هل أرباح المشروع فقط هي المؤشر الوحيد اللي بتقولنا إننا ماشيين صح ؟

الإجابة 👇👇
https://www.facebook.com/100081908350594/posts/237943378945939/

الصفحة الشخصية (تامر الشاعر)

https://www.facebook.com/TamerElshaer85

٧ أخطاء جاهلية في البيزنس !

١- الاعتماد الكلي على صاحب المشروع وبدونه يتوقف كل شئ !

(One man show)

٢- اختيار فريق العمل بناءاً على السعر المنخفض للرواتب وليس على حاجة المشروع !

(low price = low quality)

٣- الاختيار الخاطئ للشريك والغير مناسب للمشروع أولاً ثم عدم تناسب شخصه مع شخص المؤسس !

(wrong choosing is wrong way)

٤- عدم وجود نظام محاسبي للمشروع وعدم وجود بيانات وأرقام وتقارير دقيقة !

( incorrect data is a trap)

٥- عدم وجود رؤية واضحة لتوجه المشروع !

(No vision no way)

٦- الخلط الفج بين البيع والتسويق !

(Sales is not a marketing)

٧- التوسع غير المدروس واتخاذ القرار بناءاً على العاطفة دون الاعتماد على الدراسات والبيانات والتقارير !

(Unplanned expansion is a trap)

من واقع خبرتك العملية ما هو الخطأ الثامن؟


لينك البوست
https://m.facebook.com/story.php?story_fbid=pfbid02bM3g94DRhnAQEfWtd8Gwx4naKJJxmwCVn1mh358tNQFEKxQ8vGVCVmNVyuZgmsndl&id=100081908350594

صفحة دكتور محمد حسام خضر الجديدة

https://www.facebook.com/doctorkhedr?mibextid=LQQJ4d

١٠ أفكار بديلة بدل ما تدفع إعلانات سوشيال ميديا للفيسبوك وغيرها

١- ابحث عن مواقع الكترونية عليها جمهور كبير ذات صلة بالمنتج بتاعك وتعاقد معاهم للإعلان من خلالهم والدفع بالعملة المحلية.

٢- انشر قصص حقيقية عن مشروعك وعن تجارب العملاء ، الناس بتحب القصص وبتتداولها وده هيساعدك في وصول لجمهور أكبر.

٣- اعمل بيرسونال براندينج وابدأ اظهر بنفسك كصاحب مشروع وقدم محتوى مفيد للناس والجمهور لو اقتنع بمحتواك ده هيسهل عليك إنك تعلن عن منتجاتك ومشروعك وتزود مبيعاتك بشكل مجاني.

٤- ابحث عن الشريك الاستراتيجي الالكتروني واعمل حملات إعلانية مشتركة مع شركة أو أكتر والميزانية الإعلانية تتقسم عليكم بدل واحد بس اللي يدفعها.

٥- اعمل تبادل إعلاني الكتروني مع شركات ذات صلة بالفئة المستهدفة بتاعتك.

٦- استخدم الريلز كتير وخليك مبتكر وده هيساعدك توصل لجمهور أكبر بشكل مجاني.

٧- التيك توك التيك توك التيك توك تقدر من خلالها تنتشر وتوصل لجمهورك بشكل أسرع من الفيسبوك لو فهمت المنصة دي صح واشتغلت بدماغها ودماغ المتابعين هناك.

٨- عملنا قبل كده حملة ترويجية في شركتنا Mobishop موبي شوب وقدمنا خصم للعملاء مقابل إن العميل ينشر بوست ريفيو عننا على صفحته الشخصية دي فكرة عملية تقدر تنفذها بسهولة.

٩- اعمل مسابقات وجوايز مغرية للجمهور وده هيساعدك تجيب تفاعل كبير لصفحتك.

١٠- من خلال التعاقد مع المؤثرين على السوشيال ميديا ممكن توصل لجمهور أكبر لكن اختار صح وصمم حملتك الإعلانية بشكل احترافي لأن الابتذال وعدم المصداقية بيضرك مش بيفيدك.

الصفحة الشخصية 👇
تامر الشاعر

أي فكرة فيهم تجدها الأنسب لك ؟

لينك البوست 👇
https://m.facebook.com/story.php?story_fbid=pfbid026pQwQNfAc9GBgHuV1JdcNt35EY6UXxsvoXPiygpdDfqEowuH63qHYGF8phUfb6a9l&id=100081908350594

في رقم مهم جداً تبص عليه طول الوقت كصاحب مشروع ألا وهو

CRR
=
Customer Retention Rate

معدل بقاء العميل

خاصة لو انت شغال B2B يعني تعاملاتك من تاجر لتاجر أو من شركة لشركة

تخيل تكون طول الوقت قاعد تصرف على فريق المبيعات وتصرف تسويق مبالغ كبيرة ومعندكش سيستم تحافظ بيه على العملاء

عامل بالظبط زي اللي جيبه مخروم

كل ما يحط فيه حاجة يقع

أو زي اللي ماسك فاس وقاعد يفحت في البحر

أي مجهود وأي تطوير هتعمله هيروح في الهوا لو مبتعرفش تحافظ ع العميل القديم

لو دايماً معدل البيع للعملاء القدامى أكبر من البيع لعملاء جدد فده مؤشر يطمنك

أما لو نسبة العملاء الجدد أكتر فده معناه إن الجديد مصيره زي مصير القديم

خلي بالك لأن رقم المبيعات ممكن يخدعك وتقول ما أنا كده كده بحقق التارجت

لكن بتحققه عن طريق مين؟

عن طريق القديم أكتر ولا الجديد؟

--
لمتابعة التعليقات على الفيسبوك 👇

https://m.facebook.com/story.php?story_fbid=pfbid029FCFQnaskG3G8VqS7QcKWXFApg94RhzwyVG3fxgbx4bHWTmCmBYzip8R2C9TUZHDl&id=100081908350594

هل استمرارية السعي تضمن حتمية الوصول؟

استمرارية السعي تضمن إنك مش هتندم وتقولي ياريتني عملت كذا ..

ياااااه لو كنت عملت كذا كنت زماني في الحتة الفلانية ..

ياااااه ده فلان عمل كذا لو كنت عملت زيه كنت هبقى زيه ..

مش شرط !

ممكن تعمل أقل منه ورزقك يكون أوسع منه ..

وممكن تكون بتعمل أكتر منه ورزقك أقل منه ..

استمرارية السعي هي فهم ووعي وامتثال لأمر الله ..

قال تعالى : "فامشوا في مناكبها وكلوا من رزقه"

لذلك الوصول لأهدافك من الأمور الغيبية القدرية ..

محدش من اللي وصل لحاجة كان يضمن ما هو فيه الآن ولا يضمن استمراريته ..

ربط الأسباب بالنتيجة من الأسباب المرهقة نفسياً ..

لأنك هتلاقي كتير بيسعوا وبيبذلوا مجهود كبير ومش بيوصلوا للحاجة اللي نفسهم فيها ..

أنت مطالب بالسعي وفقط والنتيجة مش بتاعتك ..

ولذلك أيضاً من المرهق نفسياً هو إنك تقارن نفسك بفلان وتقول أنا لسه موصلتش للي وصل له يبقى أنا يبقى لسه موصلتش ..

ولو وصلت لفلان هتلاقي بعد شوية فلان تاني وصل لحاجة أبعد فتبدأ تقول لنفسك أنا لسه موصلتش وتبدأ تحط نقطة وصول جديدة ..

تخيل بقى تعيش حياتك كلها مهما حققت فيها تشعر بعدم الرضا لأنك لسه موصلتش ..

عشان كده من المهم جداً إنك تحط لنفسك نقطة وصول لأنك لو سبتها للمقارنة بحد عمرك ما هتوصل ..

والأهم من تحديد نقطة الوصول إنك تجاوب على سؤال مهم جداً :-

أنا ليه ربنا خلقني في الدنيا ومطلوب مني ايه؟

أي حاجة هتساعدك في تحقيق إجابة السؤال ده إعرف إن البوصلة بتاعتك مظبوطة ..

أهم من الوصول إن بوصلتك تكون مظبوطة ..

ليه ؟

حتى لا تكون من الذين قال الله فيهم 👇

"الذين ضل سعيهم في الحياة الدنيا وهم يحسبون أنهم يحسنون صنعاً"

نعوذ بالله أن نكون منهم 🤲

رابط البوست لمتابعة التعليقات👇
https://m.facebook.com/story.php?story_fbid=pfbid0FMhE5HC5hnnGv6Nbyk2EtzrtZoNiWG8n6mcQN5Ljer63ETrARDXnNmdeYMUBYwjXl&id=100090053042223&mibextid=qC1gEa

صنفرة بيزنس فكرية

١- رأيي ورأيك في ذوق المنتج ده لما نكون هنستخدم المنتج شخصياً أم السوق فيستوعب الأذواق المختلفة، والوحش ليك ممكن يكون حلو ليا والعكس، ولولا اختلاف الأذواق لبارت السلع.

٢- الحب والكره في تقييم الموظفين أو الأفكار معيار فاسد مُضلل، البيزنس مفيهوش حب وكره.

٣- الكفتجي هو اللي يقيم الكفتجي اللي زيه لكن مينفعش شيف بيتزا يقيم شيف كفتة.

٤- القرارت والأفكار مفيهاش حلو ووحش، ركز ع الأثر والنتيجة.

٥- اللي تغلب بُه العب بُه، متلعبش ضد مصلحتك عشان تنتصر لرأيك، ولما تاخد قرار غلط ارجع فيه متكابرش.

٦- متحبش مشروعك، حيد مشاعرك فإن من الحب ما قتل، الأرقام هي لغة التواصل بينك وبين مشروعك غير كده هتبقى مشاعر مراهقة هتغرقك.

٧- العند والغرور والتكبر ممكن يرضوك داخلياً في العُجب بنفسك، أما في البيزنس فدي أدوات هلاك.

٨- متنتظرش أداء عالمي من موظف كسر، العيب في اختيارك فخليك واقعي.

٩- الغاية لا تبرر الوسيلة إلا عند تجار السلاح والمخدرات، لا تُجنب قيمك وأخلاقك جانباً لأي سبب.

١٠- مش كل اللي بيعمل بيزنس عنده براند، البراند أهم من المكسب السريع.

رقم كام نويت تطبقها؟

رابط البوست لمتابعة التعليقات 👇
https://www.facebook.com/100081908350594/posts/266279592778984/

لما بتقابلني مشكلة في أي مؤسسة بقدم لها خدمات استشارية وتطوير أعمال وألاقي المدير بيشتكي من الموظفين في الحقيقة مش بيكون كلام مقنع ليا وبتكون أصابع الاتهام غالباً في اتجاه المدير!

تعالى أقولك ليه؟

لو العيب في الموظف ومفيش منه رجا سايبه ليه؟

مين اللي وظفه أو وافق على توظيفه مش يمكن انت اخترت غلط؟

طاب مش ممكن تكون اخترت صح بس مدربتش وعلمت؟

طاب مش يمكن انت بعد ما دربته مقيمتش تدريبه؟

طاب مش يمكن خطة تدريبه مكنتش بتعالج عيوبه الحقيقية؟

طاب مش ممكن تكون شغال بدون خطة؟

طاب مش ممكن يكون في تداخل في المهام الوظيفية ومشيل الموظف فوق طاقته؟

طاب مش يمكن الموظف مش واخد حقه في المكان؟

طاب مش يمكن انت مقدرتش تصنع بيئة عمل محفزة؟

طاب مش يمكن انت مش عارف تديره وتفتقد لمهارات الإدارة والقيادة؟

طاب مش يمكن انت معندكش مهارات تواصل والتواصل بتاعك فيه مشكلة؟

كفاية كده ولا أقول كمان؟

رابط البوست لمتابعة التعليقات 👇
https://www.facebook.com/100081908350594/posts/270189162388027/

الجزء الثاني من المحاضرة

https://youtu.be/yNA_xI9oiKw

١٠ نصائح هامة لإدارة البيزنس وقت الأزمات

١- فرق بين الهدف وبين الوسيلة ولا تخلط بينهما ولا تعظم الوسيلة على حساب الهدف فالوسيلة التي كانت تؤتي ثمارها بالأمس قد لا تكون صالحة اليوم وخاصة وقت الأزمات فالوسائل التي نستخدمها في أوقات الأزمات تحتاج إلى أن تكون أدوات قوية ومرنة، قوية حتى نجني ثمارها ومرنة حتى تقاوم الصدمات.

٢- لا تسمح الخوف أن يسيطر عليك لأنه لا بديل ثالث إما أن تسيطر على الخوف فيصبح خوف إيجابي يحركك في إتجاه الحلول وإما أن يسيطر الخوف عليك فتتخبط وتخسر

٣- تأقلم مع الأزمة وهذا لا يعني أننا نحب المشاكل والأزمات ولكن طالما أنه شئ خارج عن حدود قدراتنا فإما أن نتأقلم معه ونبحث عن حلول أو ننزعج ونتذمر ونجلس ننتظر الحل الخارجي.

٤- اسأل المساعدة سواء من هم داخل أسوار العمل من فريق العمل أم خارجه فلا يعيبك أبداً أن يكون الحل ليس في نطاق معرفتك وخبرتك.

٥- فتش جيداً عن نقاط قوتك الغائبة عنك فأحياناً يكون لديك حلول لكنك مشتت وتركيزك ليس قوياً بما فيه الكفاية لتكتشف الحلول التي في حدود قدراتك.

٦- فرق بين الأزمة وبين المشكلة فالمشاكل لن تنتهي مهما كنت قوياً ولا تحول كل مشكلة لأزمة وتكبر كل صغير وبعض المشاكل إذا لم يتم علاجها والتعامل معها بحرفية قد تتحول لأزمة.

٧- قبل أن تقدم حلاً لمشكلة ابحث أولاً عن جذر المشكلة واعرف السبب الرئيسي حتى يكون حلك جذرياً وليس مجرد مسكن.

٨- لا تلقِ باللوم وتفرغ غضبك في فريق عملك فهذا سيزيد من عمق الأزمة وليس هذا بالحل الحكيم.

٩- تعلم من أخطاء الآخرين فهذه حلول مجانية لن تدفع بها مليماً واحداً فليس شرطاً أن تقع في الحفرة التي وقع بها غيرك لتكتسب الخبرة وتتعلم الدرس!

١٠- في أوقات الأزمات تزداد الفرص فالأزمات تدمر الضعفاء لكنها قد تزيد الأقوياء قوة إذا كانوا مستعداين لاقتناص الفرصة، فتش عن الفرص ولا تركز فقط مع الأزمة وآثارها السلبية، لكن لا تكن أبداً من الذين يستغلون الأزمات بشكل لا أخلاقي مثلما رأينا في أزمة كورونا وما حدث لارتفاع مبالغ فيه في أسعار الكمامات والكحول.

هتلاقي لينك الشرح فيديو في التعليقات

من واقع خبرتك قل لنا ما هي النصيحة رقم ١١؟

لينك البوست 👇
https://www.facebook.com/100081908350594/posts/274299405310336/?mibextid=cr9u03

عصارة السنين

١- المشروع اللي معندكش خبرة فيه متحطش فلوسك فيه وروح اتعلم عنه.

٢- والشريك اللي مش هتعرف تتناقش معاه ويفهمك وتفهمه متشاركهوش.

٣- والجنيه اللي هتخاف تخسره متشغلوش.

٤- والموظف اللي هتتكسف تحاسبه وتقومه متوظفوش معاك.

٥- والمدير اللي هيهضم حقك وياكل عرقك ويبخس مجهودك متشتغلش معاه.

٦- والمورد اللي مش هتعرف ترجع له بضاعة فيها مشكلة متشتغلش معاه.

٧- والبضاعة اللي مش هتعرف تسوقها متقربش منها.

٨- وصاحب المحل اللي هيلاقيك بتشتغل كويس ويبص لك في رزقك وياخد المحل منك متأجرش منه.

٩- والعميل اللي هتبيع له آجل وهتتكسف تقوله هات اللي عليك متبيعلوش.

١٠- واللي هيشغل معاك فلوس ع المكسب ومش هيتقبل الخسارة ده مُرابي ملكش دعوة بيه.

١١- واللي هتشغل فلوسك معاه لو مش واثق فيه اوعي تديله جنيه حتى لو كتب لك ١٠٠٠ عقد وحلف لك ١٠٠ يمين.

١٢- وصاحبك لو هتخاف تخسره لا تشتغل معاه ولا تشغل فلوسه معاك.

١٣- والبنك لو هتشحت وتنام ع الرصيف اوعى تاخد منه قرض.


تامر الشاعر

واحدة من أكبر غلطاتي في الحياة وأنا في العشرينات من عمري إني تعلقت تعلق شديد بأستاذ لي وكنت معجب جداً بشخصه وفكره وكنت دائم الملازمة له لأنهل وأتعلم منه.

طاب فين الغلط؟

الغلط هو إني نسيت إنه بشر وإن البشر طبعهم التقلب وأن الحي لا تأمن عليه الفتنة.

روي في الأثر :"من أراد أن يستن فليستن بمن قد مات ، إذ الأحياء لا تؤمن عليهم الفتنة ".

وكان الدرس الموجع لي نفسياً هو تحول هذا الأستاذ لي ١٨٠ درجة وانقلابه على أفكاره ومبادئه التي عاش يرددها وينظر لها دوماً.

وترك هذا الدرس لي جرحاً غائراً لازمني لفترة طويلة جداً!

ناهيك عن صحة ما قبل أو ما بعد.

إلا أن الذي استفدته من هذا الدرس :-

١- أن لا أتعلق بأحدٍ تعلق مَرضي.

٢- أن لا أرفع أحداً فوق منزلته.

٣- أن لا أبالغ في حب أحد.

٤- أن أعتدل في حبي ونظرتي لي ولمن حولي فنحن بشر والملائكة لا تسكن الأرض.

٥- أن لا أتعصب لرأي فقد أثبتت الأيام أنننا كبشر آرائنا متغيرة.

٦- أن كلٌ يؤخذ منه ويرد إلا النبي صلى الله عليه وسلم.

ليه كتبت البوست ده؟

لأني رأيت بعض المتابعين لي ولغيري من الأساتذة المؤثرين يتعاملون بطريقة ذكرتني بنفسي قديماً.

رابط البوست
https://www.facebook.com/100090053042223/posts/pfbid031ED4A1MoSj2dBTgy2rtmZUBjGuwMRwzShyEQFu3tyo1wxgLjLgMhXYkAebD45534l/?mibextid=I6gGtw