يمـــولاي مــانعـــوف أزيارتــك
يمـــولاي هاذي صيحة شيعتــك


1
يابو طلبة الليلة اجينه نمشي نلطم عالصدر
والله منعـــوف الزيــارة حتـى لو دربك جمر
جينـــه والرايــة بـدينـه نلتقــــي يــــم القبر
سيــدي بهـاي المسيـه عدنا موعد عالجسر

على الرأس نمشـي بيهـا جنازتـك
يمـــولاي هاذي صيحة شيعتــك


2
سيـــدي لاحـــر يهمنـــا بالزيــــــارة ولابـــرد
نلبــس أثيــاب العزيــه وللمصايـــب نستعــــد
والــذي يحــاول يضـدنـــه من طريقك مانــرد
منهـو إلي يسمعنه كلمـة واحنه ويانه الحشــد

مجانيـــن منهـو يوصـل قبتــك
يمـــولاي هـاذي صيحة شيعتــك


3
بالخدامــة كــل عمرنــا سيـــدي يمــك كضــه
واليخدمـك نــدري باجــر بالقيامــة أتعوضــه
هـل مسـه مدينه أدينه بحضرتك يابو الرضــا
عـدنا طلبـات وحوائـج بالقلـب ضـاق الفضـه

يوفـــــاي لاتـــــــــــرد الطلبتــك
يمـــولاي هاذي صيحـة شيعتــك


4
زايـر اليتعنــه قبـــرك بيــده شـايـــل حاجتــه
ينعــه وينـوح المصابــك وأنت تسمـع ونتــه
يدخل الحضرة ويـزورك يمـك أتصـب دمعتـه
يطلــب ومــن طبعــك أنـت ماتــرجـع طلبتــه

للأنصــار أحنه تشهـــد وكفتــك
يمـــولاي هاذي صيحة شيعتــك


5
هـل العهـد بالـدم نكتبـه وتشهـد أعلينه السمه
شيعـة وتظـل الزيارة تجري وي مجره الدمه
كل سنة مشايـة تحضـر شيعـة عالخـد لاطمه
نوسـي ابـو الحسنيـن جـدك والـزجيـة فاطمة

والعيــون تجري دم لمصيبــك
يمـــولاي هاذي صيحة شيعتــك


6
وينـه هـارون وحشـوده يشوف قبـرك مَوقعَة
قبتيــــن ورايــــة خضـــرة والمنـايـــر أربعة
ويــن قبـره ويـن قصـره ويـن جنــده القامعة
خــل يشــوف الكاظميــة بأسـم موسى موّقِعة

مــلاييــن كلها هــاذي بخدمتـك
يمـــولاي هاذي صيحة شيعتــك

بغداد
امجـــــد صاحــــب الشطــــري

سلام الله أعله قبرك سلام الله أعله صبرك

1
أسلــم وأذكــــر الكاظــــم بالآهــــــات
وأعَبـّــر وأتـــرك بصـــدري علامــات
يمـن عمـرك كضــه بهـــم وجراحــات
على أجروحك على همومك سلامــات

سلام الله أعله عمرك سلام الله أعله صدرك


2
سلام الله علــــى كــــــل ذكــــــرياتك
سلام الله أعلـــه سجـادة صـــــــلاتك
سلام الله علــــــــى أول حيــــــــــاتك
سلام الله لحــــد لحضــــة ممــــــاتك

سلام الله أعله قدرك سلام الله أعله فكرك


3
سلام الله علـى قيــودك ضـــوه العين
وعلى اجفوف الأمس نزفــن قرآءين
سلام الله أعلــه سجنــك والحيــاطين
وعلـــى ذاك الصبـر يابـــو الجوادين

سلام الله أعله قهرك سلام الله أعله نحرك

4
سلام الله أعلـه كـل دمعـة مـن العيـون
سلام الله علـــى إحسـاســك يمسجـون
متـــت مسمـــوم والـــــوادم يشيعــون
صـرح عالـي صــرت وإنــزاح هارون

سلام الله أعله أجرك سلام الله أعله بدرك


5
سلام الله أعلــــــه أرض الكاظميــــة
وعلـى جنـة ضريحـك هـــل مسيـــه
سلام الله أعلــــه قبتـــــه الذهبيـــــة
وعلـى الرايـة وعلـى جســر المنيـة

سلام الله أعله سرك سلام الله أعله سترك


6
سلام الله أعلــه كــل زايــــر تعنــاك
كصـد مشـاي وبهــــل الليلـة زاراك
إمـام الرافضـة أبكـل حســرة نـاداك
أمــوت وما أعـوف بيـــوم ذكـــراك

سلام الله أعله أمرك سلام الله أعله ذكرك

شطره
امجــد صـــاحب الشطــــــري

آنه خادم للحسين
آنه عاشك للحسين
آنه عمري للحسين

1
بعيوني وأنفاسي حبه أتخيله
حبيته وكل روحي منذورة اله
لاموني وهذا الحب كالو بدله
ماعرفو دلالي ساكن كربله

آنه خادم للحسين
آنه عاشك للحسين
آنه عمري للحسين

2
محبوبي ومعشوكي عايش بالنبض
وحروفه بدلالي آيات الحفظ
أشواكي متعادل كل هاي الأرض
كل شمه من عتابه محسوبة فرض

آنه خادم للحسين
آنه عاشك للحسين
آنه عمري للحسين

3
خل يسمع كل واهم هل الامر الجلي
شما ضدتني الدنيا يبقى الحب الي
صوتي بعالي النبره دايم يعتلي
لبيك لبيك آه يابو علي

آنه خادم للحسين
آنه عاشك للحسين
آنه عمري للحسين

4
شيعي آنه واتباها بحسيني افتخر
عن دربه ما أبعد لو دربه جمر
بو الأكبر مو غيره بنفاسي يمر
آنه ادري ماوفي لو انطي العمر

آنه خادم للحسين
آنه عاشك للحسين
آنه عمري للحسين

5
من زغري وسنيني كلها بخدمته
علمتني ووفقني احي زيارته
تسعدني بكل خطوة شوفه كبته
كاتبله في صدري اكبر لافته

آنه خادم للحسين
آنه عاشك للحسين
آنه عمري للحسين

6
احجيها بكل ذاتي وأرفع جلمتي
متمسك بحسيني لآخر شهكتي
بلا حبه بلا دربه شلي بدنيتي
أبديها وانهيها باسمه قصتي

آنه خادم للحسين
آنه عاشك للحسين
آنه عمري للحسين

بغداد
امجـــد صاحـــب الشطـــري

يعبــاس نادينـــه

1
الليلـة عبـاس ألنـه أنولـد أبــو روح الابيـه
شايـل بجفــه غيـرتــه ورايتــــه الهاشميـة
حيدر بنفسه استقبله وضـوه وجــه البريـة
نـاده والدنيـا سمعتـه ياهلـه بحـامـي أخيـه

يعبــاس نادينـــه

2
زينــب الحـــــره تلكتـــه وبجبينــــه تقبلـــه
أنــت كفالــي بكربلــه ياخــو زينـــب تكلـــه
ياكمر وأنـت خزرتك عالعـده ماهـي سهلــه
تنذكــر باجـــر وكفتــك مــن عـــدوك تذلــه

يعبــاس نادينـــه



3
همـــه الحيـد بهمتــه يفدي نحـره أو وريـده
لو دخل لأرض المعركة علــي حيـدر نشيـده
مـو شخص واحد بالحرب لاجبل يلوي بيـده
والهــرب منــه يبتلي بخـزره وحـده يصيـده

يعبــاس نادينـــه

4
للوفـه هــو مدرسـة واحنـه نعـرف وفائـه
للخــو نــاذر ركبتـــه وحتــى نــاذر دمائـه
بالمهـد حيـدر قبـل اجفوفـه وانطـه ولائـه
يعني أبو الغِيرة منخلق مـن اجل كربلائـه

يعبــاس نادينـــه


5
بالشــدد راعـي الموزمـه ماتكصــر يمينـه
ندخـل القبـره ويعتنــي بعطفـه ينثر حنينـه
ندعي والكافل يوكـف ويبـدي ياخـذ بدينـه
مانهم احنه للزمن عدنه أبو الغيرة خيمـه

يعبــاس نادينـــه


الكويت
امجــد صاحــب الشطــري

انــه ماغير ساسي انـــه مادنك راسي
انـــه شيعي وعباسي
_______________________

1
أنــهَ حبـــي لحيــدر ويظــــــل بعيــــــوني
أبــو فاضـــل يبقى وعـــــايش بجنـــــوني
أنــــهَ واضــــح دربي ولــــــيش اتلمــوني
أريــد افــــرح ياهــــــــل وادم خلــــــــوني


انـــه قلبي شكد هايم انـــه للكــافل خــــــادم
انه شيعي وعباسي


2
عبــاس اليكضـــي الشـــدة اليــوم أتنــــــور
وفـــاي وصــــاحــــب نخـــوه ومايتعــــــذر
لمــن يحجيلــه الحيـــد اشســـوه بخيبـــــــر
ينفــــل اكماطـــه ويـــرفع أيـــــــده الحيـــدر

علــي واليــوم أيكلـــه بــــالك يخضـــع للذلة
انه شيعي وعباسي


3
عني وعن أمي وأهلــي وعــن كـل الناس
اتقــــــدمــلك وبجفينــــي أورود ويـــــأس
بالمــاس وبالـــذهب ابـــداً لا مـــاتنقـــاس
أنت اكبــر مـــن كنـــز الدنيــا ياعبــــــاس

بس اسمك كون أيساوي شيساوي النور الضاوي!
انه شيعي وعباسي


4
وحــي شــوكي بهــل ليلـــه نـــازل يمـــي
فـــرح روحـــي ودلالـــي وعـــاش بـدمي
هليلـــه شكـــد ضحكـــني ونســاني اسمي
ماخلانـــي اشعــــر حتى بحــزنـــي وهمي

وحي شعبان وعيــده كل العشــاك أتــــريده
انه شيعي وعباسي


5
علــى هـــونـــك ياشــوكــي طـــول بيـــه
خلي أفراحك كــل ســاعــة اتعــم أعليـــه
ودينــي بجنحــك عالقبــــة الـــذهبيــــــة
مشتــاك اشتــم من عطـر ابـن البـدويــة

مشتاك اشتم من عطره وشفــافي أتقبــل قبره
انـــه شيعــي عبـــاسي


6
ضـــوه قبــرك وأكبــالـه أحسيــن ايـــلالي
ويهنيــــك أبميــــلادك أنـــــت الغـــــــــالي
تـــره قبــري مــــن دونــــك مايحــــــلالي
ياعبــــاس انـــه ابـــرالك وأنــت أبـــرالي

لو شفتك انسه أهاتي وكل أهمومي وحسراتي
انه شيعي وعباسي


7
ياراعــي الـــرايــة ابيش اختـــم أفـــراحي
وأنـت أبكـــل ليلـه أيبيـن بــــدرك صــاحي
وسط ألظلمــه اسمــك يتحــول مصبـــاحي
ومرات بيــوم الشــدة أيــداوي أجـــــراحي

اسمك كضاي الحاجــة أكثر من كلشي احتاجه
انه شيعي وعباسي


شطره
امجـــد صــــاحب الشطـــــري

أجمــل عشــك بسنيني أسمــك يشمعــة عيني
حيـــاك يابــــو الغيــــرة

1
جــن وأنـــس فرحانـــة يعباس يعباس
لهـذا الفـرح عشطانـــة يعباس يعباس
فــــرحنـــــه يامولانـــه يعباس يعباس
سجّــل حضـور ويانـــه يعباس يعباس

رفرف علينه الرايـــة بجفـــوفــك العطايـــة
حيـــاك يابــــو الغيــــرة

2
أم البنيــــــن وحيــــــدر يعباس يعباس
جبريـــل الهــــم بشــــر يعباس يعباس
عرش الله كــال أتنـــور يعباس يعباس
سمــوك مــوت الأحمـر يعباس يعباس

بالمهــــد شــــك كماطـه وعله أمه طاف أشواطه
حيـــاك يابــــو الغيــــرة
3
لمــــن نــــــزل تعريفـــك يعباس يعباس
الفخــر أصبــح ضيفــــك يعباس يعباس
وانطـاك حيـــدر سيفـــك يعباس يعباس
شتـريــد ســـوي بكيفــك يعباس يعباس

الكنطــرة أنـزل بيها والزلــم طـب أعليها
حيـــاك يابــــو الغيــــرة

4
شافـتك زينـــب حاضــر يعباس يعباس
كالــــت أريـــدك باجـــر يعباس يعباس
بالرايــة توكـف ساتـــر يعباس يعباس
وللحسين تصبح ناصـر يعباس يعباس

هـــل الرايـة خلهـا بأيدك ياخويه وأحمي اعضيدك
حيـــاك يابــــو الغيــــرة

5
ليــش اليحــبك عــــادة يعباس يعباس
تكثــر عليــه حســــادة يعباس يعباس
اليــوم الكمــر ميــــلاده يعباس يعباس
ياهــلا بليـــث الســادة يعباس يعباس

خليهــــم أيحسدونـــه حبـــك سكن بعيونـــه
حيـــاك يابــــو الغيــــرة

6
ليـــش اليحــب بحساســه يعباس يعباس
بالحـــب يشيــــب رأســـه يعباس يعباس
يحمــل حجـي مـن ناســه يعباس يعباس
بـــس مــانــــزل مقياسـه يعباس يعباس

ياغايتــــي وآمـــالي غيرك منو اليحـلالي
حيـــاك يابــــو الغيــــرة


7
حبـــك صعــب تفسيــره يعباس يعباس
ظلينـــه احنــه بحيـــره يعباس يعباس
بالكـون ماصــح غيـره يعباس يعباس
مثــلك يراعـــي الغيـرة يعباس يعباس

محــد شبـــه نوماسك محــد وصل لحساسك
حيـــاك يابــــو الغيــــرة


شطره
امجد صاحب الشطري

يامهدينــــه مـــدد مــــدد مـــدد مـــــدد
ياصـــاحـــب الــــزمــــــان

1
لحضرتك مدينه أدينه أنت للشيعــــة سفينــة
ياصــــراط المستقيــــم

مـــولدك بيـــّـن علينه نـــورت أرض المدينة
هب عالشيعة النسيم


ذهلت الدنيـــا بجمالك من علي شايل خصالك
وأنت مـن الله كمـــالك يابو صالح يابو صالح

يامهدينــــه مـــدد مــــدد مـــدد مـــــدد
ياصـــاحـــب الــــزمــــــان




2

الليلة ساك الباري طافك روضـة الجنـة بضفـافك
وارتقه الحــب والحنان

الكــوثر بنـــورك توضه صله بسم المهدي فرضه
وسبحــت كــــل الجنان




جم نبي أستقبل مقامك وانحنـه الهيبــة كلامك
وأنت حييتــــه بسلامك يابو صالح يابو صالح


يامهدينــــه مـــدد مــــدد مـــدد مـــــدد
ياصـــاحـــب الــــزمــــــان



3

الليلة يامحلاها ليلـــة ينــولد أعظــم وسيلــة
ومنجه كـــل الكائنات

غـرت الهادي محـمد كالبـــدر نـــــوره توقد
وأزهرت بيه الحياة


يله نستقبــل حضـــوره بيّن أبن الزهرة نوره
اليوم اجيت بأحلى صورة يابو صالـح يابو صالح


يامهدينــــه مـــدد مــــدد مـــدد مـــــدد
ياصـــاحـــب الــــزمــــــان



4

شنهو يالمهدي شعورك مولـــد وساعة ظهورك
يلتقـــن فـــي كربـــلاء

توكف أكبــــــال المنارة وبالصحـن تقره الزيارة
وتنطي لحسين الولاء


وتكصد الراعي الحمية تاخـــذ أكبـــاله تحيــة
نحتفـــــل بالـــزينبيـــة يابو صالح يابو صالح


يامهدينــــه مـــدد مــــدد مـــدد مـــــدد
ياصـــاحـــب الــــزمــــــان



5

يمتــه يتحقـــق وجودك تـــوفي للنــاس بوعودك
وتنشر الدنيا السلام

سيــدي والليلـــة جمعـة العاجـــل أنريـــــده نسمه
قد ظهر آخــر إمام


ســاعتــك لا مــو بعيــدة تــرفع الــراية الرشيدة
بمهرك وسيف الصميدة يابو صالــح يابو صالح


يامهدينــــه مـــدد مــــدد مـــدد مـــــدد
ياصـــاحـــب الــــزمــــــان



6

هذي مـو سـاعة نهايــة أنت نقطــة الكـــل بـداية
وأنت الأول والأخيـر

سيـــدي وإحنـــا بزمانك ماتـــدلينــــه بمكــــانــك
عالجمر لأجلك نسير


ساعة النحضـه بالقـــائك جفـــك أيلمنـه ووفــائك
شيعتـــك إحنــــا فــــدائك يابـو صالح يابو صالح


يامهدينــــه مـــدد مــــدد مـــدد مـــــدد
ياصـــاحـــب الــــزمــــــان

شطره
امجـــد صــــاحب ألشطــــــري

يغايـــب قربت أعيادك فرحنـه بعيـــد ميلادك
يمهــــدينـــه
1
ياحجــــــة الله وحامــــــل لوانــه
هل ليلــة نــــورك هـــل وأجانــه
تــدري المـوالي بروحـه وحنانـه
يبعـــث تهانـــي بقلبــــه ولسانـه

هلا بوجهك بزغ بدره هلا بريحانـــة الزهرة
يمهــدينــــه

2
شمــــس السعــــادة شــرقــت علينه
شيعــــة لحضـرتــــك مدينــــه أدينه
عنـــدك يمهــــــدي كلـــــــشي لكينه
يـــــوم الشـدايـــــد جفـــــــك سفينة

مثـل جدك علـي حيدر تجينه وبلشدد تحضـر
يمهــدينـــه
3
أمــــــة محمــــــد نصبــــــت حفلها
يالمهــدي وأنـــــت همـــزة وصلها
هــل فرحـــة بينــــه ماصـــح مثلها
بــس المــــــولي يعــــــرف فضلها

فضائـل عيدك أهوايـة اجيــت وشايـل الرايـة
يمهـــدينــه

4
كــــــل اليهنــــون صــافــي نبعهـا
بميــلادك اليــــوم ضــوت شمعهـا
معروفـــة ويــــاك ثابــــت طبعهـا
عيــدك يموعــود بالحــب جمعهـا

تطش هيل وورد جوري وأنــه خــادم إلك دوري
يمهــدينـــه


5
قلـــب اليحبـــــك ناثــــــر هيامــــه
جيتـــك علينــــه خيـــــر وسلامــة
أنــــت فرجنــــه ننطــــــر علامــة
حيــــدر وعدنــــه بآخـــــر إمامــه

يريت المولد وسيفك يجـن وأطالب ابكيفك
يمهدينه

6
وجهــك نشوفــه بعيـــن الحقيقيـة
ولثــــأرك أحنــــه دمنـــــه نريقـه
نحــب اليحبنــــه ونتبــــع طريقـة
والــــــــي يضدنــــــه لا مانطيقـه

ليود بيت النبـي وآله عظيــم وألـف هنيالـة
يمهدينـــه

شطره
امجــــد صـــاحب الشطــــري

يمهدي خالية اسمانه وأجيت ألها كمــر
يمهدي هذا شعبانـك ملـه العاشق فخــر
شرفنا نـورك ساعة حضورك


1
ليلة فرح تضوي السمـه بيهـا الكمر نوّر
هذا البدر من فاطمـة ومـن حيدر المصدر
كــل الوجـــود بمـــولـــدك هليــوم يتحضر
حتــــى الزهـــور بجيتـــك يمهــدي تتعطر

العصافير والبلابـل سيـدي أتغــرد ســوه
العصافير يلعب بجنحانها ويسري الهوى
وأنت بسرورك ساعـة حضورك


2
فــي مولــدك يبـن الحسـن عشــاك منتظره
كلهــا تصــد أعلــه السمـه وتتنطـر الكمره
هذا الحِمـل بيـده شمــع ذاك الحِمــل زهرة
حبــك ملكنــه مـن المهــد مانقــدر أنفسره

ضوه العين سيـدي ونبض القلـب بسمك يدك
ضوه العين تدري من دونك فلا يسوه العشك
شكد عالي سورك ســـاعــة حضـــورك


3
روحي الموالـي الهايمـه للفرحـة عطشانـه
واليعشـك الليلـة حضـر مـن قلبــه ولسانـه
حتــى الملائــك حاضــره ومحتفلــه ويانـه
أنــت الإمــام المنتظـــــر وبجفـــك الوانـه

مراسيم الملائــك للخــدم فتحــــت سجـــل
مراسيم والشمع ضوه الصواني بهل الحفل
منتظـــرة دورك ساعة حضورك


4
أنصـارك وأنــت اتعـرف من توعد الشيعة
لـــو وزنــوا حبــك ذهـــب هيهــات متبعه
طبــــع اليحبــــك يعتنـــي ايــأديـلك البيعة
والـي يبغضـك ماضمـن مـن علـي توقيعه

ضمانات قبل لانمشي الصراط بجف علي
ضمانات نستلمها وكلــش مايوصـل إلي
نحضــر نـزورك ساعة حضورك

5
نتمنـــه يمـــك نلقـــي فـــــد يــــوم نتمنـــه
خدامــك احنـه وشوفتـــك تأخـذنــه للجنــة
بصحن الحسينـي بكربلـه بجفوفـك أتلمنــه
وتصلــي بينــه وللكمـــر نمشــي تزورنــه

يمولاي يمتـه بيــدك ترتفـــع رايــة نبــي
يمولاي تصرخ الثـار أعلـه تـل الزينبــي
واتــــأدي دورك ساعة حضورك

6
ياغيـــرة الله لشـوكــت بــدرك يظــل غايـب
يمتـى تشــك وجـه السمــه وبثــأرك أطالب
تملى الأرض قسط وعدل وبحكمك أتحاسب
كـل ليلـة ندعـي وشيعتــك بدروبـك أتراقب

متى تعود والصحـاري تخضـر ويطلـع ورد
متى تعود وبحضـرتـك نلتقـي وننسـى البعدُ
هـــذا شعـــورك ساعة ظهورك


شطره
امجــد صاحــب الشطـــري

ريحانتك حيدر مثـل البدر نوّر

1
باأبا الحسن هذا الحسن ضيفك يبو الحملة
دربـك أمانة برقبته نفسك علي يكمله
ريحانة الهادي النبي فوك الشمس يعله
واليوصل الهل مرتبة من هو يوصله

بهذا العشك نفخر إي والقلـــع خيبر

2
ياحيدر أشموع الفرح شلناها بيدينه
وألف الصلاة أعله النبي كل لحضة صلينه
هليلة من جف الحسن نطلب أمانينه
ونقله اقبلنه خدم يمك يوالينه

مالحضة نتغير خدامة للمحشر

3
أول مسرات الفرح من تكمل اللمة
تتوافد بعيد الحسن وتقله بالخدمة
هذا الإمام لشيعته بيوم الحشر رحمة
نشكر الباري والنبي عن هاذي النعمة

من عنده نتشكر من دونه مانقدر

4
لمن خلق وجه الحسن ربنه وبعث نوره
مثل الكمر وأحلى بعد من كَوّن الصورة
جنة عدن في مولده نزلت أله أتزوره
وكل الملائك ياعلي وياها مسرورة

وجه الصباح أنطر وأتغيـــر المنظر


5
هذا الكريم المجتبى عن فضله نتكلم
طيب اوفه وغِيرة وكرم من عنده نتعلم
إلي يحبه بفطرته كل عمره مايندم
والي يبغضه ناصبي عن حبه مايفهم

والماشي درب الشر تالي العمر يخسر

6
بالعيد نحضر كل سنة ونجدد الفرحة
واجبنه ياحيدر نجي أنّسي القلب جرحه
بدرب العقيدة والشرف ياما الحسن ضحه
ضحه بحياته من أجل هاي الأمم تصحه

كل ظالم أتحير من عنده واتحذر

شطره
امجـــد صاحـــب الشطـــري

نبعث تهانينا تهانينا تهناينا
للحسن والينا والينا والينا
1
طه النبي نهني وحامي الحمية
بسمانه ضوه اليوم روح الزجية
أجمل خبر بالكون وأحلى هدية
بعيد الحسن هليوم نفرح سويه

جوهر أمانينا أمانينا أمانينا
للحسن والينا والينا والينا

2
بعرش الله اسمه انصاغ وحي القداسة
جانه ونبينه بطيب من ثغره باسه
هذا الحسن معروف من علي ساسه
كل شيعي حكه اليوم يتعله رأسه

فاحت رياحينه رياحينه رياحينه
للحسن والينا والينا والينا

3
جنة عدن والحور وكل الملائك
طشت ورود وهيل نزلت تشارك
جن وانس بشواك حضرت تبارك
والظالم بهل يوم بالفرحة هالك

بالحب تغنينه تغنينه تغنينه
للحسن والينا والينا والينا

4
بخمسطعش رمضان أجمل بشارة
فجر السمه بهل العيد لوح نهاره
هذا الحسن مولاي ثابت قراره
مثل الوصي الكرار نال الصدارة

هو الينجينه ينجينه ينجينه
للحسن والينا والينا والينا




5
يبقه الحسن بالكون تاج المعالي
بيه الكرم موصوف وبحبه اغالي
الماعنده اهل البيت ماعنده تالي
يوم الحشر ربحان قلب الموالي

بيهم تعلينه تعلينه تعلينه
للحسن والينا والينا والينا

6
حب الحسن بالروح من البداية
وهذا العشك ياناس ماله نهاية
عن فضله تحجي هواي كل البرايا
مازالت بيمناه مرفوعة راية

والراية تكفينه تكفينه تكفينه
للحسن والينا والينا والينا

شطره
امجد صاحب الشطري

راح الولي راح والأيتام تنوح أبابه
ناعي الحزن صاح ابو حسين هضمنه غيابه

1
شلون ليلة مؤلمه
فكد حماي الحمية
الارض تنحب والسمه
لموت ابو حسين

ليلة سوده اعله البشر
حيدرة راسه انشطر
حان وياه القدر
وصبت العين

دم هامته سال اويلاه وسط محرابه
ناعي الحزن صاح ابو حسين هضمنه غيابه


2
صوت حسرة يعتلي
لاتغادر ياعلي
منهو من بعدك الي
زينب تنوح

تكله آه من الجرح
ريتـه قلبـي منذبح
ولا يهل وجه الصبح
ياخذ الروح

مايرجع الراح يزينب تنادي أصحابه
ناعي الحزن صاح ابو حسين هضمنه غيابه




3
صعب ياناس الوضع
صوته ظل ماينسمع
بس مصايب بس دمع
حيدره مات

كل يتيم بحسرته
حضر يم جنازته
كام يدعي بدمعته
للسماوات

ياربي حيدر نريده يرد لحبابه
ناعي الحزن صاح ابو حسين هضمنه غيابه




4
كلها صارت حايره
علي نام بمكبره
واليتامه مناطره
بلجن أيعود

علي مايرجع بعد
غاب من عدنا الأسد
حان وياه الوعد
بابه مسدود

بسيف الغدر مات ابونه عرفنه أسبابه
ناعي الحزن صاح ابو حسين هضمنه غيابه

شطره
امجــد صاحــب الشطـــري

أَصبَـــح العَالَـــم خَطِيـِـــــر
لَيِلَــــــــة أوُدَاع الأَمِيـِـــــر


1
ضجت السبعة المثاني والعرش قلبـه أنكسر
انهدمت أركـان الهِدايـا حيــدر برأسـه أنطبر
مــن أبــن ملجـم تعنــه والولـي بسيفه شعـر
أي وَرب الكعبة ناده يعني أبو الحملة أنتصر

وأرتفــع صوت الضميــــر
لَيِلَــــــــة أوُدَاع الأَمِيـِـــــر










2
صـايـم وجـاي الصلاتــك تعلـم أنـت بروحتك
ياعلي أطيـور أعلــه دربك وكفـت ومامنعتك
من سجدت السجدة الأولى ويلي ضربو هامتك
طـايـح ودم المصيبــة يجـــري مــن عمامتك

كلهـــا صاحــت يامُجيــــر
لَيِلَــــــــة أوُدَاع الأَمِيـِـــــر

3
ياعلـي جروحـك وسيعـة مايفيـد الهه الضمد
ذبـلت أرسومـك وسافـه وُزاد همـك يـل أسد
ياعلـي حتــى طَبيبـك شــاف جـرحـك وأبتعد
قــال راح يــروح منـــه وبعـــد مايرجـع بعد

جرحـــه ياعالــــم جبيــــر
لَيِلَــــــــة أوُدَاع الأَمِيـِـــــر

4
ياعلـي أعيـون اليتـامـــة هلمسيـــه شابحـه
اجمعـت يـم بـاب دارك تــدعــي ليـك بنايحه
بالسلامـة اتقـوم صـاحـت والمدامـع جارحة
لنه صوتك صاح عالي أعليـه اقروا الفاتحة

والأمـــر أصبــح عَسيــــر
لَيِلَــــــــة أوُدَاع الأَمِيـِـــــر

5
أختنقت العبرة بجفنهـا زينب وجـاها الحسن
يختـي نشفيهـا المدامـع عــودج بجنـة عـدن
أتقله هاي أعظم المصيبة وباجر أبقى أبلا وطن
محــد أيضــل ليـــه سالــم والفواطــم ينسبن

عيني خويـه المــن تديـــر
لَيِلَــــــــة أوُدَاع الأَمِيـِـــــر
6
وحشة والدنيا غريبة وكلشي ضـل بلا صبر
غمضت عينك وروحك صعـدت وحـان الأمر
شحـال أهل بيتـك عجيبـة حيـن ضماك القبر
عليك مفجوعة الخليقــة وتنحب ليالي القدر

دم بجـــه ونـــاح الفقيــــر
لَيِلَــــــــة أوُدَاع الأَمِيـِـــــر

شطره
امجــــد صـــــاحب الشطـــــــري

آه يحمــــاي الحمــــه

1
هليلة تبجـي أيتامك آه يحمــــاي الحمــــه
بالغدر صـابو هامك آه يحمــــاي الحمــــه
خلصن عذاب أيامك آه يحمــــاي الحمــــه
حان الأجل بصيامك آه يحمــــاي الحمــــه

لمصابك تنادي السمه
آه يحمــــاي الحمــــه

2
جرح المصيبة براسك آه يحمــــاي الحمــــه
هـــــو القطــع أنفاسك آه يحمــــاي الحمــــه
الله يلعنــــه الجــاسك آه يحمــــاي الحمــــه
باقـي بقلبنـه إحساسك آه يحمــــاي الحمــــه

تبجي أعله فقدك فاطمة
آه يحمـــــــاي الحمــــه

3
صـوت اليتامـة يعتلي آه يحمـــاي الحمــــه
احضرنه ياحيدر علي آه يحمـــاي الحمــــه
هليـوم بيتـك ظل خلي آه يحمـــاي الحمــــه
والحــرة باجـر تنولي آه يحمـــاي الحمــــه

بين الجيوش الآثمـة
آه يحمـــــاي الحمــــه

4
سيف الظلم من خانك آه يحمـــاي الحمــــه
فايـز صحـت بالسانك آه يحمــــاي الحمــــه
لكـن صـرت باحزانك آه يحمــــاي الحمــــه
محـد يعوض امجانك آه يحمــــاي الحمــــه

عليك الخــلك متعلمة
آه يحمـــاي الحمــــه

5
صاح العرش لمصابك آه يحمـــاي الحمــــه
مـن خضبــو محـرابك آه يحمـــاي الحمــــه
يبجــــي اليتيـــم أبابك آه يحمـــاي الحمــــه
ذايــــب يشـــم بعتابك آه يحمـــاي الحمــــه

وعيونه تتسايل دمه
آه يحمـــاي الحمــــه

6
جبريل تجري أدموعه آه يحمـــاي الحمــــه
ومسكـــرات أظلوعه آه يحمـــاي الحمــــه
راية حـزن مرفوعة آه يحمـــاي الحمــــه
كل شيعتك مفجوعة آه يحمـــاي الحمــــه

حلـت عليها موزمــه
آه يحمـــاي الحمــــه

7
زينب بجت وحسينك آه يحمـــاي الحمــــه
يابويه يصـرخ وينك آه يحمـــاي الحمــــه
ليش أنت غمضت عينك آه يحمـــاي الحمــــه
وتسبــــلــــن جفينك آه يحمـــاي الحمــــه

والدينا صارت مظلمة
آه يحمــــاي الحمــــه

8
كلشـي بغيابـك حايـر آه يحمـــاي الحمــــه
والقلب بيش يصابـر آه يحمـــاي الحمــــه
مكسور منه الخاطـر آه يحمـــاي الحمــــه
باجـر نشيعــك باجـر آه يحمـــاي الحمــــه

أركان الهدايا مهدمة
آه يحمـــاي الحمــــه

شطره
امجــــد صاحــــب الشطـــــري

روحي مشتاقة لحنانك
محــد يعـــوض مكانك
صاحت دموعي برحيلك بويــه لاتــرحــل دخيلك
محــد يعـــوض مكانك




1
بعــد قلبــك يبويــه اعليـه شيرده
وجسمك من أمس متـوسد بلحده
يراعي الشدة زينب طاحت بشدة
عَلَيّ صفن سوه وحدة بعد وحدة

كلهـــــن التمـــن عليه
من رحت من بين أديه
عن عذابي اشتكيلك بويــه لاتــرحــل دخيلك
محــد يعـــوض مكانك




2

تمنيـت آنـه قبـــلك ينحفــــر قبــري
ولا شوفـن طبـرتـك يابعــد عمــري
الـدار الليلة وحشة عليـك ماتــدري
عفتني بحيرة بويه وأنكسر ظهـري

شحسبت من فاركتني
للقبــر ريتـــك خذتني
بيــه لا مايمشـي ليلك بويــه لاتــرحـل دخيلك
محــد يعـــوض مكانك







3

يجـي الليـل واظلـن أنعـــه لمصابـك
أبـاب الحجــرة أكعــد وأشتــم ثيابـك
أشيل عمامتك وأمسح دمه خضابـك
وأصيحن يا أجــل للمرتضــى أجابـك

والدي راعـي اليتامة
وسفـه ماتمم صيامه
آنــه بالبيـت انــدعيلك بويــه لاتـرحـل دخيلك
محــد يعـــوض مكانك






4

يسألــونـي يبــويــه المـادرو بالحــال
شكلهـم وأنـت نعشــك للمنيـة أنشــال
أعله باب البيت اشوفن تلتـم الأطفـال
تكلــي ويـــن أبونـــه حيــــدر الكفـال

كلمــن متــانــي رغيفه
تأخذه من أيده الشريفة
لياكتر هيـــه تجيـــلك بويــه لاتــرحــل دخيلك
محـــد يعـــــوض مكانك






5

جنت أحسب يبو اليمه لصبـاح العيـد
أروحن لامي آنـه وياك روحـي تريـد
وينـك ليـش عايفنـي ورحـــت لبعيـد
شيفيد الدمـع لــو يجــري دم شيفيـد

مايرجعك بويه مدمـع
قلبـي بفــراكك تكطـع
ياقلــب يشبــه دليـــلك بويــه لاتـرحـل دخيلك
محـــد يعـــــوض مكانك






6

باجــر بويـه يلتمـــــن عليــه هواي
مصايب كربله وحزنـي وقهر دنياي
باجـــر لا خيـــــم تبقـــــه ولا حماي
يطيح أعله النهر جف الكمر والواي

رأسه الحسين أعله رمحه
الشمـــــر هـــــو اليــذبحه
بكربله ماكو بديلك بويه لاتــرحل دخيلك
محـــد يعــوض مكانك

شطره
امجــــد صاحــــب الشطـــــري

قصيدة {عم النبي}

اداء الرادود ملا #محمد_بوجبارة
كلمات #أمجد_صاحب_الشطري

مآتم الاحسائين / البحرين 🇧🇭 المنامة
شهر شوال لعام ١٤٤٣ هـ ٢٠٢٢ م

الهندسة الصوتية
حسين مرهون

مخطوطة
سيد علي الموسوي

إنتاج وتنفيذ
عين الحياة

مونتاج
علي فردان

يهدى ثواب العمل آلى أرواح المرحومين
السيد محمد السيد عبد الله اليوسف
السيدة لميعة السيد يوسف اليوسف

https://youtu.be/H2IphrCZbfY

ياجفــن أصحـــه لزمانـك لاتنـام
تدري بالسم باجر أيموت الأمـام
آخــر أيــام العمر تنتهي بهم وهجر
ينحفــر ذاك القبر
ياهضيمة

1
يـاجفــن أصحه لـزمانـك ياجفــن
وأستعد شوف المصايب والحزن

من أبو الكاظم بـقــت ساعات أخيـرة
ينفطـر جبــده وتعيـش بروحه حيـرة
هــو شالـوه بنعـش مـن حـل مصيره
مـو مثــل جــده البقـه بـلايه عشيرة

مثـل أبو اليمه أبو الكاظم شهيد
ويلي بس مامات محزوز الوريد
مابقــه بــلايــه خيم ولاذبح طفله السهم
ولا سبـو منـه حرم
ياهضيمة

2
لـون واحــد يمــه يذكــر كــربلــه
يذكــر الطـــف والعـذاب بأكملــه

مقتـــل العبــــاس لـــو يمــــه نذكـــره
بلا شعور أينوح ويـــدق أعله صــدره
حسين جدي يصيح ليش أنقطع نحـره
وبالصحــاري حايــره عمتـــي الحـرة

لا خدر لا خيمة عـدها لا كفيـل
وين تركض عمتي والدنيا ليـل
شافــت هموم وجرح وقلب ضامي ومنذبح
ورأس مرفوع برمح
ياهضيمة




3
الصــادق شكـد عاشـر الهـم وألـم
تالي ماتالــي مـن أيديهــم ماسلـم

ماسلـم جبــده مــن جفــوف الاليمــة
ارتكبت أصحاب الغدر أبشع جريمــة
غــدرتـه ومـارحمتــه والله هضيمــة
صـارت الحـوزة بعــد عينـــه يتيمــة

آيـة السجــدة نعــت والقــل هــوه
والفقــه اظلـم بقــه بـلايــه ضـوه
موتـــه هليلـــة نزل حايره جفوف الأجل
من الأمل غاب الأمل
ياهضيمة




4
راح والينـه وتــرك بينــه جرح
مثلـه للمـذهـب بعـــد لا مايصح

خبــر موتــه الناعـي هليلــة يذيعــة
ويــن عنــه حيـــدر وأمـه الشفيعـة
خــل يكعــدون ويشوفــون الفجيعـة
مــات واليكــم بعــد نوحــوا يشيعـة

مــن قبــل لاتنـــدفـــو وتـودعـوه
طوفي بي قبر الرسول أو زوروه
الصادق أصبح موضعه اكبــــــــال أم الأربعة
فاجعة يـــم فاجعة
ياهضيمة




5
هالمصايب صعبة ندري وجارحه
بالبقيــع أقبــور مابيهـــا أضرحة

يمتــــه نبنيهـــا ونعليـــــه المنـايــر
وقبـة الصـادق تطًيــّب منــه خـاطـر
يمتــه غايبنه يصيـر ويانـه حـاضـر
بـالبقيـــع بنفســـــه يستقبـل الزايـر

أمنيتنـــه نعتنـــي براحـة نـزور
وتعتلـي ذيـج القبب فوك القبور
يمتــه هاي ويازمن ينبـنـي قبـــر الحسن
تصير اله حضره وصحن
ياهضيمة

شطره
امجــــد صاحــــب الشطــــري

شنهو الصاير بهاي المسية
تبجي أعله الجواد الكاظمية
سمو راعي المراد ظلمة الليلة بغداد

1
الليلة كــل خاطــر تشــوفه منـا مكســور
والقلب خانقتــه عَبــرة وبــاقي مجمـــور
شمــا ينــوح المحــب لأجلــه حقه معــذور
عالجــواد أيحس مصــابـــه أيــام عاشـور


هذا البل حزن خلصت حياته
والليلة دنت ساعة مماته
اليوم الحزن عاد ظلمة الليلة بغداد


2
اليوم موسى الكاظم شكد يحمــل جــراح
وسط قبره اليوم تعلـــى أصوات النيــاح
تجي الزهرة أتصيح مسموم الوالي راح
ذاك اللي بمشهد عليه مانعرف شصـــاح

من قبر الرضا وَنه خفيه
واست فاطمة الزهرة الزجية
مسموم ابن الاجّواد ظلمة الليلة بغداد


3
حكنه هـذا اليـوم نبجـي ونحمــل الآلام
جم عزيز الــراح منــه وبالتــــــــرب نام
حسيــن من ظل جسمــه عاري ثلث تيام
هــم بقـــى المسمــوم مثلــه أبيــــن ظلام

لكن منكطـع بالسيف رأسه
ولا حافر الخيل بحقد داسه
صار بين الأحقاد ظلمة الليلة بغداد


4
شلون ما ننعه ونواسي القلبه عطشان
هل غريب الشـاف هم ولوعة وأحزان
جرع جاس السم أويلي وقضـــه حيران
وعالسطح مطروح مثل الورد ذبلان

وينه الي حضر لإمامه وينه
حاير بالغرب محد يعينه
والكعبة الوفّاد ظلمة الليلة بغداد


5
ساعة افراكة أشد مــــــن ساعة الموت
شلون نصبر والإمام ابوسط تابوت
الله لاينطــي شكـــو بالدينـــا طاغــــوت
ندعــي عالظـلام والله اليسمــع الصوت

كل ظالم يربي أنتقم منه
من قلب الولي هو الحرمنه
غدروا سيد الأمجاد ظلمة الليلة بغداد


6
يبو الهادي ليش دهــرك مارحم بيـك
لأن طيب معــدنك أصبــح يعـــاديــــك
شمــا يمــر الـــزمن مايكبــــر أعليـــــك
عندك أنصــار بدمــه المنحـــر تـــوافيك

احنه أنصارك ليوم المنية
نبقه بكل وكت ننصب عزيه
دمع العين يزداد ظلمة الليلة بغداد




بغداد
امجد صاحب الشطري