ياجـــرح استقبلـــه يامصــاب أتحملـــه
يازمــن والله عجيــب
ليش أظل إبلا حبيــب

1
يازمـن بالله أعلـه هونـك كافـي مصيبـة مصيبـة
بعــد فاطــم منهــو راح يوافـي مصيبـة مصيبـة
راحــت وظــل الاســم بشفافـي مصيبـة مصيبـة
حيـدر وشالـت نعشهـا اجتافـي مصيبـة مصيبـة

ريته ضلعي منكسر ولابديــه احفــر قبر
موقفي الليلـة رهيــب
ليش أظل إبلا حبيــب




2
العنــده هم منهــو إبداله أيشيلـه هضيمه هضيمه
والعزيــز مــن أيــده راح الليلـة هضيمه هضيمه
أيـروح يــم قبـره بدمـع يشكيلـة هضيمه هضيمه
يازمــن والقلــب شــي رد حيلـه هضيمه هضيمه

بعد شيهـود الجرح لو عليـه خلـو ملح
والمشـه عيني طبيـب
ليش أظل إبلا حبيــب

3
فـاطمــة أبيــا حســـرة خليتينــي تعـالــي تعـالــي
كومـي مـن المقبــرة وشوفينــي تعـالــي تعـالــي
والله بــس جلـد وعظــم تلكينــي تعـالــي تعـالــي
صورتج مرسومة أحسها بعيني تعـالــي تعـالــي

المـن الغيـرج أصـد فاطمـة مـات الـورد
عايـش بعالـم غريــب
ليش أظل إبلا حبيــب
4
روحـي راحـت وأنتهـت أنفاسـي يـزهره يـزهره
بيــن ليلــة ويــوم شيــب راسـي يـزهره يـزهره
وكف نبضي أكبال شمعـة ناسـي يـزهره يـزهره
كلشي مات وباقي بس احساسي يـزهره يـزهره

هذي يقضه لـو حلــم ضلـع فاطـم ينهشــم
حتى بالنبضـات شيب
ليش أظل إبلا حبيــب

4
الشمس ظلمة من تصدها عيوني عجيبة عجيبة
كـــوه واكــــف بــالضلـــع آذوني عجيبة عجيبة
أبجـــي وأنحـــب ياخـــلك خلوني عجيبة عجيبة
حيــــدر وبغلـــه البشــر فجعوني عجيبة عجيبة

جنت وي فاطم أمس اليوم مدفونة الشمس
عمري اكضي بالنحيب
ليش أظل إبــلا حبيــب

6
عاليتامــه الليلـة دمعــي ايلالي عذابـي عذابـي
زينب أتريـد أمهـا تبجـي كبالي عذابـي عذابـي
بهــذا حالــي والحســـن ينعالي عذابـي عذابـي
والحسيــن بنوحــه طــر دلالي عذابـي عذابـي

ناحت أنجوم السمــه على ايتامـج فاطمـة
أندعــي موتــي قريــب
ليش أظل إبــلا حبيــب


بغداد
امجد صاحب الشطري

يالمهــدي ثــأرك لاتنســـاه


1
يالمهــدي يمتى أتطالب الثـــار
وبيمنتــــــك تشهــــر الفقــــار
مــن الزجيـــة تنطفـــي النـــار

وتبنــي قبرهــا بحســرة وب آه

2
تــدري بقلبنــه شلــون موجوع
ليـــوم الغيــاب وكســر الضلوع
بكل خطوة نبجي ونشعل شموع

يالمهـــدي مثــلك ويــــن نلكـــاه

3
ضلــع البتـول الزهرة كسـروه
والمحسن على العتبة سحكوه
حيــــدر علــي بالحبـــل قادوه

هـــذا الحصــل نـدري متـرضاه

4
يالمهدي جرحـك نـدري ماطاب
يبجي اعلـه عملـت دفعـة الباب
كل يـوم عنـدك حسـرة ومصاب

ومقتــل الــزهـــرة دوم تقــــراه

5
يالمهــدي ماظــل دمــع بالعين
فراكــك يغايـــب طــــول سنين
فـي كربــلاء ينتظــــرك حسين

أنشــر قميصــه الفايـض أدماه

6
أيــــوب صبــــره لا مينقـــاس
احنه صبرنــه وشيــب الـرأس
نمشــي عليــك الكمــــر عباس

أظهــر يمهــدي ورفـــرف الواه

7
زينــب يمهــدي تريــدك تعـــود
شايــل الرايـــة وشايــل الجــود
أنصــار احنـــه ويـــاك وجنــود

وأطالـــــــب أنــــت بثـــــــار الله

8
بســف العــدل يبــــن المكـــارم
بمهــرك تجينـــه وأنـت عـــازم
ونصيــح هـــذا المهــدي قــادم

شايــل شجاعــة حيــــدر ويـــاه

كربلاء المقدسة
امجـــد صاحـــب الشطـــري

يَفَاطِــم خِدِمتِـج تِضَـل تـَـاج وُعَلَــم
يَفَاطـِـم دَمِعتِـج جُـوَت قَلــب الخَـدَم
نـِــــداء الخَاتِمـَـــة مَـــــدَد يَافَاطِمَـــــة

1

نعاهــد نعاهــــــد يمكســـورة ضلـــع
روايـــات ثلاثـــة نهـــــل دم الــدمــع
ونــداء العقيـــدة شــــرف مـن يـرتفـع
دمعنـــا بمصـــابج أبــــــــد ماينكطــــع

عهــد يالزجــية خــدم طــول الزمـــن
نضــــل بعهـــدنه ألــج يــــم الحســن
إذا نشعـــر ضمـه مَــــدَد يَافَاطِمَـــــة


2
أبــــد مــــــو بعيـــدة إذا تبجــــي السمـــه
بــــدال المدامــــع ألـــــج تمطـــــر دمــــه
عـــرش ربنـــــه حكــه حسرتـــه لاطمـــة
أويـــلاه ينـــادي أعلـــه فـكـــدج فاطمــــة

لطـم رأسـه حيـدر علـى مصـاب الضلـع
أمــل عمـــره أنتـي وطفه بعمره الشمع
دموعه من دمه مَــــدَد يَافَاطِمَـــــة

3
مصيبـــة ضلــوعــج وعــــد ماتنجلــــــي
تحـــــــز بقلبنـــــه وتفـــــــرح عاذلــــــي
يجـــي يـــوم أشوفــــه بجنهـــم ينصلــــي
علــى الكوثــر احنـــــه يشــربنـــه علــــي

بجنــان الله كلنـه نطـــب باجــر سـوه
وتجينــه يزهـرة يشــع وجهـج ضـوه
تضلين الحمه مَــــدَد يَافَاطِمَـــــة


4
مجــالسنـــه تبقــــه يـــزهـــــرة عامــــرة
ســـــرت وي دمانــــه شعيــــرة طاهــــرة
عـــرفنــه المجـــالـس وســـــام ومفخــرة
وفــــــاء وكــــرامـــة ونجـــــا بالآخـــرة

تمسكنــه بيهـــا مثـــل مسكـــت علـــم
وكتبنــــه بدمانــــه نعــــم فاطـم نعـــم
دمعتــي هايمــــه مَــــدَد يَافَاطِمَـــــة

5
شِعـــار الخدامــــة مـــلك قلبــــي الأبـــــي
ولا يـــوم اعوفـــــه يبــــت طــــه النبــــي
أعلـــه كـــل الــمذاهــب أفاخـــــر مذهبــي
وأضــــــل بثبــــاتـــي رغـــــم كل أجنبــــي

وحـــك إلـي بيـــده علــــي رد الشمـــــس
ألــــج والبنينـــــج فــــلا اعــــز النفــــس
قلبنــه أنقــــدمـــــه مَــــدَد يَافَاطِمَـــــة

6
خــدامتنـــه حــــــــرة يمفتــــاح الأمــــــــل
تضـــل هــل شعائـــر إلـــــــى يـــــوم الأزل
مصابــج علينــه جـــلل وأصعــــــب جــــلل
نـــريــــــدج يفـاطــــــم تقبليـــــــن العمـــل

قبــول العملنــه نريــــد ابهـــل مســـه
أنظــري علينـــه يتـــاج أعلـــه النسه
نضرتج دايمة مَــــدَد يَافَاطِمَـــــة

الشطرة
امجــــــد صـــــاحب الشطـــــــري

قـسمنـه بشرفنـه بخدمتج وفــايــة

1
كـل أحنــا يالزهــرة مـــانتــرك العبــرة
وبمجلســــج نقــره والدمعـــة تروينــه
تلكينــــــه لطامـــه ويـدينـــه عـلقامــه
واليكسـر اعظامــه هم ينطي ألج عينه

هل الشعور بدمنه يــزهـرة يــزهـرة
والــــذي يـمنـعنه نحـــذره نحــــذره

ضمايــر مشاعـــر تــوافــي بحجايــه


2
بالماضي والحاضر أسمـج نجــم صاير
خدامـــــج أتفـــاخر بكل مجلـس تعاهد
يالزهــــرة نتمنـــه ينـزف حبـر دمنـه
نصطف نعم كلنــه واحــد وره واحــد

ولـــدج تعرفيـهـــا عــوابس عــوابس
لـلأبـــــــد تحيهـــا المجالس مجــالس

المجالــس مــدارس نجيهــــا مشايــــة

3
اليبجي بإحساســه وحبـــج بـأنفاســه
عالي يظل رأســـه يتفـاخــــر بحبــــه
كل أحنـه هم مثلـه بخـدمتنـــه نتعلــه
المايرضــه بالذلـة احروفـــج بقلبـــه

كل عمرنه ابابـج محبيــــن محبيــــن
مانعوف مصابـج والحسين والحسين

أمـــــــانة بـــدمــانه وبـــدينـه هل الراية

4
كـل دمعــة نجريهــا أنتـــــي التسجليهــا
مـــذخـــورة خليهــا تنفعنــــه بالمحشــر
لــو نتــرك الخدمـة مـانشعــــر بنعمــة
لكـل البشـر رحمـة هاذي أنتي يم زينب

أنتـي يـوم المحشر هــوية هــوية
واكفه أعله الكوثر زجية الزجية

يحــوراء يزهــراء جفوفـــج عطايـــة

5
نقسملــج بحيـــــدر لـــو كلنـــه نتــــوذر
عنـــــــج منتكتــــر عــن أسمـــج أندافع
اليبغضـــــج مـــرة مـايــربــــح بعمــره
تعثرينــه يالزهــرة هـــــذا هـــو الواقع

وينــــه اليـــلاوينه نريـــــده نريـــــده
نخلي أصبـع بعينه ونبيـــــده نبيـــــده

على موت نجي نفوت تره احنه الشرايه

6
باجـر يجـي المهدي وبهــل البــدع يبدي
بركب النصر يحدي وقبــرج نجـي يمـه
والحضــرة نبنيهــا ورايــــــة نعليهـــا
جلمتنـــــه نوفيهــا وترابـــــج نشمـــه

نقرالـــج المقتــــل مــن أنـزور مــن أنزور
ونلطــم ولانخجــل على صدور على صدور

بحضرتج نذكــرج نســـوي اقــرآيه

شطره
امجد صاحب الشطري

شلــون هليلـــة أغمــض عيونــج
فاطمـــة بيا حــال أعيـش بدونــج
أغلى عمري ومني راح
يمتـه أمــوتـن واستراح
يالزجية


1
آنــه حيــدر والله مكــــدر أصبــر أكثـر يالوديعة
كلج جروح ضلعج ينوح طلعت الروح بالفجيعة

هـي يقضة لو حلم من عندي ترحين
كون مني مكسرات أضلوعي الاثنين
آنــه أموتـــن فاطمـة وأنتـــي تظلين
يـم حسـن جنـازة بيـه لقبري تمشين

عــــازه الأحبــــاب الهـــم عـازه
شلي بعمري وأنتـي يمـي جنازة
جبـل حيلــي وكلــه طاح
يمتـه أمــوتـن واستراح

2
قلبـي صابـر وكفت حايـر شلون باجر يـاحسرتي
أنتـي وردة وقلبي وحدة عندي شـده لو رحلتي

هــو شيفيــد الـورد لــو راح عطرة
تيبس أغصانه وبعدها يموت جذره
هـذا آنــه المنكسـر بالفركـه ظهـره
والله مــاريـد العمــر بعــدج يزهره

هــاي أول مـــرة أودع غــالــي
علي تجري دموعه أول تــالــي
سمعــت النـاس الصياح
يمتـه أمــوتـن واستراح
يالزجية




3
والله صعبــة كلشي غربة مالي رغبة بعمري كله
تجري عيني يــــاحنينـــي كـل سنيني ويـاج تحله

أحنه صح أثنين بـس بـروح وحده
مثـل فــاطـم بالخلايــق ياهـو عنده
خالــي يالزهـره مكـانـج من أصده
فــارغ ومحــد بعــــد عينــج يسده

جنتي شمعة وضاويه بنص بيتي
هسـه ظلمــة صــار مــن مشيتي
بعمري ماشـوف أرتياح
يمتـه أمــوتـن واستراح
يالزجية




4
البيت خالي مابكالـــي شو تعالــي رحمي حالي
حسين واخته يبجي شفته ياحسرته الفكـــد غالي

شنـو حـال حسين لمن مـاتت أمه
ياحنـان الـدافـي بعــد أمـه يضمه
راحـت وليل المصـاب يحيـط يمه
هـي وصـت زينـب بصدره تشمه

زينب ومهــرة مـــن اتجدمينـه
شمــي نحــره وقبلــــي جفينـه
رأسه يعلي أعله الرماح
يمتـه أمــوتـن واستراح
يالزجية




5
كـون أمـوتن ولااشوفـن دموع يبجن وضلع نازف
ونـار كبرى واشد عصره وصوط زمره ونذل واكف

بوجهي يضحك كلي انه عصرت الزجية
ورفستهــــــا وشعلــــت نـــــاري بــدية
كتلـــه لـولـه المصطفـى وذيـج الوصية
جـــان مـاتكــــدر علــــي كــــــل البرية

الـوصيـــــــة الكيـــــدت فقاري
جـان تحلـم أنـت توصـل بداري
منـــي ميطيـــب الجراح
يمتـه أمــوتـن واستراح
يالزجية





6
صرت وحدي منهو عندي كلها ضدي شكد عجيبة
خلص عمري انكسر ظهري الله يدري بــــالمصيبة

كمـت يا أم الحسـن من أدخل الدار
أمسح الحايـط بـدية بسيـل الاعبار
أنظـر البــاب الثكيلـة وأذكــر النار
ولطمه بعيونج يزهره وأثر بسمار

وره الحايـط ضلـــع يتراوالــي
والنذل بالصوط أشوفه كبالــي
وأنكســـــر منـــــي جناح
يمتـه أمــوتـن واستراح
يالزجية

بغداد
امجد صاحب الشطري

حـــايـــــر وأدور بيــــــن القبـور
مقطوع نحري وظهـري مكسـور
يهل الرحم يهل الحنـان
أم البنيـــن بيــــا مكـان


1
دلونـي يا أهــل الرحـم ويــن القبـــر ويـن
قلـولهـا خطــار أجــاج وأسمــــه الحسيـن
عليــه عزيــزة وغـاليــة هـــاي أم البنيـن
وفـت عـهدهــا وضحّـــت بأربــع رياحيـن

أمـي الجليلــة موفيــه ويــاي
من كربلـه جيـت ألهـا عَنّــاي
ويــاي نَــزّلــت الجنـان
أم البنيـــن بيــــا مكـان


2

يهــل المحنــة أم الوفــه ودونـــي يمهــا
مشتـاق أطيـح عليهـا احضنها واشمهــا
ويــــاي أمــــي تلتقـــي جانـــت حلمهــا
تالـي الدهـر باعدنـي عنهـا ومارحمهــا

يوميــة جانـــت تلــزم البـــاب
والليلــة نامــت تحـت التــراب
يـاللأســف دار الزمـان
أم البنيـــن بيــــا مكـان


3

جيـت أمشـي وأقعـــد للقبـر والبيـه بيـه
ماريــــد أمــــي فاطمـــة تعتــــب عليـه
عبـــــاس منـــج يعتــــذر عينــه رميـة
بيمـن يشيعــج والزنــود أعلـه الوطيـة

ما أريـد أحجــي خـاف اذيــج
يمـه خواتــي يسلمـن عليــج
آخـر سؤال بقلبي جـان
أم البنيـــن بيــــا مكـان


4

خلونــي أقــره الفاتحــة وأنعــه عليهــا
بلكــت تفــك بـاب القبر وتمدلـي أديهــا
عدها عِلّم من كربلــه راح آنــه أجيهــا
أم الـوفــــه مـا إلهــا بالعــالـــم شبيهــا

بــاب الحوائــج هـــي للنـــاس
من عدها صار الكمر عبـــاس
يالمعتنـي صيـح بأمـان
أم البنيـــن بيــــا مكـان



5

وسفــه تمـوت بــلا أهــل لا عــدهـا أحباب
وفـوك الجسـد جـف الغريـب ايهيـل التراب
صـاحــت يزينـــب يـاكمــر يـاداحــي الباب
خالي يرد صوت الصدى ماسمعـت أجواب

جم مرة صاحــت يمـه يحسيـن
أحضــر منيتـي وغمض العيـن
جيت ألها من فات الأوان
أم البنيـــــن بـيــــا مكـان



6

يايـوم أشـوف ألهــا قبـــر وعليـه منـارة
كافــي قبـرهــا محــوط بســور وحجـارة
وتلـــث أئمـــة طــاهــرة تعـلــــه بجواره
وأهــل الحميـــة تعتنــي تـــأدي الزيـارة

أمنيتـي اشــوفــن بالسمـــاوات
أربــع قبـــب وثمــــن منـــارات
ونشوف يوم المهدي حان
أم البنيـــــن بـيــــــا مكـان




شطره
امجـــد صاحـــب الشطــــري

بـــالك يابشــر بـــالك روحــك لاتذهـا
لاتطلبهن الحاجات بس اله من أهلهـا

1

إذا همــك كبــر وتصيبـــك الحيــرة
أنخه أم الكمـر عبـاس أبـو الغيــرة
أعقــد نيتـــك والهـــا الوجه ديــره
شما تكبر الحاجـة بعينهـا صغيــرة

لـو عنـدك ألف حاجـة هم تكدر تحلها
لاتطلبهن الحاجات بس اله من أهلها



2
مهمـــا دنيتــــك تتــزايــــد بهمهــا
بيــد أم البنيــــن الـــدنيـــا سلمهــا
أقـــره الفاتحـــة وشتريـــد كلمهــا
حاجاتــك الصعبــة هــي تحسمهــا

هاي أم الكـرام هايـه ماننكــر فضلها
لاتطلبهن الحاجات بس اله من أهلها


3
همــك لــو علّــه ومـاتكــدر تحملــه
أحفــظ مــاي وجهــك بــالك تنزلــه
عيـش أبكـل شـرف لتعــش بالذلــة
مثل حسين صير ألما حصـل مثلــه

يم حسين أبو سجاد دموعك أنت هلها
لاتطلبهن الحاجات بس اله مـن أهلها


4
أكــو بنـادم يـودك وأنـت إلــي توده
لكــــن بــالكفــه مــاتعـــرف شعنده
صحيح يساعدك لـو جدمك أيقصده
بـس مــرات بــابـه بوجهــك أيسده

بس من تقصد أم عبـاس ماتلقه مثلها
لاتطلبهن الحاجات بـس اله مـن أهلها


5
شمـا بيــك الــوكـــت يتقـــدم ويكبــر
دام أم الـــــوفــــة ويــــاك مـايخســر
تمسك بيهـا ومـن الــ شـامـت أتحـذر
ترفعـــك فاطمــة أكثـــر بعــد وأكثــر

باجر بالحشر روحك بيها يصير أملها
لاتطلبهن الحاجات بس اله مـن أهلها


6
لاتتـــوهــم وتتـــرك دمـــع عينـــك
وبهـاي المجـالس خلـــص سنينــك
يشهــدن عالطـــم هــاذنـي جفينــك
تنادي أم الوفه بيـوم الحشر وينــك

تـآخـذ فاطمـة بيــدك مــن تتقــدم ألها
لاتطلبهن الحاجات بس اله مـن أهلها


7
قلــــت آخـــــر كـــــلام ودايـــم أتذكره
أتــرك كلشـــي بـــــس لاتتــرك العبرة
على حسين أنتحب وأبجي لقطع نحره
دموعــك هــاي بيهـــا أتفــرح الزهرة

أذكر زينب الحــوراء وعبـاس الكفلها
لاتطلبهن الحاجات بس اله مـن أهلها

بغداد
امجــــد صاحـــب الشطــــــري

غنـي ياطيــر العشــك وأخــذ الســلام
وصّلّـه لبنــت النبـي بشـوك وغـــرام

1
يلــه ياطيــر أخــذ شــوك نبــض دلالي
خلـــي الجنـــاح بالأفراح يسّر كل غالي
فاطمــة اليــوم بالأكــوان نجمهــا يلالي
خـل يشوفـون بالعيــون كمــرها العالي

هــاي أبــوها المصطفـــى سيــــد الأنــــام

2
وي هـوى الهـاب للأحباب أخـذ ورداتي
قلبي مفتون وأنـه الشـوك ملك بسماتي
هذا أجه العيد وأنه اليوم جبت شمعاتي
بهـاي الأعيـاد والأفــراح نسيـت آهاتي

والله حقهـــا عيونــــي تسهــــــر ماتنــــــام

3
وي الطيــور مــن أطيــر ردت تأخذني
قلبي ولهان علـى جنـاح يطيـر أحملني
آنــه ويــاك لأبـو حسيـن نــروح انهني
خادمــة وجــاي أوافــي وعلــي يقبلني

أبعــــــث أحلـــــى التهنئـــــة لأول إمـــــام

4
هـاي القلـوب فـلا يـوم تعــوف العِشرة
لـن الأحبـاب والأصحاب ربت عالفطرة
شَعّــت بنــور بالأفـلاك ضـواها الكمره
يعتلي الصوت إلـى الموت مدد يازهرة

فاطمــــة ويــــم العـــــــرش ألهـــا مقــــام


5
آنـه مــن جيـت يـزهـراء أريــد أمرادي
وأدري تنطيـن بالجفـوف يبنـت الهادي
بعيـــدج اليـــوم اجينـــاج أنــه وولادي
مآخذ عهود من صباي أنه من أجدادي

همـــه ربونــــي وخــــذت منهــــم كـــــلام

بغداد
امجد صاحب الشطري

يازهراء يازهراء يازهراء يازهراء


1
عيد أم الحســـن ينعد بألف عيد
قليلــة شمــــا نقدملهـــا أناشيد
عمرنا بغير اسمها كلشي ميفيد
ألهـــا تهيــــأت كــــل الـرواديد

يازهراء يازهراء يازهراء يازهراء


2
مشــــاعرنا أعتلــت يم نجمة سهيل
وظل بينه الفرح صبح ومسيه يميل
كمــر بالدنيــا عالـي مضـــوي باليل
أناشيـــد وشعـــر يقـــــره ومـواويل

يازهراء يازهراء يازهراء يازهراء


3
منهـــا أتفرع أجــم عيد هل يوم
هاي أم الوفه وأثنعش معصوم
هاي أم الحسن فرحة المهموم
كــل أيامهــا عيــــد وفرح دوم

يازهراء يازهراء يازهراء يازهراء


4
يمن أسمج صـــبح مابين العيون
وصار بمولدج هل العقل مجنون
دخليهــا الشماتـــه شمــا يقولون
حبج بالقلـــب ونعوفـــه يــردون

يازهراء يازهراء يازهراء يازهراء


5
باجر عالصراط أتفــوت الأنصار
وجف حامي الحمية يصير معبار
ياشيعـــي بممـاته يصيـــر محتار
يعيش بجنته ومتمســــه كــل نار

يازهراء يازهراء يازهراء يازهراء


6
قبل كل ألعصـور وكــل الأديان
لولاج الفـلك والكـــون ماجان
أمر رب الخليقة ورب الأكوان
جفــج بالقيامــة يصيــر ميزان

يازهراء يازهراء يازهراء يازهراء

شطرة
امجد صاحب الشطري

يلنمت بأرض النجف آنه نـام بروحي طف
لاتلوم العيـن لـو كثـرت بجيهه
بالغـرب تنتظـرك أتبيـن عليهه


1
والله مشتاكـه لحنـانـك روحـي ملهوفـة عليك
ردت قبل الموت بويه بحضنك اغفه وبين أديك
بعـد آخــر نفــس بيــه والله لـو بيـدي اعتنيك
تمنيـــت بهــــل مسيــة تنتهـــي أنفـاسي بيك

قبل مامـوت وأغيب أرد أشمـــك يالحبيب
قبل ما أمشي ردت روحي تجيهه
بالغــرب تنتظـرك أتبيــن عليهه


2
شلـون لو حانـت منيتي وأنـه ذابحني الحنين
وَحَدِي وين أنطي وجهي لابو فاضل لاحسين
عفـت أهلـي وكـل أخـوتي عالتــراب مكطعين
حسيـن والقاســم والأكبــر وأربعـة لأم البنين

لاحبيـــب ولا زُهَيــر ياعلي وضعي خطير
محد أعله جنازتـي يسمـع نعيهه
بالغــرب تنتظـرك أتبيــن عليهه


3
أنـــه ودعتـــك يبـــويــة ودعـــت أم الحنــان
والحسن بجفوفي شلته ياعلي من موته حان
كل أهل بيتي أحضرتها أبكل زمان وكل مكان
ليـش محد هسـه إليـه ويحضـــر بيـوم الدفان

بالحزن ناديـت صوت منهو يحضر من أموت
حتى نبضات القلب تنـدب وليهه
بالغــرب تنتظـرك أتبيــن عليهه


4
انـه بيـه أجــروح كثـرة ياجــرح منهـن يطيب
ضربتك لو عصرة أمي لو كطـع رأس الحبيب
على أفراش الموت جسمي كمت اندب ياغريب
السـلامُ علـى نحــره وعلـــى الشيـب الخضيب

ياحبيبــي ياحسيــن نور عينـي ياحسين
هاي نفسي بشوفتـك رد ارتويهه
بالغــرب تنتظـرك أتبيــن عليهه


5
رتـك اسـولفلك عـذابي وتنظـر اثــأر السياط
ياعلـي وذبحـت حسينـي كطعـت مـني النياط
تدري عبـد الله يبـويـه منــه مسلـوب الكماط
وأحنـا ظلينــه سبـايــا لاكـو خيمـة ولا بساط

آه منـــــج كـــربـــلاء ضاعت أطفال ونساء
تعلــم بمحنتــه لو ماتـدري بيهه
بالغــرب تنتظـرك أتبيــن عليهه


6
يالتدفنــونــي أوصـــي بالقبـــــر لمـــــن أنام
دفنـوا وياكـم عباتــي أعليهـا دُخــــان الخيام
وجفنـونـي بـرايـة خضرة لبيهـا اثـأر السهام
على خدودي وزعوها حتى أشتم عطر الإمام

تنطفـــي نـــار الــدليل براية اعضيدي الكفيل
هاي راية بروحي وبدمي اشتريهه
بالغــرب تنتظــــرك أتبيــــن عليهه

شطرة
امجــــد صــــاحب الشطـــــــري

قصة مصاب أم الوفه ماننتهي آوياها
كلما يمر وحي الدمـع كل عين تقراها
منعـوف عـادتنـه نحـيي مجـالسنــه
_______________________

1
لبت الشريفة الطاهرة نبــدي ابتعـــازينه
يازينب الليلـة المحــب ماغمضـــت عينه
فكدج خسف وجه السمه من قرب أعلينه
وأمـلاك ربنــا أتـألمت نــزلت تـــواسينـه



وأحنـــا أبمصيبتنــه نحيـــي مجــالسنـــــه






2
بكــل المجالس نايحـه وكـل روح محتارة
وقلــــب المُعــزي للأبــد ماتنطفـــي نــاره
يطفــي جمرنــه المنتظــر من يطلـع لثارة
ينشــر علـم حامي الحمة وبيمينــه فقارة



وبــزود قــائــدنــــــه نحيـــي مجــالسنــــه


3
جبريـل مكسـور الجنـح بالفاجعـة الكبـــره
عزريــل يلطــــم هامتــــه ويعظـــم بأجـرة
مكســور خاطــر شيعتــج يازينـب الحــرة
وعليج أبو صالـح حزين ومنكســر ظهره

وتصيـــح دمعتنـــه نحيـــي مجالسنـــه
4

هيهــات ننســه مصيبتــج يازينب ونهـجـع
يلي بنضــرتج جم أخـــو مذبوح بالمصرع
نذكر مصـايب كربــلاء ويــرويهن المـدمع
جود أبو فاضل والمهد والجسـم الي أتكطع


لكــربــــلاء ونتنــــه نحيــــي مجـــــالسنه
________________________

5

زينب بـداية لكـــل حــزن هـذا الأمـر مُحكم
من كسـرة أظلوع الوديعـة وحـرق المخيـم
زينب وجوباً بـل فــرض نـذكرهـــا كل مأتم
حقهــا النـواظر لـو بجــت لأم الخدر من دم


هيــــــه وسيلتنـــه نحيـــي مجـــالسنه

6

نعش العقيلة بهل مسه كل رافضي أيـودعـه
وأعليــها مــن ذات القـلــب يتألــــم وينعـــه
ويصيــح يازينـب ألـــج مــــاتنشف الــدمعة
هـــذا العهـد بالدم نكتبــه وبالـــوفه أنـوقعه

نبقى لعقيدتنـــــــــه نحيي مجالسنــــــه


بغداد
امجــــد صـــاحب الشطــــــري

1
زينـــب آنــــه بت علي وأبـــــو فاضـــل كافلي
لحضة لحضة أبقـه اعتلي منهــو قـال آنـه أطيح
(والجبــل ميهــزه ريـــح)

2
دار دوّر ودهـــــري در ودوري دار أعله الدهر
دره بيــــــه أم الفخــــر الغــوث يازينـب يصيح
(والجبــل ميهــزه ريـــح)

3
عروش بيـدي طَيحـت وآنــه زينــب ماطِحـت
عزم مـن حيـدر خـذت ومن أبو اليمـه الذبيح
(والجبــل ميهــزه ريـــح)

4
همهــم وهــــــام الألـم وهمي بهمومي أنسجم
هـامتــي أرتفعت علـم كتبـت القـول الصريح
(والجبــل ميهــزه ريـــح)


5
أروي عن دوري القوي اومحتــــــواي العـــلوي
السامـري طويتـه طَوي بصبري والساني الفصيح
(والجبــل ميهــزه ريـــح)

6
أشرف أشراف الشرف بالطـف وهالطف هدف
والأصل بأرض النجـف واضـح وكلش صحيح
(والجبــل ميهــزه ريـــح)

7
ما أخــذ منـي السبـــي الغيـرة كلهـا بمعصبي
ذاكه تـــــــل الزينبـــي بوكفه سوالـي ضريح
(والجبــل ميهــزه ريـــح)

8
بـت علي الرد الشمـس غيـرة متروسـه تـرس
زينب الحاضـر وأمس أسمي عالي بلا مديح
(والجبــل ميهــزه ريـــح)

شطره
امجـــد صاحـــب الشطـــــري

سلام الله أعله قبرك سلام الله أعله صبرك

1
أسلــم وأذكــــر الكاظــــم بالآهــــــات
وأعَبـّــر وأتـــرك بصـــدري علامــات
يمـن عمـرك كضــه بهـــم وجراحــات
على أجروحك على همومك سلامــات

سلام الله أعله عمرك سلام الله أعله صدرك

2
سلام الله علــــى كــــــل ذكــــــرياتك
سلام الله أعلـــه سجـادة صـــــــلاتك
سلام الله علــــــــى أول حيــــــــــاتك
سلام الله لحــــد لحضــــة ممــــــاتك

سلام الله أعله قدرك سلام الله أعله فكرك


3
سلام الله علـى قيــودك ضـــوه العين
وعلى اجفوف الأمس نزفــن قرآءين
سلام الله أعلــه سجنــك والحيــاطين
وعلـــى ذاك الصبـر يابـــو الجوادين

سلام الله أعله قهرك سلام الله أعله نحرك

4
سلام الله أعلـه كـل دمعـة مـن العيـون
سلام الله علـــى إحسـاســك يمسجـون
متـــت مسمـــوم والـــــوادم يشيعــون
صـرح عالـي صــرت وإنــزال هارون

سلام الله أعله أجرك سلام الله أعله بدرك


5
سلام الله أعلــــــه أرض الكاظميــــة
وعلـى جنـة ضريحـك هـــل مسيـــه
سلام الله أعلــــه قبتـــــة الذهبيـــــة
وعلـى الرايـة وعلـى جســر المنيـة

سلام الله أعله سرك سلام الله أعله سترك

سلام الله أعلــه كــل زايــــر تعنــاك
كصـد مشـاي وبهــــل الليلـة زاراك
إمـام الرافضـة أبكـل حســرة نـاداك
أمــوت وما أعـوف بيـــوم ذكـــراك

سلام الله أعله أمرك سلام الله أعله ذكرك

شطره
امجــد صـــاحب الشطــــــري

يابـاب الحـوائـج يـاموسى أبــن جعفــر

_________________________

1
ياعطــاي المــــــراد يـــاروح الــــزجيــــة
بينــه شبــت النــار والـــونــــــه شجيـــــة
ناعي أمصابـك أيصيـح ويـن أهـل الحميـة
مــوسى الليلــة مسموم بـــأرض الكاظمية

تنعـــى الليلـــة بغـــداد والعــالـــم تغير
يابـاب الحـوائج يـاموسى أبـــن جعفــر



2
يالكــاظــم اجينـــاك وي سـاعــة مصــابــك
جينه أنعظم المصاب وأنـوح أعلــه بــابـــك
مــن ظلـــم المطــاميــر نستــذكـر عـــذابـك
مـــدمعنـــــه دمــــه سال مــن قــرب غيابك

منــه بيــوم الــوداع كــل خاطــر تكسر
يابـاب الحـوائج يـاموسى أبـــن جعفــر

3
عــرش الله والأمـــلاك والــدينـــا الــوسيعة
تبجي وتنحب أعليــك مــن يـــــوم الفجيعــة
جسمــك عالجســر صــار والنــاعـــي يذيعة
هــذا الكــاظم أيصيــح هــذا أبـــن الـــوديعة

مسموم ويلي مسموم صحنه الله واكبر
يابـاب الحـوائج يــاموسى أبـــن جعفــر
4
مـن سجــن الظـــلامات ولجـــــاس المنيــة
جبــدك أمســه مسمــوم هـاي أعظم رزيـة
مقيــد والدمه أيسيــل وجفــوفـــك ضحيــة
يالكاظـــم اويــــلاه نصـــــرخ هل مسيـــــه

بركــان القلــب صـــار وبفقـــدك تفجر
يابـاب الحـوائج يـاموسى أبـــن جعفــر

5
آه يابـــو الجواديــــن هجــرك بينــه همــه
وجــف الذي سمـاك لا ماعنـــده رحمــــــة
لا ماراعـه الإحسان جسمـــك يجري دمــه
شاهــد سيــدي أعليـك ظـــل جسـر الأئمة

ظـــل أسمك يمــــولاي والخـــانـك تعثر
يابـاب الحـوائـج يـاموسى أبـــن جعفــر
6
نعشــك أربـــــع أرجــــال تتعنـــه وتنقلــــه
بالـمــدمـــع تـــواسي وبلحـــــده تنـــزلــــه
هل ليلــة المـــلاييــــن عالهـــامــه تحملـــه
يالكاظـــم هــــل أمصـــاب أبــــداً مانجهلـــه

يابــاب الكــرامــات قبــرك يبقى محور
يابـاب الحـوائج يـاموسى أبــن جعفــر
7
كـــل زايـــر تعنــاك ظـــل ثـــابـــت قــــراره
لـــو دربــك جمـر صـار ميعـــوف الــزيــارة
كــل هــم منــي ينــزال لـــو شــفت المنـارة
قبــرك أمســـه هل يــوم مـــأوى للحيـــــاره

واليدخـــل حضرتـــك لا ماأظــنه يخسر
يابـاب الحـوائــج يـاموسى أبــن جعفــر

شطره
امجد صاحب ألشطري

هـــذا الإمــــام أعلـــه الجســـر نايم
خـل نحضـر التشيـع ونـودع الكاظم

1


بــلا أهــل ويلــي غمضـــت عينــه
سمــــو جبدتــــه ومحــــــد يعينــه
ضيــم وسجـــن خلصهـن سنينــه

والجبــد صــار أوصــال مــن عملــت ظالم

2
حيـــرة الإمـــــام ابيـــــش يتصبـــر
وبالســم ابــن سنــدي عليــه يفتـــر
مسمــوم مـــات اليــوم أبـن جعفـــر

وأبــن الخنــه يصــد ليـه بــس بثغــر باسم



3
ليــش السلاســـل شبكـــت جفوفــه
والجـــامعـــــة بالركبــــه ملفوفــة
جــاويــن حيـــدر يحضـــر يشوفـه

فـوك الجسـر مسمــوم راهــب بنــي هاشم

4
مطــروح جسمــه ويــن الــ يشيلــه
يافــاطمــــــة الكــاظــــــــم تعاليلــه
شيصبـــر ابنــــه الـرضـــــا هليلــة

ليــش الدهــر ويــاه ماصـــار أبـــد راحم




5
مـــوعـــد لقـــاء الكاظــــم الجمعــــة
نمشـــي لجســـــر بغــداد ونشيعــــة
ويانــه تحضـــر فاطمــــة البضعــــة

قلــب المحـــب مــاعـــاد مــن الألــم سالم

5
الكاظــم ولينــه واحنــه أنصـــاره
طــول الزمـن بينـه تشــب نـــاره
باجــــــر المهـــدي يأخــذ بثـــاره

واحنـــه نظـــل أنصـــار وبأًمـــرت القائـــم

شطره
امجـــد صاحـــب الشطــــري

يازايـر حسيــن أخـــذ دلالـــي دلالـــي
هليلـة ميـلاد حبيبــي الغالـــي الغالــي

1
هــاك أخذ ويــاك روحـي مـن تـروح الكربله
طوف بيها يم ضريح حسين قلبي أشتاك اله
اوكــف وبلـغ سلامــي كلــه عنـــدي مشكلة
خــادمــك يدعــي بدعـائــه والفـــرج يتأمله

والباقـي يدعيـك دموعـه أتـلالي أتـلالي

2
اليكضـي حاجــات المــوالي هـذا ربـه يوفقـــه
عيــن ربنــه بكــل حياتـه لحـد مماتـه ترافقــه
شما يحب بالدنيا لا شـك يعلـه شانـه ويرزقـه
وأنــت مــن تـدعيلــي حلمــك الله راح يحققـه

أسمــك يوفــاي نجــم بالعالــي بالعالـــي


3

لــو شفــت قبــة ومنـايــر أرفع أيدك للسمــه
يستجاب الله دعـائــك يلــــي روحــك هايمـــة
كله يحسين آنـه اجيــت بداعــه أمـك فاطمــة
بجفـي طلبات وحـوائـج كلهــا إلك متزاحمــه

حاجات الأحباب أحسها أغلالي أغلالي


4

مـن تطـب للحضـرة حافـي أحمـل بجفـك ورد
سلـم أعليـه بخشوعــك هـو مــن طبعـة يــرد
أحضـن الشبـاك بيــدك كلـه اجيتــك مـن بُعــد
ماتــرد العنــده حاجــة وآنـــه جـدامـــك عبـد

ياسيــدي بيــك عقــدت آمالـــي آمالـــي


5
حين تكضي من الزيارة أكصد أنصاره الولـي
زورهم وأدي التحيـة ويـم حبيـب أدعـي إلـي
علـى إبراهيم المجـاب بسبحتــك أذكــر علـي
وأكصـد النحـر الشريـف وخلـي نوحك يعتلي

وتصــور شلـون ذبيــح الوالــي الوالــي

6
مـن تريـد تـروح منــه وتنـوي أنـت تودعــه
أتحـس دمعتـك وي روحـك باقيـة وماطالعــة
أتجـه صـوب أبو فاضل هـذا ليث المشرعــة
حاجتـك تلكـاه عنـده مــن الحسيــن مـوقعــه

كلشي من الحسين نذر يحلالي يحلالي

شطره
امجد صاحب الشطري

أبــو فاضـــل رجــــــف الخيالة
وصلت الصوب الشريعة أفعالة

1
بيــــــه تشهـــــد كربله يابو فاضل
الظلم رجه وسلسلـــــة يابو فاضل
بزودة شاخ أعله الملا يابو فاضل
ياهــــلا وميــــت هلــه يابو فاضل

بالسمــــه هليـــوم هــــل إهــــلاله

2
اه أبـــــو الغيــره شنكول يابو فاضل
والله حيــــــرت العقــــول يابو فاضل
ياشبــل فحـــــل الفحــول يابو فاضل
اليــوم حيــــاك الرســول يابو فاضل

عايــدك قلـــب الرســــول والـــــه


3
والله تسلـــــــــم يابطــــل يابو فاضل
الما حصل بل طف حصل يابو فاضل
صـــــارت بجفـــك وصل يابو فاضل
أنـــت أبـــن خيـــر العمل يابو فاضل

بيك أبو اليمــه نبـــض دلالـــــه

4
ياسلالــــــــة حيـــــــــدره يابو فاضل
الدنيــــا بيــــــك منــــوره يابو فاضل
هــــا يسبــــع الكنطـــــره يابو فاضل
ويــــاك دنيــــــا وآخــــره يابو فاضل

أنــت هــذا الكون وأنـــت أمالـــه





5
حبــــك أبكـــــــل الأمـــــــــم يابو فاضل
مــــــن مبادئنـــــــه أنضــــم يابو فاضل
هيبتــــك باعلـــــى الهـــــرم يابو فاضل
أنـــــت شيـــــــــــال العلــــم يابو فاضل

جـــف العالــــي جثيــــرة أفضالـــــه

6
خـــل تشـــوف أهــــل الغــــدر يابو فاضل
احنــــــه نرخصـــلك عمـــــــر يابو فاضل
بعــــــــد ماكـــــــو أي عـــــذر يابو فاضل
أنـــــت بـــــل حـــق منتصــــر يابو فاضل

والينصــرك مــن قلب هنيـــــاله

شطره
امجد صاحب الشطري

يفرحـــــت ودادي يزيــــن العبــــادي
يامولاي يامولاي يامولاي يامولاي
1
يمــن بــدرك اليـــوم يشع بسمانه
إلك يبـــن الحسيـــن نقــــدم ولانه
بمحافلنــه هليـــوم يرفــرف لوانه
عســه الله ونبينـــــه يقـــدر وفانه

تلـــــوح السعـــادة أعله هاي الولادة
يامولاي يامولاي يامولاي يامولاي

2
يانبــــــع الإحســــــاس يازيـــن العباد
مــــن صوب الأشواك بينه الفرح عاد
تحضرنــه بالضيـج ياسيـــــد الأسيـاد
وجفـك يمحبـــــوب عطـــاي المــــراد

يبحر المكارم يسر العوالم
يامولاي يامولاي يامولاي يامولاي
3
من هاي الأيام شفنه أحلى عيدين
عيدك يمولاي وي عيد الحسيـــن
وبجفه عباس حيه المواليــــــــــن
خل نفرح اليـوم وي المياميــــــن

ضمير الوفه وياك يذبوب اعله طرواك
يامولاي يامولاي يامولاي يامولاي

4
من لوح العيـــد بأرض المدينة
جن سيد الأكـــــوان عيد ولينه
وكل عاشك اليـــــوم ثبت يقينه
والتشهد وياك بصمـــــات أدينه

نبعـــث تهاني وأحلى الأماني
يامولاي يامولاي يامولاي يامولاي


5
مبتشرة بلعيــــــد كل المحــــافل
نيته بلشـــــــــوك والحب نواصل
وتثبت وياك هـــــــاي المراجــــل
بلمولد اليــــوم تعلــــــى الهـلاهل

إلك كل عمرنا يمشعل دربنا
يامولاي يامولاي يامولاي يامولاي

موقفنه بلشـــــوك والحــــب كتبناه
نقسم بالحسيـــــن مالحضــة ننساه
أسمك على النجــــــوم بارينه علاه
ياكوكب العيــــــــــد ياحجــــــــة الله

بين العوالي مجدك يغالي
يامولاي يامولاي يامولاي يامولاي

شطره
امجـــــد صاحــــب الشـــطري

يامهدينــــه مـــدد مــــدد مـــدد مـــــدد
ياصـــاحـــب الــــزمــــــان

1
لحضرتك مدينه أدينه أنت للشيعــــة سفينــة
ياصــــراط المستقيــــم

مـــولدك بيـــّـن علينه نـــورت أرض المدينة
هب عالشيعة النسيم


ذهلت الدنيـــا بجمالك من علي شايل خصالك
وأنت مـن الله كمـــالك يابو صالح يابو صالح

يامهدينــــه مـــدد مــــدد مـــدد مـــــدد
ياصـــاحـــب الــــزمــــــان




2

الليلة ساك الباري طافك روضـة الجنـة بضفـافك
وارتقه الحــب والحنان

الكــوثر بنـــورك توضه صله بسم المهدي فرضه
وسبحــت كــــل الجنان




جم نبي أستقبل مقامك وانحنـه الهيبــة كلامك
وأنت حييتــــه بسلامك يابو صالح يابو صالح


يامهدينــــه مـــدد مــــدد مـــدد مـــــدد
ياصـــاحـــب الــــزمــــــان



3

الليلة يامحلاها ليلـــة ينــولد أعظــم وسيلــة
ومنجه كـــل الكائنات

غـرت الهادي محـمد كالبـــدر نـــــوره توقد
وأزهرت بيه الحياة


يله نستقبــل حضـــوره بيّن أبن الزهرة نوره
اليوم اجيت بأحلى صورة يابو صالـح يابو صالح


يامهدينــــه مـــدد مــــدد مـــدد مـــــدد
ياصـــاحـــب الــــزمــــــان



4

شنهو يالمهدي شعورك مولـــد وساعة ظهورك
يلتقـــن فـــي كربـــلاء

توكف أكبــــــال المنارة وبالصحـن تقره الزيارة
وتنطي لحسين الولاء


وتكصد الراعي الحمية تاخـــذ أكبـــاله تحيــة
نحتفـــــل بالـــزينبيـــة يابو صالح يابو صالح


يامهدينــــه مـــدد مــــدد مـــدد مـــــدد
ياصـــاحـــب الــــزمــــــان



5

يمتــه يتحقـــق وجودك تـــوفي للنــاس بوعودك
وتنشر الدنيا السلام

سيــدي والليلـــة جمعـة العاجـــل أنريـــــده نسمه
قد ظهر آخــر إمام


ســاعتــك لا مــو بعيــدة تــرفع الــراية الرشيدة
بمهرك وسيف الصميدة يابو صالــح يابو صالح


يامهدينــــه مـــدد مــــدد مـــدد مـــــدد
ياصـــاحـــب الــــزمــــــان



6

هذي مـو سـاعة نهايــة أنت نقطــة الكـــل بـداية
وأنت الأول والأخيـر

سيـــدي وإحنـــا بزمانك ماتـــدلينــــه بمكــــانــك
عالجمر لأجلك نسير


ساعة النحضـه بالقـــائك جفـــك أيلمنـه ووفــائك
شيعتـــك إحنــــا فــــدائك يابـو صالح يابو صالح


يامهدينــــه مـــدد مــــدد مـــدد مـــــدد
ياصـــاحـــب الــــزمــــــان

شطره
امجـــد صــــاحب ألشطــــــري

مهــدي واليتــــك حبيتــــك سميتـــك حياتي
مهــدي ماعوفك ماعوفك حد لحضة مماتي


1
بعيونــي بجفونـــي غيــرك ماحــلالي
ميــلادك أعيــادك فــي جنــة خيـــالي
فرحاتــي بسماتـــي تبـــرالك يغــــالي
شيعــي أنه مولانــه في حبك مـــوالي

روحي هذا أنت بإحساسي ياعمري وغلاتي

2
بوجـودك هـل ليلـة مزدهــرة المحافل
عشاكــك فرحــانــه ياسيــــد الأفاضل
للــزهرة وحسينـك ولعمــك بـو فاضل
اتهنـــــي وتغنـــــي وتزفــــلك هلاهل

حيــاك يلمهـــدي ويانـــه ياحبــي ونجـــاتي

3
كــل عاشـك بإصـراره حافـل بالسعادة
متحمـس يل مهـدي فـي هاذي الولادة
بقدومــك كــــل شيعـــي ناثـرلك ودادة
ندريهـا بهــل ليلــة موصوفــة العبادة

هل يوم أعمالــي وأعمــالك مقبولـة يغــاتي

4
دلالــي يالغالـــي بيـــك أنشــــد نشيــده
وينــادي مـــن ذاتــــه أيامـــك سعيــدة
أدعيلك مـن روحي وعـن أهـل العقيـدة
هـل مولـد بارينــه بخيــر ألنــه يعيــده

بالخيــر ادعولك من قلبي في ساعة صلاتي


5
شعبانــك عنوانــك ياراعــي الفضيلــة
خدمتنــه يل غالـي بيهـا أنحـس قليلـة
نلتمسـك ونحلفــــك بالحــــرة العقيلـة
غيــرك لا ماعدنــه بالمحشــر وسيلـة

حبيت وأدري أنه محبوبي يحضرني بوفاتي

6
أمنيتــي تتكمـــل أفـــراحــــــي إليــــه
يتلاكــن أعيــادك والجيـــــــه سويـــة
وعيونـي تنظــرلك وأحتضنــــك بديـة
وتصيـر ابهـل محفـل جَمعَـة مهدويـة

مجنون بيـــك أنــه وبحبــك ضليـت بثباتــي

شطره
امجــد صاحــب الشطــــري

يغايـــب قربت أعيادك فرحنـه بعيـــد ميلادك
يمهــــدينـــه
1
ياحجــــــة الله وحامــــــل لوانــه
هل ليلــة نــــورك هـــل وأجانــه
تــدري المـوالي بروحـه وحنانـه
يبعـــث تهانـــي بقلبــــه ولسانـه

هلا بوجهك بزغ بدره هلا بريحانـــة الزهرة
يمهــدينــــه

2
شمــــس السعــــادة شــرقــت علينه
شيعــــة لحضـرتــــك مدينــــه أدينه
عنـــدك يمهــــــدي كلـــــــشي لكينه
يـــــوم الشـدايـــــد جفـــــــك سفينة

مثـل جدك علـي حيدر تجينه وبلشدد تحضـر
يمهــدينـــه
3
أمــــــة محمــــــد نصبــــــت حفلها
يالمهــدي وأنـــــت همـــزة وصلها
هــل فرحـــة بينــــه ماصـــح مثلها
بــس المــــــولي يعــــــرف فضلها

فضائـل عيدك أهوايـة اجيــت وشايـل الرايـة
يمهـــدينــه

4
كــــــل اليهنــــون صــافــي نبعهـا
بميــلادك اليــــوم ضــوت شمعهـا
معروفـــة ويــــاك ثابــــت طبعهـا
عيــدك يموعــود بالحــب جمعهـا

تطش هيل وورد جوري وأنــه خــادم إلك دوري
يمهــدينـــه


5
قلـــب اليحبـــــك ناثــــــر هيامــــه
جيتـــك علينــــه خيـــــر وسلامــة
أنــــت فرجنــــه ننطــــــر علامــة
حيــــدر وعدنــــه بآخـــــر إمامــه

يريت المولد وسيفك يجـن وأطالب ابكيفك
يمهدينه

6
وجهــك نشوفــه بعيـــن الحقيقيـة
ولثــــأرك أحنــــه دمنـــــه نريقـه
نحــب اليحبنــــه ونتبــــع طريقـة
والــــــــي يضدنــــــه لا مانطيقـه

ليود بيت النبـي وآله عظيــم وألـف هنيالـة
يمهدينـــه

شطره
امجــــد صـــاحب الشطــــري