Davlatimiz rahbari Qarshi shahridan Shahrisabzga ketayotib, poyezdda qashqadaryolik faollar bilan samimiy muloqotda bo‘ldi.

#Mirziyoyev #safar #Qashqadaryo #xalqchildavlat

@otabek_khasanov

🇺🇳 BMT Bosh kotibining yordamchisi BMT Yoshlar byurosi rahbari Felipe Paulyer bilan uchrashdik.

🇺🇿 Bugungi kunda O‘zbekistonda yoshlar siyosati davlat islohotlarining markazida turibdi. O‘g‘il-qizlarni qo‘llab-quvvatlashga qaratilgan bir qator dasturlar amalga oshirilmoqda. Shu bilan birga, mahalla tizimi orqali yoshlar bilan to‘g‘ridan to‘g‘ri muloqot qilish, ularning ehtiyojlarini bilish va manzilli yordam berish imkoniyati ham shakllanmoqda.

🔍Felipe Paulyer O’zbekistonda yoshlar siyosati, ularga berilayotgan e’tibor, ta’lim olishlari, o’zlarini namoyon etishlari uchun juda katta imkoniyatlar yaratilganini e’tirof etdi.

🔍”O’zbekistonlik yoshlar juda ilmga chanqoq. Ayni paytda dunyoning turli nuqtalaridagi nufuzli universitetlarida o’zbekistonlik yoshlarni ko’rish quvonarli. Ular orasida STEM sohalari (injenerlik, IT, biomeditsina), iqtisodiyot va huquq kabi yo‘nalishlar ommalashgan. Bu albatta mamlakat kelajagiga o’zining ijobiy samarasini beradi” - dedi Yoshlar byurosi rahbari.

🔍Uchrashuvda BMT Yoshlar ofisi bilan hamkorlikni kengaytirish bo‘yicha takliflarni ilgari surdik.

- Juniyor Professional Offiser dasturi doirasida o‘zbekistonlik yosh mutaxassislarni BMTning turli tuzilmalarida malaka oshirishlari uchun kvota ajratish;
- 2026-yilda Samarqandda o‘tkazilishi rejalashtirilayotgan Yoshlar parlamentlari forumini xalqaro darajada qo‘llab-quvvatlash va BMT rasmiy sherik sifatida ishtirokini ta’minlash.

🔍Ma’lumot o’rnida, BMT Yoshlar Byurosi — bu BMT Kotibiyati tarkibida yoshlar masalalariga ixtisoslashgan bo‘lim. U BMT Bosh kotibining “Bizning umumiy kun tartibimiz” nomli hisobotidagi tavsiyalar asosida tashkil etilgan va BMT Bosh Assambleyasining 76/306-sonli rezolyutsiyasi (2022-yil) bilan tasdiqlangan.

🔍Yoshlar byurosining asosiy vazifalari:

• Yoshlarning huquqlari va imkoniyatlarini kengaytirish;
• Ularni qarorlar qabul qilish jarayonlariga faol jalb qilish;
• BMT tizimidagi yoshlar bilan ishlashni muvofiqlashtirish va mas’uliyatni kuchaytirish;
• Yoshlarni BMTga yaqinlashtirish va BMTni yoshlarga yaqinlashtirish.

Tashrif davom etmoqda.

@otabek_khasanov

🇺🇳 Dunyoning nufuzli minbarida qadim qadriyatlar manzili – Mahalla tizimi taqdimot qilindi.

🔍Bugun Birlashgan Millatlar Tashkilotining bosh qarorgohida "Mahalla instituti aholi bilan davlat o‘rtasida muhim ijtimoiy ko‘prik" mavzusida konferensiya o'tkazildi.

🔍Xalqaro anjumanda Birlashgan Millatlar Tashkilotida Nepalning Doimiy Vakili Lok Bahadur Thapa, Yoshlar ishlari bo‘yicha Bosh kotibning yordamchisi
Birlashgan Millatlar Tashkiloti Yoshlar Byurosi rahbari Felipe Paullyer, O‘zbekistonning BMTdagi doimiy vakili Ulug‘bek Lapasov, qator xorijiy tuzilmalar va mahalliy tashkilotlar vakillari ishtirok etdi.

🔍Unda Prezidentimiz tashabbuslari bilan mamlakatimizda amalga oshirilayotgan islohotlar, xususan mahalla tizimidagi keng ko‘lamli o‘zgarishlar haqida taqdimot qilindi.

🌍 O'zbekistonda 3 ming yillik tarixga ega, dunyoda o'xshashi bo'lmagan tuzilma – mahalla instituti asrlar davomida xalqimiz hayotining mazmuni bilan birga, qadriyatlar, insoniy munosabatlar, orzu va maqsadlar asosi bo'lib kelgan.

🔍Prezidentimiz Shavkat Mirziyoyev tashabbusi va sa’y-harakati bilan mahalla tizimi bugun jamiyatimizda kechayotgan islohotlarning hal qiluvchi bo‘g‘inga aylandi. Mahalla – Yangi O‘zbekiston davrida mazmunan transformatsiyalashdi va BMT ning 2030-yilgacha mo‘ljallangan Barqaror Rivojlanish maqsadlaridagi 17 ta maqsad hamda 169 ta vazifalarini bajarishda eng faol asosiy ijtimoiy institutga aylandi.

🔍Xalqaro konferensiyada qator jahon tashkilotlari rahbarlari tomonidan O’zbekistonda amalga oshirilayotgan islohotlar alohida e’tirof etildi.

@otabek_khasanov