آنــه رايــح ياعلــــي سلمـت عندك هلــــي
حيـــدر
جهــز لنعشــي قبـــر خلصـت أيـام العمـــر
حيـــدر
برقبتــك يـالغالــــي عيلتـــك وعيالــــي
يانبـــــض دلالــــي
1
هـي هـاي آخــر مسيــة بيهــا يمــك ياعلي
باجـر أصـوات البواجـي فـوك راسـي تعتلي
لمـن أتشيــل الجنــازة ويخلــه منـي منزلي
خلـي بالك عالزجيــة وأحــرس بعينـك هلي

هـذا أمـر الله أنفرض عـل أجــل لامعتـرض
رايـــح
أدري الموادع صعب منذبــح نبـــض القلب
رايـــح
حالي يشكي الحالـي والمنيــــــــة أكبالـي
يـــانبـــــض دلالــي


2

غركـت أعيوني أبدمعهــا والحـزن بيــه سكن
مـن شفـت تابـوت يمـي وأنــت شـايـلك جفن
لحظـة ورمـوش النواظـر بالمصيبة أتشابكن
تنقبض روحي واظلن بس جسد ياأباالحسن


للأجــل لمـــن أصــد ينفطــر قلــب الورد
بــاجـــر
تختنق ريت الهـوى ينكسـر ظهـر الضوه
باجـــــر
لا نجـوم أتــلالـــي من يروح الغالــــي
يانبض دلالــــــي



3

طبع إلي يسافر الموته يحسـب أحساب البُعد
آنــه هــذا إلــي يسـافــر راح أروح ومـا أرد
قــابـل بهاي الـرزيــة ابهـل القــدر لله الحمد
ابقبري مثواي الأخير عيوني تغفه وما تصد


مـــن تشيـل أجنازتي آنــــــه رايـــــد دفنتـي
بيـــدك
بصوتك اقره الفاتحة روحــي عنــك رايحـه
بيــــدك
أنـت كـل آمالــي بالشـدد تبرالــي
يانبــض دلالــي



4

قبل لا امشي أرد أوصي وانت أريدك تستمع
علــي بـاب البيـت بـاجــر عالـوديعــة يندفـع
يوكـع المحسـن أوليدك ينكسـر منها الضلـع
أتحمـل ومـا أريـد سيفـك يــم ضلعها يرتفـع


مــن تشـاهـد زهرتك بقلبك احبس حسرتك
يمهــا
باجـر أتضــل العبـي والحجــــاب الزينبـــي
يمهــا
الوحــي أوحالــي تلتـــزم يالوالــــي
يانبــــض دلالــي



5

خـوفـي باجـر ياحبيبـي وسـط راسـك تنطبر
وعاليتامة أيضيع جفـك ياعلـي وعيـد الفطر
بعد فاطم منو الزينب لو مشت لأرض اليسر
مـن بعـد عيـن أبو فاضل توكع بجف الشمر


زينـب وطــف كربلــه أكبــر مـــن المُعضلـة
حيـــرة
تنظــر إخوتهــا ذبـح وذاك رأسه أعله الرمح
حيـــرة
والرمـــح بالعالـــي وينحبـون أعيالـــي
يانبــــــض دلالــــي



6

هــي ليـش الدنيـا تكـره ماتحــب لـم الشمل
كل شريـف وقلبـه أبيـض بيهـا لازم يرتحل
زينب بيا وكت تمـشي ميسـرة فـوك الهـزل
وسفه دنيا أتخلي زينـب هيجـي تنجر بحبل


لو وكع راعي العلــم تحتـرك عدها الخيــم
ويلــــي
هــي ياحيــدر مـــره بالثكالــــه أمحيــــــره
ويلــــي
والضعن رد خالي راجــع ابــلا والي
يانبـــــض دلالــي

شطره
امجـــد صــــاحب الشطـــــري

لهاي المجالس خدام وبكل زمن نحيها

1
يبقى العزا بسم الرسول وآله
من عدنه ونات الحزن تتعاله
هنياله يخدم للنبي هنياله

لابسهن ثياب السود وأم الوفه يواسيها

2
هاي المجالس والله ماننساها
نحيى ونموت ومانزل وياها
قول الإمام الصادق الحياها

أحيوها أمرنا بكل يوم وهل كلمة نفخر بيها

3
بينه أعله فقد الهادي جمره وحسرة
ماتنطفي طول الدهر مستعرة
دايم ننادي ويلي يابو الزهرة

هليلة دمعات العين من دم نضل نجريها
4
أول مصيبة الليلة حلت بينه
ليلة رحيل المصطفى هادينه
آخر صفر نسمع خبر ياذينه

ينفطر جبد المختار وينعه بحزن ناعيها

5
ندري القلب من الدمع مايشفه
وقلب الزجية الليلة فايض نزفه
جف الغدر ماعدنه رحمة ورئفه

يتم الزهرة بهل اليوم بس تنحب مخليها

6
تبجي أعله فكده واحنه نبجي عليها
لمن تضل وحدها من يحميها
ذيج الظليمه باجر اتأذيها

بنت الهدى ماترتاح من يرتحل هاديها

7
يدري مصاب الزهرة يحصل بعده
ويكلها من بعدي أنتي أول وحده
ضلعج يكسره الضالم أبكل حقده

يافاطمة وهاي العين بدموعج تغمضيها

8
ونضل نواسي فاطمة بدمعتنه
ولحد ظهور المنتظر حسرتنه
باجر يجي وبيده ترف رايتنه

وأهل الغدر وأهل الجور بسيف الولي يفنها

شطره
امجد صاحب الشطري

حزيـن المهـدي كاصــد ارض ســامره
يـون لفـراك أبــوه وتصبــره الـزهـرة
مهمـوم يبــن الحســـن

1
بعـالــم ثانـي مــن سِـــرّ وعلـــوم الغيـــب
أجه راعـي المصيبـة بــرأسـه لون الشيب
صرخ صرخة أعله أبوه ومنها شك الجيب

بجـت مكـة أعلـه صـوته ونـاحـت المـروة

2
كصــد محنــي الظهــر متـوجــه المــرقــد
يــــون الـوالــدة ودمــع الحـــزن عالخـــد
يــدك صــدره بحـــرارة وصـوتـه يتـــردد

أويلــــي عليــك بــويــه وشـابــج العشـرة

3
انحنه ظهـره الشريف وفاطمة أتسنده
يكلهـا محنتـي وحده أقسـى من وحـده
انكسـر قلبـي أعله أبويه الليلـة ياجده

القلـــب مــن ينكســـر ماينجـبـر كســــــرة

4
لـزم شبـاك أبـوه ظــل يمسـح بجفــه
يكلــه روحتـــك بــويـــه علّـي كلفــه
يسمـــوك بغـــدر ياوسفـــه الوسفــه

مثــل جــدي الحســن مــن سمتـه الزمـرة


5
وكــف يــم الضريح ودمعـــة يتجاره
شايــل رايتـــــــه ويستقبــل أنصاره
لســامـــره اجـــت مشايــــــة زواره

شــاف الكــون يمشـي وخنكتـــه العبــــره

6
ينــادي بعبرتــه يامـــن كصدتونـي
واسوني بمصابي الليلة واسونــي
على أمصيبة أبويه الغالي عينوني

بنوح ودمعة أبويه بهل مسه أنذكره



شطره
امجد صاحب الشطري

يالمهدي ثارك لا تنساه يالمهدي ثارك لا تنساه

1
ســامـره هـاي تنـدبـك اليـوم
من فجــروهــا نزفـت همـوم
هل الفاجعـة بينــه يمعصـوم
مـــاتنســــــي للمــــــــــــوت والله

2
جفوف الغدر مابيهـا كل خيـر
باجـــر جهنــــم الهـــم تصيـر
والسبب بهل الحضـرة تفجيـر
رب العـــرش بالمـــوت جـــــازاه

3
شنهـو ذنبهـم هــل الإماميـن
يتفجـــــرون وتنظـــر العيـن
كافي احملـو هم من السنيـن
ســم وغــدر حســرة وجفــه وآه

4
قبــة أبـــوك أتفجـــرت ليش
خاطـر قضية حسين متعيش
يالمهدي عندك بالشدد جيش
يايـــوم تظهــر يرخــص أدمـــاه

5
للذلة صحنـه بصـوت هيهات
عاش الحسين وكل ظلم مات
للعسكــري وللهــــادي إثبات
هـــذا العهـــــد بالمــــوت قلنــــاه

6
رادونه نخضع والسبـب جان
نعشك علي ومـاعـدنـه خذلان
خل يسمعون أصحاب الأوثان
حيـــدر نمـــوت ونحيــــا ويــــاه



7
مايرعبونه أجيوش الارجاس
عدنه الحسين وعدنـه عباس
والعنـده فاطــم يرفــع الرأس
بالدنيــــا أم حسيـــــن ترعــــــاه

8
رغـم التأمــر رغـم الإجــرام
أنصار احنـه ومانطــخ هــام
لأجـل ثنعـش معصـوم خـدام
والشيعـــي كــــل إمــام يفــــداه

شطره
امجــد صاحـــب الشطــــري

زهت ارض المدينة برسـول الله نبينه
محمد يامحمد


1
نزل وحي الرسالة من سمه بارينه
بخبر مولد رسول الله النبي هادينه
مثل ضي الكمر أشرق جمالة علينه
هلا وكل هلا صحنـه وعلّيه صلينه

نعم هاي الولادة اجت خير وسعادة
محمد يامحمد







2
ملائكة السمة وأهل الأرض مسرورة
نعم وتشرفت مكة بكماله ونورة
محمد أول العالم توضّح دوره
ورغم انف الشرك بخلاصه خط دستوره

سك درب الحقيقة وعلي حيدر رفيقه
محمد يامحمد
3
تحطم كل صنم خاوي ودنت أجاله
ومسار الحق أبو القاسم بنه آماله
نبي الرحمة اليحبه هذا ألف هنياله
نعم والي يبغضه مو قبوله إعماله

النبي الأمي الرسالي فــلا غِيــره حلالي
محمد يامحمد

4
بقدومه أهل الجهل وأهل الشرك حيرانه
صدمها بجيته وكسرى أنكسر إيوانه
أبو طالب ينادي ياهلا من جانه
محمد حامل الراية وعلت بسمانه

محمـد من أساسه عظيم وعالي رأسه
محمد يامحمد
5
محمـد آية الله وهم لسانه الناطق
محمـد رحمة الله ومايعوفه العاشق
تزامن عيده هليلة ويعيد الصادق
بحفلنا نفرح ونحرق قلب كل فاسق

شيعي ابعث سلامك لمحمد والامامك
محمد يامحمد

بغداد
امجد صاحب الشطري

الــف الصــلاة والســـلام علـــى محمد وآلـــه



1
أهــلا وسهــلا بيـــك يا أبـــو الزجيـــة
جيــت واجانــه الخيــر هــاي المسيــه
مانهــدي باقة إزهـار وشمعـه ضـويـه
بجيتــك نقـــدم أرواح أفضــل هـــديــة

الــف الصــلاة والســـلام علـــى محمد وآلـــه

2
يالمصطـفى ابهـل يـوم جينـه وحضـرنه
أبعيــدك يسيــد الكـــون كلنـــه احـتفلنه
شمـع الفـرح معلـــوك ويضحــك وردنه
طافـــي الكمــــر خجـــلان أنــت كمـرنه

الــف الصــلاة والســـلام علـــى محمد وآلـــه
3
طيـر العشــك بالشــوك بالعيـد أجانـه
وبأعــــذب الإلحـــــان غنــه بحنانــه
بجناحــه شــده يــاس عطــر هوانــه
يالهـادي حتــى الطـيـر يفـرح معانــه

الــف الصــلاة والســـلام علـــى محمد وآلـــه

4
قبــل الــولادة بيـــوم بانـــت عـــلايــم
نـدري احنـه باجـر عيـد عنـد العـوالـم
بيـنـه الفــرح مــن حـان هبـت نسـايـم
وصـار المحـب ملهـوف ولعيده هـايـم

الــف الصــلاة والســـلام علـــى محمد وآلـــه


5
يمـــك يـريــت اليـــوم نقـــرأ الـزيــارة
والعاشـــك مـــن أيـزور تطفيلـه نــاره
للقبـة تــربي العيــن وأعلـــه المنــارة
وقبـرك رســــول الله نشبــك مـــــزاره

الــف الصــلاة والســـلام علـــى محمد وآلـــه

6
هنيالــه كلمــن جــــاك يمــك يطــوفك
يــم حضــرتك يــرتــاح لمـن يشــوفك
مايقــدر أيجافيــك ساعــــة ويعـــوفك
يقرا الدعاء ويشــوف زحمة ظيــوفك

الــف الصــلاة والســـلام علـــى محمد وآلـــه

شطره
امجــــد صـــاحــب الشطـــــــري

عدنـه هـب الياسمين شل الخبـر يامؤمنين
علينه هلّ طه الأمين غــــالــــــــي



1
وش الصار أنظر بعيني سمانه كمرة
يعشـاك آنـه بإحساسـي معانـي كثره
بشــارات زمــزم وكعبــة ولادة تقره
محمــد ينــزل علينــه نبينـــه بشرى

دنيــا مابيهـــا غيــوم ضحكت أفراح النجوم
هـذا يـوم وأحلـى يوم تالــــــي








2
ابتهـالات غنـت الدنيـا ضـوت سماها
فراشـات طشــت بوجه النجم ضواها
أغاريد من طيـور الحب وصل صدها
تنـادي مرحبــا وكــل الهــلا بـــــ طه

نــور بجيتــه الوجود أتعطـرت منه الورود
هل النبي رمز الخلود والــــــــي
3
أجـه الخير والفـرح علينـه ربنـه عاده
والأفلاك من سمه الود أمطرت سعادة
نهنيـــــك ياعلـــي هليلــــــة بالــولادة
نبينـــــه للإمـــــام المهـــــدي امتداده

سيد أصحاب الكساء مانطـق عـن الهواء
صادق وكلشي احتواء عالي



4
بالعيــون موطـن الرحمـة وضــع هلاله
والنجوم خجلت امن حساسة من جمالة
بالإصرار جف أبـو العتـرة حمل رسالة
محــمــد هيبتـــــه مـــن هيبـــة الجلالة

منقذ وجفه كريم لهادي رحمة من الرحيم
عمه الشيطان الرجيم والي

5
نبينـه أنـت شجــرة وبالسمــه فـرعها
الزجيـة أول المــــــولــــدة مــن نبعها
وأبو حسين شاركاها وبالفرح جمعها
أئمة مـــن علـــي أخـذت ورث طبعها

فاطمـة وسيد الأنام أو اثنعش نور وإمام
من اجت خير وسلام امالي

6
اجينـاك ياحبيـب الله وإلك حضـرنـه
موليــن والـورد بـدينه يضحك ألنـه
فكـل عـام هـذا ميـلادك يسـر حفلنه
هلا بيـك هـذا يــوم بالعشـك جمعنه

كل سنة وأنت الحبيب للقلــب تبقــى قريـــب
للجــرح اسمـك طبيب تلالي

بغداد
امجــــد صـــاحــب الشطـــــــري

شلــون هليلـــة أغمــض عيونــج
فاطمـــة بيا حــال أعيـش بدونــج
أغلى عمري ومني راح
يمتـه أمــوتـن واستراح
يالزجية

1
آنــه حيــدر والله مكــــدر أصبــر أكثـر يالوديعة
كلج جروح ضلعج ينوح طلعت الروح بالفجيعة

هـي يقضة لو حلم من عندي ترحين
كون مني مكسرات أضلوعي الاثنين
آنــه أموتـــن فاطمـة وأنتـــي تظلين
يـم حسـن جنـازة بيـه لقبري تمشين

عــــازه الأحبــــاب الهـــم عـازه
شلي بعمري وأنتـي يمـي جنازة
جبـل حيلــي وكلــه طاح
يمتـه أمــوتـن واستراح

2
قلبـي صابـر وكفت حايـر شلون باجر يـاحسرتي
أنتـي وردة وقلبي وحدة عندي شـده لو رحلتي

هــو شيفيــد الـورد لــو راح عطرة
تيبس أغصانه وبعدها يموت جذره
هـذا آنــه المنكسـر بالفركـه ظهـره
والله مــاريـد العمــر بعــدج يزهره

ثاني مـرة اليـوم أودع غــالــي
للنبــي وللزهــرة عينـي تلالـــي
سمعــت النـاس الصياح
يمتـه أمــوتـن واستراح
يالزجية




3
والله صعبــة كلشي غربة مالي رغبة بعمري كله
تجري عيني يــــاحنينـــي كـل سنيني ويـاج تحله

أحنه صح أثنين بـس بـروح وحده
مثـل فــاطـم بالخلايــق ياهـو عنده
خالــي يالزهـره مكـانـج من أصده
فــارغ ومحــد بعــــد عينــج يسده

جنتي شمعة وضاويه بنص بيتي
هسـه ظلمــة صــار مــن مشيتي
بعمري ماشـوف أرتياح
يمتـه أمــوتـن واستراح
يالزجية




4
البيت خالي مابكالـــي شو تعالــي رحمي حالي
حسين واخته يبجي شفته ياحسرته الفكـــد غالي

شنـو حـال حسين لمن مـاتت أمه
ياحنـان الـدافـي بعــد أمـه يضمه
راحـت وليل المصـاب يحيـط يمه
هـي وصـت زينـب بصدره تشمه

زينب ومهــرة مـــن اتجدمينـه
شمــي نحــره وقبلــــي جفينـه
رأسه يعلي أعله الرماح
يمتـه أمــوتـن واستراح
يالزجية




5
كـون أمـوتن ولااشوفـن دموع يبجن وضلع نازف
ونـار كبرى واشد عصره وصوط زمره ونذل واكف

بوجهي يضحك كلي انه عصرت الزجية
ورفستهــــــا وشعلــــت نـــــاري بــدية
كتلـــه لـولـه المصطفـى وذيـج الوصية
جـــان مـاتكــــدر علــــي كــــــل البرية

الـوصيـــــــة الكيـــــدت فقاري
جـان تحلـم أنـت توصـل بداري
منـــي ميطيـــب الجراح
يمتـه أمــوتـن واستراح
يالزجية





6
صرت وحدي منهو عندي كلها ضدي شكد عجيبة
خلص عمري انكسر ظهري الله يدري بــــالمصيبة

كمـت يا أم الحسـن من أدخل الدار
أمسح الحايـط بـدية بسيـل الاعبار
أنظـر البــاب الثكيلـة وأذكــر النار
ولطمه بعيونج يزهره وأثر بسمار

وره الحايـط ضلـــع يتراوالــي
والنذل بالصوط أشوفه كبالــي
وأنكســـــر منـــــي جناح
يمتـه أمــوتـن واستراح
يالزجية

بغداد
امجد صاحب الشطري

قـسمنـه بشرفنـه بخدمتج وفــايــة

1
كـل أحنــا يالزهــرة مـــانتــرك العبــرة
وبمجلســــج نقــره والدمعـــة تروينــه
تلكينــــــه لطامـــه ويـدينـــه عـلقامــه
واليكسـر اعظامــه هم ينطي ألج عينه

هل الشعور بدمنه يــزهـرة يــزهـرة
والــــذي يـمنـعنه نحـــذره نحــــذره

ضمايــر مشاعـــر تــوافــي بحجايــه





2
بالماضي والحاضر أسمـج نجــم صاير
خدامـــــج أتفـــاخر بكل مجلـس تعاهد
يالزهــــرة نتمنـــه ينـزف حبـر دمنـه
نصطف نعم كلنــه واحــد وره واحــد

ولـــدج تعرفيـهـــا عــوابس عــوابس
لـلأبـــــــد تحيهـــا المجالس مجــالس

المجالــس مــدارس نجيهــــا مشايــــة
3
اليبجي بإحساســه وحبـــج بـأنفاســه
عالي يظل رأســـه يتفـاخــــر بحبــــه
كل أحنـه هم مثلـه بخـدمتنـــه نتعلــه
المايرضــه بالذلـة احروفـــج بقلبـــه

كل عمرنه ابابـج محبيــــن محبيــــن
مانعوف مصابـج والحسين والحسين

أمـــــــانة بـــدمــانه وبـــدينـه هل الراية
4
كـل دمعــة نجريهــا أنتـــــي التسجليهــا
مـــذخـــورة خليهــا تنفعنــــه بالمحشــر
لــو نتــرك الخدمـة مـانشعــــر بنعمــة
لكـل البشـر رحمـة هاذي أنتي يم زينب

أنتـي يـوم المحشر هــوية هــوية
واكفه أعله الكوثر زجية الزجية

يحــوراء يزهــراء جفوفـــج عطايـــة
5
نقسملــج بحيـــــدر لـــو كلنـــه نتــــوذر
عنـــــــج منتكتــــر عــن أسمـــج أندافع
اليبغضـــــج مـــرة مـايــربــــح بعمــره
تعثرينــه يالزهــرة هـــــذا هـــو الواقع

وينــــه اليـــلاوينه نريـــــده نريـــــده
نخلي أصبـع بعينه ونبيـــــده نبيـــــده

على موت نجي نفوت تره احنه الشرايه

6
باجـر يجـي المهدي وبهــل البــدع يبدي
بركب النصر يحدي وقبــرج نجـي يمـه
والحضــرة نبنيهــا ورايــــــة نعليهـــا
جلمتنـــــه نوفيهــا وترابـــــج نشمـــه

نقرالـــج المقتــــل مــن أنـزور مــن أنزور
ونلطــم ولانخجــل على صدور على صدور

بحضرتج نذكــرج نســـوي اقــرآيه

شطره
امجد صاحب الشطري

يالشايل الجنــازة عازتها أمنه عــازه
محد جبـــر كسرهـا
حيدر حفـــر قبرهـا

1

ريــض يشيـــال النعـــش تانينـــه
ويـــاك نمشـــي للدفـــــن خلينـــه
عالفركه تدري وعالهجر مابينــه
أيتـــام صرنــه والضلــع ماذينــه

منهــو بعــد يلمنه والليلة ماتت أُمنّه
عمر الورد عمرهـا
حيــدر حفـر قبرهـا



2
هــاي الجنــازة العــل متن شايلهه
بهيــده وســـط ذاك اللحـــد نزلهه
أمنــه الحنينـــة راح نشتــاك ألهه
جــم حيــل هاي الفركـة يراد الهه

مــات الأمـــل بعدهـا وازرق أويلي خدهـا
مــاينخفــــي أثرهـا
حيــدر حفـر قبرهـا

3
بـس العزيــز يــروح مــن دنيانـه
وعيونـه تظـل عالحـزن سهرانـه
امنه عمـرها اثمنطعـش ريحـانـه
ويانـه أمـس واليــوم مــو ويانـه

جفوف القدر شجاها تأخــذ الزيـــن وياها
بسمار اكو بصدرهـا
حيـــدر حفــر قبرهـا
4
هواي الزمــن ام الحســن آذاها
وفوك الزمن جف النذل صاباها
امنــه الحبيبــة الغاليـــة بت طه
دافنـــــه يالجنـــاز كـــون وياها

بيده كســـر ضلعها
فوك الكسر صفعها
ويلي بحقد عصرها حيــدر حفــر قبرها

5
الراح مــن عدنــه بعــد شيرجعه
ظلينه عل آه والحــزن والدمعة
ضاكت عليها الليلة امنه الوسعة
خلص عمرنه نبجي ونوج شمعة

دار الأهـــل غــريبة
وحشة على الحبيبة
والماعرف خبرها حيدر حفر قبرها

6
باجــر مــنو اليرحمنه ويحامينه
أيـــام ســودة باجـــر أتمر بينه
الحسـن ينســم جبــده ويجافينه
وحسين عاري والعده مقطعينه

وأم الخـــدر سبيه
وجف الكمر رمية
بيدة الشمر يجرها حيدر حفر قبرها


كربلاء المقدسة
امجد صاحب الشطري

فاطم يفاطم وا ويلاه

1
ضلعج وسافة الليلة كسروه
ينزف دمه يالزهرة خلوه
خد الطهوّر بحقد سطروه

هذا الفعل هيهات ننساه

2
والله هضيمة يم الحسين
ضلعج كَسّيّر وسطرة بالعين
حكج يزهرة من تنوحين

صاح الضلع آه وألف آه

3
محسن وكع يم عتبة الباب
وأنتي ندهتي وين أبو تراب
أحضر يحيدر شوف الأجناب

شوف اللعين ومنهو وياه

4
بالدار لمن شبت النار
دفعو عليج الباب الأشرار
بصدرج أويلي نبت بسمار

وفوك التراب اتفايض أدماه

5
يالزهرة جفنج من وكت نام
وظلت وراج تنوح الأيتام
بعدج صفت مذبوحة الأحلام

وجم يتيم الدمع اذاه

6
يم الحسن للموت وياج
هيهات احنه بيوم ننساج
بدمانه يبقى ايعيش ذكراج

ماننسى حزنج أبد والله

بغداد
امجد صاحب الشطري

مظلومة يزهراء مهمومة يزهراء
محرومة يزهراء مهضومة يزهراء

1
كاتب فوك الجبين ماعوف العزيه
عمري ودمعة العين فدوه للزجيه
لا ماوافي للموت لو كطعت أديه
قلبي لهذا المصاب مشغول بونينه

مظلومة يزهراء مهمومة يزهراء
محرومة يزهراء مهضومة يزهراء

2
بثوب اسود أجي زحوف واتعنه المآتم
واهتف لام الحسين خادم وأبقى خادم
ناذر كل السنين لأجل الزهرة فاطم
لآخر لحضة وياج يابضعه نبينه

مظلومة يزهراء مهمومة يزهراء
محرومة يزهراء مهضومة يزهراء


3
فاطم سرها مكنون بس عند الله سرها
هاي الدنيا والكون مخلوقه البدرها
افخر من يكولون خادم تحت أمرها
كون عليه ترضين يازهرة الحزينة

مظلومة يزهراء مهمومة يزهراء
محرومة يزهراء مهضومة يزهراء

4
فوك الراية خطت جلمة وبيها غاية
فاطم بالبداية وفاطم بالنهاية
شما بيه الزمن دار بالهم والرزايا
عمري بوجه الأخطار ماترجف سنينه

مظلومة يزهراء مهمومة يزهراء
محرومة يزهراء مهضومة يزهراء

5
لو ظل بالعمر يوم أحيّها الشعاير
شيعي ورافع الرأس بالخدمة وأفاخر
اسم الزهرة للموت يعله أعله المنابر
فاطم باجر تصير للخادم سفينة

مظلومة يزهراء مهمومة يزهراء
محرومة يزهراء مهضومة يزهراء

6
بس اليملك إحساس والطاهر حليبه
يذكر عملت الباب ومصاب الغريبة
ماتطفه بهل القلوب نيران المصيبة
لمن صاحب الثار يظهر بالمدينة

مظلومة يزهراء مهمومة يزهراء
محرومة يزهراء مهضومة يزهراء

شطره
امجد صاحب الشطري

ياهي المنهن أصعب ياضوه العين
منك ردنه الجواب
لوعة عمتك لو ذبح الحسين
لو ضلع الذي أنصاب
مـن ياجرح تختار رد ياصاحب الثار
منك ردنه الجواب


١
منين نبدي وياك ياشبل الحسن
والسوالف كلهن هموم وشجن
قلوبنا من الضيم مايتحملن
وأنت قلبك للحزن صاير وطن


جبت عمرك حزن طول الدهر مالوم
مجلس عندك أعله أحبابك أبكل يوم


الله يعين قلبك شايل جروح
وجفك لحضة مانام
خلصت العمر بس تبجي وتنوح
أبالك حرق الخيام
بيك شخلت النار رد ياصاحب الثار



٢
نسألك يالمهدي بدموع النظر
منهو أكثر جرح خلاك بخطر
ضلع أمك حين بالباب أنعصر
لو ضلع جدك حسين إلي أنكسر


ضلع واحد من أمك فاطمة مكسور
بس أنكسرت ضلوع بشهر عاشور


واحد وره الباب بغدره عصروه
منك مآخذ الحيل
وجم ضلع بحقد لحسين كسروه
لمن داسه الخيل
عندك علم بالصار رد ياصاحب الثار
منك ردنه الجواب



٣
ماتصح مثل الحسين مصيبته
ضلـع فاطـم خيلهـم ماداسته
أنذبح دين الله وي كطعت ركبته
يابشر تمثيل صار بجثته


أمك فاطمة بليل دفنوها
وجدك بالحصيرة اوصاله شالوها


منو مثله أنذبح يم نهر عطشان
ويلي وماشرب ماي
وبصدره ازدحام السيف والزان
أنت اعرف يمولاي
لابد عندك أخبار رد ياصاحب الثار
منك ردنه الجواب



٤
بعد موقف نحجي عنه يل أبي
زينب وحسرتها ودروب السبي
لامره أبحزانها ولا بنت نبي
تكفي وكفتها أعله تل الزينبي


مصايب كربله بس هي حملتها
زينب شيبت من فركت اخوتها


نبدي من الخرابه وهضمة الشام
لو من حجي الظلام
هـاي أم المصيبـة وأم الأيتام
شسوت بيها الأيام
من اتهل الأعبار رد ياصاحب الثار
منك ردنه الجواب


٥
يمته تظهر تطلب بثار الضلع
وثار رأس حسين ذاك المنكطع
نريد يم قبر الزجية نجتمع
بالصحن ونسوي مجلس من دمع


هاذي أمنيتنا سيدي هايه
متى بصحن الوديعة نسوي القرآيه


يمته نشوف قبة أم الحسين
ونصد للمنارة
وأنت ويانه تمشي لام البنين
تقراها الزيارة
يمته نزور الأقمار رد ياصاحب الثار
منك ردنه الجواب

شطره
امجد صاحب الشطري

ياهـلــــي ياهـلــــي
ويـــن عفتـونـي ومشيتــو (ياهـلــي ويـــن)
أنتظـركـــم لــــو بعـــد ما أنتظـر
روحي يمكم وآنه ماعندي صبـر

1

أنتظركـــم ماتجــوني
آنــــه أمكـــم فاطمـــــة آنــه أم البنين
الأجل حان وين عباس
وين زينب قمت اصيحن وين الحسين

مقــابلـه تابوتـــي وأبجـي وأنتظــر جيت هلي
عالـدرب روحـي تناطـر مأيسـه تالـي ترد إلي
البيت موحش وآنه وحدي شرد أجاوب سائلي
قلـي حيــدر وينــه قتلــه بالنجـــف نايـــم علي

منهو إلـي منهو إلـي
عيوني مشبوحة أعله أهلها (وغمضت العين)
مـــو ردتكم بـس تحفـرولي قبــر
روحي يمكم وآنه ماعندي صبـر


2

غربـة وجـروح صاحـت الـروح
ليش من دون البشـر ماعندي غالي
حتــى بالطيــف يهـــــل القبـــور
ماتجـونـي وماتحنــون أعلـــه حالي

وآنـــه كــل تفكـري بيكـم كلهــم أذكــركـم سوه
انتو أعز من ماي عيني وأعز حتى من الضوه
مــن أزورن غالـي غالـي وأقـره آيـه قـل هوه
أرسـل جروحـي وعتـابـي ويـه نسمـات الهوى

منهلــي منهلــي
يكتــب بخــــدي رسايـــــل (ويــن الأحبــاب)
مــــاشفتكــم والدمـع ينـزل جمـر
روحي يمكم وآنه ماعندي صبـر


3

بحسـرة ظليـــت وأنظــــر البيــت
كـل مكــان ألبــي أثـــر منكــم أشمـــه
يهلــي الأحبـاب رحتــــو لاويــن
صرتو ذكره بكل نبض ذابحته لجمــه

بكل زوايا البيت أنظـر ويعصـر بـروحي الألم
ساعة أشـم عطر المحنة وساعة دخان الخيم
ماشفت بالخيمة زينب مـن وكـع راعـي العلم
قـــالـــو بيــن العساكــر قامــت أتلـــم بالحرم

والولـي والولـي
مسلـب وزيـنــب أسيــرة (بـعــد الحسيـــن)
والهضمكم بالأشد خولـي وزجـر
روحي يمكم وآنه ماعندي صبـر


4

ساعــة المــوت أذكرت الحسيـن
حـرت ياموقـف اسولـف بـي وأذكره
حــــرق الخيــام؟ ركضـت الخيــل؟
لو شمـر بيـده يضربه ثنعــش طبـره

لعبـت الخيـل أعلـه صـدره بالحوافـر سحكته
وبالسهـم طلعـوا جبــده وحتـى قطعـو ركبته
كــون عينــــج يــالعقيلــة عالتــرب ماشافته
مقطعينــــه وصــال ويلـــــي أمثليـــن بجثته

معتلــي معتلــي
فـوك رأس الـرمـح رأسـه (وظهـره مكسور)
ودعَتكــم بــــلا نحــور أم الخــدر
روحي يمكم وآنه ماعندي صبـر


5
تغيــر الحــــال والدمع ســــال
ثكل شوفي وبقت بس لحضات أخيرة
أنـــه بتابـــوت وقبـري محفور
عمـت عينـي حسيــن لمـوه بحصيرة

كون آنه أنقطع نحري وصدري بالخيل أنحفر
ولا أبـن حـذلـم يجينـي أيقلـي مقطــوع النحر
ردت أرتــاح بمنيتـي والتقــي حسيـن الضفر
أرد أشوّفًـه جـروح قلبـي وشعمـل بيـه الدهر

مبتلـي مبتلـي
قلبـي مـن شوغـات دهـري (وبـألـم مــات)
أفتقــدكــم مــــاردت منكـــم عـذر
روحي يمكم وآنه ماعندي صبـر

بغداد
امجــــد صاحــــب الشطـــــري

توجهت هالليلــة أزورك ياحسيـــن
آنــــه أمـــــك فــاطمـــة أم البنيـــن


1
توجهـت ورفعـت أديه ودرت وجهي لغربتك
قبـــل مـاتـنـــزل منيتــي أرد اشمـــن ريحتك
ردتــك تغمضلـي عينــي وتعتنيلـي بحسرتك
أرحــم بحــال الغريبــة بسمــك شكـــد نادتك

قلبــي يحسيـن شكثر شايـل حنيـــن
آنــــه أمـــــك فــاطمـــة أم البنيـــن

2
ردت آخر مرة أشوفـك حيل قلبـي أشتاق إلك
عالسمــه وعالكـاع عينـي وبالنفــس أتخيلك
هيجـــي وتسيّر عليـــه وآنــه يمّــه أستقبلك
شلـون راح أتعـود إليه وتوني اسمع بمقتلك

بالحلــم ترجعلــي وتعــود السنيـــن
آنــــه أمـــــك فــاطمـــة أم البنيـــن

3
عينـي عــالبيبــان تربــي والهضـم بيــه بده
كمت أصيح حسين وينك شوف حال الوالدة
صحـت ياعبــاس يبنــي والـدمـع مثـل النده
ليش خليتوني وحـدي قلبـي منهـو يسـاعده

حتـــى لو تحضـر إليــه إبـــلا أديـــن
آنـــــه أمـــــك فـــاطمـــة أم البنيـــن

4
روحي رفـت من جسدها وقالت أخذيني اله
ما أريـد اهنانـه أمـوتـن أرد أمـوت ابكربله
كون قبري يصيـر يمك حتـى قبـرك أوصله
مــا أريــد أبتعـــد عنــــك البُعـــد مـا أحمله

أنــدفــن ياريـــت بيـــن الحرميــــن
آنــــه أمـــــك فــاطمـــة أم البنيـــن

5
تـدري مـن يوم العفتني جبـدي نصيـن أنشرح
وضامري بشفرة وداعك من رحت عني أنجرح
كتلــي راجعلــج يطيبــه وقلبــي حسيتــه فرح
تالــي ماتالــي ابـن حـذلـم راجــع يكلـي أنذبح

كلـي كطعـو نحره ونصــاب الجبيـن
آنــــه أمـــــك فــاطمـــة أم البنيـــن


6
بيــن آفـات المصـايـب والحــزن راح العمر
شنتظـر واليـوم مــوتـي منهـو يحفرلي قبر
الله لاينطـــي يـــزيـــد والله لاينطـــي الشمر
خذو مـن عنــدي ييمـه نحـرك بــذاك الظهر

يــوم عاشــر كــل هـلك متكطعيـــن
آنــــه أمـــــك فــاطمـــة أم البنيـــن

شطره
امجد صاحب الشطري

يازهراء يازهراء يازهراء يازهراء


1
أشرق وجه مصباح ضوه بسمانه
نور الزجية اليوم حاضر معانه
خل تنظر العذال وتشم هوانه
عطر الجنان يفوح شرف جنانه

يازهراء يازهراء يازهراء يازهراء


٢
أسعدنا رب الكون في هل الولادة
بهذا الفرح والعيد شرف عباده
والليلة بأجمل نور بارينه عاده
في كل سنة وكل عام تنزل سعادة

يازهراء يازهراء يازهراء يازهراء


٣
صحنه بعلات الصوت وهتفنه كلنه
يامرحبا بهل العيد نوّر حفلنه
لو وجودج جان كل احنه ضعنه
شاء الله بالأفراح جفج يلمنه

يازهراء يازهراء يازهراء يازهراء


٤
مولاتي جيتي اليوم رحمه أنتي للناس
والعنده مثلج كون مينزل الرأس
يلي أسمج أنتي يدور مابين الأنفاس
هذا العشك بالروح وشكبره ينقاس

يازهراء يازهراء يازهراء يازهراء


٥
ندعي بصلاة الليل بضعة نبينه
نجينه يا زهراء واخذي بأدينه
يوم الحشر ندريج أنت السفينة
فوك السراط أنسير وتعبرينه

يازهراء يازهراء يازهراء يازهراء



بغداد
امجـــد صاحـــب الشطـــري

عطر الورد مر بينه يــزهــراء
هليلـــــة نــــورتينه يــزهــراء
تستقبلج ورداتي مولاتي يامولاتي


1

صلـوات هـل الفرح مـر بينـه
لأبــو حسيـــن للنبـــي هنينـه
بالعيــــــاد فاطمـــــة التمينـه
والشمــــوع والـــورد بيدينـه

والهــــلاهـــل بالمحافل بالسعـــادة
جينـــه كلنــه واحتفلنـــه بالــولادة

نورج ضوه بدنيانه يـزهـراء
صاح الورد بلسانه يـزهـراء
منج خذت بسماتي مولاتي يامولاتي



2

الخدم صاح من صميم إحساسه
يزهـــــراء والاســــم بـــأنفاسه
البقـة اويــاج عالي رافع رأسه
ولا طــــــاح لا تهــــــدم ساسه

كل حياتـه لحد مماتـه بخدمتج صار
كل موالـي أسمـه عالي وي الأحرار

والــي نطـاج عيونــه يـزهــراء
ميهمـــه اليحسدونــه يـزهــراء
راخصهن اعويناتي مولاتي يامولاتي





3

بشارات مـــن القديــر العالي
تصاريــح عـن لســان الغالي
محمــد شفنــــه نـــور ايلالي
يجبـــريــــل فــرحــــت دلالي

هاذي زهرة أحلـى بشره نزلـت اليـوم
ضي شمسنا وي قمرنا أتغازل أنجـوم

بلـــــغ الـــه جبريلـه يـزهــراء
فاطم تجيب هل ليلـة يـزهــراء
والعيد باجر آتي مولاتي يامولاتي





4

الأمـلاك والحــــواري وياها
ابتهـــالات للنبــــــي تقراها
الفراشات تفتـــر اشمحلاها
المهنيــــن حيـــــدر اتلكاها

بيج أملنـه أنتــي جنـة بعيـن الأحباب
وياج فزنـه ماخسرنــه بيوم الحساب

واحــدنا صـايــر عابس يـزهــراء
عدنــا بخدمتــج واهس يـزهــراء
مو عن طمع غاياتي مولاتــي يامولاتـــي





5

يمحتــاج حــاجتـــك مكضية
تنجيـــك مـــن تصفــي النية
اكف صيح نظرة أريد أعليه
تحضـــرك فاطمـــة الأنسية

لايهمـــك هـــــي يمــــك بالشدايـــد
من تحضرك هذا دهرك خل يعانـــد

وكت الشــدد ناديهـا يـزهـراء
للمــوت رتـــل بيهـا يـزهـراء
بالشرف تسبيحاتي مولاتي يامولاتي





6

مواعيــد والمجالـــس كثـــــرة
محبيــن كلهــم تطلـب نظـــــره
تقصــــرين لا أبـــد يالزهــــرة
عشكنــاج والعشـك عالفطــرة

احنه قلنه أنتي املنا وماتقصريــن
هذا حبنه وكل فرحنا لام الحسيــن

أهل العشك مشغولـة يـزهـراء
بالفرحـة والهلهولـه يـزهـراء
بيج أعلت صيحاتي مولاتي يامولاتي

شطره
امجــــد صاحـــب الشطــــري

لاتحير ولاتميـــــــــل لو شفت حملك ثجيل
بالحزن هلّ الدمـــوع واقصد السبع الدجيل
_______________________
1
لاتهــــم للدنيـــا لــــو يثكـــــل حملها
هاي دنيــا زرعــت وحصــدت فشلها
هلّ دمعتك واطلب الحاجة امن أهلها
شدتـــــك سبــع الدجيـــل الـي يحلها

انحب بذاك المزار ريحته القلبك وقار
أنت ماعندك خيار فجر بقبره المسيل
2
هذا بــاب الحاجــة ماخــــاب اليقصده
كلمـــن أيـــــدك بابـــه صــدك مايرده
طـوف قبـره وزوره يـل طايـح بشده
هـــذا سيــــد محمــــد الكـــــرار جده

هذا من نسل الحسين هذا ابن طه الأمين
جده سيـــد الساجدين شما قلت عنه قليل
3
قلـــه جيتــــك سيــدي ودكيـــت بابك
شايل همومـي وسجــد قلبــي بعتابك
اقســم عليــك بعلــي وليلـــة مصابك
تأخذ امن أيدي وأريد اسمــع جوابك

اقسم الزهرة عليــــك خلني خادم بين أديك
سيـــــدي واتباها بيك يبن حمــــاي الدخيل
________
4
مــن تحضنــــه بلهفتـك أعلـــــن ولائك
تحـــت قبتـــــــه يستجـــــاب الله دعائك
قلـــه رايـــــد بالصحـن اعقـــــد عزائك
مـــن اجــــل تضحيتــك وللحــــق وفائك

اليلة انصبلك عــــزاء بالعـــــويل وبالبكاء
سيدي وأهــــل السماء مــابرد منها الدليل


5
وحيـــــن تطلـــع منــــه لاتنسى الغياره
بالنيــــــابــــة أدي للشيعــــــــة الزيارة
وأدعــــي للموعـــــود يطلع لأجل ثارة
يمتى ابو صالح يجي يـــــرجع الدارة

بالقنوت اشكي العذاب قلــــه قاتلنه الغياب
أحنـــــا يوميه بمصاب والفـــرج يم الجليل
___

شطره
امجد صاحب الشطري