⚡️ 𝗦𝗵𝗲'𝗿𝗶𝘆 𝘀𝗮𝗻'𝗮𝘁 𝘁𝘂𝗿𝗹𝗮𝗿𝗶 ⚡️

📌𝐀𝐥𝐥𝐢𝐭𝐞𝐫𝐚𝐭𝐬𝐢𝐲𝐚 – tovushlar uyg’unligi asosan, bir xil tovushlarning takrorlanishi natijasida yuzaga keladigan ohangdorlik. Unda unli va undosh tovushlar takrorlanishi mumkin.
🄼: “Charx urib, bo’z  to’rg’ayday bo’zlashim bor, boshingda ” satridagi b va z tovushlari alliteratsiya san’atini yuzaga chiqargan.  Yoki “Sochilgan sochingdek sochilsa siring ” misrasida s tovushi.

📌 𝐀𝐧𝐚𝐟𝐨𝐫𝐚 – (gr. Yuqoriga chiqarish) so’z takroriga asoslanuvchi san’at bo’lib, so’zlarning misra boshida takrorlanib kelishiga asoslanadi.
🄼: Nega shuncha go’zal ko’rinar olam ? Nega qarab to’ymas ko’zlarim ?

📌𝐈𝐫𝐬𝐨𝐥𝐢 𝐦𝐚𝐬𝐚𝐥 -  (arab. Masal keltirish) shoir o’z she’rida aytmoqchi bo’lgan gapiga mos tushuvchi maqol keltirish orqali fikrni dalillashga hamda ta’sirli qilishga urinadi.
🄼: Ayoqingg’a tushar har lahza gisu ,
Masaldurkim : “Charog’ tubi qarong’u”
Bir kishikim birovga qozg’ay choh, Tushgay ul choh aro o’zi nogoh

📌 𝐈𝐬𝐭𝐢𝐨𝐫𝐚 – (arab. omonatga olish) She’r misralarida biror so’z yoki so’z birikmasi o’xshatish (metafora) asosida o’z ma’nosidan boshqa majoziy ma’noda ko’chma ma’noda qo’llash.
🄼: Tamanno qilg'ali la'lingni ko'nglum,
Kishi bilmas onikim, qoldi qanda.

📌 𝐈𝐬𝐡𝐭𝐢𝐪𝐨𝐪– (so’z yasalishi) Gapda bir o’zakdan yasalgan so’zlarni keltirish “ishtiqoq” deb ataladi.
🄼: Ganja ganjurikim chekib ko’p ranj,
Qo’ymish erdi jahonda besh ganj.

📌 𝐌𝐮𝐤𝐚𝐫𝐫𝐚𝐫 – (arab. takror, qayta-qayta keltirish) ayni bir so’zning she’r misralarida yonma-yon yoki ketma-ket kelishi.  
🄼: Yuzung mus’hafi o’lgay necha Kitob-u kitob-u kitob-u kitob.