سلام الله أعله قبرك سلام الله أعله صبرك

1
أسلــم وأذكــــر الكاظــــم بالآهــــــات
وأعَبـّــر وأتـــرك بصـــدري علامــات
يمـن عمـرك كضــه بهـــم وجراحــات
على أجروحك على همومك سلامــات

سلام الله أعله عمرك سلام الله أعله صدرك

2
سلام الله علــــى كــــــل ذكــــــرياتك
سلام الله أعلـــه سجـادة صـــــــلاتك
سلام الله علــــــــى أول حيــــــــــاتك
سلام الله لحــــد لحضــــة ممــــــاتك

سلام الله أعله قدرك سلام الله أعله فكرك


3
سلام الله علـى قيــودك ضـــوه العين
وعلى اجفوف الأمس نزفــن قرآءين
سلام الله أعلــه سجنــك والحيــاطين
وعلـــى ذاك الصبـر يابـــو الجوادين

سلام الله أعله قهرك سلام الله أعله نحرك

4
سلام الله أعلـه كـل دمعـة مـن العيـون
سلام الله علـــى إحسـاســك يمسجـون
متـــت مسمـــوم والـــــوادم يشيعــون
صـرح عالـي صــرت وإنــزال هارون

سلام الله أعله أجرك سلام الله أعله بدرك


5
سلام الله أعلــــــه أرض الكاظميــــة
وعلـى جنـة ضريحـك هـــل مسيـــه
سلام الله أعلــــه قبتـــــة الذهبيـــــة
وعلـى الرايـة وعلـى جســر المنيـة

سلام الله أعله سرك سلام الله أعله سترك

سلام الله أعلــه كــل زايــــر تعنــاك
كصـد مشـاي وبهــــل الليلـة زاراك
إمـام الرافضـة أبكـل حســرة نـاداك
أمــوت وما أعـوف بيـــوم ذكـــراك

سلام الله أعله أمرك سلام الله أعله ذكرك

شطره
امجــد صـــاحب الشطــــــري

يابـاب الحـوائـج يـاموسى أبــن جعفــر

_________________________

1
ياعطــاي المــــــراد يـــاروح الــــزجيــــة
بينــه شبــت النــار والـــونــــــه شجيـــــة
ناعي أمصابـك أيصيـح ويـن أهـل الحميـة
مــوسى الليلــة مسموم بـــأرض الكاظمية

تنعـــى الليلـــة بغـــداد والعــالـــم تغير
يابـاب الحـوائج يـاموسى أبـــن جعفــر



2
يالكــاظــم اجينـــاك وي سـاعــة مصــابــك
جينه أنعظم المصاب وأنـوح أعلــه بــابـــك
مــن ظلـــم المطــاميــر نستــذكـر عـــذابـك
مـــدمعنـــــه دمــــه سال مــن قــرب غيابك

منــه بيــوم الــوداع كــل خاطــر تكسر
يابـاب الحـوائج يـاموسى أبـــن جعفــر

3
عــرش الله والأمـــلاك والــدينـــا الــوسيعة
تبجي وتنحب أعليــك مــن يـــــوم الفجيعــة
جسمــك عالجســر صــار والنــاعـــي يذيعة
هــذا الكــاظم أيصيــح هــذا أبـــن الـــوديعة

مسموم ويلي مسموم صحنه الله واكبر
يابـاب الحـوائج يــاموسى أبـــن جعفــر
4
مـن سجــن الظـــلامات ولجـــــاس المنيــة
جبــدك أمســه مسمــوم هـاي أعظم رزيـة
مقيــد والدمه أيسيــل وجفــوفـــك ضحيــة
يالكاظـــم اويــــلاه نصـــــرخ هل مسيـــــه

بركــان القلــب صـــار وبفقـــدك تفجر
يابـاب الحـوائج يـاموسى أبـــن جعفــر

5
آه يابـــو الجواديــــن هجــرك بينــه همــه
وجــف الذي سمـاك لا ماعنـــده رحمــــــة
لا ماراعـه الإحسان جسمـــك يجري دمــه
شاهــد سيــدي أعليـك ظـــل جسـر الأئمة

ظـــل أسمك يمــــولاي والخـــانـك تعثر
يابـاب الحـوائـج يـاموسى أبـــن جعفــر
6
نعشــك أربـــــع أرجــــال تتعنـــه وتنقلــــه
بالـمــدمـــع تـــواسي وبلحـــــده تنـــزلــــه
هل ليلــة المـــلاييــــن عالهـــامــه تحملـــه
يالكاظـــم هــــل أمصـــاب أبــــداً مانجهلـــه

يابــاب الكــرامــات قبــرك يبقى محور
يابـاب الحـوائج يـاموسى أبــن جعفــر
7
كـــل زايـــر تعنــاك ظـــل ثـــابـــت قــــراره
لـــو دربــك جمـر صـار ميعـــوف الــزيــارة
كــل هــم منــي ينــزال لـــو شــفت المنـارة
قبــرك أمســـه هل يــوم مـــأوى للحيـــــاره

واليدخـــل حضرتـــك لا ماأظــنه يخسر
يابـاب الحـوائــج يـاموسى أبــن جعفــر

شطره
امجد صاحب ألشطري

هـــذا الإمــــام أعلـــه الجســـر نايم
خـل نحضـر التشيـع ونـودع الكاظم

1


بــلا أهــل ويلــي غمضـــت عينــه
سمــــو جبدتــــه ومحــــــد يعينــه
ضيــم وسجـــن خلصهـن سنينــه

والجبــد صــار أوصــال مــن عملــت ظالم

2
حيـــرة الإمـــــام ابيـــــش يتصبـــر
وبالســم ابــن سنــدي عليــه يفتـــر
مسمــوم مـــات اليــوم أبـن جعفـــر

وأبــن الخنــه يصــد ليـه بــس بثغــر باسم



3
ليــش السلاســـل شبكـــت جفوفــه
والجـــامعـــــة بالركبــــه ملفوفــة
جــاويــن حيـــدر يحضـــر يشوفـه

فـوك الجسـر مسمــوم راهــب بنــي هاشم

4
مطــروح جسمــه ويــن الــ يشيلــه
يافــاطمــــــة الكــاظــــــــم تعاليلــه
شيصبـــر ابنــــه الـرضـــــا هليلــة

ليــش الدهــر ويــاه ماصـــار أبـــد راحم




5
مـــوعـــد لقـــاء الكاظــــم الجمعــــة
نمشـــي لجســـــر بغــداد ونشيعــــة
ويانــه تحضـــر فاطمــــة البضعــــة

قلــب المحـــب مــاعـــاد مــن الألــم سالم

5
الكاظــم ولينــه واحنــه أنصـــاره
طــول الزمـن بينـه تشــب نـــاره
باجــــــر المهـــدي يأخــذ بثـــاره

واحنـــه نظـــل أنصـــار وبأًمـــرت القائـــم

شطره
امجـــد صاحـــب الشطــــري

يازايـر حسيــن أخـــذ دلالـــي دلالـــي
هليلـة ميـلاد حبيبــي الغالـــي الغالــي

1
هــاك أخذ ويــاك روحـي مـن تـروح الكربله
طوف بيها يم ضريح حسين قلبي أشتاك اله
اوكــف وبلـغ سلامــي كلــه عنـــدي مشكلة
خــادمــك يدعــي بدعـائــه والفـــرج يتأمله

والباقـي يدعيـك دموعـه أتـلالي أتـلالي

2
اليكضـي حاجــات المــوالي هـذا ربـه يوفقـــه
عيــن ربنــه بكــل حياتـه لحـد مماتـه ترافقــه
شما يحب بالدنيا لا شـك يعلـه شانـه ويرزقـه
وأنــت مــن تـدعيلــي حلمــك الله راح يحققـه

أسمــك يوفــاي نجــم بالعالــي بالعالـــي


3

لــو شفــت قبــة ومنـايــر أرفع أيدك للسمــه
يستجاب الله دعـائــك يلــــي روحــك هايمـــة
كله يحسين آنـه اجيــت بداعــه أمـك فاطمــة
بجفـي طلبات وحـوائـج كلهــا إلك متزاحمــه

حاجات الأحباب أحسها أغلالي أغلالي


4

مـن تطـب للحضـرة حافـي أحمـل بجفـك ورد
سلـم أعليـه بخشوعــك هـو مــن طبعـة يــرد
أحضـن الشبـاك بيــدك كلـه اجيتــك مـن بُعــد
ماتــرد العنــده حاجــة وآنـــه جـدامـــك عبـد

ياسيــدي بيــك عقــدت آمالـــي آمالـــي


5
حين تكضي من الزيارة أكصد أنصاره الولـي
زورهم وأدي التحيـة ويـم حبيـب أدعـي إلـي
علـى إبراهيم المجـاب بسبحتــك أذكــر علـي
وأكصـد النحـر الشريـف وخلـي نوحك يعتلي

وتصــور شلـون ذبيــح الوالــي الوالــي

6
مـن تريـد تـروح منــه وتنـوي أنـت تودعــه
أتحـس دمعتـك وي روحـك باقيـة وماطالعــة
أتجـه صـوب أبو فاضل هـذا ليث المشرعــة
حاجتـك تلكـاه عنـده مــن الحسيــن مـوقعــه

كلشي من الحسين نذر يحلالي يحلالي

شطره
امجد صاحب الشطري

أبــو فاضـــل رجــــــف الخيالة
وصلت الصوب الشريعة أفعالة

1
بيــــــه تشهـــــد كربله يابو فاضل
الظلم رجه وسلسلـــــة يابو فاضل
بزودة شاخ أعله الملا يابو فاضل
ياهــــلا وميــــت هلــه يابو فاضل

بالسمــــه هليـــوم هــــل إهــــلاله

2
اه أبـــــو الغيــره شنكول يابو فاضل
والله حيــــــرت العقــــول يابو فاضل
ياشبــل فحـــــل الفحــول يابو فاضل
اليــوم حيــــاك الرســول يابو فاضل

عايــدك قلـــب الرســــول والـــــه


3
والله تسلـــــــــم يابطــــل يابو فاضل
الما حصل بل طف حصل يابو فاضل
صـــــارت بجفـــك وصل يابو فاضل
أنـــت أبـــن خيـــر العمل يابو فاضل

بيك أبو اليمــه نبـــض دلالـــــه

4
ياسلالــــــــة حيـــــــــدره يابو فاضل
الدنيــــا بيــــــك منــــوره يابو فاضل
هــــا يسبــــع الكنطـــــره يابو فاضل
ويــــاك دنيــــــا وآخــــره يابو فاضل

أنــت هــذا الكون وأنـــت أمالـــه





5
حبــــك أبكـــــــل الأمـــــــــم يابو فاضل
مــــــن مبادئنـــــــه أنضــــم يابو فاضل
هيبتــــك باعلـــــى الهـــــرم يابو فاضل
أنـــــت شيـــــــــــال العلــــم يابو فاضل

جـــف العالــــي جثيــــرة أفضالـــــه

6
خـــل تشـــوف أهــــل الغــــدر يابو فاضل
احنــــــه نرخصـــلك عمـــــــر يابو فاضل
بعــــــــد ماكـــــــو أي عـــــذر يابو فاضل
أنـــــت بـــــل حـــق منتصــــر يابو فاضل

والينصــرك مــن قلب هنيـــــاله

شطره
امجد صاحب الشطري

يفرحـــــت ودادي يزيــــن العبــــادي
يامولاي يامولاي يامولاي يامولاي
1
يمــن بــدرك اليـــوم يشع بسمانه
إلك يبـــن الحسيـــن نقــــدم ولانه
بمحافلنــه هليـــوم يرفــرف لوانه
عســه الله ونبينـــــه يقـــدر وفانه

تلـــــوح السعـــادة أعله هاي الولادة
يامولاي يامولاي يامولاي يامولاي

2
يانبــــــع الإحســــــاس يازيـــن العباد
مــــن صوب الأشواك بينه الفرح عاد
تحضرنــه بالضيـج ياسيـــــد الأسيـاد
وجفـك يمحبـــــوب عطـــاي المــــراد

يبحر المكارم يسر العوالم
يامولاي يامولاي يامولاي يامولاي
3
من هاي الأيام شفنه أحلى عيدين
عيدك يمولاي وي عيد الحسيـــن
وبجفه عباس حيه المواليــــــــــن
خل نفرح اليـوم وي المياميــــــن

ضمير الوفه وياك يذبوب اعله طرواك
يامولاي يامولاي يامولاي يامولاي

4
من لوح العيـــد بأرض المدينة
جن سيد الأكـــــوان عيد ولينه
وكل عاشك اليـــــوم ثبت يقينه
والتشهد وياك بصمـــــات أدينه

نبعـــث تهاني وأحلى الأماني
يامولاي يامولاي يامولاي يامولاي


5
مبتشرة بلعيــــــد كل المحــــافل
نيته بلشـــــــــوك والحب نواصل
وتثبت وياك هـــــــاي المراجــــل
بلمولد اليــــوم تعلــــــى الهـلاهل

إلك كل عمرنا يمشعل دربنا
يامولاي يامولاي يامولاي يامولاي

موقفنه بلشـــــوك والحــــب كتبناه
نقسم بالحسيـــــن مالحضــة ننساه
أسمك على النجــــــوم بارينه علاه
ياكوكب العيــــــــــد ياحجــــــــة الله

بين العوالي مجدك يغالي
يامولاي يامولاي يامولاي يامولاي

شطره
امجـــــد صاحــــب الشـــطري

يامهدينــــه مـــدد مــــدد مـــدد مـــــدد
ياصـــاحـــب الــــزمــــــان

1
لحضرتك مدينه أدينه أنت للشيعــــة سفينــة
ياصــــراط المستقيــــم

مـــولدك بيـــّـن علينه نـــورت أرض المدينة
هب عالشيعة النسيم


ذهلت الدنيـــا بجمالك من علي شايل خصالك
وأنت مـن الله كمـــالك يابو صالح يابو صالح

يامهدينــــه مـــدد مــــدد مـــدد مـــــدد
ياصـــاحـــب الــــزمــــــان




2

الليلة ساك الباري طافك روضـة الجنـة بضفـافك
وارتقه الحــب والحنان

الكــوثر بنـــورك توضه صله بسم المهدي فرضه
وسبحــت كــــل الجنان




جم نبي أستقبل مقامك وانحنـه الهيبــة كلامك
وأنت حييتــــه بسلامك يابو صالح يابو صالح


يامهدينــــه مـــدد مــــدد مـــدد مـــــدد
ياصـــاحـــب الــــزمــــــان



3

الليلة يامحلاها ليلـــة ينــولد أعظــم وسيلــة
ومنجه كـــل الكائنات

غـرت الهادي محـمد كالبـــدر نـــــوره توقد
وأزهرت بيه الحياة


يله نستقبــل حضـــوره بيّن أبن الزهرة نوره
اليوم اجيت بأحلى صورة يابو صالـح يابو صالح


يامهدينــــه مـــدد مــــدد مـــدد مـــــدد
ياصـــاحـــب الــــزمــــــان



4

شنهو يالمهدي شعورك مولـــد وساعة ظهورك
يلتقـــن فـــي كربـــلاء

توكف أكبــــــال المنارة وبالصحـن تقره الزيارة
وتنطي لحسين الولاء


وتكصد الراعي الحمية تاخـــذ أكبـــاله تحيــة
نحتفـــــل بالـــزينبيـــة يابو صالح يابو صالح


يامهدينــــه مـــدد مــــدد مـــدد مـــــدد
ياصـــاحـــب الــــزمــــــان



5

يمتــه يتحقـــق وجودك تـــوفي للنــاس بوعودك
وتنشر الدنيا السلام

سيــدي والليلـــة جمعـة العاجـــل أنريـــــده نسمه
قد ظهر آخــر إمام


ســاعتــك لا مــو بعيــدة تــرفع الــراية الرشيدة
بمهرك وسيف الصميدة يابو صالــح يابو صالح


يامهدينــــه مـــدد مــــدد مـــدد مـــــدد
ياصـــاحـــب الــــزمــــــان



6

هذي مـو سـاعة نهايــة أنت نقطــة الكـــل بـداية
وأنت الأول والأخيـر

سيـــدي وإحنـــا بزمانك ماتـــدلينــــه بمكــــانــك
عالجمر لأجلك نسير


ساعة النحضـه بالقـــائك جفـــك أيلمنـه ووفــائك
شيعتـــك إحنــــا فــــدائك يابـو صالح يابو صالح


يامهدينــــه مـــدد مــــدد مـــدد مـــــدد
ياصـــاحـــب الــــزمــــــان

شطره
امجـــد صــــاحب ألشطــــــري

مهــدي واليتــــك حبيتــــك سميتـــك حياتي
مهــدي ماعوفك ماعوفك حد لحضة مماتي


1
بعيونــي بجفونـــي غيــرك ماحــلالي
ميــلادك أعيــادك فــي جنــة خيـــالي
فرحاتــي بسماتـــي تبـــرالك يغــــالي
شيعــي أنه مولانــه في حبك مـــوالي

روحي هذا أنت بإحساسي ياعمري وغلاتي

2
بوجـودك هـل ليلـة مزدهــرة المحافل
عشاكــك فرحــانــه ياسيــــد الأفاضل
للــزهرة وحسينـك ولعمــك بـو فاضل
اتهنـــــي وتغنـــــي وتزفــــلك هلاهل

حيــاك يلمهـــدي ويانـــه ياحبــي ونجـــاتي

3
كــل عاشـك بإصـراره حافـل بالسعادة
متحمـس يل مهـدي فـي هاذي الولادة
بقدومــك كــــل شيعـــي ناثـرلك ودادة
ندريهـا بهــل ليلــة موصوفــة العبادة

هل يوم أعمالــي وأعمــالك مقبولـة يغــاتي

4
دلالــي يالغالـــي بيـــك أنشــــد نشيــده
وينــادي مـــن ذاتــــه أيامـــك سعيــدة
أدعيلك مـن روحي وعـن أهـل العقيـدة
هـل مولـد بارينــه بخيــر ألنــه يعيــده

بالخيــر ادعولك من قلبي في ساعة صلاتي


5
شعبانــك عنوانــك ياراعــي الفضيلــة
خدمتنــه يل غالـي بيهـا أنحـس قليلـة
نلتمسـك ونحلفــــك بالحــــرة العقيلـة
غيــرك لا ماعدنــه بالمحشــر وسيلـة

حبيت وأدري أنه محبوبي يحضرني بوفاتي

6
أمنيتــي تتكمـــل أفـــراحــــــي إليــــه
يتلاكــن أعيــادك والجيـــــــه سويـــة
وعيونـي تنظــرلك وأحتضنــــك بديـة
وتصيـر ابهـل محفـل جَمعَـة مهدويـة

مجنون بيـــك أنــه وبحبــك ضليـت بثباتــي

شطره
امجــد صاحــب الشطــــري

يغايـــب قربت أعيادك فرحنـه بعيـــد ميلادك
يمهــــدينـــه
1
ياحجــــــة الله وحامــــــل لوانــه
هل ليلــة نــــورك هـــل وأجانــه
تــدري المـوالي بروحـه وحنانـه
يبعـــث تهانـــي بقلبــــه ولسانـه

هلا بوجهك بزغ بدره هلا بريحانـــة الزهرة
يمهــدينــــه

2
شمــــس السعــــادة شــرقــت علينه
شيعــــة لحضـرتــــك مدينــــه أدينه
عنـــدك يمهــــــدي كلـــــــشي لكينه
يـــــوم الشـدايـــــد جفـــــــك سفينة

مثـل جدك علـي حيدر تجينه وبلشدد تحضـر
يمهــدينـــه
3
أمــــــة محمــــــد نصبــــــت حفلها
يالمهــدي وأنـــــت همـــزة وصلها
هــل فرحـــة بينــــه ماصـــح مثلها
بــس المــــــولي يعــــــرف فضلها

فضائـل عيدك أهوايـة اجيــت وشايـل الرايـة
يمهـــدينــه

4
كــــــل اليهنــــون صــافــي نبعهـا
بميــلادك اليــــوم ضــوت شمعهـا
معروفـــة ويــــاك ثابــــت طبعهـا
عيــدك يموعــود بالحــب جمعهـا

تطش هيل وورد جوري وأنــه خــادم إلك دوري
يمهــدينـــه


5
قلـــب اليحبـــــك ناثــــــر هيامــــه
جيتـــك علينــــه خيـــــر وسلامــة
أنــــت فرجنــــه ننطــــــر علامــة
حيــــدر وعدنــــه بآخـــــر إمامــه

يريت المولد وسيفك يجـن وأطالب ابكيفك
يمهدينه

6
وجهــك نشوفــه بعيـــن الحقيقيـة
ولثــــأرك أحنــــه دمنـــــه نريقـه
نحــب اليحبنــــه ونتبــــع طريقـة
والــــــــي يضدنــــــه لا مانطيقـه

ليود بيت النبـي وآله عظيــم وألـف هنيالـة
يمهدينـــه

شطره
امجــــد صـــاحب الشطــــري

بالحفــل نادينـــه يـــاعشكنـــــه الأولـي
يالحسـن والينـه والــــدك حيــــدر علـي


1

ياسنـــدنـه ويافخــرنــه ياشمــس دنيانـه
أشرقـــت والليلــة نــورك محتفـل ويانـه
عالعرش مكتـوب أسمك بالذهب ريحانـه
أنـت رحمــة وبالقيامـة ندري ماتنسـانـه

بكاســك أتروينــه هل الأمر واضح جلـي
يالحســن والينــه والـــدك حيــــدر علـي









2
مــن قلبنـه مـــن عشكنـــه يالحسـن نادينه
يـاهــــــلا بهيبـــة محمـد يــاهـــــلا بوالينه
شيـــب وأطفـــال وشبـاب أبكل وفه أتعنينه
يـــوم المبـــارك عليـــك وعـالنبــي صلينه

بالــورد والزينــه هــل المحافــل تمتلـي
يالحسـن والينـــه والـــدك حيـــدر علـي

3
حلـــوه لمتنـــه ووجـــودك هــــو المحليهـا
ليلــــة الأعيــــاد بانـــت بالعشـــك نبــديهـا
هل الشباب بهل المجالس كل سنة نوصيها
بالخـــدامــة وبكــرامـــة جفــــك أيجازيهـا

واحنه إلك وفينـه ويبقــه حبنا الأزلـي
يالحسـن والينـــه والـــدك حيـــدر علـي


4
خمسطعش رمضان ليلة ليلة وأجمل ليلة
يالحسن واليـــوم يومـك والــورد نهديله
كـل طيـور الكون عيـدك حضـرت اتغنيله
وناس يم حسين راحـت بالصحن تدعليه

حسيـن ماناسينـه هو روحي وكـل هلـي
يالحسـن والينـــه والـــدك حيـــدر علـي

5
عدنه همه وعدنه غِيرة وعدنه صرخة عابس
مـن يمــر ميــلاد نـورك يبــدي بينــه الواهس
أيصيــر وآحـدنــه بخدمتــك بالمجالـس فارس
يوكــف وبيــــده شمعتــه وبخــدمتـــه أينافس

حبك بنص عينــه صاح غيره منهو إلـي
يالحسـن والينـــه والــــدك حيـــدر علـي


6
سيــدي بجــاه الزجيــة جفـوف إلك مدينه
يالحســن شنهـو النريــده سيــدي تنطينه
ياكريـــم البيــت بـاجــــر بالحشـــر نجينه
من نصير أكبال ربنه صيـر خيمـة أعلينه

بجانبـــك خلينـــه بالقيــــامـــــة يـاولـي
يالحسـن والينـــه والـــدك حيـــدر علـي

شطرة
امجد صاحـــب الشطـــــري

ريحانتك حيدر مثـل البدر نوّر

1
باأبا الحسن هذا الحسن ضيفك يبو الحملة
دربـك أمانة برقبته نفسك علي يكمله
ريحانة الهادي النبي فوك الشمس يعله
واليوصل الهل مرتبة من هو يوصله

بهذا العشك نفخر إي والقلـــع خيبر

2
ياحيدر أشموع الفرح شلناها بيدينه
وألف الصلاة أعله النبي كل لحضة صلينه
هليلة من جف الحسن نطلب أمانينه
ونقله اقبلنه خدم يمك يوالينه

مالحضة نتغير خدامة للمحشر

3
أول مسرات الفرح من تكمل اللمة
تتوافد بعيد الحسن وتقله بالخدمة
هذا الإمام لشيعته بيوم الحشر رحمة
نشكر الباري والنبي عن هاذي النعمة

من عنده نتشكر من دونه مانقدر

4
لمن خلق وجه الحسن ربنه وبعث نوره
مثل الكمر وأحلى بعد من كَوّن الصورة
جنة عدن في مولده نزلت أله أتزوره
وكل الملائك ياعلي وياها مسرورة

وجه الصباح أنطر وأتغيـــر المنظر


5
هذا الكريم المجتبى عن فضله نتكلم
طيب اوفه وغِيرة وكرم من عنده نتعلم
إلي يحبه بفطرته كل عمره مايندم
والي يبغضه ناصبي عن حبه مايفهم

والماشي درب الشر تالي العمر يخسر

6
بالعيد نحضر كل سنة ونجدد الفرحة
واجبنه ياحيدر نجي أنّسي القلب جرحه
بدرب العقيدة والشرف ياما الحسن ضحه
ضحه بحياته من أجل هاي الأمم تصحه

كل ظالم أتحير من عنده واتحذر

شطره
امجـــد صاحـــب الشطـــري

حبــك يالحسن باقي بكل زمن

1
الكرم والجود من عندك حويته
حبيبي وصرحي من فضلك بنيته
شبيهك دورت بس مالقيته
دليلي الحبك انطيته أعله نيته

للعاشك وطن ياجنة عدن

2
إلك يالمجتبـى مــاوصـل حاتم
الذبح ذاك الفراس وياك واهم
نطيت الروح أنت وقلت خادم
وللحسين أنذرت أبنك القاسم

ماخفت المحن وكفاتك بقن

3
كريم أهل العبى وبيت الرسالة
الوفه منك أخذ أسمه وخصاله
الخلق والتقوى والحب والجلالة
التقن مـن وجهك أتنور جماله

حسرات اليجن يمـــك ينتهن

4
شريد أحجي المواقف عنك هواي
كفاية أسمك أقوله وتنتهي أعداي
جدي والدي وآنه يمولاي
فلا نوصل لعد جدمك يوفاي

أيامــك حون طِيّب وماكضن


5
أعله حبك يالحسن آنه تربيت
ولا فد يـوم عـن هالحب تخليت
تذكرك روحي لو كل فرض صليت
أسمك من اللفضه أينور البيت

أحجي بالعلن حبك بي ثمن

6
بطريقك سيدي للموت أعاهد
أنه الجندي وتظل ليه أنت قائد
إذا منعوني منك ألف واحد
فلا أترك محبتـك الله شاهد

بيك أقليبي جن واشواقه اعتلن

شطره
امجـــد صاحـــب الشطـــري

اليَومُ جِبرَائيّل صـاحَ بالسما
تَهَـدَمـت والله أركــانُ الهدى

1
الليلة صوت الملك نـاده حيدر برأسـه أنطبر
هــذا حمـــاي الحميــــة نـــازل أعليــه القدر
بالدمــه شيبــه تخضــب وأنتقـل هــذا الخبر
علي راح الرحمة الله وكل محب قلبه أنكسر

رحـل عن دنيتـه وماتمـم صيامـه
على أفراقه بقت دم تبجي أيتامـه

ونَاحت الافلاكُ سيدَ الأوصياء
تَهَـدَمـت والله أركــــانُ الهدى






2

ياقلــب عالفركــة يصبــر لمــن يغيــب الأمـل
ماتـت الـوردة بغصنهـا مـن رحل خير العمـل
شلون عيد الفطـر باجـر لـو علينه إهلاله هَلّ
منهـو يعطـف عاليتيـم وحيــدر لموتـه أرتحل

جنت حلم اليتيـم وفرحـة سنينــه
بعد عينك علي المن يصد عينــه


فــي كُـلِ دار ينبغي لهُ عَزاء
تَهَـدَمـت والله أركــانُ الهدى





3

الروح من عافت جسدها كلشي بالدنيا أختلف
محــد يعــوض مكانــه أمــره للنــاس أنكشف
ماتضمه الأرض حيدر شما كبر جرحه ونزف
علي مـو بالنجف قبره بصدره مدفونة النجف

شكبر حضه اليموت ويندفن يمـه
قبــره أيجــاور الكـرار أبـو اليمه

فاليــومُ عـَـرش الله يعلــو بالنداء
تَهَــــدَمـــت والله أركـــــانُ الهدى






4

راح وعيونه أعله زينـب بقـت تربي وهامله
جـن يقلهـا حسيـن بـاجـر منهــو راح يغسله
بطيحت العبـاس زينــب تضيـــع كــل العايلة
وحــدج تبقيـــن أنتــي حايــره بطــف كربله

اخـوج من الكفـه رأسه يقطعونه
وبرمـاح ونبـل جسمــه يوذرونه

وتصرخُ الأيتامُ منْ هذا العنا
تَهَـدَمـت والله أركــانُ الهدى

شطره
امجــــد صاحــــب الشطـــــري

الـــوداع ياعلــي ياعلـــي

1
هـاي آخـر ليلـة من عمرك يحيدر
ينطبر راسك وشيبك يصبح أحمر
كلشـي بـفراكــك نعــم راح أيتغير
ينخسـف وجـه السمــه بهــاي المسيــة

الــــوداع ياعلــي ياعلـــي

2
ياعلـي بمحرابــك وساعــة صـلاتك
مــن طحــت مافكــرت أنــت بحياتك
فكــــرت بحسيـــن وبـزينــب غلاتك
وأنـــت يـــــوم أبينـــــك وبيـــن المنيـــة

الــــوداع ياعلــي ياعلـــي
3
شنهو وضعك وأنت باللحضة الأخيرة
ناظـــرك المـــن بعــد حيــدر تديره
شلون زينب راح تصبر والله حيره
مــن تشــوف أجنازتـــك عالغبـــرة هيــه

الـــوداع ياعلــي ياعلـــي

4
ياعلــي أنـــت حلــم كــــل اليتامــة
كلهـا تدعي تقوم يمتـــه بالسلامــة
من غبت غابت ويــــاك الابتسامــة
وغيبتـــك يا اباالحســــن مابيهـــا جيـــــه

الــــوداع ياعلــي ياعلـــي



5
حقها هاي الناس من أتصيح وينـك
جنت خيمـة وتعطف عليها بحنينـك
هالمسيــة ياعلــي غمضــت عينـك
محـــد يعـــــــوض مكانـــــك بالبــريـــة

الــــوداع ياعلــي ياعلـــي

6
الــوداع الليلـة صحنـه بكـل حزنه
رحت من عدنه وبعد ماترجع ألنه
مصيبتك مثل الجرح كسرت قلبنه
لاجــل عينــك نحمــل همـــوم وأذيــــة

الــــوداع ياعلــي ياعلـــي

بغداد
امجــــد صاحــــب الشطـــــري

هايه آخر ليلة منك ياعلي
باجر أصوات النوايح تعتلي
ليل المفارك طويل وأنت قررت الرحيل
ياعلي ياعلي

1
بعد جم ساعة وعيالك يودعونك
تفارك دنيتك وتغمض عيونك
على ظهر النعش حيدر يخلونك
شنو وضع اليتامة من يدفنونك

أنت راح يضمك أتراب القبر
وزينب تعيش برعب طول العمر
حيره ياحامي الدخيل وأنت قررت الرحيل
ياعلي ياعلي



2

أبن ملجم غفل حيدر تعنالك
لأن وجه بوجه مايوكف اكبالك
طبر راسك بسيفه وصار جتالك
عليمن ياعلي ظل منشغل بالك

أنت بيمن فكرت عقد الوله
بالحسن لو بالعقيلة وكربله
حسين دمعاته تسيل وأنت قررت الرحيل
ياعلي ياعلي





3

يحيدر مدري جم حسرة بوسط صدرك
هموم الناس كلها تمشي وي عمرك
تره بس اليتيم اليبجي ويذكرك
وبس العاشك اليوكف على قبرك

حضنك الدافي خذا جف القدر
واليتامة أبابك اتبجي الصخر
عالهجر مابيها حيل وأنت قررت الرحيل
ياعلي ياعلي






4

عزيز أنت علي وماكو علي غيرك
مو ياهو اليجي ويشرب عذب بيرك
بزمانك كلها جانت تاكل بخيرك
الطيور أعله الجبل حارت بتفسيرك

ياعلي بوكتك فلا مَرّ الفقر
جانت جفوفك خبز تنطي وتمر
ناشدك رب الجليل وأنت قررت الرحيل
ياعلي ياعلي






5

نعم كلشي يتعوض فقط بس الروح
ماترجع بعد لو مـن أدينه تروح
اليحب تخلص حياته بس حزن وجروح
احنه ياعلي الصرنه عليك أنوح

شما نحس بمصيبتك وشما نون
هم نرد نرجع عطاشه أعله الحزن
وشيردك مستحيل وأنت قررت الرحيل
ياعلي ياعلي






6

يحيدر كلي بالحيران شيصبره
إذا ينذبح جبده وينكسر ظهره
الحسن بعدك يموت وجعده التغدره
وأبو السجاد ظامي وينكطع نحره

زينب أعله التل تشوفه ينذبح
ورأسه ياحيدر يعلكونه برمح
مايظل بس العليل وأنت قررت الرحيل
ياعلي ياعلي

شطره
امجــــد صاحــــب الشطـــــري

الليلة تمــشي بسلامــة بسلامــة
مــن يراعــــي اليتامــة اليتامــة

1
ياعلــي شكــد هضيمـة وحريمــة
تـرحــــل وزينــــب أتظــل يتيمــة
أنـت جنـت الهـه يلغالـــي خيمـــة
طاحــــت الخيمــــــة يابــــو الإمــــامـــة

2
وحشـة دارك علـي وظلمـة دنيـاك
يمـــــك بحســــرة تنحـــب يتامـاك
رادت أتخلـــــص العِشــــرة ويـاك
بـــدونك أتحــــس علــــــي بالندامـــــــة

3
تنشـــــد الليلــــة كـــــل المساكين
علينــه مامـر علي جـا رحـل وين
ناده ناعي الحزن مات أبو حسين
واليتيــــم أنفجــــــع مـــــــن كلامـــــه
4
فاطمــة تبجــي وتنــادي حيـــــدر
زينــب أتقلــي راســـــك تطبـــــر
حتــى لــــــون العمامـــــة تغيـــر
بيهـــا طبـــــرة ودمـــــــاك العلامــــــة

5
بلحـــد ياعلــــــي لمـــــن أتنـــام
منهو يمسح علــى رأس الأيتـام
جيتــك ياعلــي بـــس بالأحـــلام
والقــــاء نــــــدري يــــوم القيــــامــــــة

6
تدري جبد الحسن تدري ينصـاب
وكربلــه تبـدي بعــدك يبو أتراب
العقيلـــــة اشكثـــر تفقـــد أحباب
والدهــــر بيهــــا يرمـــــي سهامــــــه





7
باجـر أوليــدك أتذبحــه عــدوان
والخيــم تلتهــــب بيهــا نيـــران
وزينبك حايره وعدها رضعـــان
تنسبــــي وتوكــــع بجـــــف ظُلامــــــــة

8
ياعلـــي الشيعــة أمســت حزينــة
كــل مسيّــــه وصبـــاح اندعينـــه
يمتـــــه مهدينـــه يظهـــر علينــه
عالظلــــم سيــدي ايســــل حُسامـــــــه

شطره
امجـــــد صاحــــب الشطـــــــري

ياجفــن أصحـــه لزمانـك لاتنـام
تدري بالسم باجر أيموت الأمـام
آخــر أيــام العمر تنتهي بهم وهجر
ينحفــر ذاك القبر
ياهضيمة

1
يـاجفــن أصحه لـزمانـك ياجفــن
وأستعد شوف المصايب والحزن

من أبو الكاظم بـقــت ساعات أخيـرة
ينفطـر جبــده وتعيـش بروحه حيـرة
هــو شالـوه بنعـش مـن حـل مصيره
مـو مثــل جــده البقـه بـلايه عشيرة

مثـل أبو اليمه أبو الكاظم شهيد
ويلي بس مامات محزوز الوريد
مابقــه بــلايــه خيم ولاذبح طفله السهم
ولا سبـو منـه حرم
ياهضيمة

2
لـون واحــد يمــه يذكــر كــربلــه
يذكــر الطـــف والعـذاب بأكملــه

مقتـــل العبــــاس لـــو يمــــه نذكـــره
بلا شعور أينوح ويـــدق أعله صــدره
حسين جدي يصيح ليش أنقطع نحـره
وبالصحــاري حايــره عمتـــي الحـرة

لا خدر لا خيمة عـدها لا كفيـل
وين تركض عمتي والدنيا ليـل
شافــت هموم وجرح وقلب ضامي ومنذبح
ورأس مرفوع برمح
ياهضيمة




3
الصــادق شكـد عاشـر الهـم وألـم
تالي ماتالــي مـن أيديهــم ماسلـم

ماسلـم جبــده مــن جفــوف الاليمــة
ارتكبت أصحاب الغدر أبشع جريمــة
غــدرتـه ومـارحمتــه والله هضيمــة
صـارت الحـوزة بعــد عينـــه يتيمــة

آيـة السجــدة نعــت والقــل هــوه
والفقــه اظلـم بقــه بـلايــه ضـوه
موتـــه هليلـــة نزل حايره جفوف الأجل
من الأمل غاب الأمل
ياهضيمة




4
راح والينـه وتــرك بينــه جرح
مثلـه للمـذهـب بعـــد لا مايصح

خبــر موتــه الناعـي هليلــة يذيعــة
ويــن عنــه حيـــدر وأمـه الشفيعـة
خــل يكعــدون ويشوفــون الفجيعـة
مــات واليكــم بعــد نوحــوا يشيعـة

مــن قبــل لاتنـــدفـــو وتـودعـوه
طوفي بي قبر الرسول أو زوروه
الصادق أصبح موضعه اكبــــــــال أم الأربعة
فاجعة يـــم فاجعة
ياهضيمة




5
هالمصايب صعبة ندري وجارحه
بالبقيــع أقبــور مابيهـــا أضرحة

يمتــــه نبنيهـــا ونعليـــــه المنـايــر
وقبـة الصـادق تطًيــّب منــه خـاطـر
يمتــه غايبنه يصيـر ويانـه حـاضـر
بـالبقيـــع بنفســـــه يستقبـل الزايـر

أمنيتنـــه نعتنـــي براحـة نـزور
وتعتلـي ذيـج القبب فوك القبور
يمتــه هاي ويازمن ينبـنـي قبـــر الحسن
تصير اله حضره وصحن
ياهضيمة

شطره
امجــــد صاحــــب الشطــــري

ياناعـي هــذا البنعــش كلـي منيــن
شايل مهابة فاطمة وعطر حسيــن
من قبري وأشتم ريحته
قــربهــا يمـــي جنازته

1
دمعي ظل ينزف نزف بالنعـش يمكــن عِرف
كلي باسمه روحي يمه قلبـي محتار
عليــه أنــت مكصـدك جيـت بـس مو وحدك
ويـاك ودام أهـل غِيـرة بدمع مدرار

علي متوجه أنـت وشايــل التابوت
من بيت الولي منهو اللفـاه الموت

أسمع نواعيـه ودليله مهضمــوم
ويكلي مات الصـادق بهذا اليــوم
أهل الحقد مارحمتـه
قربها يمـي اجنازتـه


2
شبي أبن حيدر علي هل النعش قربه إلي
بصدره حسرة بجبده جمرة بعينه عبره
بالله سـولــف قصته يـامصيبــــة الهدته
شنهـو صايــر هلمسيـــة وسلــم أمره

مثـل جبـد الحسـن هـم أنفطر جبــده
والتمـــت عليـّـــه شــدة بعــد شــدة

خلينـي أضمـه بالصـدر واشتـم بـي
من حكي الطم وانتحب وابجي عليّ
خليني أشارك محنته
قربها يمـي اجنازتـه



3

حفرهـا يمنـه حفرتـه حتــى تبــرد وحشتـه
مـانـريـده بعيـــد عنـــه كــافــي الإبعــاد
كـافـي فرقنـه الزمن كــل قبـر صار بوطن
أرض طيبة والنجف وارض أبو السجاد

بعــــد بغــداد عــدنـــه وأرض سامره
وبأرض طوس الرضا هم ينحفر قبره

مكتـوب أهـل بيـت النبـي ماترتاح
من الضلع للمهدي بس هم ونياح
الصادق يودع دنيتـه
قربها يمـي اجنازتـه


4

هو روحي وضنوتـي سولفــولـــه بقصتـي
لابو اليمــه هـي ضحــت أربـع بنين
لا بالفــــراك التـــوت ولا عليهــم دم بجــت
كل حزنها وكل ألمها بس عالحسين

كالولـه بشـر مـن جـاهـا ع أولاد
كالتنه بشر كلي أعله أبو السجاد

يدري بعـذابـي ومحنتـي وكـل ألاه
يدري الحسين بمهجتي وما أنساه
جانت إلي تصب دمعته
قربهـــا يمـي اجنازتـه



5
جم حبيب إلي انفكد بعــد شأتمــل بعـــد
عليه صعبة تموت غربة كل الأحباب
والمصايب ماكضن صارن بروحي وطن
والعجيبة انه ميتـه وجرحـي ماطاب

كل ونه الاجرها لغيبة أحبابي
يطلع قلبي مني وينهز أترابي

مثــل العقيلـة انـه أصبحـت بالإحزان
تجري دمعتي أعله الحسين العطشان
وحسيــن آنــه بحاجته
قربهـــا يمـي اجنازتـه

بغداد
امجد صاحب الشطري

يــم بـاب المــراد أم الحسـن يهمـل دمعهــا
بـأرض الكاظميـة فـاطمـة لـزمـت ضلعهــا
ويلاه تنحــب بحسرة
ويلاه وصلت الزهرة


1

هاي أم الحسن من اعتنت مدري شدهاها
أمــلاك السمه نـزلت سـوه تركـض ورآها
نصبــت منبـر وحيـدر تـرك جنتـه واجاها
ولفقـد الجـواد بهـل المسـه شـارك عزاها

يـــم المنبــر تحــن وتـون حيــدر سمعهــا
سبـّاحــة قلبهــا يـاوســـف ظالــم كطعهــا
ويلاه دخلت الحضرة
ويلاه وصلت الزهرة


2

محنيـة ظهــر وبــلا وعـــي تلطــم حـزينـة
يأهـل الكاظميـة أبنــي أنجتـل دلونـي وينـه
ليش أعلـه السطـح باقـي ولا واحــد يعينـه
آنه أمه واجيت اليـوم أودعـه مـن المدينـة

أي رغم الكسـر أنحب اجيت وجدمـي ساعي
منهو إلي يساعدني ويصير أعله أبني ناعي
ويلاه بالمصـاب أقره
ويلاه وصلت الزهرة


3

وكفـت عالقبـــر وتكلــه يمـه آنــه الزجيـة
جيت أبجي بحزن وعالضلوع مخليه أديـه
جسمـك سالـم ومـاداستــه خيـول الـ أميـة
ولا عنـدك مثـل زينب مــره راحـت سبيـّة

لا عنــدك يتيمـــة بالسبـي مضيعـة تراجي
تالي أعله النحـر ماتت ييُمـه مـن البواجي
ويلاه صــدت النحره
ويلاه وصلت الزهرة


4

ييمــه أفتحلـي قبـرك رايـده بصــدرك أشمك
تكلـه وبـيـدك أتـأشــر علــى الكتـــر اليئلمك
هاي الوالدة ملهوفة اجت تقره أعله جسمك
جــف الشـر عجيبــة بـلا ذنـب هاليلـة سَمّك

فــك بــاب القبــر للطـاهــرة وأرحـم صبرها
هلبت تشفي صدرك وأنت هم تشفي صدرها
ويلاه هـــــي منتظرة
ويلاه وصلت الزهرة


5

تكلـه وداعـت الحرة البقــت بألطـف غريبة
ما دام آنــه يمــك يبنـي مـا أنسـه المصيبة
يظل قلبـي لمصابـك ينعـه مايخلـص نحيبه
حــد مايظهــر ألنــه المنتظـر يطفـي لهيبة

سيفــه بيمنتـه ورايـة علـي مُحـي الشريعة
يبدي بضلعي تالي يداعي لحسين ورضيعة
ويلاه نلتقــــي بعبره
ويلاه وصلت الزهره


6

بسـك يادهــر وي فـاطمــة بـــس لاتعانـــد
أنـت بكـل حقـد يوميـة مأخـذ منهـا واحـــد
طبعـك بالحبايـب بـس تفـرق بـس تباعـــد
على أولاد الزجيـة ياوسافـه هوايـة حاقــد

تحـب التفرقـة وعمـرك ولاتسعـه بجمعهــا
هـــاي أفعــالك السودة فــلا تبــدل طبعهــا
ويلاه حقـــدك شكبره
ويلاه وصلت الزهره


شطره
امجـــد صاحـــب الشطــــري

للكـــــــاظميـــة هــاي العـزيـــه

1
بالمصـــاب الليلـــة فـــــاطمـــة نعزيهــا
لتاسع أهـــل العصمــة نبجـي ونواسهــا
عالمنابــر كلمــة بكــل صــدق نحجيهــا
هالمجالــس تقــوى نبقــى نخــدم بيهــا

طــول المنيــة هـــاي العزيـه

2
بكـــل أرض للغــالــــي شيعتــــه وفـايــه
يعنـي بأقصى العالـم هــم تسـوي قرآيــه
هالشعائـر بينـه عـن وعــي وعـن غايـه
لا قســـم بالزهــــرة مــاتطيــــح الرايـة

عدنــه هويـــة هــاي العزيـــه


3
ياقلـــــب هـــــل ليلـــة مايبـــث وناتـــه
ولجـــواد العتـــره يحضـــر بحسراتـــه
بهــذا يــوم مصابـك تنعــرض طلباتـــه
مـن جفــوف الكـاظــم يسلــم حاجاتـــه

يأخذ هديــه هاي العزيــه

4
هــل إمــام التاســـع مانسينــــه مصابة
شكـد هضمنـه فراكه شكد ذبحنه غيابة
الليلــــة كـــل أنصــاره تبجــي دم أبابه
الليلــــة إلـــف هنيالـــه الــ يشم عتابه

جمره سريـــه هاي العزيـــه


5
مــن الطــم والــونـــه لحضـة ماملينــه
هـذا أمــر الـواقـع والـوضـع يرضينــه
بـس شهـر لمحـرم باقـي ويمـــر بينــه
للحسيـــن وزينـــب ننحـــب اشتاكينــه

للغاضريـــة هاي العزيـــه

ثوب السـود عدنـه أحلـى ثـوب نلبسـه
بكل عـزيه ومأتـم كلهــا تلبــس نفسـه
هذا ثـوب الغيـرة كـل عمرنـه أنقدسـه
ومنبر أمنه الزهرة بعينه الله يحرسـه

لامنه الزجيـــة هــاي العزيــه

بغداد
امجد صاحب الشطري