⁣💌 وصلتك رسالة جديدة
⏱ وقت الرسالة: 2023/11/12 - 11:47:36 AM
----
That's the 3rd time I wake up terrified

يا ندى
مش عارف هل تعرفي الشي هذا من قبل او لا لكن خليني نعطيك نصايح
زمان كان يصيرلي نفس الشي حتى اني شبه كل يوم انوض مخلوع كل مرة من حاجة
لكن مع الوقت بديت نغير من هلبا حاجات الحمد لله تعدل نومي بشكل ما يتصورش

اول حاجة اكيدة تعرفيها خليك ديما اقري اذكار النوم اهم شي، اقل شي تقريه الفاتحة والكرسي والمعوذات ولو بتزيدي عليهم هناك هلبا ادعية واذكار من السنة تساعدك
وبعدين طريقة نومك حتى هي لازم تركزي عليها
الجثامة اكبر مسبب ليها هو طريقة النوم
يعني مثلا لو رقدتي وايدك على صدرك او رقدتي على بطنك وصدرك متضايق اعرفي نسبة انها تجيك حتكون اكبر بهلبا لهذا ننصحك خودي بالسنة وارقدي على جنبك اليمين وايديك تحت راسك او حاجة المهم صدرك خليه مرتاح
وبعدين جاجة ثالثة الي هو لو جاتك في نص الليل مش تنوضي خلاص ولا ترجعي ترقدي ثاني طول
الرسول قال الي يجيه شيء يفزعه في نومه ينفث عن يساره 3 مرات ولو ما تعرفيش النفث ديري راسك جيهة كتفك اليسار وقولي (ثف) ثلاثة مرات يعني زي لما تدفلي حاشاك لكن بدون ريق
وبعدين غيري جيهة نومك مثلا كنتي راقدة ع اليمين ارقدي ع اليسار او راقدة على ظهرك ارقدي على جنبك ولو تبي اقري المعوذات ولو بتتوضي وتصلي ركعتين تنقبل منك بإذن الله
وهذا هو عارفه مش شي كبير او شي جديد لكن نفس الشي كان يصيرلي زمان قلت نشاركك بالحل الي درته والحمد لله حاليا شبه معش يجيني شي
----