ដើម្បីចូលរួមរក្សាប្រពៃណីដូនតា និងបំពេញកុសលក្នុងរដូវកាលកាន់បិណ្ឌនិងភ្ជុំបិណ្ឌ នាព្រឹកថ្ងៃពុធនេះ
គណៈគ្រប់គ្រង និងបុគ្គលិក នៃក្រុមហ៊ុន អ័រគីដេ ឌីវែឡុបម៉ិន ចូលរួមកម្មវិធី ''អ័រគីដេកាន់បិណ្ឌ'' ក្រោមការដឹកនាំដ៏ខ្ពង់ខ្ពស់របស់សហនាយកប្រតិបត្តិ និង តំណាងដោយ លោក គ្រួច សុភក្ត្រា នាយកចាត់ការទូទៅ បាននាំទេយ្យទានយកទៅប្រគេនព្រះសង្ឃក្នុង វត្តសំវរសីគូ (ហៅវត្តជ្រែមួយរយ) ភូមិជ្រែមួយរយ ឃុំសំបួរមាស ស្រុកមុខកំពូល ខេត្តកណ្តាល។ ជាកិច្ចប្រមែប្រមូលបុញ្ញកុសលដែលកើតពីសទ្ធាចិត្តជ្រះថ្លាឧទ្ទិសកុសសជូនញាតិជាបុព្វការីជនមានជីដូនជីតាញាតិការក្នុងសង្សារវដ្ដ និង ដោយបុញ្ញធិជាកុសល យើងខ្ញុំទាំងអស់គ្នាបានសាងក្នុងពេលនេះ សូមគោរពជូនពរ លោកជំទាវអគ្គនាយិកា ក្រុមប្រឹក្សាភិបាល គណៈគ្រប់គ្រង បុគ្គលិក និងអតិថិជនទាំងអស់ សូមមានសុខភាពល្អបរិបូរណ៍ កម្លាំងពលំមាំមួន បញ្ញាវាងវៃ ឈ្នះអស់មារសត្រូវគ្រប់ទិសទី និងប្រកបដោយពុទ្ធពរទាំងបួនប្រការ គឺអាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ៕
ថ្ងៃពុធ ១១រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៧ ខែតុលា ឆ្នាំ២០២៦។