Ихтиёрим олдинг сен – ихтиёрсиз қолдим мен,
Эътиборим олдинг сен – эътиборсиз қолдим мен.

Муҳаббатни кўнглима солиб нигоҳларинг-ла
Қароримни олдинг сен – бир қарорсиз қолдим мен.

Фикру-хаёлим эрди алвон-алвон адирлар
Лолазорим олдинг сен – лолазорсиз қолдим мен.

Тонглай чиқиб йўлингга ишқим ошкор айладим
Сир-асрорим олдинг сен – сир-асрорсиз қолдим мен.

Қиё боқмайин кетдинг сира писанд этмайин
Йўғу-борим олдинг сен – йўғу борсиз қолдим мен.

Ўртанурман тун бўйи дарду-фироқинг ичра
Мадоримни олдинг сен – бил, мадорсиз қолдим мен.

Чоршамъ шаънингга шеъру-ғазал битмоқчи эрдим
Ашъоримни олдинг сен – оҳ, ашъорсиз қолдим мен.

Бўлганимча бўлдим энди алам на ҳожат,
Кўзларимдан оқаётган жолам на ҳожат.

Ёрни суйиб бу дунёни унутдим тамом
Даргоҳини тополмасам нолам на ҳожат.

Туни билан фиғон чекиб чиқарман ёлғиз
Висолига етолмасам олам на ҳожат.

Дардни берган ўзи агар даво этмаса
Бедаво дард учун дўстлар малҳам на ҳожат.

Булбулга ҳам арзим бордир тонглай дамо-дам
Ёрга ҳолим бўзламаса карам на ҳожат.

Шу ишқ ила ўлсам асло қайғура кўрманг
Ошиқ бўлган киши учун мотам на ҳожат.

Парвонадай ўзни ҳар ён урма, эй, Чоршамъ,
Муҳаббатим битолмаса қалам на ҳожат.

Боғу-баҳор илкингдадур,
Лайлу-наҳор илкингдадур.

Сенга кўнгил бердим инон
Жоним нисор – илкингдадур.

Юргил ёрим қирлар томон
Ол лолазор илкингдадир.

Васлу-висол айёми бу
Этма хумор – илкингдадир.

Ишқинг ила олам гўзал
Айла тумор илкингдадур.

Давру-даврон сурайлик бир
Аҳду-қарор илкингдадур.

Чоршамъ сени кутар муштоқ
Кел, интизор – илкингдадур.

Жону-жаҳон сенда эрур,
Руҳу- равон сенда эрур.

Кўнгил берган кундан бери
Кўнгил ҳамон сенда эрур.

Ишқинг ила тун чароғон
Қалбим ниҳон сенда эрур.

Боғу-баҳор, лайлу-наҳор,
Давру-даврон сенда эрур.

Нима қилсанг ихтиёринг
Бори имкон сенда эрур.

Меҳр берсанг бахтим кулар
Лутфу-эҳсон сенда эрур.

Соғинч ила кутар Чоршамъ
Бахти инон сенда эрур.

"Амал курсисида ўтирганингда ким энг кўп товонингни яласа, курсидан тушганингда ўша биринчи бўлиб, сендан юз ўгиради, деганлари қанчалик тўғри эканига ўзим ишонч ҳосил қилдим.
      Бир қадрдоним бор эди. Кунора қўнғироқ қилиб, ҳафтада бир келиб турар, шифохонага тушиб қолсам, “овора бўлманг”, дейишимга қарамай ҳаммадан аввал етиб борар, таътил пайтида Ўзбекистоннинг қайси бурчагида дам олмай, топиб борар, “бир чўқимгина” ош қилмаса, кўнгли жойига тушмас эди… Буниси ҳам майли, икки гапнинг бирида “мен сизни отам деганман, сиз менинг отамсиз”, деб, Худони ўртага солиб қасам ичарди...
Мансабим жиндай ўзгарган эди, “болам" ни йўқотиб қўйдим. Суриштирсам бошқа ота қидириб юрган экан.

© Ўткир ҲОШИМОВ

"Дафтар ҳошиясидаги битиклар"дан.

🔹 Facebook
🔹 Twitter
🔹 Instagram

⭕️ Каналга обуна бўлинг👇👇👇
https://t.me/mushtumjurnali

ЁҚИМСИЗ ХАБАР

Бугун ажойиб инсон, устоз журналист, Ўзбекистон Ёзувчилар уюшмаси аъзоси, шоир Ғулом Фатҳиддин фоний дунёдан боқийга сафар қилдилар.
Устознинг таъзияси бугун соат 11да хонадонида ўқилади.
Оила аъзолари ва яқинларига, дўстларига чиройли сабр тилаймиз.
Охиратлари обод, жойлари Фирдавс боғчаларидан бўлсин.
Инна лиллаҳи ва инна илайҳи рожиун.

Китоб ўқишнинг 7 фойдали томони:
— атроф-муҳитни, дунёни ва ўзингизни англашга ёрдамлашади;
— ёдда сақлаш ва ўйлаш қобилиятини ривожлантиради. Яъни, кўп китоб ўқиган одамнинг ёдда тутиш даражаси яхши, тез ўйлаб, тез хулоса чиқарадиган бўлади;
— талқин қилиш, анализ ясашга ва шахсий фикрнинг шаклланишига йўналтиради;
— кўпгина ютуқ ва муваффақиятларга асос бўлади;
— одамлар билан тўғри муомала қилишга ўргатиб, тўғри гапиришни шакллантиради;
— сўз бойлигини ва саводхонлик даражасини оширади;
— одамдаги яшириниб ётган ижодий қобилиятни юзага чиқаради.

t.me/otajonlar

Туғилдинг, бу ҳаёт остонасида, 
Сени қарши олди, бир ёғоч бешик.
Улғайиб, яшаб сўнг кўзинг юмганда, 
Қабринга кузатди, тебранмас бешик.

Бу ҳаёт — шу икки бешик ораси…

Туғилдинг, ўрашиб оппоқ йўргакка, 
Эркалаб, эъзозлаб, севиб-суюшди.
Руҳ оҳир танангни тарк этган куни, 
Яна оқ йўргакка ўраб қўйишди. 

Бу ҳаёт — шу икки йўргак ораси… 

Кўз очиб, ҳаётни кўрганинг заҳот, 
Одамлар йиғингга жим қулоқ осди. 
Бандаликни бажо келтирган кунинг, 
Дунёни ўзгалар кўз ёши босди. 

Бу ҳаёт — шу икки йиғи ораси… 

Шу қисқа ҳаётда энг муҳим юмуш, 
Яхши ном қолдириб, яшамоқ экан. 
Англадим, туғилиш аслида дўстим, 
Ўлимга илк қадам ташламоқ экан. 

Ҳаёт — туғилиш ва ўлим ораси…

Муаллифи номаълум.
t.me/otajonlar

Гул сувга ошиқ бўлди. Сувга:
— Сени севаман, — деб айтди. Сув:
— Мен ҳам сени севаман, — деди. Орадан бироз вақт ўтгандан кейин, такрор Гул Сувга:
— Сени севаман, — деди. Сув:
— Мен ҳам сени севаман — деди...

Гул касал бўлиб, сўлиб қолди. Сув бу ҳолни кўриб чидолмасдан, табиб чақирди. Табиб Гулни яхшилаб текширгандан кейин, Гулга умидсиз боқди. Сув эса хавотирланиб:
— Гулга нима бўлган экан? — деб сўради. Табиб эса:
— Ҳеч нарса қилмаган, фақатгина Сувсиз қолибди — деди...

Бундан шу нарса тушунилади ки, ишқ фақатгина "сени севаман!" - деб айтишликдан иборат эмас экан. Ишқ - сенга ҳар нарсасини бера олишига ишонганинг бир инсонни севишликдир...

©️ Мавлоно Жалолиддин  Румий

БИЗГА ҚЎШИЛИНГ

t.me/otajonlar

"Анозогнозия"...

Вақтинчалик унутувчанлик.
Хотира ва Альцгеймер касаллиги институтидан француз профессори Бруно Дора.

Кўпинча 60 ва ундан катта ёшдаги одамларда эслаб қола олмасликдан шикоят қилишлари кузатилади. Бу “ Анозогнозия ” ёки вақтинчалик унутувчанликдир.
60 ва ундан катта ёшдаги одамларнинг ярмида касалликдан кўра ёшга боғлиқ бўлган айрим аломатлар кузатилади.

Энг кенг тарқалган ҳолатлар қуйидагилардир:

одамнинг исмини унутиб қўясиз;
хонага борасизу, аммо у ерга нима учун борганингизни эслай олмайсиз;
фильм ёки актёр, актриса номини эслай олмайсиз;
қаердадир қолдирилган кўзойнак ёки калитларни излаб, вақтни беҳуда сарфлайсиз...

60 ёшдан кейин кўпчилик одамлар бундай қийинчиликларга дуч келишади, бу эса касалликка эмас, балки йиллар ўтганлигига ишора қилади.
Аксарият бу ҳолатдан хавотирда, шунинг учун қуйидаги омилларнинг бор-йўқлигига ишонч ҳосил қилиш лозим:
«Унутувчанлигини ўзида сезаётган инсонда хотира билан боғлиқ жиддий муаммолар йўқ.«Хотира касаллиги ёки Альцгеймер касаллиги билан оғриганлар нима бўлаётганини англаб етмайдилар».

Профессор Бруно Дюбуа ўз йўқотишларидан хавотирда бўлган одамларни тинчлантиришга уринади:
«Биз хотирани йўқотишдан қанчалик кўп шикоят қилсак, бизда хотира касаллигидан азият чекиш эҳтимоли шунча кам бўлади».

Ана энди кичик неврологик тест:
Фақат кўзларингизни ишга солинг.
1.  Қуйидаги жадвалдан C ҳарфини топинг.
ООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООCООООООООООООООООООООООООООООООООООООООООООООООООООООООООООООООООООООООООООООООООООООООООООООООООООООО

2. Агар сиз аллақачон C ҳарфини топган бўлсангиз, энди қуйидаги жадвалдан 6 ни топинг.
999999999999999999999999999999999999999999999999999999999999999999999999999999999999969999999999999999999999999999999999999999999999999999999999999999999999999999999999999999999999999999999999999

3.  Энди қуйидаги жадвалдан N ни топинг.
Диққат, бу бироз қийинроқ!
ММММММММММММММММММММММММММММММММММММММММММММММММММММММММММММNМММММММММММММММММММММММММММММММММММММММММММММММММММММММММММММММ

Агар сиз ушбу учта тестдан муаммосиз ўтган бўлсангиз:
- неврологга бўлган йиллик ташрифингизни бекор қилишингиз мумкин;
- сизнинг миянгиз мукаммал ҳолатда;
- сиз Альцгеймер касаллиги билан ҳар қандай боғликликдан узоқсиз.

Шундай қилиб, буни 60 ёшдан ошган дўстларингиз билан баҳам кўринг, чунку бу уларни тинчлантириши мумкин.

Фақат кексалар учун
40 дан 90 ёшгача бўлганлар учун мана бир нечта оддий ва фойдали тавсиялар
Ҳар доим текширинг:

1. қон босимини;
2. қондаги қанд миқдорини;
3. триглицеридларни;
4. холестеринни;
5. сийдик кислотасини.

Камайтиринг:

1. тузни;
2. шакарни;
3. оқартирилган унни;
4. сут маҳсулотларини;
5. қайта ишланган озуқа маҳсулотларини;
6. Магги кубикларини.

Керакли озиқ-овқатлар:

1. сабзавотлар;
2. дуккаклилар;
3. ловия;
4. ёнғоқ;
5. тухум;
6. совуқ прессланган ёғ (зайтун, кокос...);
7. мевалар.

Уч нарсани унутишга ҳаракат қилиш керак:

1. ёшингизни;
2. ўтмишингизни;
3. шикоятларингизни.

Учта асосий нарса:

1. дўстларингиз;
2. сизнинг ижобий фикрларингиз;
3. тоза ва меҳмондўст уй.

Тўртта асосий нарса:

1. ҳар доим табассум қилинг / кулинг;
2. ўз тезлигингизда мунтазам машқ қилинг;
3. ўз вазнингизни текширинг ва назорат қилинг;
4. оилангиз билан кўпроқ вақт ўтказинг ва улар берган маслаҳатларга қулоқ тутинг.

Етти асосий нарса:

1. сув ичиш учун чанқоқни кутманг;
3. уйқунгиз келишини кутманг;
4. дам олиш учун чарчашингизни кутманг;
5. тиббий кўрикдан ўтиш учун касал бўлишингизни кутманг;
6. Аллоҳга ишониш учун мўъжизалар кутманг;
7. ҳеч қачон ўзингизга бўлган ишончингизни йўқотманг;
8. доим кўтаринки кайфиятда қолинг ва ҳар доим эртанги куннинг яхши бўлишига ишонинг.

Агар сизнинг шу ёшдаги (40—90 ёш) дўстларингиз бўлса, ушбу хабарни улар билан баҳам куринг.

https://t.me/oydinsirlar ✨️🌒✨️
✳️Каналимизга обуна булинг
Якинларингизга улашинг👆

#Диққат

❗️Фарзандингизга овқатни асло чайнаб берманг!

Чайнаб берилган овқат натижасида зарарли бактерияларни берган бўласиз. Шунинг учун фарзандингиз 2 ёшгача бировнинг сўлаги билан контакт қилмагани маъқул.

Ота-оналарга етказиб қўямиз.

AXBOROT | Расмий Канали👇
https://telegram.me/joinchat/AAAAAFiROx19SPTsDUsEQA

Ассалому алайкум,қадрдонлар!
Эрталаб бошлаб УЧ кун 26-28 сентябр кунлари бутун Ўзбекистонда Рауф Парфининг 80 йиллиги кенг нишонланади.Барчамизга адабиёт,шеърият байрами муборак бўлсин.
Бу шодиёнага ҳар ким ўз ҳиссасини қўшмоқда.Жумладан, фидоий инсон Бахтиёр Карим томонидан чиқарилаётган "Адабиёт" газетасининг навбатдаги сони тўлиқ Рауф Парфи ҳаёти ва ижодига бағишланди.Сизларга шу қувончли хабарни етказиш баробарида газета мухарририга ўз миннатдорчилигимни билдирамиз.

БУ ФОНИЙ ДУНЁ

Биз келиб кетувчи тўгарак жаҳон,
На боши маълум на сўнги аён.
Ҳеч кимса ростини айтиб беролмас,
Биз қайдан келдигу кетармиз қаён.

Кекса ёш ҳаётга ҳар кимки етар,
Ҳаммаси изма-из бирма-бир ўтар.
Бу дунё ҳеч кимга қолмас абадий,
Кетдилар, кетамиз, келишар, кетар.

Келмоқ қўлда бўлса келмасдим бир дам,
Кетмоқ қўлда бўлса кетмас эдим ҳам.
Жуда соз бўларди бу ғамхонага,
Келмасам, турмасам, келиб кетмасам.

Афсуски йигитчилик мавсуми битди,
Кўклам ўтиб кетди, қиш келиб етди.
Ёшлик деб аталган у севинч қуши,
Билмадим қачонлар келдию кетди.

Умар Хайём.
t.me/otajonlar.