‏﴿ وَلَيَالٍ عَشْرٍ ﴾
‏يارب اجعلها ليالٍ تجبر بها خواطرنا.

رسالة من القلب بيوم عرفة 🤍

اليوم مو يوم عادي… اليوم يوم عرفة، من أعظم الأيام بكل حياتنا. يوم واحد بس… لكن أجره؟ يمحي ذنوب سنتين! السنة اللي راحت، واللي جاية. تتخيل؟ كل شي خطأ سويته، الله يمحيه برحمته، بس لان صمت وتعبدت هذا اليوم!

لا تخلي الدراسة أو تعب السادس يكون الك عذر، ترى ما راح تفرق وياك، ما راح يروح من وقتك هواي، ولا من طاقتك. بس راح يجيك شي عظييم كلش كلش مراح تتخيله بحياتك

أني أدرس وأتعب، بس ليش ما جاي أوصل؟
أسالك، جربت تخلي لله جزء من مجهودك؟ جربت تصوم يوم عرفة وتدعي من قلبك؟ جربت تخلي تعبك مربوط برضا ربك؟
هذا اليوم، رب العالمين يعتق رقاب من النار أكثر من أي يوم ثاني… يعني يمكن يكون يوم التغيير بحياتك كلها.

حديث افضل خلق الله محمد "صلى الله عليه واله وصحبه وسلم"

(ما من يوم أكثر أن يعتق الله فيه عبيداً من النار من يوم عرفة، إنه ليدني، ثم يباهي بهم الملائكة، فيقول: ما أراد هؤلاء).


ما راح أگلك شي إجباري، القرار راجع إلك…
بس منو يضمن انت راح توصل للسنة الجاية؟
اليوم بيدك، اليوم موجود، واليوم يكدر يغير كل شي

صوم صلّي أدعي اقرة بس اليوم حاول تعطي من كلشي شوية لله
وذدكني راح تشوف فرق مو طبيعي… راح تشوف تسهيل توفيق وحتى مواقف غريبة تحس بيها إن الله وياك.

كلشي يبدأ من نية… كول "يا رب، هذا اليوم إلك"، وشوف شراح يصير.

‏عِيدكُم مُبَارك🤎..

شو ساجد لحد الان ما منزل المراجعة شوكت ناويلها لعد؟ او يمكن ورة امتحان الاسلامية؟ علمود تجي المرشحات صحيحة

@AnasMunbot