكـه وســدوه

عنك وين النبي ياشبـــل الطـالبي لو شاف ابعينه
لو صد لجنازتك والليلة أمصيبتك ردت تاذينــــــه

6

أنــت للشيعــة أكلــف وأصعـب خســارة
حتـى عـرش الله اعلـه فقـدك دم تجــاره
قلـــب كــل عاشــك أبــد ماتطفــي نــاره
لحـد ظهــور المنتظـــر بينـــه الحــرارة

غايبنه من يهل ينشـر بيـده العدل بثأرك يوفينه
ويشيــد قبتـــك والليلـة أمصيبتك ردت تاذينـــه


شطره
امجـــد صـــاحب الشطــــري

زائـريــن قـاصديــن الكربلـــه
زائـريــن جينــه وي العايلـــة



1
كربلـه قبلـة عشكنـه وبالعشك تروينه ياحسين ياحسين
ياحسين وفرض حبك بيها إلك صلينه ياحسين ياحسين
عالوعـد مشاية اجينه ويمــك التمينه ياحسين ياحسين
ياكريــم ولا تردنه اجفـوف إلك مدينه ياحسين ياحسين

عاشقيـن والأسامـي مسجلـة
زائـريــن قـاصديــن الكربلـه



2
اليخطي في دربك خطوته هذا أبد مو خاسر ياحسين ياحسين
عــد حبيـب أسمـه تسجــل بالزيـارة حاضر ياحسين ياحسين
شــال والدتــه أعلــه رأسـه وبمحبتــك ناذر ياحسين ياحسين
والمـــواكــب كلهـــا صاحــت ياهلا بالـزاير ياحسين ياحسين

مخلصين صرنـه بأعلـى منزلـة
زائـريــن قـاصـــديــــن الكربلـه



3

بواهس المشايـة نمشـي وفاطمة ويانه ياحسين ياحسين
قبتــك هــي هــدفنــه ويستمـر ممشانه ياحسين ياحسين
برايتــه العبـــاس يحضـر هـــو يتلكانه ياحسين ياحسين
وزينب أطب بالضعينة معولة وحزنانه ياحسين ياحسين

ثـائريـــن والضعــن نستقبلـه
زائـريــن قـاصـديــن الكربلـه



4

الديار أمسـت خليــه والمُـدن مهجـورة ياحسين ياحسين
جايب أعياله الموالي ودمعته مجمورة ياحسين ياحسين
الزحف مليونـي صـار وضحت النه الصورة ياحسين ياحسين
شيعتك آخرة ودنيا بهل درب منصورة ياحسين ياحسين

فــائزيــن أحنــه بـاول قافلـة
زائـريــن قـاصديــن الكربلـه



5
ثـورة المشاية أكبر ثـورة ترعب ظالم ياحسين ياحسين
بيها جبرائيـل حاضـر بالمـواكب خادم ياحسين ياحسين
بالمــلاييــن التجـمــع والتكاثــــر قادم ياحسين ياحسين
باجر التكويـن يمـك بالشَعيـرة ايساهم ياحسين ياحسين

قــادميــن نسمـع أصـوات الهـلا
زائـريــن قـــاصــديــن الكربلـه


6
كــل سنــة يــابــو رقيـة تــرتفــع رايتنه ياحسين ياحسين
لحد ظهورالمهدي تبقـى ونفخـر بعادتنه ياحسين ياحسين
حبــك لبـَــر الأمــان اجفـوفــك أتوصلنه ياحسين ياحسين
والشكــر موصـول لانـك سيـدي موفقنه ياحسين ياحسين

مـوفقيـن بالفخــــر والمـرجلـة
زائـريــن قـــاصــديــن الكربلـه

شطره
امجـــد صـــاحب الشطـــــري

مشايـة بأربعينــك هاليلــة معتنينـــك
زوار اجينـه الكربـلــه وبـــدربك اقتـدينــه
سجـل اسمنــا بدفتــرك واقبلنـــه ياولينــه



1
مـن اتجهنا لحضـرتــك والراية رفت بالعُلــه
ماهمنه لاحـــر وبـرد غايتنـه نوصـل كربلــه
صوت المـواكب يعتلـي بلي كصـد ميـت هلـه
يـم قبرك أيروح التعب من نوصل اول قافلـة

بكلمة هلـه يزايـر تتهيــج المشــاعـر
يحسين أبـو المـوكب يجـي ويقبـل بأدينـه
سجـل اسمنــا بدفتــرك واقبلنـــه ياولينــه



2
أمريـن مايتعـوضـن دربـــك حسيـن وخدمتك
لو ماكو خدمه ولامشي معناهـا ماتت شيعتك
مجنون كـل عاقـل صبـح لـو شاف هيبة قبتك
مشاي نلكاه كـل سنـه يقره الزيارة بحضرتك

عطــرك لـون يشمــه من روحه ينسه همه
قبــرك يشبكـه ودمعتـه تنــزل إلك حنينـه
سجـل اسمنــا بدفتــرك وقبلنـــه ياولينــه


3
نتشرف أنزورك مشي ونطوف قبرك يل أبي
بممشانـه تفرح زينبك لمـن تعود مـن السبي
زينب بعـدهي مخـدرة خلـه يشـوف ألناصبي
ماينمحــي منهـــا الذّكر خلــدها تــل الزينبي

زينب ولا أسيــرة أم الصبر أميـــرة
هيبته هيبة فاطمــة خيمــة أو وطن علينه
سجـل اسمنــا بدفتــرك واقبلنـــه ياولينــه


4
حتـى الطفــل مـن اعتنـه راد الــولاء أيجـــدده
يبجي ويدك أعله الصدر والناس كلها أتشاهـده
والشايب المحني الظهر مايرضه شخص أيساعده
يمشي أعله عوجيت الزمن للحسين رايح وحده

ماينــوصف جنـونـــه كاصــدلك بشجـــونه
بجفوفـه شايـل حاجتـه وينـــادي مـن يقينــه
سجـل اسمنــا بدفتــرك واقبلنـــه ياولينــه


5
فضل الزيــارة بكربلــه ما ألها بالعالم وصف
مهدينــه أول مايجي والــراية بجفــوفه ترف
من حقها من كل الدول يحسين تزحفلك زحف
أنت إلي روضك سيـدي ينبع كرامه ومايجف

والمبتعــد مكانــه يوصـلك بأمانــــــه
كلمه حسينا من يجـــي عاكـدها في جبينه
سجـل اسمنــا بدفتــرك واقبلنـــه ياولينــه



6
جم زاير بزايــر أجه بعيونــه ســـالت دمعته
يدري أنت حلال الشدد يحسين احضر شدته
لا ماتــرده اليقصــدك عطفــك يفـرح مهجته
لمـن يريــد أيودعــك بجفوفــه تنطي حاجته

والي تعنه حايــــر ماينكســرله خاطــر
تستقبلــه أباب الصحـــن يابــو علي تعينه
سجـل اسمنــا بدفتــرك واقبلنـــه ياولينــه


7
كل زاير اسمه بدفترك ندري الاسامي مأشرة
خل يطمئـن كـل ألمشـه ربحـان دنيـا وأخــره
اليطبع جوازات الخدم زينب وسبـع الكنطـره
وفاطمـة أتقدمهـا لعلــي وبجفه يختـم حيـدرة

صك ألوفه استلامه مـن سيـد الإمامـة
مازلنه يحسين الخدم والخــدمة تسري بينه
سجـل اسمنــا بدفتــرك واقبلنـــــه ياولينــه

بغداد
امجـــد صاحـــب ألشطــــري

متعنيـــه الغيـــــارة تحيهـــا الزيــــارة
زوارك خطارك مرفوعة الرأس



1
مشي مشي مشي جينالك مشي نحصل الغانمة
تعــب تعـب تعــب لا ماكـــو تعــب يابن فاطمة

لا لا مـانعـوفـــك نتعنه ونطوفـــك
ويانــه بحمانـه عبـــاس عبــــاس



2
نحـر نحـر نحـر ننطيـك النحر ياهيبــة علي
إلك إلك إلك كلشـي ننطـي إلك يا أقدس ولي

نفديـــــك بعمــرنــه نرحص حتى دمنه
يل أسمك يل دمك ثبت هل الساس



3
خدم خدم خدم للـزايـر خـدم كلنه بخدمته
نظل نظل نظل عالموعد نظل ننطر جيته

واتنادي الضمايـر ماظـل شـي يزايـر
يل السادة هل العادة لا ماتنقاس



4
أجر أجر أجر كـل خطـوة بأجر لراعي الاوله
دول دول دول مـن كـل الـدول كصـدت كربله

دربــك وحــدانـه لا مـــافــرقــانـه
لمتنـــــه وغيرتنــه هيهات تنداس



5
علـم علـم علـم مرفـوع العلـم بجفـوف الخـدم
خطر خطر خطر مايهزنه الخطر ياشبل الهمم

أسمك بينه عايش مايخوفنــه داعش
يالدربك يالحبك وسط الأنفاس



6
عهد عهد عهد حسين وهل العهد بالدم نكتبه
فخر فخر فخر ويـانـه الفخــر بأعلـى المرتبة

احنـه الرافضية أولاد الــزجيــة
حبينه ونادينه وتشوف الناس



7
نمـل نمـل نمـل عنـك مانمـل حد يوم الحشر
نجي نجي نجي يم قبرك نجي نلطم عالصدر

منعــوف اربعينـك يـل واسـع حنينـك
جدامك خدامك كلهم احساس



شطره
امجـــد صـــاحب الشطــــــري

لك بيت الله قـــد أمسى فجيع
والصفا والمروى تنعى والبقيع
الى الوادع سيدي الى الوداع سيدي

1

تدري ياسيد الرسل
عرش رب الكــون ينعه والله يشهد
يوم هجرك مو سهل
حتى جبرائيل تجري أدموعه عالخد
أمرك أيـــوكف العقل
ليش مكة قبـــل كلشي لبست أسود
هي ناحت مـــــن قبل
لأن تدري الحزن يبدي مــن محمد


وعلى الحزن بدأنا في العزاء
والى اليوم سنبقــــــى أوفياء
الى الوادع سيدي الى الوداع سيدي


2

عكبك الدنيـــا أنتهت
بعد ماتسوه بجفـــاك أنعيش بيها
والحيـــــــاة اتيتمت
مثل شخصك وين تلكه أيحن عليها
حكهه مكة لـــو بجت
أنت سيدها تظـــــل وأنت نبيها
من على العليه هوت
وبالأركان الأربعــة تحبـس بجيهـا


ليتـــكَ تصغـــي لهـــا وماتقـول
حسرتي لن تنطوي بعد الرسول
الى الوادع سيدي الى الوداع سيدي


3

ليلة أوداعك جـــرح
بين مكة والمدينة آثــــــــار الدموع
والجوارح تنذبــــــح
يامحمد والقلــــب للحين موجوع
مثل شخصك مايصح
حكهه من تعمه النواظر إلك وتلـوع
نبجي ويطر الصبح
نلكه من كثر البجي محنيـة الظلوع


بين أطباق الأسى نقضي السنين
وبفيض الدمع ينعاك الحــــــزين
الى الوادع سيدي الى الوداع سيدي


4

ناحت أملاك السمه
وأنبياء الله بوداعك والسمــــــاوات
كل رسول ابمأتمــــــه
إلك ناصبلك عزه وبقلبه آهــــــات
بهل مسيـــه المؤلمة
وين مانلكه محب بعيونه عبــــرات
ايعينج الله فاطمـــة
اليوم صرتي عكب عودج بين شمات


ياتُرى من بعــــدهُ هل من معين
ياتُرى من غدرهُم هل تسلميـــن
الى الوادع سيدي الى الوداع سيدي


5

الليلة زينب والحسن
من جفيت أعليهـــم بهاي المسيه
ظلوا بليل الحــــــزن
ونصبوا أبدارك يبو العتــــــرة عزيه
بقه كل واحد يـــون
علي ويه الزهرة وحسين ويه أخيه
وزينب أعليهم تحن
بالونين الصدّع أقلوب البـــــــرية


وبقاع الكـــونِ قد أمسـى غريب
تاركــــــاً أحزانــه بعــــد الحبيب
الى الوادع سيدي الى الوداع سيدي


6


بنوح خلصنه العمر
من جفيت أعلينه ولهـل يوم نهواك
سيدي لحد القبــــر
نخدم وننصب عـزه ولاتظن ننساك
لو وكفنه بالحشـــر
أنكلك إحنا الجنه يوم بيوم ننعـــاك
ولاجلك أنقدم عذر
لون ياسيد الرسل قصـــــرنا وياك


قد مضينا العمر في جوف المصاب
وتحملنــا مـــــــرارات العــــــذاب
الى الوادع سيدي الى الوداع سيدي

بغداد
امجد صاحب ألشطري

يامحمد يامحمد يانبينه

١

كلف جرحـــــك يادليلـي امنين اجيبلك طبيب
هيجك ليل المصــايب مــن شفت قبر الحبيب
صفر خلص كـل حياتك والأمر اصبح عجيب
عشت عمرك مثل موسى الكاظم بعالـم غريب


من سدة أعليك المصاب
زيـــد بقلبــــك عـــــذاب
يامحمد يامحمد يانبينه


٢

بالمصاب الدنيا ناحــت ونفطر صم الصخر
ياحلم بعيون عاشــــــك والحلم رمشت نظر
عن صرح مصحف كتابــك راح أوضح للبشر
أنت خليـــــك السـلام أيعيش ويدوس الخطر


ناحـــت أعليـــك السماء
يـــاسليــــــل الأنبيــــــاء
يامحمد يامحمد يانبينه


٣

دنيا ظلمه بعيني صارت وأمست بلايه حياة
وبعدك العالـــــم تغيـــر يارســول المعجزات
رحت لكــن هـــذا أسمك ينذكر وقت الصلاة
ويـــاك تجمعنــا المـــدامع والمدامع ذكريات


من صرت جـوه التراب
شفنه لوعــــات وعذاب
يامحمد يامحمد يانبينه


٤

عن عقيدة وعــن دراية نقره مجدك بالأذن
يامحمد وأنت نجمة أبكل زمان وكل مكان
اليتبع أصحاب الكسـاء انت ضامنله الجنان
ومن علي قبل المنية يستلم صك الضمان


نطيت للعــــالم دليـــــل
مــــن رحت يـــم الجليل
يامحمد يامحمد يانبينه


٥

يارسول الرحمة صرحك عالي والعالي عظيم
نورك بصلب الخليقة عمه الشيطان الرجيـم
المشـه بــدرب الشهـادة أيفــوز بديار النعيم
ومثل خطف البرق يعبر عالصراط المستقيـم

أنت حي أعله الفلاح
أنت نور أبكل صباح
يامحمد يامحمد يانبينه

بغداد
امجـــد صـــــــاحب ألشطـــــــري

الوداع الوداع يامحمــــد

1
أمسه يوم موادعك بأرض المدينـــة
كل قلــب يلمصطفـى ذاب ابونينـــــه
الصفـا والمروى بغيــــــابك حزينـة
أتصيــح واويـــلاه يــــاغيبــة نبينـه

الوداع الوداع يامحمــــد

2
هذا يوم الموزمـه ويــوم المصـايب
ياقلـــب لمصيبتـــــك مـايبقــى ذايب
يلـي بجيــت المشـــارق والمغــارب
حــان يــوم اموادعـــك وي الحبايب

الوداع الوداع يامحمــــد
3
صاح حيدر وانتفض هاي المسيــــة
شوف حال العايلة وحال الزجيـــــة
بالوادع اليوم ناصبــلك عزيــــــــــة
يلـــي نـــارك بالقلـــب ظلــت سرية

الوداع الوداع يامحمــــد

4
ناح الحسيـــن بغيابـــك والعقيلــة
والحسن خزن جفه بداخل دليلـــه
وانتحب جبريل والمدمع يسيلــــه
مرت أعله العترة ليلة شلون ليلة

الوداع الوداع يامحمــــد



5
ياحبيـب الله صعـــب كســر الخـواطر
كلي شيصـير الوضــع لو رحت باجر
ودعينــــــاك وتهــــل دم النــــــواظر
بالــــوداع أتعذبــــت كــــــل المشاعر

الوداع الوداع يامحمـــــد
6
يارســــــول الله رحيـــــــلك عذبانه
حتـــى آدم ذايـــــب وشارك عزانه
بمجلسك يالهادي هم حاضر معانه
شايــل بجــــفه العلــم يلطــم أجانه

الوداع الوداع يامحمـــــد




7
الـــوادع أجروحنـــا بيـــومك تنادي
باعتقادي النايبة صار اعتقــــــــادي
اليوم من وادي طوى نــاده المنـادي
صاح أبد ماتنطفى جمـــرة الهــــادي

الوداع الوداع يامحمـــــد


شطره
امجـــــــــــد الشطـــــــــــــري

حزيـن المهـدي كاصــد ارض ســامره
يـون لفـراك أبــوه وتصبــره الـزهـرة
مهمـوم يبــن الحســـن

1
بعـالــم ثانـي مــن سِـــرّ وعلـــوم الغيـــب
أجه راعـي المصيبـة بــرأسـه لون الشيب
صرخ صرخة أعله أبوه ومنها شك الجيب

بجـت مكـة أعلـه صـوته ونـاحـت المـروة

2
كصــد محنــي الظهــر متـوجــه المــرقــد
يــــون الـوالــدة ودمــع الحـــزن عالخـــد
يــدك صــدره بحـــرارة وصـوتـه يتـــردد

أويلــــي عليــك بــويــه وشـابــج العشـرة

3
انحنه ظهـره الشريف وفاطمة أتسنده
يكلهـا محنتـي وحده أقسـى من وحـده
انكسـر قلبـي أعله أبويه الليلـة ياجده

القلـــب مــن ينكســـر ماينجـبـر كســــــرة

4
لـزم شبـاك أبـوه ظــل يمسـح بجفــه
يكلــه روحتـــك بــويـــه علّـي كلفــه
يسمـــوك بغـــدر ياوسفـــه الوسفــه

مثــل جــدي الحســن مــن سمتـه الزمـرة


5
وكــف يــم الضريح ودمعـــة يتجاره
شايــل رايتـــــــه ويستقبــل أنصاره
لســامـــره اجـــت مشايــــــة زواره

شــاف الكــون يمشـي وخنكتـــه العبــــره

6
ينــادي بعبرتــه يامـــن كصدتونـي
واسوني بمصابي الليلة واسونــي
على أمصيبة أبويه الغالي عينوني

بنوح ودمعة أبويه بهل مسه أنذكره



شطره
امجد صاحب الشطري

هليلــــه ليلــــة عيــــد فـرحـــة وتهــانــــي
ياسيــــــد الأنـــام نبعثــــلك ســــلام

__________________________________


1
يالمصطفـــى مــن مـولــدك بيــن علينه
عيـد ومسـرة وهـل فـرح في كـل مدينة
جبــــريلك أبيتـــك هبــــط ناثــــر حنينه
جــايـب تحيــة مــن العلــي لجــلك نبيه

رب العـــرش يقــــريــك يبعــــث سلامـــــة
بالحــب والغــرام نبعثــــلك ســلام




2
هليلــه نفــرح لك فـرح ونخـدمك أنــريد
ونبايـع أكبــال المــلا ونــرفعـلك الأيــــد
عيد الولادة بهل المسه أحلى وأعز عيد
مـن طلعتك عبـر الزمـن تبـدي المـواليد

ماتنســـى الأفـــــراح حــــــد النهـايــــــــــة
منعوف المهـــام نبعثــــلك ســلام

3
أتبـارك محمـــد جيتــــــك كــــل النبوات
من جنتك حور أبعثـــت أزكـــى التحيات
لو ماوجودك ما اكـــو أنجـــوم ومجرات
لمـن بنــاهـن بيهـا سر أرض وسماوات

للخمســــة هــــذا الكـــــون شيــــــد بنائـــه
مــن هـذا المقـام نبعثـــــلك ســـلام

4
شمـع الفـرح لمـن يشـع وي هـدوة الليل
وردتنـه تضحـك للشمـع لـــو مـالت أتميل
صينيـــة اليــأس بفـــرح شـــايلــه جبريل
خلاها يم مهدك واجه يــطش عالمهد هيل

أول مـــــلك جبـــريــل سجــــل حضـــــوره
وي جنح الحمام نبعثــــلك ســــلام

5
باهــه الإلـه بجيتــك كـل هــاي الأكــوان
أنــت الحبيــب الهاشـمي للأمــة عنــوان
لمــن ختـم كلمـة نبـي أنـت أخــر إنسـان
عــــن البقيـــة فضـــلك وانطــــاك قــران

بالــــــذرة والمعبــــــود باهــــــه أنبيائـــــه
رفقـــاً واحتـــرام نبعثــــلك ســلام


6
واحــة محبتــك ساكنـة بقلب الملاييـــن
يالمصطفى وهذا ألعشك عنـد المـواليـن
وقعنــا مـن دمنــه العهد يالهادي باقيـن
احنه اليسمونه الخلك أنصـار الحسيــن

أنـــت القلــب والــــروح يابـــــو الزجيـــــة
حصلنــه الوســام نبعثــــلك ســلام


شطره
امجــــد صـــاحــب الشطـــــــري

ياطيــور الليلــة للهــادي خذينــي
عاشك أعله جناحج للنبي ودينــي


1
ياطيـــور الليلــــة للمـدينــة خذينـي
قلبي فاض أشواكـه عالجنح خلينـي
هــذا عيـد الهـادي هـو كحـل عينـي
ضامي وبميلاده المصطفى يروينـي

والنبـــي بهـــل ليلــة أدري يوافينـي

2
آنـه زاير آنـه والحجـي أعلـه لساني
رايد أعله جناحج أدعي حـك أخواني
لمـن أوصــل قبـره وروحــه تتلكاني
أنـدعـــي لحبـابــي ولهلــي وجيراني

مـن حنانـة وعطفـه بجفـوفــه يملينـي


3
خـادم وبالخـدمـة مـا اعــوفـــن دوري
مــن محمــد زودي وأفتخـــر يطيوري
وي مــلائـك ربـــي والنســاء الحوري
بالحفــــل أتعـنــه بجفــي وردة جوري

بالحشـــر يحضرنـــي هـــــو وينجينـــي

4
ياطيـور بقلبـي وروحـي تسعــر جمرة
أمنيـة كــل عمــري يمتـه أزورن قبره
أزحف أعلـه عتابه يمته وأشتم عطرة
روحي إلك مشتاكة شلون يابو الزهرة

بالــزيــارة أرزقنــــي مـــولاي وافينــي


5
ياطيــور ودمعـي بخدي ينـزل شاجــر
أرد ازور اليمـــه كافــي اظلـن حايـــر
الحسـن أشبـك قبـره بالدليـل الصابــر
وفاطمــة أحضــرهــا والإمــام الباقــر

ولعلـــي يطيـــــوري أنـــــت التودينــي

6
لشوكـت متهــدم يبقــى قبــر الصادق
هذا أبـن الهـادي وديـن ربنـه الناطق
مــن يهـل مهدينــه يكطـع أيد المارق
ومايعيـش بحكمــة كــل لئيـم وفاسق

باجــر بـــأذن الله يطلــع نظـــر عينــي

بغداد
امجـــد صاحــــب الشطـــــري

روحي روحي وداعــت الله يالزجية
روحي روحي وياج هاي أخر مسيه
انتهـــى ليـــل الهنا لحضـة اغيابـج سنة
__________________________
1
بالحنين ودعت أغلــى السنين ابلايه رجعــة
بالحنين لازم أثيــاب العــزيز وابجــي وانعـه
بالحنين صبت أعيوني وهوت دمعه أعله دمعه
بالحنين مكابــل أتــراب القبــر وبجفــي شمعـة
______________________________

هذا حـــالي من بعد عشرة طويلة
هذا حـــالي والقلب شــاب بعويله
ظهري هليله انحنه لحضه اغيــابج سنـــه


2
كلشي راح مـن شفـت بسمـار لاجمهـا بصـدرها
كلشي راح ويلـي والبسمـار طـالـع مـن ظهـرها
كلشي راح فضـه كالتلي منو الطكهـا وعصـرها
كلشي راح حيـن شـافتني وبجـت ونطت عمرها

وبدموعي التجري من دم غسلتها
وبدموعي بهــذا حـالــي ودعتــها
والمدامــــع راهنــــه لحضه اغيـابج سنـــه
3
شهل مصاب انظـر المحسـن ينـادي أمه الـزجيـه
شهل مصاب أيكلها يمه ألسطره حيــــل أثرت بيه
شهل مصاب الرفسة كسرت ظلعج بهاي المسيـه
شهل مصاب طفــل مامــولــد وتـذبحــه الـدعيــة

ياحبيبــــي روحتك ذبحــت دليـلي
ياحبيبــــي والله فكـدك هدلي حيلي
قلبي يولــدي أنثنــه لحضه اغيابج سنـــه

4
شلون أنام وانه راح ادفن إعزاز وقلبي موجوع
شلون أنام والـوديعـة منهـا مكسـورات الظلــوع
شلون أنام يلـه ينـاعـي المصيبــة هــل الــدموع
شلون أنام خلي تالي الليــل اون لو وني مسموع

خلني أبجي وخلها تكتلني المصيبة
خلني أبجي مـاتت الـزهرة الحبيبـة
روحي بالون ساكنه لحضه اغيـابج سنـــه

5
وين أروح وفاطمـة تحـت التــرب والبيـت خالي
وين أروح والله كـون المــوت هليلــه اعتنــــالي
وين أروح حسين يسألني أعله أمه ودمعه هالي
وين أروح وزينـب أتكلــه بعــد مــاتـــرد تــــالي

خويه خويه أمنـه مـاتت مــاتجينـه
خويه خويه شلون بينه شلون بينه
والجــوارح طاحنــــه لحضه اغيابج سنـــه

6
شي عجيــب أبقـى عايش والزجيه أبدار التراب
شي عجــيب وانه قاتلني الدمع والهم والمصاب
شي عجــيب حيدر أيهزه ألونيــن وعملت الباب
شي عجــيب والسبب مشغول كلــه فكد الأحباب

انه حيـدر جـــم عزيز الفاركاني
انه حيـدر والهجر سهمه رماني
حزني للدار اعتنـــه لحضه اغيـابج سنـــه

شطره
امجــــد صــــاحب ألشطــــــري

بتسبيحه الزهرة نتــذكر العصــرة
نقضي الفرض طول الوقت بالونه والعبرة
__________________________

1
من نصلـي من نسبـح ألـف خـاطـر ينصدع
الله وأكبـر بالبــدايـة ويبتــدي يهـــل الدمع
بيـن شـاهــود التعبــد جــف حقـــد لاينطبع
خـــاف تتكــرر الكــرة وينكسـر منـج ضلع

من يندفع بابــج تتـألــــم احبابــج
هـم ترجـع أحداث الضلع واللطمه والكسرة




2
من السقيفة الأمر ممكن من ظلم غادر صدر
والنبــي بـس للزجيـة والعلـي يــروي الخبر
هالله هالله بالوصية شمـا وصـل بيـك الخطر
لـو متـت وأنـدفـن باجـر الضلـع كـول أنكسر

لاتهتــم بهايـــة مادام إلك راية
باجر علـي كـل شيعتـك بالخاتمـة الكبـرى

3
صعبة أنت بوسط بيتـك تسحك أعاتبك غرب
الأصــول العلمتنــه لـمـــن يسمحـــلك تطــب
شلون إذا تدخله كـوة وأبـو المنزل ينضـرب
وينهتك بيته وحرمته هذا أصعب من صعـب

هــذا النــذل فعلــة يانــــــاس شنكلـــه
منسامحـه ونصافحـه عــن فعلـة منعــذره

4
الزهرة شافت وجه ظالم أبـد ماشافت حرس
هـي صاحت منو الطارق الباب عالزهرة أنرفس
طاح محسن من بطنها بالجـدم ويلي أندهس
لحــك أعليهــا يحيــدر فاطمـــة بآخــر نفس

وينك يراعي الدار شبـوا عليهــا النـار
أبياوكـت جــف فاطمـة يتجـــوه بالجمــرة

5
الغيـرة يحتـاجلها واحـد واحـد ايعــادل ألف
الدنيـا صارت ماتأمن حتـى بالنـاس العرف
الجان يمسي ابيت أبـوها تالـي يطلع هم صلف
يكســر اظلــوع الـوديعـة وبالجــريمـة يعتـرف

اليضرب مَرّه بظلمة مـــاينحســب زلمــــه
السبّب كسر السبّب هجر هـم ينكسر ظهـره


6

الوردة من تكطع غصنها بيتها أيصبح خلي
الشمــس تحـــزن عليهـــا والنـوايـح تعتلي
فاطمـة كطعـوا غصنهـا ودم ضلعهـا ممتلي
والله ياعالم عجيبـة أتمـوت وردة أبـلا علي

حـال الـورد جارح أحلـى العمـر رايح
إعزاز القلب لو سافروا نتذكر العِشرة


شطرة
امجـــد صاحـــب الشطــــري

نقســم قســم والله ثــارج فــلا ننساه
يــزهــرا يــزهـــرا

1
نقسـم بـرب الجـلالـة ويشهـــد الله أعلينـــه
السطــر عينــج يـزهـــرا إلا نسطـر عينـــه
احنه عدنه المهدي نفخر هل أسـم يكفينـــه
يطلـــب الثـــارات كـلهــا بقبـــرج أيدلينـــه

وبسيفه حقنـه أيعود للمهـدي كلنه اجنود
يــزهــرا يــزهـــرا





2
بــاجـر بثــارج نطـالــب والخصـــم منعوفـه
مستعـــديـن النتصـرتــج والــزلــم معروفـة
المهدي يظهـر بيده راية كلها راح أتشوفـه
والتعـــده عليـج هـــو إلــي يكـص اجفوفـه

الشب الحطب ملعون خلــص حياتـه يخون
يــزهــرا يــزهـــرا

3
واضحة أصحاب السقيفة عدنه مو مجهولة
ونعرفهـم بالأسـامـي أعلـه الضلـع مسؤولة
ألهـــا لاصـــوم وصــــلاة وحجـة مامقبولة
آخـرة ودنيــا الظليمـة وكــل وقـــت منعولة

العبـدت هُبــل واللات نلعنهـــــا بالمـــرات
يــزهــرا يــزهـــرا
4
القالــو أنريــد الخلافـة مـو قصدهـم حيـدر
رادو أيطيحــون أسـمــج والضلــع يتكسـر
مادروا والينـه حيـدر والضلـع خــط أحمـر
تورطـوا عــن هـل القضيـة احنـه مانتكتـر

الحارق عليج الدار باجـر نحـرقـه بنـار
يــزهــرا يــزهـــرا

5
شيعـة والجـف المزيــف مستحيــل أنبوسـه
والــي يحجـي أعلينـه فنـه بالجـدام أندوسـه
البـــاع دينــــه لايجينـــه ماتفيـــده أفلوسـه
اليشتـري ذمـة ضميــره مشتــري ناموسـة

كلمتنـه مـو وجهيـن علمنه أبو الحسنيـن
يــزهــرا يــزهـــرا
6
كافـي وصلـت حـدهـا كافـي مانريـد أنجامل
ردنه واحـد مثـل حيدر عنده غِيـرة وعـادل
الياوكت نبقى احنه سكتـه نقبـل أبكل فاشل
المـا يحــس بالنـاس هـذا كلـشي مايستاهل

كافـي الفقيـــر ايموت صحنه بعلات الصوت
يــزهــرا يــزهـــرا


شطره
امجــد صــاحب الشطـــري