Toshkent va Praga o‘rtasida "Texnologik ko‘prik" Ko‘ksaroydagi muzokaralarning muhim yakunlari.

✔️Joriy yilning 30-aprel kuni Ko‘ksaroy qarorgohi O‘zbekiston va Chexiya o‘rtasidagi munosabatlarda yangi sahifa ochilishiga guvoh bo‘ldi. Prezident Shavkat Mirziyoyev va Bosh vazir Andrey Babish o‘rtasidagi uchrashuv shunchaki diplomatik protokol emas, balki ikki davlatning iqtisodiy pragmatizmga asoslangan strategik yurishi sifatida baholanmoqda.

Nega bu tashrifga siyosatshunoslar yuqori baho bermoqda⁉️

🟡 Eksport uchun "Viza":
Chexiyada O‘zbekistonning birinchi sertifikatlash filiali tashkil etilishi — bu bizning sanoatimiz uchun Yevropa bozoriga eshik ochadigan kalitdir. Toshkentda quriladigan “Yevro-6” laboratoriyasi esa avtomobilsozlikdagi standartlarimizni yangi bosqichga olib chiqadi.

🟡Milliardlik marra:
Davlat rahbari tomonidan savdo hajmini 1 milliard dollarga yetkazish vazifasi qo‘yildi. Bu raqam ortida o‘nlab yangi zavodlar, ish o‘rinlari va texnologik transfer yotibdi. Ayniqsa, geologiya va farmatsevtika sohalaridagi kelishuvlar O‘zbekiston uchun hayotiy muhim yo‘nalishlardir.

😀Logistika va transport:
Toshkent ko‘chalarida chex elektropoyezdlarini ko‘rish va Praga tomon to‘g‘ridan-to‘g‘ri uchish imkoniyati — xalqlarimizni yanada yaqinlashtiruvchi real qadamlar bo‘ldi.

✅Muzokaralar yakunida imzolangan Kengaytirilgan hamkorlik deklaratsiyasi va Faxriy mehmonlar xiyobonidagi daraxt ekish marosimi — bu uzoq muddatli va barqaror sheriklikning ramzidir.

💠 "Yosh sharqshunos diplomatlar" klubi matbuot xizmati.

😎 Telegram | 😎 Instagram

💼 Diplomatik missiya va elchixonalar soni bo'yicha top 10 ta mamlakat.

💠 "Yosh sharqshunos diplomatlar" klubi matbuot xizmati.

😎 Telegram | 😎 Instagram

🔺 Xalq Diplomatiyasi va yoshlar: Markazda "Yosh sharqshunos diplomatlar" bilan muloqot.

💠 "Yosh sharqshunos diplomatlar" klubi matbuot xizmati.

😎 Telegram | 😎 Instagram

Xitoy Afrikaning 53 davlati uchun boj to‘lovlarini bekor qildi.

🔺Xitoy rahbari Si Tszinpin 2026-yil fevral oyida 39-chi Afrika Ittifoqi sammitida 53 Afrika davlatlarining tovarlariga boj olinmasligini e’lon qildi.

✔️Si o‘z murojaatida Xitoy 2026-yil 1-maydan boshlab Xitoy bilan diplomatik aloqada bo‘lgan 53 Afrika davlati uchun nol tarif rejimini to‘liq joriy etishini ma’lum qildi. Qaror 1-maydan kuchga kiradi va 2028-yil 30-aprelgacha amal qiladi. Imtiyoz Tayvan bilan diplomatik aloqalarini saqlab qolgan Esvatiniga tatbiq etilmaydi.

Ilgari Xitoyning bojsiz savdo siyosati Afrikaning eng kam rivojlangan 33 davlatlarinigina qamrab olgan edi. Endi bu doira deyarli butun qit’aga kengaytirilmoqda.

👍Xitoy–Afrika savdo hajmi 2025-yilda 348 milliard dollarga yetdi. Xitoyning eksporti (225 mlrd dollar) importdan (123 mlrd dollar) sezilarli darajada yuqori.

Xitoyning ushbu qarori savdo profitsitini kamaytirish va Afrikadagi iqtisodiy ta’sirni kuchaytirishga qaratilgan. Biroq boj imtiyozlari Afrikaning eksport tarkibini o‘zgartirish va qayta ishlash sanoatini rivojlantirish muammosini hal qilmaydi.

💠 "Yosh sharqshunos diplomatlar" klubi matbuot xizmati.

😎 Telegram | 😎 Instagram

#TDSHU_OAVda
Ostona sammiti: suv, xavfsizlik va “yashil” kelajak sari

O‘zbekiston Respublikasi Prezidenti Shavkat Mirziyoyevning Ostona shahriga amalga oshirgan tashrifi Markaziy Osiyoda ekologiya muammolarini hal etish borasidagi siyosiy faollik yangi bosqichga o‘tganini ko‘rsatdi. Endi gap faqat muhokama emas, balki amaliy yechim, aniq mexanizm haqida ketmoqda.

Toshkent davlat sharqshunoslik universiteti huzuridagi “Yosh sharqshunos diplomatlar” intellektual klubi a’zosi Humoyunmirzo Husanov mavzu yuzasidan fikrlari UzA sahifalarida e'lon qildi.

✅TDSHU Matbuot xizmati/Пресс-служба ТГУВ/Press service of TSUOS

🌐Telegram |🌐Facebook |🌐 Youtube
📹 Instagram| 🌐Twitter | 🗄 tsuos.uz

💼 Oybek Orifbekovich Usmonov — sharqshunos-filolog, Oʻzbekistonning bir qancha xorijiy davlatlardagi favqulodda va muxtor elchisi, diplomatik faoliyatda katta tajribaga ega shaxs.

🎓 1962-yil (Toshkent shahrida tug‘ilgan).1985-yilda Toshkent davlat universiteti (hozirgi Oʻzbekiston Milliy universiteti)ning Sharqshunoslik fakultetini tamomlagan.
Tillar: Ingliz, dariy va pushtun tillarini mukammal biladi.

📎Mehnat faoliyati va diplomatik martabasi:

🔵Oybek Usmonov oʻz faoliyatini 1985-yildan boshlagan va 1998-yildan buyon doimiy ravishda Tashqi ishlar vazirligi tizimida ishlab kelmoqda:
🔵1989-1992-yillarda Oʻzbekiston teleradiokompaniyasida tahririyat boshligʻi sifatida ishlagan.
🔵1998-yildan TIV tizimida. Pokiston, Isroil va Misrda turli diplomatik lavozimlarda faoliyat yuritgan.

💼 Elchilik faoliyati:

🟡2001–2006-yillarda Oʻzbekistonning Isroildagi elchisi.
🟡2006–2011-yillarda Oʻzbekistonning Pokistondagi elchisi.
🟡2013-yildan 2020-yilgacha Misr va Iordaniyada, keyinchalik Marokashda elchi bo‘lib ishlagan.
🟡2020-2024-yillarda yana Pokiston Islom Respublikasida favqulodda va muxtor elchi bo‘lgan.
🟡2011-2013-yillarda Oʻzbekiston Respublikasi Tashqi ishlar vaziri oʻrinbosari lavozimida faoliyat yuritgan.
🟡2024-yil oktabr oyidan boshlab Oʻzbekistonning Afgʻoniston Islom Amirligidagi favqulodda va muxtor elchisi sifatida ish.

✅Oybek Usmonov o‘zining ko‘p yillik faoliyati davomida xalqaro munosabatlarni mustahkamlash, shuningdek, Sharq mamlakatlari bilan madaniy-iqtisodiy aloqalarni rivojlantirishga katta hissa qo‘shib kelmoqda.

💠 "Yosh sharqshunos diplomatlar" klubi matbuot xizmati.

😎 Telegram | 😎 Instagram

📣 Aprel oyining IV chorak diplomatik dayjesti

🔵 E’tiboringizga joriy yilning aprel oyining IV choragi davomida O‘zbekistonning xalqaro maydondagi muhim diplomatik faoliyatiga oid asosiy voqealar dayjestini taqdim etamiz.

📌 2026-yil 27-aprel kuni O‘zbekiston elchisi Ravshan Usmanov “Virtual Internships” muassasasi ijrochi direktori Deniyel Nivern bilan muloqot bo‘lib o‘tdi va O‘zbekiston elchisi Muhsinxo‘ja Abdurahmonov Yaponiya parlamenti Vakillar palatasi deputati, Liberal-demokratik partiya a’zosi Xakubun Shimomura bilan uchrashdi.

📌 2026-yil 28-aprel kuni O‘zbekiston Prezidentining Afg‘oniston bo‘yicha maxsus vakili Ismatulla Irgashev Belarus elchisi Aleksandr Ogorodnikov bilan uchrashuv o‘tkazdi va O‘zbekiston va Turkiya TIV rahbarlari oliy darajada erishilgan ikki tomonlama kelishuvlarni samarali amalga oshirishning aniq mexanizmlarini muhokama qildi.

📌 2026-yil 29-aprel kuni O‘zbekiston TIV rahbari Singapur tashqi ishlar vaziri o‘rinbosarini qabul qildi va O‘zbekiston Prezidentining Afg‘oniston bo‘yicha maxsus vakili Ismatulla Irgashev Pokiston elchisi Ahmed Faruq bilan uchrashuv o‘tkazdi.

📌 2026-yil 30-aprel kuni Koʻksaroy qarorgohida Oʻzbekiston Respublikasi Prezidenti Shavkat Mirziyoyev va Chexiya Respublikasi Bosh vaziri Andrey Babishning tor doirada va ikki mamlakat delegatsiyalari ishtirokida muzokaralari boʻlib oʻtdi va Oʻzbekiston va Chexiya oʻrtasida ikki tomonlama bitimlar toʻplami imzolandi.

📌 2026-yil 1-may kuni O‘zbekiston tashqi ishlar vaziri Baxtiyor Saidov Seyshel Respublikasi tashqi ishlar va diaspora masalalari vaziri Barri For bilan uchrashdi va O‘zbekiston TIV rahbari Yaponiya tashqi ishlar vaziri o‘rinbosari bilan uchrashdi.

📌 2026-yil 2-may kuni O‘zbekistonning Anqaradagi elchixonasida Turkiya Buyuk millat majlisining Trabzondan saylangan bir guruh deputatlari bilan uchrashuv bo‘lib o‘tdi.

📌 2026-yil 3-may kuni Oʻzbekiston Respublikasi Prezidenti Shavkat Mirziyoyev Samarqandga tashrifi doirasida Osiyo taraqqiyot banki prezidenti Masato Kanda boshchiligidagi, Koreya Respublikasi Bosh vazirining oʻrinbosari, iqtisodiyot va moliya vaziri Ku Yun Chxol boshchiligidagi , Yaponiya moliya vaziri Satsuki Katayama boshchiligidagi va “ACWA Power” kompaniyasi rahbari Muhammad Abunayyan boshchiligidagi delegatsiyani qabul qildi.

💠 "Yosh sharqshunos diplomatlar" klubi matbuot xizmati.

😎 Telegram | 😎 Instagram

#TDSHU_OAVda
Markaziy Osiyo ekologik diplomatiyasida yangi bosqich

22-24-aprel kunlari Ostona shahrida o‘tgan Markaziy Osiyo mintaqaviy ekologik sammiti nafaqat sohaga oid masalalar muhokamasi, balki muammolarga qarshi turish diplomatiyasini kuchaytirishga qaratilgan aniq tashabbuslar bilan yodda qoldi.

TDSHU huzuridagi “Yosh sharqshunos diplomatlar” intellektual klubi a’zosi Lazizjon Abduraximov fikrlari OʻzA nigohida.

✅TDSHU Matbuot xizmati/Пресс-служба ТГУВ/Press service of TSUOS

🌐Telegram |🌐Facebook |🌐 Youtube
📹 Instagram| 🌐Twitter | 🗄 tsuos.uz

✍️ Агарда дипломат "ҳа" деса, бу "бўлиши мумкин" дегани, агарда "бўлиши мумкин" деса, бу "йўқ" дегани, агарда "йўқ" деса, демак у дипломат эмас.

©️ Лорд Досон оф Пенн

@suhrob_buranov