الليلة تمــشي بسلامــة بسلامــة
مــن يراعــــي اليتامــة اليتامــة

1
ياعلــي شكــد هضيمـة وحريمــة
تـرحــــل وزينــــب أتظــل يتيمــة
أنـت جنـت الهـه يلغالـــي خيمـــة
طاحــــت الخيمــــــة يابــــو الإمــــامـــة

2
وحشـة دارك علـي وظلمـة دنيـاك
يمـــــك بحســــرة تنحـــب يتامـاك
رادت أتخلـــــص العِشــــرة ويـاك
بـــدونك أتحــــس علــــــي بالندامـــــــة

3
تنشـــــد الليلــــة كـــــل المساكين
علينــه مامـر علي جـا رحـل وين
ناده ناعي الحزن مات أبو حسين
واليتيــــم أنفجــــــع مـــــــن كلامـــــه
4
فاطمــة تبجــي وتنــادي حيـــــدر
زينــب أتقلــي راســـــك تطبـــــر
حتــى لــــــون العمامـــــة تغيـــر
بيهـــا طبـــــرة ودمـــــــاك العلامــــــة

5
بلحـــد ياعلــــــي لمـــــن أتنـــام
منهو يمسح علــى رأس الأيتـام
جيتــك ياعلــي بـــس بالأحـــلام
والقــــاء نــــــدري يــــوم القيــــامــــــة

6
تدري جبد الحسن تدري ينصـاب
وكربلــه تبـدي بعــدك يبو أتراب
العقيلـــــة اشكثـــر تفقـــد أحباب
والدهــــر بيهــــا يرمـــــي سهامــــــه





7
باجـر أوليــدك أتذبحــه عــدوان
والخيــم تلتهــــب بيهــا نيـــران
وزينبك حايره وعدها رضعـــان
تنسبــــي وتوكــــع بجـــــف ظُلامــــــــة

8
ياعلـــي الشيعــة أمســت حزينــة
كــل مسيّــــه وصبـــاح اندعينـــه
يمتـــــه مهدينـــه يظهـــر علينــه
عالظلــــم سيــدي ايســــل حُسامـــــــه

شطره
امجـــــد صاحــــب الشطـــــــري

ياجفــن أصحـــه لزمانـك لاتنـام
تدري بالسم باجر أيموت الأمـام
آخــر أيــام العمر تنتهي بهم وهجر
ينحفــر ذاك القبر
ياهضيمة

1
يـاجفــن أصحه لـزمانـك ياجفــن
وأستعد شوف المصايب والحزن

من أبو الكاظم بـقــت ساعات أخيـرة
ينفطـر جبــده وتعيـش بروحه حيـرة
هــو شالـوه بنعـش مـن حـل مصيره
مـو مثــل جــده البقـه بـلايه عشيرة

مثـل أبو اليمه أبو الكاظم شهيد
ويلي بس مامات محزوز الوريد
مابقــه بــلايــه خيم ولاذبح طفله السهم
ولا سبـو منـه حرم
ياهضيمة

2
لـون واحــد يمــه يذكــر كــربلــه
يذكــر الطـــف والعـذاب بأكملــه

مقتـــل العبــــاس لـــو يمــــه نذكـــره
بلا شعور أينوح ويـــدق أعله صــدره
حسين جدي يصيح ليش أنقطع نحـره
وبالصحــاري حايــره عمتـــي الحـرة

لا خدر لا خيمة عـدها لا كفيـل
وين تركض عمتي والدنيا ليـل
شافــت هموم وجرح وقلب ضامي ومنذبح
ورأس مرفوع برمح
ياهضيمة




3
الصــادق شكـد عاشـر الهـم وألـم
تالي ماتالــي مـن أيديهــم ماسلـم

ماسلـم جبــده مــن جفــوف الاليمــة
ارتكبت أصحاب الغدر أبشع جريمــة
غــدرتـه ومـارحمتــه والله هضيمــة
صـارت الحـوزة بعــد عينـــه يتيمــة

آيـة السجــدة نعــت والقــل هــوه
والفقــه اظلـم بقــه بـلايــه ضـوه
موتـــه هليلـــة نزل حايره جفوف الأجل
من الأمل غاب الأمل
ياهضيمة




4
راح والينـه وتــرك بينــه جرح
مثلـه للمـذهـب بعـــد لا مايصح

خبــر موتــه الناعـي هليلــة يذيعــة
ويــن عنــه حيـــدر وأمـه الشفيعـة
خــل يكعــدون ويشوفــون الفجيعـة
مــات واليكــم بعــد نوحــوا يشيعـة

مــن قبــل لاتنـــدفـــو وتـودعـوه
طوفي بي قبر الرسول أو زوروه
الصادق أصبح موضعه اكبــــــــال أم الأربعة
فاجعة يـــم فاجعة
ياهضيمة




5
هالمصايب صعبة ندري وجارحه
بالبقيــع أقبــور مابيهـــا أضرحة

يمتــــه نبنيهـــا ونعليـــــه المنـايــر
وقبـة الصـادق تطًيــّب منــه خـاطـر
يمتــه غايبنه يصيـر ويانـه حـاضـر
بـالبقيـــع بنفســـــه يستقبـل الزايـر

أمنيتنـــه نعتنـــي براحـة نـزور
وتعتلـي ذيـج القبب فوك القبور
يمتــه هاي ويازمن ينبـنـي قبـــر الحسن
تصير اله حضره وصحن
ياهضيمة

شطره
امجــــد صاحــــب الشطــــري

ياناعـي هــذا البنعــش كلـي منيــن
شايل مهابة فاطمة وعطر حسيــن
من قبري وأشتم ريحته
قــربهــا يمـــي جنازته

1
دمعي ظل ينزف نزف بالنعـش يمكــن عِرف
كلي باسمه روحي يمه قلبـي محتار
عليــه أنــت مكصـدك جيـت بـس مو وحدك
ويـاك ودام أهـل غِيـرة بدمع مدرار

علي متوجه أنـت وشايــل التابوت
من بيت الولي منهو اللفـاه الموت

أسمع نواعيـه ودليله مهضمــوم
ويكلي مات الصـادق بهذا اليــوم
أهل الحقد مارحمتـه
قربها يمـي اجنازتـه


2
شبي أبن حيدر علي هل النعش قربه إلي
بصدره حسرة بجبده جمرة بعينه عبره
بالله سـولــف قصته يـامصيبــــة الهدته
شنهـو صايــر هلمسيـــة وسلــم أمره

مثـل جبـد الحسـن هـم أنفطر جبــده
والتمـــت عليـّـــه شــدة بعــد شــدة

خلينـي أضمـه بالصـدر واشتـم بـي
من حكي الطم وانتحب وابجي عليّ
خليني أشارك محنته
قربها يمـي اجنازتـه



3

حفرهـا يمنـه حفرتـه حتــى تبــرد وحشتـه
مـانـريـده بعيـــد عنـــه كــافــي الإبعــاد
كـافـي فرقنـه الزمن كــل قبـر صار بوطن
أرض طيبة والنجف وارض أبو السجاد

بعــــد بغــداد عــدنـــه وأرض سامره
وبأرض طوس الرضا هم ينحفر قبره

مكتـوب أهـل بيـت النبـي ماترتاح
من الضلع للمهدي بس هم ونياح
الصادق يودع دنيتـه
قربها يمـي اجنازتـه


4

هو روحي وضنوتـي سولفــولـــه بقصتـي
لابو اليمــه هـي ضحــت أربـع بنين
لا بالفــــراك التـــوت ولا عليهــم دم بجــت
كل حزنها وكل ألمها بس عالحسين

كالولـه بشـر مـن جـاهـا ع أولاد
كالتنه بشر كلي أعله أبو السجاد

يدري بعـذابـي ومحنتـي وكـل ألاه
يدري الحسين بمهجتي وما أنساه
جانت إلي تصب دمعته
قربهـــا يمـي اجنازتـه



5
جم حبيب إلي انفكد بعــد شأتمــل بعـــد
عليه صعبة تموت غربة كل الأحباب
والمصايب ماكضن صارن بروحي وطن
والعجيبة انه ميتـه وجرحـي ماطاب

كل ونه الاجرها لغيبة أحبابي
يطلع قلبي مني وينهز أترابي

مثــل العقيلـة انـه أصبحـت بالإحزان
تجري دمعتي أعله الحسين العطشان
وحسيــن آنــه بحاجته
قربهـــا يمـي اجنازتـه

بغداد
امجد صاحب الشطري

يــم بـاب المــراد أم الحسـن يهمـل دمعهــا
بـأرض الكاظميـة فـاطمـة لـزمـت ضلعهــا
ويلاه تنحــب بحسرة
ويلاه وصلت الزهرة


1

هاي أم الحسن من اعتنت مدري شدهاها
أمــلاك السمه نـزلت سـوه تركـض ورآها
نصبــت منبـر وحيـدر تـرك جنتـه واجاها
ولفقـد الجـواد بهـل المسـه شـارك عزاها

يـــم المنبــر تحــن وتـون حيــدر سمعهــا
سبـّاحــة قلبهــا يـاوســـف ظالــم كطعهــا
ويلاه دخلت الحضرة
ويلاه وصلت الزهرة


2

محنيـة ظهــر وبــلا وعـــي تلطــم حـزينـة
يأهـل الكاظميـة أبنــي أنجتـل دلونـي وينـه
ليش أعلـه السطـح باقـي ولا واحــد يعينـه
آنه أمه واجيت اليـوم أودعـه مـن المدينـة

أي رغم الكسـر أنحب اجيت وجدمـي ساعي
منهو إلي يساعدني ويصير أعله أبني ناعي
ويلاه بالمصـاب أقره
ويلاه وصلت الزهرة


3

وكفـت عالقبـــر وتكلــه يمـه آنــه الزجيـة
جيت أبجي بحزن وعالضلوع مخليه أديـه
جسمـك سالـم ومـاداستــه خيـول الـ أميـة
ولا عنـدك مثـل زينب مــره راحـت سبيـّة

لا عنــدك يتيمـــة بالسبـي مضيعـة تراجي
تالي أعله النحـر ماتت ييُمـه مـن البواجي
ويلاه صــدت النحره
ويلاه وصلت الزهرة


4

ييمــه أفتحلـي قبـرك رايـده بصــدرك أشمك
تكلـه وبـيـدك أتـأشــر علــى الكتـــر اليئلمك
هاي الوالدة ملهوفة اجت تقره أعله جسمك
جــف الشـر عجيبــة بـلا ذنـب هاليلـة سَمّك

فــك بــاب القبــر للطـاهــرة وأرحـم صبرها
هلبت تشفي صدرك وأنت هم تشفي صدرها
ويلاه هـــــي منتظرة
ويلاه وصلت الزهرة


5

تكلـه وداعـت الحرة البقــت بألطـف غريبة
ما دام آنــه يمــك يبنـي مـا أنسـه المصيبة
يظل قلبـي لمصابـك ينعـه مايخلـص نحيبه
حــد مايظهــر ألنــه المنتظـر يطفـي لهيبة

سيفــه بيمنتـه ورايـة علـي مُحـي الشريعة
يبدي بضلعي تالي يداعي لحسين ورضيعة
ويلاه نلتقــــي بعبره
ويلاه وصلت الزهره


6

بسـك يادهــر وي فـاطمــة بـــس لاتعانـــد
أنـت بكـل حقـد يوميـة مأخـذ منهـا واحـــد
طبعـك بالحبايـب بـس تفـرق بـس تباعـــد
على أولاد الزجيـة ياوسافـه هوايـة حاقــد

تحـب التفرقـة وعمـرك ولاتسعـه بجمعهــا
هـــاي أفعــالك السودة فــلا تبــدل طبعهــا
ويلاه حقـــدك شكبره
ويلاه وصلت الزهره


شطره
امجـــد صاحـــب الشطــــري

للكـــــــاظميـــة هــاي العـزيـــه

1
بالمصـــاب الليلـــة فـــــاطمـــة نعزيهــا
لتاسع أهـــل العصمــة نبجـي ونواسهــا
عالمنابــر كلمــة بكــل صــدق نحجيهــا
هالمجالــس تقــوى نبقــى نخــدم بيهــا

طــول المنيــة هـــاي العزيـه

2
بكـــل أرض للغــالــــي شيعتــــه وفـايــه
يعنـي بأقصى العالـم هــم تسـوي قرآيــه
هالشعائـر بينـه عـن وعــي وعـن غايـه
لا قســـم بالزهــــرة مــاتطيــــح الرايـة

عدنــه هويـــة هــاي العزيـــه


3
ياقلـــــب هـــــل ليلـــة مايبـــث وناتـــه
ولجـــواد العتـــره يحضـــر بحسراتـــه
بهــذا يــوم مصابـك تنعــرض طلباتـــه
مـن جفــوف الكـاظــم يسلــم حاجاتـــه

يأخذ هديــه هاي العزيــه

4
هــل إمــام التاســـع مانسينــــه مصابة
شكـد هضمنـه فراكه شكد ذبحنه غيابة
الليلــــة كـــل أنصــاره تبجــي دم أبابه
الليلــــة إلـــف هنيالـــه الــ يشم عتابه

جمره سريـــه هاي العزيـــه


5
مــن الطــم والــونـــه لحضـة ماملينــه
هـذا أمــر الـواقـع والـوضـع يرضينــه
بـس شهـر لمحـرم باقـي ويمـــر بينــه
للحسيـــن وزينـــب ننحـــب اشتاكينــه

للغاضريـــة هاي العزيـــه

ثوب السـود عدنـه أحلـى ثـوب نلبسـه
بكل عـزيه ومأتـم كلهــا تلبــس نفسـه
هذا ثـوب الغيـرة كـل عمرنـه أنقدسـه
ومنبر أمنه الزهرة بعينه الله يحرسـه

لامنه الزجيـــة هــاي العزيــه

بغداد
امجد صاحب الشطري

شلون اعوف ولايتي
وأنت جنة لشيعتي
ما اكرر كلمتي
إمامي إمامي

1
كلمة قايلها بفخر طول الدهر
وياك دنيا وآخره يا أباالحسن

مااعوفك لو خذو حتى النظر
وياك دنيا وآخره يا أباالحسن

كاتب أسمك على شريان النحر
وياك دنيا وآخره يا أباالحسن

ياعلي وطبع اليحبك ماخسر
وياك دنيا وآخره يا أباالحسن

أنت روحي ودنيتي
ياحياتي ومهجتي
بيك رافع هيبتي
إمامي إمامي

2
ياعلي من هو يقدر يوصلك
وياك دنيا وآخره يا أباالحسن

أنت صح إنسان بس نازل مَلَك
وياك دنيا وآخره يا أباالحسن

وين ماجان بحياتي أتخيلك
وياك دنيا وآخره يا أباالحسن

آنه ماتابع لحد تابع الك
وياك دنيا وآخره يا أباالحسن

علي وداعة فاطمة
لو يملكوني السمه
وياك تبقى الختامة
إمامي إمامي

3
أنت الأول نصبك سيد الملا
وياك دنيا وآخره يا أباالحسن

هل أمر مو منه من رب العُله
وياك دنيا وآخره يا أباالحسن

ياعلي وهذا الشرف تستاهله
وياك دنيا وآخره يا أباالحسن

منهو مثلك وصل هاي المنزلة
وياك دنيا وآخره يا أباالحسن

جفك وجفه ارتفع
وشافتك أهل البدع
ألها قلبك ماخضع
إمامي إمامي

4
يامدينة علم طه المصطفى
وياك دنيا وآخره يا أباالحسن

انت عندك كل كنوز المعرفة
وياك دنيا وآخره يا أباالحسن

سيفك بكل صوله ثابت موقفه
وياك دنيا وآخره يا أباالحسن

شلون ياحيدر مقامك اوصفه
وياك دنيا وآخره يا أباالحسن

خيبر أو وقعه بدر
أنت صرت الهن نصر
بيهن وبيك افتخر
إمامي إمامي

5
أنت باب الله الوسيع ابهل أرض
وياك دنيا وآخره يا أباالحسن

ياعلي وحبك على العالم فرض
وياك دنيا وآخره يا أباالحسن

خاسر الجنة عليك اليعترض
وياك دنيا وآخره يا أباالحسن

ماي وجهه ياعلي ماينحفظ
وياك دنيا وآخره يا أباالحسن

البيك كلمن ماقبل
هذا بالدنيا فشل
أنت ياخير العمل
إمامي إمامي


6
ياعلي نشهدلك بطول الزمن
وياك دنيا وآخره يا أباالحسن

لون بس لحضات من عمري بقن
وياك دنيا وآخره يا أباالحسن

أنت بيدك نارها وجنة عدن
وياك دنيا وآخره يا أباالحسن

أنت حلال الشدايد والمحن
وياك دنيا وآخره يا أباالحسن

خله يسمع عاذلي
أنت حبي الأولي
مااعوفك ياعلي
إمامي إمامي

شطره
امجد صاحب الشطري

هــو أميــري حيـــدر
كل مصيــري حيـــدر

1
حيدرنا مـعروف بالشدة موصوف
مايعرف الخوف لـو كثرة سيوف

مشهودة الأفعال عـن دربـه مازال
بالحــومـة خيال قَتـّـــــــال الأبطال

بالشدايــــد حيـــدر
هـو قائــــد حيـــدر

2
نبايــع لابــو أتراب حـد يــوم الحساب
غَيـرة فــلا نــريــد فَـــــرّاق الأحزاب

يامحلـــى هالعيـــد بأجمــل مـــواعيد
وي النبــي اليـوم أيـــد بوســـط أيـد

من البداية حيـدر
للنهـــــاية حيــدر

3
الهــــــادي وافـــاه والبـــــاري عــلاه
كـل مؤمــن اليـوم حيــــدرنــا مــولاه

الما بايــع الجـــود مـن الجنة مطرود
والبايــــع الحيــــد وفـــــه بــــالعهود

حبـه أمانة حيدر
خير أجانه حيدر

4
كــل هــاي السنين والينـه أبـو حسين
كــل احنــه أنصـار وبـــدربــه ماضين

رغــم اليكــرهون رغـــــم اليعـــادون
حمـــاي الــدخيـل ساكـــن بالعيـــــون

يبقــــه أول حيـــدر
حبــه أجمل حيـــدر

5
لــو ماأبـو الأيتام جا ضاع الأسلام
مايبقــه كــل دين ولانـــرفـع الهام

جا مات الإحسان فـي كـل الأزمان
لو ماأسم أبو حسين يعــلــــي بالأذان

منقـد ألنه حيدر
بيـده جنة حيدر

6
بــلايــه أنتخابات بـــلايــه شعارات
لأجل الولي اليوم ننطيها الأصوات

ذوله أحنه أنصار مـــانرضــه بالعار
مــو رابـع نكـول أول علــــــي صار

عنده راية حيدر
بالـــولاية حيدر

شطره
امجد صاحب الشطري

موال بحق الامام علي عليه السلام



أنه الولهان واعرف قيمة الشوك
ويندلني العشك من بين ميه

وإذا تسألني منهو العايش وياك
أكلك حيدر وبس هاي هيه

ليش أعله الورد نلكه الفراشات
لان عطر الورد بي جاذبيه

وخليني أزيد من الشعر بيت
واترجملك معاجز واقعية

علي قبل الخلق بالعرش موجود
معناها أنخلق مو بس إليه

علي الماردله واحد ساعة العوز
ياهو بوكته جاع من البريه

بيت المال عنده وحاكم الكون
وبوكته البشر كلهم سويه

حتى الطير جان بوكته شبعان
أكيد ومنو الينكر هل القضية

علي باب الله جفه وساعي للخير
أبو الأيتام حبه يعيش بيه

وتره العنده علي ربحان الاثنين
الشفاعة وجنة الباري الزهيه

كلتها ومفتخر كل هاي الاسنين
نعم آنه اختلف عن البقية

جوازي من علي موقع ومختوم
وباجر فاطمة تقدمه اليه

بغداد
امجد صاحب الشطري

من قبري عزيتك وبدمعي واسيتك يبني يبني
نتلاكه بالــونـــه والملتقــه الجنـة يبني يبني
1
ياعلــي السجــاد يــاروح الزجيــة
بينـــك وبيـــن الصبــر بس المنية
آنه والعبــاس وأختــي الهاشميــة
بالبقيـــع أنريـــد ننصبلك عـزيـــه

من عالم أحزاني جيت بجرح ثاني يبني يبني
ابـلا منحـر أتعنه والملتقه الجنـــة يبني يبني

2
جيت مسكور الظهـر والرايــة بيـــــدي
إبلا جفـــــوف شلــون يحملهـا عضيدي
مصيبتـــك جــم مــرة ذبحتلــي وريــدي
ياهضيمــة أعلـــه التــرب نايــم أوليدي

يامصعــــب الحالة ودموعي هماله يبني يبني
فركـاك لــوعنـــــه والملتقه الجنــة يبني يبني
3
ياعلي جم خــاطر بهجـرك كســرته
وجـم قلب مجـروح متلهـف تركتــه
من غبت عن الحبايب سكتة سكتـة
جم يتيــــم الليلـة يتمته وهجـرتـــه

أولهـــم الباقــــــر ظل ياعلي حايـــر يبني يبني
وجروحه هضمنة والملتقـه الجنــــة يبني يبني

4
وحـك ذيــج اجفوفــك وآثــار الحبـــال
بقبري حسيت النحـر دم ودمـع ســــال
تذكــرت رغــم العلل وتبـاري الأطفـال
جنت أشوف وراسي عالي فـوك عسال

محبوسة عبراتك وتبــاري عماتك يبني يبني
ماكاطع الظنـــــه والملتقـه الجنــة يبني يبني

5
المثلي مرتـاح أبمنيتـه أعلـه التريبة
لجن مـو مثلك مصيبة بصف مصيبة
بهذا حالك وأدفنـــــت جثتـي السليبة
لقنتهــــا ومــاعفــت زينب غـريبـــة

جيت بدفن جثتي حاميت ظعن أختي يبني يبني
والماعرف عنـه والملتقــــه الجنــة يبني يبني
6
ياعليل أبكل جــرح عشت بحيـــاتـــــك
غيــر حسرة ودمعة ماكو بذكرياتــــــك
حتـــى عبــد الله ولانـــاكـــر جـــزاتــك
مثلـــي جـازيتـــه بوكت ساعة ممتاتك

جايبتـه إلـك أمــه يشــرح إلك همـــه يبني يبني
يصرخ رغم سِنه الملتقـــــــه الجنة يبني يبني

بغداد
امجد صاحب الشطري

من وين منك ابتدي يَبن الفطاحل
يابحر علم المرتضى وكنز الفضائل

1
بكل المصادر دورت وأبحثت فضلك
وقريت عنك كل حرف وفهمت عدلك
ياسيد البطحاء حرت وشلون اكلمك
أنت إمامي وحقي مـن أخشع واجلك

ياموج وعلومك بحر والكون ساحل

2
فضلك جبير وماكدر واحد ينكره
بعد الحسين أنت الصرت لدين ثورة
عانيت بالدنيا وشفت أيام مُرة
بس أنت إيمانك جبل والناس صحره

كل هذا وأنت وَصَلّت عِلم ومناهل
3
خليني أعرّف نقطة بس من معجزاتك
حملت الرسالة وجاهـدت طيلت حياتك
وحدك وكلها تحاربك وأنت بثباتك
من الله مو من البشر تأخذ جزاتك

للحق إلك دور وفعل بين القبائل

4
إبليس من جاك أعترف للعلي الواحد
ياربي مثله ماشفت بالكون عابد
من أول دهر لآخر دهر ماشفت ساجد
مثل الإمام الطاهر العابد الزاهد

هاي الروايا مستند بيها ودلائل



5
شما عنك أسمع سيدي ماكول كافي
يابو الكرامات ونعم بيك إعترافي
عندي دليل ومستند مو أمر خافي
أنت العليل وكل مرض تكدر تشافي

جم عين بيدك أبصرت يبن الأفاضل

6
شايل صفات المرتضى وهم شايل إسمه
المحتاج لو يمك كصدك قلبك تقدمه
شكد حاولت أهل الخنه فكرك تهدمه
بس أعله واحد مارضت تقبل القسمة

أنت الجثير إبلا عدد واهمه القلائل

شطره
امجد صاحب الشطري

بويه أحاجيك ساكت شبيك!
روحي هليوم حنت عليك


1
بويه يارجواي كلمة أحجي وياي
خلي أسمعك
هذا أنت حسين لو اجذب العين
صعب وضعك

شفافك مفطرات عالوجن لجمات
ابجبهتك ضربات شحال ضلعك !

خنصرك ضاع يوم الوداع
هاي الأوجاع ادري تأذيك


2
يانضرعيناي جيب ليك الماي
أرد أشربك
نحرك الذبلان أدري بي عطشان
ضامي قلبك

صد عليه وشوف هالدمع مذروف
عشت عمري بخوف وآنه جنبك

بدونك شلون ضلمة العيون
ياضوه الكون يهزي طاريك


3
جم صباح الخير منها راح الخير
من عفتني
صعبة عني تروح هواي بيه جروح
المتني

انذبحت الأحلام ضعت بالأيام
بويه والظلام شيبتني

ولدج مات وماكو خيمات
حجي الشمات سهم يرميك


4
خلي أموت وياك شسوه أنه بلياك
هالمسيه
السوط لو بي روح يرحم المجروح
من الاذيه

السلب ترجيات اليهضم بنيات
يحقد بلا ذات وي رقية

بويه يحسين أشافت العين
ابتدي منين بيه لو بيك


5
خلي اشبكك حيل لايجينـــي الليل
أرد أشمك
اغفه وبلا صوت من يجيني الموت
آنه يمك

بالخرابة أهنا موتي أتمناه
راسك ويدماه بلايه جسمك

روحي وياك بكربله هناك
وجسمي بالشام هم يواسيك

بغداد
امجد صاحب الشطري

ذولة احنه أهل البيت
منهـــــــــم مـــاخليت
كاسر ظهري يــادهري

1
يدهري اوياك هاي الليلة أبدي منين
وآنه بضامري لاجرح لاجرحين
على مصايب هلي وأجدادي تجري العين
سمَعّت كل محنة عنهم من أبويه حسين

من جدي المختار
لحيدر والبسمار
سلمت أمري يادهري
منهم ماخليت




2

بدت نار المصيبة من نبي الرحمة
ومن ضلع البتول ومن أبو اليمه
حسافة أعله الزمان المارحم سهمه
صفت كل النوايب بينه ملتمه

خَلّص عمري جروح
وحسرة وعبره ونوح
ضايع عمري يادهري
منهم ماخليت











3

يسولف والدي عن فاطمة الزهرة
ويذكر محسن إلي سكط بالعصرة
وعن جدي علي المارحمته الطبره
شلون أيام مرت عل أهل مُرّه

كل يوم عندي مصاب
بفراك الأحباب
حسرة بصدري يادهري
منهم ماخليت







4

يدهري حسين كلي شكثر شفنه الآم
بعد أُمّنه وابونه صرنه احنه أيتام
اندارو عالحسن والتمت الظلام
سمو جبدته ونعشه رمّو بسهام

جعده الغدرت بي
حتى السم ماذي
يسعر جمري يادهري
منهم ماخليت













5

خفت ليروح أبوي وتأخذه مني
وأضل بغربتي والغالي يهجرني
اجتني كربله والنار جوتني
سلبو عمتي وحسين فاركني

حركوها الخيمات
وسط الهيمه نبات
وآنه بصبري يادهري
منهم ماخليت







6
تمنيت المنية وكَطعَت الأنفاس
بعد حسين أبوي وعمي العباس
بخرابة من صرت وكبال كل الناس
عيوني غمضت لمن شبكت الرأس

شفته وصحت بصوت
ردته اوياك الموت
احفر قبري يادهري
منهم ماخليت

شطره
أمجــد صاحــب الشطـــري

صرختنـه صرخة كربلائيــة وحسينيــة
زوارك ومــاننســى يـــــوم الأربعينيــة

1
صرختنـه وحــده وللدهــر يحسيـن تتكـرر
أنصـــارك وعنــــك قســــم مايـــوم نتغيـر
يسري بقلبنه مـن المهـد حبـك يبـو الأكبـر

هــذا العشــك مــن الأزل مليـــون بالميــــه

2
كـل عاشـك انطـاك العهـد وبدمـه توقيعة
يحسيـن إلك هـذا الشـرف للموت منبيعه
أنـت الحمـه بيـوم الحشـر ياقائـد الشيعة

واحنـــه جنـــودك بالشـــدد كلنــــه فدائيـــة

3
مــن خدمتــك لا مانمـــل للمـوت خـدامـك
أول محــرم مـــن يهــــل تلكانـــه جدامـك
لا وحـك زينـب والكمــر ودمــوع أيتامـك

خدمتنــه خدمــة للأبــد مــو خدمــة وقتية
4
خـــدام إلك يابــو علــي أنطينـه الحجايــة
باجــر نجيــك الكربلـه وبجفوفنـه الرايــة
يوكـف حبيـب الأسـدي أيسجـل المشايــة

زوارك ومــــن نذكـــرك تملينـــه روحيــــة

5
لمــن نصـــد لقبتـــك ننســه التعــب كلـــه
نوصل حضرتـك والدمع يم بابـك انهملــه
نكصـد لبـو فاضــل كفيــل العايلــة أنكلــه

ماطاحـــت الرايــــة أعتلـت بيــد الولائيــــة

6
لــو عالجمــر نسحـك نعـــم مايـــوم نتـــردد
مو بس ندوس أعله الجمر فوك الجمر نمتد
مثـــــل المخيـــــم نستعـــر عالمــوت مانرتد

حــد مايجــي بثــاره الولــي لزينــب المسبية
7
هاي الخدامة ابلايه شك رحمة وألف نعمة
أهــل المواكـب بالـــدرب غايتهـــم الخدمة
والي نسأله ايكول انه جن عقلي أبو اليمة

هــاي المشــاعر عالشــرف والغيـرة مبنية

8
لـو نخدمـك طـول العمر يحسيـن منوافــي
لو لاجلك نموت ونـرد ونمـوت مـو كافــي
حكه اليجن بيك ويجي يمشي الدرب حافي

ميوفـي قطـرة من الدمـه لـو يمشـي يومية

شطره
امجد صاحب الشطري

آه منــــك يــــازمـن صوبت جبد الحسن


1
ما اطخلك رأس وأخشع يــــازماني
آنه زينب بت علي وتعرف مكــاني
عمري كلش أثري وعمــرك ثواني
أمتحنتك وأنــــــــت راسب بمتحاني

مانجحــت أنـــت لأن
ماجنت مُحيـي السنن
آه منــــك يــــازمـن صوبت جبد الحسن


2
يازمن علمنـــــــــي حيدر بالشدايد
مثل سيف ومـــــرتفع بجفوف قائد
عن كلامي شمــــا اكولن الله شاهد
واكف بضــــدك مثـــــل حيدر وأعاند
كل مقـــــــــــالاتي بــدن
شما صرت وسط المحن
آه منــــك يــــازمـن صوبت جبد الحسن


3
خطي أحمـر وآنـه أحـــذرك لاتعبــــره
أمس صوبت النبــي وفاطمــة الزهرة
هسه جاي أعله الحسن واتريد عمـره
ليش وبوسط القلـــــب تتركلـي جمرة

أنت تحجي بالشجن
وآنه أحجـــي بالعلن
آه منــــك يــــازمـن صوبت جبد الحسن


4
أنت دومك حاقد وتمطـــــــر سهامك
وما أشوفك هايم وصــــــادق كلامك
دوم ما ادمــــــج مرامي وي مرامك
لان لابس حقـــــــدك وجـورك لثامك

أبد ماعندك امـــن
لأن شيناتــك رهن
آه منك يازمــــــــــن صوبت جبد الحسن


5
بالحسن يازمن وسفــــــــه ألمتني
أبد لاتتباها لمــــــــــــــن صوبتني
أبقى زينب عاليـــــة ومحد يهزني
آنه أخبرك ماتحرك شعــــــره مني

آنه بس أسمي وطن
وكل شعـــاراتي بقن
آه منــــك يــــازمـن صوبت جبد الحسن


6
والله لو من عندي ظلـــــت بس دقيقة
ما أفوت بــدربك وامشــــــــي بطريقة
فدوه دمي للشهـــــــــــــــادة لو اريقة
المهم الغاية تبقى أعلـــــــــــه الحقيقة

حتـــى ابيـــلك بأن
دوم ما أدفع ثمن
آه منــــك يــــازمـن صوبت جبد الحسن


بغداد
امجــــــــــــــــــــد ألشطري

يل مشيــت بلا وداع بلا وداع ولاخبر
يلحسن وأيام هجرك لاحن بسابع صَفر
لاتسافر خوية خوية لاتسافر

1
لاتســـــافر يانبض قلبي وضوه عيوني وحياتي
لاتســـــافر صعبــــــة أَسد بجفاك دفتر ذكرياتي
لاتســـــافر يادعائـي وقبلتي وصومـــي وصلاتـي
لاتســـــافر أنته تدري السفرة تشغلني لمماتـــــي

خوية إذا تكدر أخذني وياك مابيه أنتظر
لان ياخوية انته تعرف تكتل أيام الهجر
لاتسافر خوية خوية لاتسافر


2
خوية خوية وحشة أحسها الدار بجفاك وخليــــة
خوية خوية من تسافر روحتك هم اله جيــــــــة
خوية خوية انه مااحمل غيابك تـــــــدري بيــــه
خوية خوية والشماتة بكل مكــــــــان أتحيط بيه

خويه تدري الناس ماترحم ولايبرد جرح
هاي دنيا اشلون دنيا ليل مابيها صبــــح
لاتسافر خوية خوية لاتسافر



3
تدري عكبك حجي الوادم مو سهل ياخوية جارح
تدري عكبك عمـري خلصته غريبة ومااصــــــابح
تدري عكبك الوكت والناس ماعدهـــــــــــم تسامح
تدري عكبك عذباني وهز ذكريـــــــــــــات الجوارح

ضيعتني اشلون ضيعة شمعة وي ليل الألم
والهوه يطفي بجمرتي حتي ناري ماسلـــم
لاتسافر خوية خوية لاتسافر


4
وين أشوفك وانـــــــــــــه أخر مرة شفتك ودعتني
وين أشوفك واحط راسي بوسط حجرك يل عفتنـي
وين أشوفك حتى تمســـح دمعتي وتقره أعله متني
وين أشوفك وانه عودتك يخويـــــــــــــه وعودتني

جنه محسودين لكن دار ويانه الــــــــزمن
آنــه أدري بهل مصيبة ونته تدري يلحسن
لاتسافر خوية خوية لاتسافر


5
حيرتنــــــي حيـــــــــــرة الضايع دربها بالبراري
حيرتنــــــي وانــه بس أرض وسمه وليلي ونهاري
حيرتنـــــي ضاعت الفرصــــة وصل حد إنتظاري
حيرتنــــي وأشبك امصلايتك والدمع الجــــــــاري

وألزم السبحة واكولن ها يجي لــــو مايجي
بالله وبحيدر وأمي خوية كل ساعة أرتجي
لاتسافر خوية خوية لاتسافر


6
يامصيبـــة هــــو مــــــاجان السفر أيام وسنيـن
يامصيبــة رحلة جانت تحتضن بس ناس ميتين
يامصيبــة قلبي كال الحسن مات وزيدي الونين
يامصيبـة البكه براسج اسمعــــه ايكلي الحسين

خوية من ضلع الزجية وجتل والدنه علي
واحنه جبناها يشارك منهلج وي منهلـــي
لاتسافر خوية خوية لاتسافر

شطره
امجد صاحب الشطري

آنــه رايــح ياعلــــي سلمـت عندك هلــــي
حيـــدر
جهــز لنعشــي قبـــر خلصـت أيـام العمـــر
حيـــدر
برقبتــك يـالغالــــي عيلتـــك وعيالــــي
يانبـــــض دلالــــي
1
هـي هـاي آخــر مسيــة بيهــا يمــك ياعلي
باجـر أصـوات البواجـي فـوك راسـي تعتلي
لمـن أتشيــل الجنــازة ويخلــه منـي منزلي
خلـي بالك عالزجيــة وأحــرس بعينـك هلي

هـذا أمـر الله أنفرض عـل أجــل لامعتـرض
رايـــح
أدري الموادع صعب منذبــح نبـــض القلب
رايـــح
حالي يشكي الحالـي والمنيــــــــة أكبالـي
يـــانبـــــض دلالــي


2

غركـت أعيوني أبدمعهــا والحـزن بيــه سكن
مـن شفـت تابـوت يمـي وأنــت شـايـلك جفن
لحظـة ورمـوش النواظـر بالمصيبة أتشابكن
تنقبض روحي واظلن بس جسد ياأباالحسن


للأجــل لمـــن أصــد ينفطــر قلــب الورد
بــاجـــر
تختنق ريت الهـوى ينكسـر ظهـر الضوه
باجـــــر
لا نجـوم أتــلالـــي من يروح الغالــــي
يانبض دلالــــــي



3

طبع إلي يسافر الموته يحسـب أحساب البُعد
آنــه هــذا إلــي يسـافــر راح أروح ومـا أرد
قــابـل بهاي الـرزيــة ابهـل القــدر لله الحمد
ابقبري مثواي الأخير عيوني تغفه وما تصد


مـــن تشيـل أجنازتي آنــــــه رايـــــد دفنتـي
بيـــدك
بصوتك اقره الفاتحة روحــي عنــك رايحـه
بيــــدك
أنـت كـل آمالــي بالشـدد تبرالــي
يانبــض دلالــي



4

قبل لا امشي أرد أوصي وانت أريدك تستمع
علــي بـاب البيـت بـاجــر عالـوديعــة يندفـع
يوكـع المحسـن أوليدك ينكسـر منها الضلـع
أتحمـل ومـا أريـد سيفـك يــم ضلعها يرتفـع


مــن تشـاهـد زهرتك بقلبك احبس حسرتك
يمهــا
باجـر أتضــل العبـي والحجــــاب الزينبـــي
يمهــا
الوحــي أوحالــي تلتـــزم يالوالــــي
يانبــــض دلالــي



5

خـوفـي باجـر ياحبيبـي وسـط راسـك تنطبر
وعاليتامة أيضيع جفـك ياعلـي وعيـد الفطر
بعد فاطم منو الزينب لو مشت لأرض اليسر
مـن بعـد عيـن أبو فاضل توكع بجف الشمر


زينـب وطــف كربلــه أكبــر مـــن المُعضلـة
حيـــرة
تنظــر إخوتهــا ذبـح وذاك رأسه أعله الرمح
حيـــرة
والرمـــح بالعالـــي وينحبـون أعيالـــي
يانبــــــض دلالــــي



6

هــي ليـش الدنيـا تكـره ماتحــب لـم الشمل
كل شريـف وقلبـه أبيـض بيهـا لازم يرتحل
زينب بيا وكت تمـشي ميسـرة فـوك الهـزل
وسفه دنيا أتخلي زينـب هيجـي تنجر بحبل


لو وكع راعي العلــم تحتـرك عدها الخيــم
ويلــــي
هــي ياحيــدر مـــره بالثكالــــه أمحيــــــره
ويلــــي
والضعن رد خالي راجــع ابــلا والي
يانبـــــض دلالــي

شطره
امجـــد صــــاحب الشطـــــري

لهاي المجالس خدام وبكل زمن نحيها

1
يبقى العزا بسم الرسول وآله
من عدنه ونات الحزن تتعاله
هنياله يخدم للنبي هنياله

لابسهن ثياب السود وأم الوفه يواسيها

2
هاي المجالس والله ماننساها
نحيى ونموت ومانزل وياها
قول الإمام الصادق الحياها

أحيوها أمرنا بكل يوم وهل كلمة نفخر بيها

3
بينه أعله فقد الهادي جمره وحسرة
ماتنطفي طول الدهر مستعرة
دايم ننادي ويلي يابو الزهرة

هليلة دمعات العين من دم نضل نجريها
4
أول مصيبة الليلة حلت بينه
ليلة رحيل المصطفى هادينه
آخر صفر نسمع خبر ياذينه

ينفطر جبد المختار وينعه بحزن ناعيها

5
ندري القلب من الدمع مايشفه
وقلب الزجية الليلة فايض نزفه
جف الغدر ماعدنه رحمة ورئفه

يتم الزهرة بهل اليوم بس تنحب مخليها

6
تبجي أعله فكده واحنه نبجي عليها
لمن تضل وحدها من يحميها
ذيج الظليمه باجر اتأذيها

بنت الهدى ماترتاح من يرتحل هاديها

7
يدري مصاب الزهرة يحصل بعده
ويكلها من بعدي أنتي أول وحده
ضلعج يكسره الضالم أبكل حقده

يافاطمة وهاي العين بدموعج تغمضيها

8
ونضل نواسي فاطمة بدمعتنه
ولحد ظهور المنتظر حسرتنه
باجر يجي وبيده ترف رايتنه

وأهل الغدر وأهل الجور بسيف الولي يفنها

شطره
امجد صاحب الشطري

حزيـن المهـدي كاصــد ارض ســامره
يـون لفـراك أبــوه وتصبــره الـزهـرة
مهمـوم يبــن الحســـن

1
بعـالــم ثانـي مــن سِـــرّ وعلـــوم الغيـــب
أجه راعـي المصيبـة بــرأسـه لون الشيب
صرخ صرخة أعله أبوه ومنها شك الجيب

بجـت مكـة أعلـه صـوته ونـاحـت المـروة

2
كصــد محنــي الظهــر متـوجــه المــرقــد
يــــون الـوالــدة ودمــع الحـــزن عالخـــد
يــدك صــدره بحـــرارة وصـوتـه يتـــردد

أويلــــي عليــك بــويــه وشـابــج العشـرة

3
انحنه ظهـره الشريف وفاطمة أتسنده
يكلهـا محنتـي وحده أقسـى من وحـده
انكسـر قلبـي أعله أبويه الليلـة ياجده

القلـــب مــن ينكســـر ماينجـبـر كســــــرة

4
لـزم شبـاك أبـوه ظــل يمسـح بجفــه
يكلــه روحتـــك بــويـــه علّـي كلفــه
يسمـــوك بغـــدر ياوسفـــه الوسفــه

مثــل جــدي الحســن مــن سمتـه الزمـرة


5
وكــف يــم الضريح ودمعـــة يتجاره
شايــل رايتـــــــه ويستقبــل أنصاره
لســامـــره اجـــت مشايــــــة زواره

شــاف الكــون يمشـي وخنكتـــه العبــــره

6
ينــادي بعبرتــه يامـــن كصدتونـي
واسوني بمصابي الليلة واسونــي
على أمصيبة أبويه الغالي عينوني

بنوح ودمعة أبويه بهل مسه أنذكره



شطره
امجد صاحب الشطري

يالمهدي ثارك لا تنساه يالمهدي ثارك لا تنساه

1
ســامـره هـاي تنـدبـك اليـوم
من فجــروهــا نزفـت همـوم
هل الفاجعـة بينــه يمعصـوم
مـــاتنســــــي للمــــــــــــوت والله

2
جفوف الغدر مابيهـا كل خيـر
باجـــر جهنــــم الهـــم تصيـر
والسبب بهل الحضـرة تفجيـر
رب العـــرش بالمـــوت جـــــازاه

3
شنهـو ذنبهـم هــل الإماميـن
يتفجـــــرون وتنظـــر العيـن
كافي احملـو هم من السنيـن
ســم وغــدر حســرة وجفــه وآه

4
قبــة أبـــوك أتفجـــرت ليش
خاطـر قضية حسين متعيش
يالمهدي عندك بالشدد جيش
يايـــوم تظهــر يرخــص أدمـــاه

5
للذلة صحنـه بصـوت هيهات
عاش الحسين وكل ظلم مات
للعسكــري وللهــــادي إثبات
هـــذا العهـــــد بالمــــوت قلنــــاه

6
رادونه نخضع والسبـب جان
نعشك علي ومـاعـدنـه خذلان
خل يسمعون أصحاب الأوثان
حيـــدر نمـــوت ونحيــــا ويــــاه



7
مايرعبونه أجيوش الارجاس
عدنه الحسين وعدنـه عباس
والعنـده فاطــم يرفــع الرأس
بالدنيــــا أم حسيـــــن ترعــــــاه

8
رغـم التأمــر رغـم الإجــرام
أنصار احنـه ومانطــخ هــام
لأجـل ثنعـش معصـوم خـدام
والشيعـــي كــــل إمــام يفــــداه

شطره
امجــد صاحـــب الشطــــري