الان جديد
رايح والسفر وين
ليلة ٩ محرم ١٤٤٨

https://youtu.be/7lpW4wFgkSc

اداء : علي عبدالسلام
كلمات : الشاعر امجد الشطري

(يبن امي يحسين)

اداء الحاج #جمعة_حامد
كلمات #أمجد_الشطري


حسينية خدام الحسين دولة الكويت
١٠ محرم الحرام 1447هـ 2025م





https://youtu.be/6PGAkmSp6nc?si=Rc6rDX8V4X5AH8wi

أسمك أعله لساني عايـش بوجـداني
حبك الغذاني يامحمد

1
يامحمد عمري أول مابديته
فتَحّت عيني وجمال أسمك قريته
حبك من أمي وأبوي آنه خذيته
هو غذاني المحنه من هويته

أهلي الربوني محبتك غذوني
أنت نور عيوني يامحمد

2
هذا أنت الدايم مغطيني خيرك
أختنك بالدنيا وتنفس عبيرك
الله خالق كلشي بس ماخلق غيرك
بس علي الكرار سميته نضيرك

يمنته الوفايه هي شالت راية
عنده أحلى حجايه يامحمد

3
يامحمد شفتك بكل ذكرياتي
مرة أسميك العشك مرة غلاتي
أنت أسمك منيتي وسيرة حياتي
بلا وجودك ماعرف صومي وصلاتي

أنت الــ مدليني ماخذلت سنيني
أنت محور ديني يامحمد

4
أنت نفسك علمتني أعله الأمانة
وأرفضت أهل الدجل وأهل الخيانة
آنه وكتك كله ماعشت بزمانه
بس تبعتك من جنت بالصلب آنه

آنه من حبيتك بالوريد لكيتك
وبالرمش ضميتك يامحمد

5
يامحمد أنت إلي مفضّل عليه
شما أطلبك بالشدد مترد أديه
والله لو روحي ودليلي أنطي هدية
ما أوافي وياك أبد يابو الزجية

روحي إلك مو كافي يابو قلب الصافي
بخدمتك ماوافي يامحمد

6
أنت حبك بالقلب ماله نهاية
هو يبقى وترتحل كل البرايا
بالأفق طول الزمن منشورة راية
رايتك للمهدي عنوان البداية

باجر يعليها من يهل مهديها
بجفه يكتب بيها يامحمد

بغداد
امجد صاحب الشطري

https://t.me/oydgh

أول منبدي وشنكول لإله إلى الله
إلف الصلاة أعله الرسول لإله إلى الله
______________________

1
وجه الصباح علينه أشرق نورة محمد محمد
كل الطوائف بالأرض مسرورة محمد محمد
طير العشك غنه وينادي بطوره محمد محمد
زاح الظلام اليوم هو جوره محمد محمد

أجبال مبتهجه وسهول لإله إلى الله
إلف الصلاة أعله الرسول لإله إلى الله

2
أجمل هدية الليلة وأحلى بشارة محمد محمد
بارينه نزلها على أنصاره محمد محمد
كل العوالم سمعت بأخباره محمد محمد
بيه الورع ودّع جميع إسراره محمد محمد

بعلومه حيرها العقول لإله إلى الله
إلف الصلاة أعله الرسول لإله إلى الله

3
نعمة جبيرة من فضل بارينه محمد محمد
هو نبينه وهو خيمة علينه محمد محمد
يوم القيامة حتماً أينجينه محمد محمد
وبكاس الأوفر باجر أيروينه محمد محمد

أحرار في يوم المهول لإله إلى الله
إلف الصلاة أعله الرسول لإله إلى الله

4
الله ختم كل النبوة بطه محمد محمد
وأعظم فضيلة رايته علاها محمد محمد
أصل العقيدة الراشدة ومعناها محمد محمد
احنه بنبينه حكنه من نتباها محمد محمد

هذا أبو الزهرة البتول لإله إلى الله
إلف الصلاة أعله الرسول لإله إلى الله

5
لو ماوجوده بالخلق هادينه محمد محمد
ماينخلق موسى ويبلغ دينه محمد محمد
ولانوح بالأرحام يفتح عينه محمد محمد
ولاعيسى يختم بالصليب سنينه محمد محمد

هاذي كرامة مو ذهول لإله إلى الله
إلف الصلاة أعله الرسول لإله إلى الله

6
بحر المكارم بينه فاض إحساسه محمد محمد
عاش ابساطه بين أهله وناسه محمد محمد
هو الرسول المانكص مقاسه محمد محمد
كلمن يتبعه أيصير شامخ رأسه محمد محمد

تاج الشرف حتماً ننول لإله إلى الله
إلف الصلاة أعله الرسول لإله إلى الله

شطره
امجد صاحب الشطري

https://t.me/oydgh

https://youtu.be/novwIfkEVTU

جديد لمولد النبي الأعظم صلى الله عليه وآله
(عالي المقام)

"محمّد، نورٌ أضاءت به الأكوان، وتزيّنت بطلعتِه الأزمان، وانقشعت بقدومه غياهبُ الجهل والظلام، فاهتزّت له الأرواح فرحًا واطمئنانًا."

آداء | علي حسين الحمد
كلمات | أمجد الشطري
-
هندسة صوتيه وتوزيع | جهاد الحداد
ترجمة | حيدر علي
مخطوطة | سيد حيدر الإبراهيم
إخراج | سيد عبدالإله المكي
-
شكر خاص لـ | المعلا المطوع
-
إنتاج | ALHAMAD
1447 - 2025

اهداء ثواب هذا العمل إلى مقام صاحب العصر والزمان عجل الله تعالى فرجه الشريف
ولروح جدي علي عبدالله الحمد
ولروح والدي حسين علي الحمد
ولإرواح موتى المؤمنين والمؤمنات

شاركنا في هذه الخدمة بنشرك للقصيدة واشتراكك في القناة 🤍

(راح الغالي من ايدي)

اداء الشيخ #حسن_خليفة
كلمات #أمجد_الشطري


حسينية الزهراء الصرفند جنوب لبنان
٩محرم الحرام 1447هـ 2025م





https://youtu.be/PKGm7kLS8W0?si=V7zqQ0cnQnTkfmWj

وردة عمــري منتظرها
والليلــة نشتـم عطـرها
ياهــلا بزينب ياهــلا بزينب نور كمرها
________________

1
هلهــــل ياثغـــر ودي وأنثـر ياســك بخدي
واضح كلشي بعيونك هليلـه الفـرح وردي

ورد الجـوري مُر بينه محمـــول بسنـــادينه
صلي اعله النبي واله زينــب هلــت أعلينه

أهــــلاً بالحـــرة العقلية
أنتي أنتي أعظم وسيلة
ياهــلا بزينب ياهــلا بزينب نور كمرها

2
ياشيعــي احتفـــالاتك احضرهـا بحكم ذاتك
لــو طبيـــت للمجلس طـش للحـرة ورداتك

احمـل بيدك الشمعـة هنـي زينـب البضعـه
وي أحبابـك وناسـك افـزع للحفـل فـزعة

دورك قـــدمــه للحنينـة
وفـرح وي حيدر ولينــه
ياهــلا بزينب ياهــلا بزينب نور كمرها

3
هـايـه أم الوفــه هايه هـاي الشـالت الـراية
هاي أخت الكمر عباس حـرة وتبقــه وفايــة

أم العفــــــة والغِيــرة بيهــا تنجلي الحيــرة
قلبــي وقلبــك ويـاها محتــــار بتعــابيـــره

زينب بيهـا تعله راسي
خادم أبقـه والهة أواسي
ياهــلا بزينب ياهــلا بزينب نور كمرها

4
مـن بان النجـم نوره وأصبح شي مهم دوره
لو ما هيـه والعبـاس جا ماكملـت الصـورة

جبـريـل المـلك بيهه مـن فوك ونـزل ليهه
نورتي الفـلك زينـب فـــرحــان ويهنيهـــه

لبــوه حمــــاي الحميـــة
زينـب هـــاي الهاشميــة
ياهــلا بزينب ياهــلا بزينب نور كمرها

5
الهايـم بيها ماخـاسر يـربح بالحشر باجر
والينخــاها بالشـــدة اقســم مايظــل حاير

والـي رايـد أمــراده ويحفظ بيتــه وولادة
لايتحيــــر بهـــايــه ينخـه شمعـة السادة

كلمـن الهـــا يرفــع أيــــده
يأخـذ مــن عــدها اليـريده
ياهــلا بزينب ياهــلا بزينب نور كمرها

6
الحاجة أنريد تكضيها والشـــدات احضريها
يابــت فاطمــة نــدري كــل صعبــة تسهليها

الســائل ماتــريدنــــه كلـشي أيريـد تنطينـه
لمـن يوكــــع بحيــرة يـــازينب تحضرينـــه

يـــوم الشـــدة ماتقصــرين
يسهل كلشي يخت الحسين
ياهــلا بزينب ياهــلا بزينب نور كمرها


شطره
امجـــد صـــــاحب الشطــــــــري


https://t.me/oydgh

يازينب يازينب يازينب يازينب


1
يمّ الكرم والطيب يمّ المحنه
بأجمل سعادة وخير عيدج جمعنه
كل الصواني اليوم تضوي بشمعنه
وليل الفرح بالشوك غازل كمرنه

يازينب يازينب يازينب يازينب

2
أنتي الفخر والزود وأنتي الوسيلة
عودج علي الكرار ماصح مثيلة
قلبج نعم للناس فاتح سبيله
وهذا الكرم معروف بسم العقيلة

يازينب يازينب يازينب يازينب

3
بنورة الله من سواج مثل البرية
بس معدنج أخلاص طيبة وسجية
بالجنة كل الحور صلّت سوية
عرفت اجت للكون حرة وتقية

يازينب يازينب يازينب يازينب

4
من ساعة التكوين من البداية
للأهل الكساء اللهُ سوه البرايا
وأنتي بوجه كل جور اصبحتي راية
ماينتهي إلي صار بسمه الولاية

يازينب يازينب يازينب يازينب


5
بارينه من انطاج عفه وكرامة
في آية التطهير واضح كلامه
وذاك اليشك ويكول عن الإمامة
باجر يجي ونشوف ساعة ختامة

يازينب يازينب يازينب يازينب

6
بيج احنه حكنه اليوم لمن نفاخر
غير أنتي أصل الدين واصل الشعائر
هذا الأمر معروف ماضي ويحاضر
عليتي صوت حسين فوك المنابر

يازينب يازينب يازينب يازينب

بغداد
امجد صاحب الشطري

https://t.me/oydgh

انه الي جده علي

اداء ملا #حسن_مرتضى_اللواتي
كلمات #امجد_صاحب_الشطري

حسينية السيدة زينب ع
مطرح - سلطنة عمان ٨ محرم ١٤٤٧


https://youtu.be/gWW9psIcxL0?si=fviMMVZgvpzBZEYV

شاهد نتائج ترويج اليوتيوب


https://t.me/+QpvYD4uBBSBJMhUi

عقيدتنا


https://youtu.be/8D-m_6W3ywc?si=mK9tAVQ0TN6vkovM

اداء ملا #دانيال_بوجباره
كلمات #أمجد_الشطري

هيئة خدام فاطمة الزهراء ع
استراليا-ملبورن

كاتب عالجبين ما اترك الخدامة

١
أقسم بسم علي
فدوه أنا وهلي
هالصيحة تعتلي. يازهراء

ماخالف العهد
خادم من المهد
يافاطمة مدد. يازهراء

من أول الرواية
خادم إلى نهاية
بجفوفي تعله رأيه. يازهراء

الكم نعم واليه
حب فاطمة هواية
مااترك العزية. يازهراء

شما تمضي السنين ما اشعر بندامة

٢
هالخدمة لي امل
هي افضل العمل
حد ساعة الأجل. يازهراء

منها ولا امل
عنها فلا ازل
وياها متصل. يازهراء

بالدم صدى المآتم
بيها آنه ابقه خادم
صوت الشعيرة قائم. يازهراء

لا ونبي ووصية
ما اترك القضية
هالصرخة للمنية. يازهراء

ماتنشف العين حد ساعة القيامة

٣
في صدري متسع
ميت على الجزع
هذا العشك يقع. يازهراء

جبت العمر اون
عايش على الحزن
والطم على الجفن. يازهراء

ثوب الحزن لبسته
لايك عليه شفته
وهذا العمر نذرته. يازهراء

رب العرش كرمني
خله عليها حزني
وحبها ينادي بذني. يازهراء

هاي المضامين بيها المحب ختامة

٤
من اجري الدمع
واتذكر الضلع
من داخلي انفجع. يازهراء

دلالي ينكسر
من اسمع بكسر
يتضاعف الاجر. يازهراء

ياهل خلك مصيبة
من تنسطر حبيبه
وحيدر يبث نحيبة. يازهراء

الماعنده ذره غيرة
شال ايده عالاميرة
هاي المحن جبيره. يازهراء

شيصبر حسين شيصبر اليتامة

٥
ماينطفي الجمر
مايخلص الصبر
والحسرة بالصدر. يازهراء

كل جمعة ننتظر
حك صاحب الأمر
اليوم بسنة يُمّر. يازهراء

بس هو الها داعي
والثاره يبقه ساعي
للزهرة هو ناعي. يازهراء

ياما اله دعينه
يالمهدي ماتجينه
من الصبر كضينه. يازهراء

يومه متى يحين ويعاود بسلامة

٦
كل دمعة تنهمل
للزهرة تمتثل
موجودة بالسجل. يازهراء

لو هل العمر جزة
متواصل العزه
والنظرة جائزة. يازهراء

ياعالم المجالس
النه أصبحت مدارس
وذولة احنا كالنوارس. يازهراء

واحدنا بالعزية
يمطر وفه وحمية
والخدمة فاطمية. يازهراء

خدام الحسين كلمن اخد وسامة

بغداد
امجد صاحب الشطري

https://t.me/oydgh

فاطم صاحت يهل المدينة ماتسمعوها

1
من هجموا أعله الدار وانطر ضلعها
صاحت أنه الزهراء والكل سمعها
واحد أجاها بسوط واحد صفعها
واحد من الميراث ضدها ومنعها

حيرة جبيرة بنت النبي وكدرو يضربوها

2
بلا رحمه خلف الباب فكدت ضناها
عصروها عصره موت والدم خذاها
ياويلي والبسمار من صوباها
مارحم بيها وصار نار بكفاها

بخدها سطره وتالي السقيفة بحقد رفسوها

3
وحوّش البشر ياحيف داروا عليها
ومن الضرب والسوط تشكف بديها
محد حمه الضلعين وتعنه ليها
ظلت تون وتصيح حيدر وليها

حيدر احضر فاطمة الزهرة الليلة أذوها


4
فوك السلب والنار فوك المصيبة
يشتموها أم حسين والله عجيبة
الكوم الاجت للدار بغدر الحبيبة
مابيهم ابن أجواد طاهر حليبه

الشامت الحاقد فوك التريبه ومايعينوها


5
حيدر حضرها وشاف ذيج الرزية
جر بيده سيفه وصاح وين الدعيه
صاحت الزهرة بصوت يابو الحمية
لاتنسى يالكرار عندك وصية

صبرك حيدر ذولة وصيت الهادي خانوها

6
تكله الأمر المكتوب هاي العلامة
باجر لصوب الموت امشي بسلامة
عندك ياحامي الجار عفت اليتامة
خوفي عليها تصير بيد الظلامه

خوفي زينب مثلي يحيدر هم يظلموها

شطره
امجد صاحب الشطري

https://t.me/oydgh

بس ليلة وحده وتنتهي العِشرة مصيبة
بالمكبـرة بيـدي ادفـن الزهـرة مصيبة
من أحمل جنازتها فوك متوني
خلوني أموت ويالضلع خلوني

1
راحت الزهرة وراحت العِشرة الطويلة من أديه
راحت الزهرة او وين الكالي بعد مثل الزجية

الدنيا ماتسوه بعدها كون تطلع روحي
كافي اخلّص سنين عمري بين حزني ونوحي
آنه ادري بعد فاطم ماتطيب جروحي
(ماتطيب جروحي)

هي حياتي وروحي وآمالي الحنينه
من عدها باجر منزلي خالي الحنينه
عن حالي من هالحظة لتنشدوني
خلوني أموت ويالضلع خلوني


2
شلون أفاركها وبيدي أجفنها وارد أحفر قبرها
شلون أفاركها كون يخلص عمري كله ولاعمرها

كون أنا المكسور ضلعي وخدي أحمر دامي
ولا اشوفن جنة الله امدده جدامي
يازمن مني خذتها وخذت كل أحلامي
(خذت كل أحلامي)

طيحتها والله هدمت حيلي يروحي
وين اليساعدني ويتجيلي يروحي
بكسرة ضلعها يابشر أذوني
خلوني أموت ويالضلع خلوني


3
مو ضلع واحد ضلوع فاطم كلها بالباب كسروها
مو ضلع واحد عيونها من شدة الضربة عموها

بت رسول الله محمد هيج سوو بيها
واحد يكَسّر ضلعها واحد يسب بيها
غير ذاك الاجه بسوطه يضرب أعله يديها
(يضرب اعله يديها)

خلوها فاطم حايره بداري هضيمه
وآنه عليها ماطفت ناري هضيمه
لوله الوصية بالوغى يعرفوني
خلوني أموت ويالضلع خلوني


4
ياجرح يشفه وكسر فاطم أصعب من الدنيا كلها
ياجرح يشفه آه يروحي الماصبر واحد مثلها

آنه كلبي ضاك صبره من جفوه أحبابه
فاطمة كتاب الله عندي ومزكوه أكتابه
ياجرح تردونه يشفه وحسرتي لهابه
(حسرتي لهابه)

أيدي أعله ظهري ودمعتي بعيني بعدها
محد يعوض فرحة سنيني بعدها
المن بعد تربي وتشوف عيوني
خلوني أموت ويالضلع خلوني


5
اليفكد أحبابه بعد شله بدنيته وشله بحياته
اليفكد أحبابه مثلي خلي الليلة يتمنى وفاته

ياحسافة الكلبه أبيض بالغدر يتجازه
وياحسرته البل مكابر ودعاها إعزازه
همه أصحاب المحنه صدك الهم عازه
(صدك الهم عازه)

عكب الزجية ماردت عمري يدنيا
كل ليلة أنوح وحسرتي بصدري يدنيا
بالغربة والحيره هلي عافوني
خلوني أموت ويالضلع خلوني

شطره
امجد صاحب الشطري

https://t.me/oydgh

https://youtu.be/ENKJJCAd-ok?si=ElHIdH5dK5BxiaGS

لحظة يا شيَّال النعش

الشيخ #حسن_خليفة
الشاعر #أمجد_الشطري

ليالي شهادة السيدة فاطمة الزهراء ع
جنوب لبنان - حسينية بلدة يانوح 1447

[ #سامحينه ]
-
https://youtu.be/fsqNrTJTMFw?si=XyEWKSgF8pX3EZD8
-
أداء الملا #محمد_أكبر
كلمات #أمجد_الشطري

مكساج #حسين_نجم
مخطوطة #سيد_حسين_بهبهاني

ليلة إستشهاد السيدة فاطمة الزهراء - عليها السلام - ( الرواية الثانية ) 1447 هـ / 2025 م
حسينية الإمامين الكاظمين - دولة الكويت

مونتاج
#علي_القلاف

للمدينة أبعث سلامي
لفاطمة شوكي وغرامي
آنه خادم آنه خادم آنه خادم للزجية

1
روحي حنتّ والقلب مطّر حنينه
وشتهيت أشتم عطر من المدينة
كالوا الليلة تتطل شمعة نبينه
صحت ماتتعوض الفرصة الثمينة

شايل الوردة باديه
ألها أقدمها هديه
آنه خادم آنه خادم آنه خادم للزجية


2
بالمدينة من نزل وأشرق ضواها
عم على الأرض سر محتواها
ربنا من فوك العرش بيها يتباها
والحواري لاذت بحبها ومناها

الزهرة تفاحة الجنة
وياها هليلة انجمعنه
آنه خادم آنه خادم آنه خادم للزجية


3
فاطمة بيها أنوضع سر الخليقة
والمجد هي الذي شقت طريقة
الجوري منها يرتوي ويأخذ رحيقه
والمحب يتغذه حبها بكل دقيقة

هي تسبيحه صلاتي
بيها أحقق أمنياتي
آنه خادم آنه خادم آنه خادم للزجية


4
من فضلها ومن كرمها ومن عطاها
نلكه فاطم قمة والخير بسماها
ربنا لأجل الزهرة هل الدنيا بناها
ومن لطفها او نوها أرضه دحاها

من سراج الكوثريه
ضوت أفلاك البرية
آنه خادم آنه خادم آنه خادم للزجية


5
فاطمة الكل البشر هي الوسيلة
فاطمة وما ألها بالعالم مثيلة
أم حسن وحسين والحرة العقيلة
بذكر اسمها تنمحي أهموم الثجيلة

من أسوالف عن دراية
منها شفت آنه العناية
آنه خادم آنه خادم آنه خادم للزجية


6
آنه خادم من كلت واجب عليه
شيسوه عمر سنيني من غير الزجية
بالولادة الليلة اقدملها تحية
واقسم أبقه بخدمتي ليوم المنية

خدمتي هي نجاتي
ألها أقدم كل حياتي
آنه خادم آنه خادم آنه خادم للزجية

بغداد
امجد صاحب الشطري

https://t.me/oydgh

يافاطمة يافاطمة مدد مدد يافاطمة

1
فاطمة روحي وحياتي فاطمة سر أمنياتي
الدنيا إذا مابيها نورج ظلمة أحس بيها لمماتي

أنتي تسبيحه صلاتي بيج مضمونه نجاتي
بالولاية الفاطمية ادعي من الله ثباتي

يافاطمة يافاطمة مدد مدد يافاطمة


2
ياسبب شوكي وغرامي يابداياتي وختامي
بين هذا الكون كله أسمج بروحي وهيامي

أنتي ياأحلى الاسامي بيج مايوصف كلامي
شما اذكرج يالزجية أشعر بدلالي ضامي

يافاطمة يافاطمة مدد مدد يافاطمة

3
أنتي كتله من المشاعر ماوصل وياج شاعر
لا بحور ولا قوافي تكدر بوصفج تغامر

أنتي باطن أنتي ظاهر وجلمة الحق عالمنابر
اليحبج هو رابح واليبغضج هو خاسر

يافاطمة يافاطمة مدد مدد يافاطمة

4
يانبض قلب الصميدة أنتي أحلى من القصيدة
يلملكتي إحساس قلبي والله غيرج ما أريده

أنتي ياقمه بعيدة أنتي منهج للعقيدة
بالهضم تخلص حياته المايخلي بأيدج أيده

يافاطمة يافاطمة مدد مدد يافاطمة


5
أنتي للعالم هدية ماكو مثلج يالزجية
أنتي جنة ونار بيدج ورحمة الله أعله البريه

عالمه أنتي وتقية من فضل الله ونبيه
فاطمة وفضلتج انتي صرتي للخادم هوية

يافاطمة يافاطمة مدد مدد يافاطمة

6
عن كلامي الباري شاهد بقلبي غيرج ماكو واحد
فاطمة أم الأئمة وياج أنه للموت عاهد

أدعي وابجي وآنه ساجد وندعي الخالق الواحد
ربي اختمها حياتي بفاطمة ام الاماجد

يافاطمة يافاطمة مدد مدد يافاطمة

شطره
امجد صاحب الشطري

https://t.me/oydgh

قناة شاعرة مبدعة

https://t.me/mmmmsksjs

نعش فاطم | الملا ياسر كمال
- YouTube https://m.youtube.com/watch?v=FZ0xP_u0oLk&pp=ygUP2YbYudi0INmB2KfYt9mF

| | أداء | الرادود #ياسر_كمال
| كلمات | الشاعر #أمجد_الشطري

شهر جمادى الأول لعام 1447 هـ / 2025 م
| الهندسة الصوتية | حسن مرهون
| مخطوطة | عباس الوادي
| إنتاج وتنفيذ | عين الحياة
| مونتاج | علي بحر