بتلث جنائز روحي محتارة
آنه الإمام المنتظر ثارة
لحسين والزهرة الزجية
والمات بأرض الكاظمية


1
اسولف يامصاب وابدي ياحسره
وأنا قلبي انفطر مني وجزع صبره
بين حسين جدي وجدتي الزهرة
لو عالكاظم الكَضّه بسجن عمره

حكاية كل جنازة الليلة احجيها
بالمسكورة الظلعين أبديها
ومصيبة كربله بدموعي اتليها
وللمسموم جدي جروحي انعيها

خليني أنوح اليوم خليني
ومن البواجي ماتمل عيني
لليوم نار الهضم بيه
والمات بأرض الكاظمية




2
جنازة فاطمة يحير الحجي عنها
ليش بليل حيدر راح يدفنها
تموت بلا ذنب وسفه بزغر سنها
وقلب حسين ويلي ماشبع منها

خلف الباب أمي الزهرة عصروها
وكسروها الضلوع وحيل رفسوها
ومن بعد الكسر بالعين سطروها
وبسوط اسود أعله المتن ضربوها

ياويلي بيها شسوت السطره
من شده الضربة أصبحت حمرة
مقهور قلبي لهل الرزية
والمات بأرض الكاظمية



3
ياحالة بعد أوصفها ياحالة
حسين جنازته ملعب الخيالة
ثلث تيام محد غسله وشاله
وتاليها بحصيرة لمو أوصاله

جسمه انداس والرأس برمح عالي
ينادي آنه الذبيح السلبو عيالي
حال الناس كلها مثلي حالي
آنه إلي بسهم مذبوح دلالي

مصاب أبو اليمه ماحصل مثله
حتى الجبل مايكدر يحمله
رضعان وأيتام وسبيه
والمات بأرض الكاظمية



4
بعد عندي جنازة موسى أبن جعفر
على جسر الرصافه أينادي من يحضر
على جنازة الكاظم أبجي وتحسر
أيده من الحديد تخط دمه احمر

هذا الجان كل الناس حاميها
وحيده جنازته ومحد يباريها
وبستخفاف وبنذل نادو عليها
ومن فوك الجسر ظل ينعه ناعيها

هذا الغريب الفارك عياله
من عالجسر محد تعناله
مسموم ذو النفس الأبية
والمات بأرض الكاظمية



5
كل هاي المصايب ماني ناسيها
باجر رايتي بسماي أعليها
وارض الكاظمية بزودي أطب بيها
ونصب منبري والزهرة اعزيها

وللمسموم جبده أخذ بثاري
والزوار كلها تصير أنصاري
كلها محزمة بيميني ويساري
لحد مايشفه من الركب فقاري

خلها تصيح المهدي حل يومه
وبين الطوايف توصل علومه
للموت ماعوف القضية
والمات بأرض الكاظمية

شطره
امجد صاحب الشطري

هونك بالله يالجناز هذا الشايلنه منين
جنازة موسى ابن جعفر عليها الناس ملتمين

1
آنه الزهرة يالجناز آنه أم الحزن والنوح
جيت من المدينـة اليوم جيت بلا جسد بس روح
كالولي أبو الطيبات جسمه أعله الجسر مطروح

أمشي وأعثر بممشاي أدوّر أبني بدموع العين


2
على جسر الرصافة هناك شفت جنازة المسموم
ناديته بقلب مكسور كوم اكعدلي يامظلوم
آنه ادري اليجيله الموت كل أهله عليه تحوم

بس موسى غريب يموت وأحبابه وهله بعيدين


3
ياحيف وألف ياحيف بطاموره الولي يسمووه
وبذاك السجن ويلاه وحَدّه بحيرته يخلوه
لمن غمضاها العين تالي من السجن شالوه

مسموم الجبد ياناس منه مرضرضه الرجلين


4
ثلت أيام ظل مطروح والسلسلة بجفينه
كلّها تصيح هذا منين مانعرف عناوينه
لن ناعي المصيبة يصيح الكاظم هذا والينه

صاح أعله الجنازة وناح ماحضروا هله الطيبين


5
يوم الشالوا التابوت جن أنشال دلالي
كمت اصرخ يهل جناز ريض وارحم بحالي
هذا أوليدي أخذني وياه وخلي جثته كبالي

أريد أشبع بواجي عليّه وعفر بالدمة الخدين


6
حماميل أربعة حملوا وحضروا خيره أصحابة
ومن ذاك الجسر شيعوا ونار الحزن لهابه
غريب الكاظم المسموم واويلي على مصابة

هذا صوت المحبين ظل يعله بدمع وونين


7
وليدي باللحد دفنوا مو مثل البكه حيران
ذاك الظل على التربان عاري بخطه الميدان
لا ناصر اله ولمعين وزينب حايره برضعان

مصاب حسين ابو السجاد مثله ماتشوف العين

بغداد
امجد صاحب الشطري

يـاغريـب الكـاظميـة الكـاظميـة
ليلة وداعك مصيبة أعله البريه
أحنا المعزين يابو الجوادين

1
عادت علينه الليالي الموسوية
وللمصاب أتحضرت أهل الحمية
المواكب ناحت ونصب عزيه
الليلة أصعب ليلة بأرض الكاظمية

يامدرك الحيارى
دم الدمع تجاره
والقبة والمنارة
ناحن سوية

ياقلب يصبر يغالي بهل المصيبة
والحضرلك منه تسمع بس نحيبه
ندري الدمع دين يابو الجوادين


2
الليلة وي زوارك تنوح الحزينة
وعتنت ياسيدي من المدينة
أنت جسمك عالجسر باقي بانينه
ويلي ثلث أيام ماواحد يعينه

ويلي علّى مصابك
ضاع بسجن شبابك
وتحملت عذابك
والله هضمية

كل حياتك خلصتها بلايه راحة
تالي عمرك يكضي صبرك وي جراحة
وموتك أجه الحين يابو الجوادين


3
كل سنة من القبة يتبدل لوانه
وبالصحن يابو الرضا نبدي عزانه
والله ماننسى ابد هاي الأمانة
أن شاء الله تجمعنا والمهدي معانة

من يحضر بونينه
وبدمعته الحنينة
أينادي جدي وينه
بالكاظمية

جنازتك يحضنها ويشيعها بيده
وخلفه من ذاك الجسر تنحب عبيده
وصوت الملايين يابو الجوادين


4
أنت عمرك بالسجن كله كضيته
والسلاسل بيدك ودمعك جريته
من حديد الجامعة ظهرك حنيته
والفرج تنتظره وبموتك لكيته

والله يموسى حيره
أنت بلا عشيرة
وادم بلايه غِيرة
يارحمة الله

ضنهم بموتك طفت ثورة ظماير
مادروا قبتين إلك وأربع مناير
خل نتظر العين يابو الجوادين


5
كل عذاب الدنيا بجروحك حملته
وضيم أشد من ضيم شفته وهم جرعته
غربتك هم تشبه حسين وغربته
لجن ماتشبه مصابة ولاذبحته

حسينك بلا مناصر
حسينك بصدره حافر
حسينك يموسى حاير
حزو وتينه

أنت شالوك بنعش ذيج الظهيرة
بس أبو اليمه أنجمع جسمه بحصيرة
دلاله نصين يابو الجوادين


6
بعد ياهم ياحزن عنك نكوله
وأنت موتك ابكه بارينه ورسوله
إلي سَمّك ماملك ذرة رجولة
من بعد موته عقاب الله ينوله

يابو الرضا عجيبة
بينه ترك مصيبة
يالجثتك غريبة
بجسر الرصافة

يا أمام الرافضة مصابك فجعنا
يابو طلبة وروحتك ذبحت قلبنا
لتظنه ناسين يابو الجوادين

بغداد
امجد صاحب الشطري

{ *عـلـي مـولاي* }
أداء الرادود
*الحاج | جمعـة حـامد*
للشاعر الاستاذ
*امجـد صاحب الشطري*

https://youtu.be/NAlI7cI5-mI?si=yGPq3LfCYUCrQ6r8

في حسينية المرحوم
*سـيد محـمـد الحـسيـني*
{ المهدية - دولة الكويت }

هاي أم البنيـن الليلة مسرورة
عباس الكمر شع بالسمه نوره

1
هاي الجابت الليلة أبو فاضل
عنوان الوفه وأم الكوافل
ألها اليوم مبتهجه المحافل
تنطي الناس كلها بلا مقابل

قديّسّة علي بالكون منصورة

2
هاي الطاهرة الحرة الأميرة
تحضر بالزغيره وبالجبيرة
من عدها أنعرف مصدر الغِيرة
وخلتها بكلب ليث العشيرة

وعباس الكمر كلنا أنعرف دوره

3
فاطم بت حزام ونعم منها
مانوفي الوصف لو نحجي عنها
جفوف الدهر أبداً مالونها
عاشت بينه وتخلد زمنها

راية حيدره بيديها منشوره

4
بحب حامي الحمه ربت ولدها
وبجنة عدن صاغوا مجدها
من أم الحسن أخذت مددها
وأغلى إنسان هو حسين عدها

منها والنعم والحرة مشكورة


5
من أطهر رحم معدن أصلها
كلي يامره وفت مثلها
أنطت كل ولدها وكل أهلها
جان حسين أبو اليمه أملها

وفت للحسين بأكمل الصورة

6
دايم فاطمة نحجي بفخرها
والكل البشر أنطت ثمرها
عند الله وعلي وعدنا شكبرها
مازَلت ولامره بعمرها

كل أرواحنا للحرة منذورة

شطره
امجد صاحب الشطري

https://t.me/oydgh

صلوات صلوات على محمد وعلي

1
هذا شهر الفرح هل هلاله
والمحب مقبولة بي أعماله
هالشهر ماتنوصف أفضاله
والخِدَم بي عن صدق هنياله

والخادم واضح برهانه

صلوات صلوات علي محمد وعلي

2
هالشهر شهر العشك ياساده
بي أبو اليمه يحل ميلاده
ومن بعد عيده فرح أولاده
وألف هنيالة اليحصل أمراده

افرح ياشيعي بهل ليلة

صلوات صلوات على محمد وعلي

3
مولد الأقمار جنة علينه
حسين وي عباس وي مهدينه
للنبي وحيدر علي هنينه
وللزجية فاطمة وفينه

وبالمحشر باجر توفينه

صلوات صلوات على محمد وعلي

4
بالسمه مرسومة أجمل صورة
كل إمام الليلة يصنع دوره
حسين أول من يضَع دستوره
وشعيته أبخته تظل منصورة

وحسين اليرفع خدامه
صلوات صلوات على محمد وعلي


5
هالشهر معروف من عنوانه
مانسينه وهو ماينسانه
ندعي ربنا يقبل بدعوانه
هالسنة المهدي نشوفه ويانه

والراية بجفه معليها

صلوات صلوات على محمد وعلي

6
عالوعد طول الدهر ظلينه
ومن عشكنا والله ماملينه
بكل شرف من القلب نادينه
غير حبه حسين مايروينه

وحسين بدربه اتربينه

صلوات صلوات على محمد وعلي

شطره
امجد صاحب الشطري

https://t.me/oydgh

أهلا وسهـلا بيـك يابـو المرجله
بهاي الولادة اليوم ضوت كربله

1
يامرحبا بجيتك يضنوه فاطمة
هاليوم فرحت بيك كل أهل السمه
وأهل الأرض يحسين هم متزاحمة

أسمك عبادة وملَك ربنا رتلّه

2
أربع حروف انخطت بعز وفخر
حاء وي سين وياء وي نون الظفر
أنت الإمام البيك كحلنا النظر

اقبل دعوته الراد عطفك يوصله

3
بارينه خالق صلبك بأطهر نفس
لولاك لانجمة تضوي ولاشمس
صَوّرك وأبعّد عنك أصحاب الرجس

شاهده الآية وعلى الخمسة منزله
4
ارض المدينة اليوم بيك منورة
ودّت فرحها الكربله ومتفاخره
يحسين أنت جابتك أشرف مره

والنعم منها ونعم من عقد الوله
5
يحسين أنت الفرحتنه بمولدك
والناس كلها اليوم جت اتعايدك
أثلاثة من شعبان كلنا نواعدك

نورك الطاهر بصلاة نستقبله
6
هاليوم مجتمعة بحضرتك شعيتك
طافت بصحنك ياحسين وهنيتك
من كل قلب ولسان هي نادتك

يحسين كل هذا الشرف تستأهله

7
انت ملَكّ اكلوبنا من المهد
وياك نبقه وياك مانخلف وعد
مادام جفك هو ينطينه المدد

تلكانه دوم وياك أول قافلة

شطره
امجد صاحب الشطري

https://t.me/oydgh

يا آخـــر كمـر نـــوّر عالبشر أنــت المنتظر

1
شكــرا إلك ياسيـــدي مـــن قلبـي ولساني
حبك رســم أجمـل عشــك مـن نور رباني
ياغايتــي وشمـس الضحـى ياقبلة إيماني
كلمــا احـــن أتخيــــلك عـايــش بشرياني

ياضنوه علي غيرك منهو إلي لو مسني ضرر

2
خليني بعيونـك رمـش حتـى أشبـك عيونك
خليني أصيـرن خضرمه بعين اليحسدونك
يحجلولــي عنـك وأفتخــر يــم اليمدحونك
وليكرهونـك عـن حقــد تـحتـار مـن دونك

لو دار الزمن تحتاجك وطن لو نورك ظهر


3
حبيتــك وحبــي إلك حـــب مبنـي عالفطرة
ماشفتك وبيك أسمعت شـوكي مثــل جمرة
أتبـره مــن كُلشــي فــلا مـن عنــدك أتبره
والــي ينكــرك أعتقــد خسـران كـل عمره

شيصير الوضع لمــن ننجمـع ياكحـل النظـر

4
كالولـي حبـك بـي ذنــب كلــت أقبل أذنوبي
منهو الترس عينـي فخـر غيـرك يمحبوبي
خلي الشماتة أشما حجو آنه الشرف ثوبي
تـرفـه مشـاعــر حضـرتـك يمنـور أدروبي

من أباً وجد هل الحب أنولد ويظـل للدهـر


5
محتاجــك بكـــد الهــــوى بكــد النجـــم كلّه
غيبتك تدري أعله المحب صعبة ولا سهلة
علمنــه أبــو اليمــــه درس مانقبــــل بذلة
بيــت الحبايـــب سيـــدي يمتــه تلــم شمله

شظل الطلعتك صاحت شيعتك مــامنـك خبـر

6
بالندبة ندعي ونعتقد صوت الدعه أتسمعه
ياربـي عجـل بالفـرج خــل نحضـه بالطلعة
يلمهــدي سيفــك والعلـم بجفـوفــك أترفعه
نتلاكــه كــون بكـربلــه فــي ليلــة الجمعة

بثاراتك تجـي ياشبــل النبـي هذا أجمل خبر

بغداد
امجــد صاحــب الشطـــري


https://t.me/oydgh

إلك مديت أديه بليالي المهدوية
يابو صالح اريد الليلة نظرة

1
سيدي مديت أديه بكل حنان
أنت لي يَبّن الحسن كهف الأمان
مادريت الليلة أنت بيا مكان
بمسجد السهلة لون بجمكران

يمهدي الليلة وينك تصد عليه عينك
يابو صالح اريد الليلة نظرة

2
آنه من مديت أديه عن يقين
لان اعرف بيك مترد الادين
بجاه أمك فاطمة وجاه الحُسين
أقضي حاجاتي عليك أم البنين

يبن حيدر أريدك عليه تمسح أيدك
يابو صالح اريد الليلة نظرة

3
كل فرض مرفوعة أديه للسماء
وبدعاء الفرج ادعي بكل وفاء
ليلة الجمعة أروح الكربلاء
ويم أبو السجاد أجهش بالبكاء

وأندبك ياحبيبي أظن تسمع نحيبي
يابو صالح اريد الليلة نظرة

4
آنه لو ما أنت كلشي من أيدي ضاع
ولا سنابل تطلع بكل البقاع
لكن أنت المنقذ وأمرك مُطّاع
ياسفينه وسيفك بجفك شراع

يثار الله ونبينه يقائدنا وولينه
يابو صالح اريد الليلة نظرة


5
هواي كالو ناس انك ماتعود
وبعض بيهم صرحوا مالك وجود
وآنه أكلهم للصبر لابد حدود
عن قريب البيرغ تشيله الزنود

عكب آخر علامة تعود ألنه بسلامه
يابو صالح اريد الليلة نظرة

6
ندري صار اطوّيل يالمهدي الغياب
والرسائل واضحة وماكو جواب
آنه طبعي وياك ما أحب العتاب
بس أكلك كلمة وحده (قلبي شاب)

وأظل بانتظارك لمن تأخذ قرارك
يابو صالح اريد الليلة نظرة

شطره
امجد صاحب الشطري

https://t.me/oydgh

مهدينه مهدينه عجل الله فرجك
مهدينه مهدينه سهل الله مخرجك

1
والله يالمهدي شكثر تانينه
حتى من ضيم الصبر ملينه
شوف بعيونك شصاير بينه
يوم عيد البي تمر علينه

مهدينه مهدينه عجل الله فرجك
مهدينه مهدينه سهل الله مخرجك

2
لشوفتك عين المحب عطشانه
كل مشاعرنا إلك لهافنه
كافي من الغيبة يامولانه
يمته بيمينك يرف الوانه

مهدينه مهدينه عجل الله فرجك
مهدينه مهدينه سهل الله مخرجك
3
دمعه العاشك يمهدي جبيره
يسألونه الغايب بياديره
يابو صالح هي هاي الحيرة
ياجواب يكوله يابو الغيرة

مهدينه مهدينه عجل الله فرجك
مهدينه مهدينه سهل الله مخرجك
___

4
كل محب بالسمه تربي انضاره
يكول يمته المهدي أشوف انواره
صاعد بمهرة وبديه فقارة
واحنا خلفه نصير كلنا أنصاره

مهدينه مهدينه عجل الله فرجك
مهدينه مهدينه سهل الله مخرجك

5
شنو وضع الشيعي من يشوفه
ينحني كباله ويقبل اجفوفة
عيسى خلفة يصلي بارض الكوفة
ويوكف بنفسه ويحي أضيوفه

مهدينه مهدينه عجل الله فرجك
مهدينه مهدينه سهل الله مخرجك
____
6
والله باجر من يهل مهدينه
يزور قبر الكطعو جفينه
ويبني قبر امه بمدامع عينه
ويكعد ينوح اعله باب حسينه

مهدينه مهدينه عجل الله فرجك
مهدينه مهدينه سهل الله مخرجك

سماوة
امجد صاحب الشطري

https://t.me/oydgh

⭕متابعينا الاكارم

اكو ثغرة على تيليجرام تبند اي حساب بثواني ع صورة الحساب فالي حسابه مهم ويريد يحافظ عليه لازم يشيل الصورة او يخفيها موقتاً

الثغرة بسبب التحديث الجديد
منقول للفائدة

#اخوكم الناشر احمد الزوار

❤️🌙🎙️ *رمضان يا حبيبي*🎙️🌙❤️

جديد *السيد يوسف اللعيبي*

كلمات | *أمجد الشطري*
الهندسة الصوتية | *أحمد شريف*

تصوير ومونتاج وإخراج | *سيد حسن
*الستراوي*

https://youtu.be/m9km6gLtDhc

🌙🌙🌙🌙

❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.

التواصل مع @ahmed_alziwar0

قناة خاصة بتلحين القصائد

https://t.me/+PZwpTt2HLXcvUQZh

------------------------------------------------------