خرافة المنتج عالي الجودة الأطول عمراً ❌❌❌❌❌❌❌❌❌❌❌❌

علمتني الحياة

١- الناس مثل الكتب لن تعرف حقيقتهم من غلافهم الخارجي فكم مرة خدعك الغلاف ودفعك للشراء ثم اكتشفت أنه لا يستحق الثمن فتخلص من سذاجتك ولا يخدعنك الظاهر.

٢- كونك شخص ناجح فهذا لا يعني استمرارية نجاحك دون توفيق الله لك ومحافظتك على ما وصلت إليه بالتطوير المستمر فإياك والغرور مهما بلغت من نجاح.

٣- في مشوار حياتك ستجد من سيكرهك ويعاديك دون علة سوى أنك بلغت ما لم يبلغ فلا تبتأس فهذا ديدن الحياة.

٤- في كل مرة تنتظر فيها تغير الظروف الخارجية لصالحك هناك من يطوع الظروف لصالحه ويصطاد صيداً ثميناً من تلك الظروف السيئة فلا تركن لشماعة الظروف وتتخذها وسيلة للتبرير.

٥- لم نُخلق لنجمع المال فاجعل المال في يديك لا في قلبك فالمال إذا دخل القلب لن يهدأ بالك ولو جمعت ما جمع قارون.

٦- لا تفعل شيئاً يضطرك للاعتذار لكن من شيم النبلاء إذا أخطأوا اعتذروا واحذر أن تُغلف اعتذارك بالتبرير فهذا يُشينك.

٧- ستصبح واحداً مثل من تُخالطهم باستمرار وتتحدث معهم ويكونون فكرك بالكلام أو السلوك ، فاختر مُحيطك بعناية شديدة وإذا اضطررت لمخالطة الحمقى فاختلط بحرص حتى لا تُصبح واحداً منهم.

الصفحة الشخصية
https://www.facebook.com/TamerElshaer85

تعالى أحكيلك قصة حقيقية حصلت لإحدى المصانع المصرية من فترة

مصنع قدر يوصل لجودة عالية جداً من الإنتاج محلياً وبعد نجاحه محلياً قدر يتوسع عالمياً ويبدأ يصدر ..

وفي مرة من المرات اللي انطلب منه صفقة كبيرة للتصدير ..

غلطوا غلطة صغيرة مخطرتش على بال حد ..

الغلطة دي وقتها أدت لانهيار كبير للمصنع وأثرت عليه أثر شديد جداً سلباً بسبب دبوس ..

كل حاجة عندهم مظبوطة ..

الماتريال

المقاسات

الديزاين

الفينيش

كل حاجة تمام

لكن الدبوس اللي تم استخدامه في طي القميص كان معدن مش بلاستيك وكانت خامته رديئة وعلى ما وصلت الشحنة للعميل خارج مصر اكتشفوا إن الدبوس كان صدى وساب أثر الصدى ع القميص وتلفت كل الشحنة !!

نستفيد من القصة دي ايه ؟

إن اهتمامك بأدق التفاصيل الصغيرة مش رفاهية !!

شوف كام مشروع حوالينا نجح وبعد ما نجح بدأ صاحبه يصيبه الغرور ومبقاش يهتم زي الأول بقى فين دلوقت !!

اهتمامك بأدق التفاصيل الصغيرة إما ياخدك لمكانة أفضل أو للأسف يكون سبب من أسباب الانهيار !!

الصفحة الشخصية
https://www.facebook.com/TamerElshaer85

التاجر الشاطر مش بس اللي بيكسب أكتر التاجر الشاطر هو اللي بيعرف امتى يبدأ مشروع وامتى يجري بسرعة وامتى يهدي وامتى يثبت السرعة وامتى وازاي يخرج م السوق !!

باختصار شديد التاجر الشاطر هو اللي بيستخدم الأداة المناسبة في الوقت المناسب !!

لكن اللي بيستخدم أداة واحدة طول الوقت ده محتاج يدرس ويذاكر ويفهم يعني ايه بيزنس !!

كيف أنقذت ستاربكس نفسها من الانهيار والإفلاس ؟

الحلقة رقم ١

https://fb.watch/kEy_-Slg9X/

رابط السؤال

https://m.facebook.com/story.php?story_fbid=pfbid02vbVh2QGvqJiZiHQvh6bkVMbjiQe6vz7eAh9RC9XGorHiDDxJz7eUzpVS3nhNW5NSl&id=100081908350594

حالة عملية من كواليس الشركات

https://m.facebook.com/story.php?story_fbid=pfbid09hGqskKjiwj4J1J9EGimysvUKCNXPPv9LVpK8m4QLnNpvEhB7KPvhhuHkYSN6c65l&id=100081908350594

١٠ أفكار مهمة لتطوير مشروعك

لينك الحلقة 👇

https://fb.watch/kVwm4R_MTF/

تعالوا نفهم مع بعض ايه اللي حصل في أمريكا النهارده ؟

مجلس الشيوخ الأمريكي كان مجتمع النهارده عشان يناقش قانون سقف الدين.

يعني ايه الكلام ده ؟

يعني في أمريكا عندهم قانون بيسمح للحكومة بالاستدانة لسداد التزاماتها لكن في حدود رقم معين بيقره مجلس الشيوخ وغير مسموح للحكومة تستلف عمال على بطال بدون قيود !

طاب ايه اللي حصل ؟

أمريكا عليها ديون مستحقة ٣١.٤ تريليون دولار وموعد السداد قرب ومفيش حل غير إنها تستلف وللأسف القانون محجمها وديونها أكبر من سقف الديون المسموح لها تستلفه !

وطبعاً لو موعد سداد ديونها اللي كان مقرر أول شهر يونيو جه ومفيش فلوس يسدوا كانت هتحصل أزمة مالية في أمريكا .. وزي ما احنا عارفين أي أزمة في أمريكا بتحصل بتأثر على العالم كله وخاصةً ع الدول اللي اقتصادها مرتبط بالدولار الأمريكي !

وعشان يخرجوا من المأزق ده عملوا ايه ؟

اجتمعوا النهارده وأقروا إنهم يرفعوا الحد الأقصى لسقف الدين بحيث يسمحوا للحكومة يستلفوا المبلغ اللي محتاجينه عشان يسددوا ديونهم !

بس طبعاً مسابوش القانون مفتوح لكنهم حددوه بمدة أقصاها أول ٢٠٢٥ !

وبعد القرار ده حصل انتعاشة في مؤشرات الأسواق والأسهم العالمية وكلها قلبت باللون الأخضر !

هنا انتهى الخبر ..

أنا رأيي الشخصي اللي حضرتك قد تختلف أو تتفق معاه إن كل دي للأسف مسكنات !!

وما لم يتخلص النظام العالمي من الربا سيؤدي ذلك إلى كوارث وخيمة !!

الاقتصاد الإسلامي هو الحل لكل المشاكل والأزمات الاقتصادية في العالم كله !!

في اليابان سعر الفايدة عندهم 0.1-% !

يعني تحط فلوسك في البنك تاخدها أقل !!

هل أنت على قناعة أن النظام الربوي العالمي هو سبب الأزمات الاقتصادية أم أن لك رأياً آخر ؟؟

لينك البوست
https://m.facebook.com/story.php?story_fbid=pfbid02UdvoAJcj3dF3TJ9x463zjd9jtGnLmUSY6VWbWGikijqC9Wcxh4GcJv39JSsBvyK6l&id=100081908350594

هل أرباح المشروع فقط هي المؤشر الوحيد اللي بتقولنا إننا ماشيين صح ؟

الإجابة 👇👇
https://www.facebook.com/100081908350594/posts/237943378945939/

الصفحة الشخصية (تامر الشاعر)

https://www.facebook.com/TamerElshaer85

٧ أخطاء جاهلية في البيزنس !

١- الاعتماد الكلي على صاحب المشروع وبدونه يتوقف كل شئ !

(One man show)

٢- اختيار فريق العمل بناءاً على السعر المنخفض للرواتب وليس على حاجة المشروع !

(low price = low quality)

٣- الاختيار الخاطئ للشريك والغير مناسب للمشروع أولاً ثم عدم تناسب شخصه مع شخص المؤسس !

(wrong choosing is wrong way)

٤- عدم وجود نظام محاسبي للمشروع وعدم وجود بيانات وأرقام وتقارير دقيقة !

( incorrect data is a trap)

٥- عدم وجود رؤية واضحة لتوجه المشروع !

(No vision no way)

٦- الخلط الفج بين البيع والتسويق !

(Sales is not a marketing)

٧- التوسع غير المدروس واتخاذ القرار بناءاً على العاطفة دون الاعتماد على الدراسات والبيانات والتقارير !

(Unplanned expansion is a trap)

من واقع خبرتك العملية ما هو الخطأ الثامن؟


لينك البوست
https://m.facebook.com/story.php?story_fbid=pfbid02bM3g94DRhnAQEfWtd8Gwx4naKJJxmwCVn1mh358tNQFEKxQ8vGVCVmNVyuZgmsndl&id=100081908350594

صفحة دكتور محمد حسام خضر الجديدة

https://www.facebook.com/doctorkhedr?mibextid=LQQJ4d

١٠ أفكار بديلة بدل ما تدفع إعلانات سوشيال ميديا للفيسبوك وغيرها

١- ابحث عن مواقع الكترونية عليها جمهور كبير ذات صلة بالمنتج بتاعك وتعاقد معاهم للإعلان من خلالهم والدفع بالعملة المحلية.

٢- انشر قصص حقيقية عن مشروعك وعن تجارب العملاء ، الناس بتحب القصص وبتتداولها وده هيساعدك في وصول لجمهور أكبر.

٣- اعمل بيرسونال براندينج وابدأ اظهر بنفسك كصاحب مشروع وقدم محتوى مفيد للناس والجمهور لو اقتنع بمحتواك ده هيسهل عليك إنك تعلن عن منتجاتك ومشروعك وتزود مبيعاتك بشكل مجاني.

٤- ابحث عن الشريك الاستراتيجي الالكتروني واعمل حملات إعلانية مشتركة مع شركة أو أكتر والميزانية الإعلانية تتقسم عليكم بدل واحد بس اللي يدفعها.

٥- اعمل تبادل إعلاني الكتروني مع شركات ذات صلة بالفئة المستهدفة بتاعتك.

٦- استخدم الريلز كتير وخليك مبتكر وده هيساعدك توصل لجمهور أكبر بشكل مجاني.

٧- التيك توك التيك توك التيك توك تقدر من خلالها تنتشر وتوصل لجمهورك بشكل أسرع من الفيسبوك لو فهمت المنصة دي صح واشتغلت بدماغها ودماغ المتابعين هناك.

٨- عملنا قبل كده حملة ترويجية في شركتنا Mobishop موبي شوب وقدمنا خصم للعملاء مقابل إن العميل ينشر بوست ريفيو عننا على صفحته الشخصية دي فكرة عملية تقدر تنفذها بسهولة.

٩- اعمل مسابقات وجوايز مغرية للجمهور وده هيساعدك تجيب تفاعل كبير لصفحتك.

١٠- من خلال التعاقد مع المؤثرين على السوشيال ميديا ممكن توصل لجمهور أكبر لكن اختار صح وصمم حملتك الإعلانية بشكل احترافي لأن الابتذال وعدم المصداقية بيضرك مش بيفيدك.

الصفحة الشخصية 👇
تامر الشاعر

أي فكرة فيهم تجدها الأنسب لك ؟

لينك البوست 👇
https://m.facebook.com/story.php?story_fbid=pfbid026pQwQNfAc9GBgHuV1JdcNt35EY6UXxsvoXPiygpdDfqEowuH63qHYGF8phUfb6a9l&id=100081908350594

في رقم مهم جداً تبص عليه طول الوقت كصاحب مشروع ألا وهو

CRR
=
Customer Retention Rate

معدل بقاء العميل

خاصة لو انت شغال B2B يعني تعاملاتك من تاجر لتاجر أو من شركة لشركة

تخيل تكون طول الوقت قاعد تصرف على فريق المبيعات وتصرف تسويق مبالغ كبيرة ومعندكش سيستم تحافظ بيه على العملاء

عامل بالظبط زي اللي جيبه مخروم

كل ما يحط فيه حاجة يقع

أو زي اللي ماسك فاس وقاعد يفحت في البحر

أي مجهود وأي تطوير هتعمله هيروح في الهوا لو مبتعرفش تحافظ ع العميل القديم

لو دايماً معدل البيع للعملاء القدامى أكبر من البيع لعملاء جدد فده مؤشر يطمنك

أما لو نسبة العملاء الجدد أكتر فده معناه إن الجديد مصيره زي مصير القديم

خلي بالك لأن رقم المبيعات ممكن يخدعك وتقول ما أنا كده كده بحقق التارجت

لكن بتحققه عن طريق مين؟

عن طريق القديم أكتر ولا الجديد؟

--
لمتابعة التعليقات على الفيسبوك 👇

https://m.facebook.com/story.php?story_fbid=pfbid029FCFQnaskG3G8VqS7QcKWXFApg94RhzwyVG3fxgbx4bHWTmCmBYzip8R2C9TUZHDl&id=100081908350594

هل استمرارية السعي تضمن حتمية الوصول؟

استمرارية السعي تضمن إنك مش هتندم وتقولي ياريتني عملت كذا ..

ياااااه لو كنت عملت كذا كنت زماني في الحتة الفلانية ..

ياااااه ده فلان عمل كذا لو كنت عملت زيه كنت هبقى زيه ..

مش شرط !

ممكن تعمل أقل منه ورزقك يكون أوسع منه ..

وممكن تكون بتعمل أكتر منه ورزقك أقل منه ..

استمرارية السعي هي فهم ووعي وامتثال لأمر الله ..

قال تعالى : "فامشوا في مناكبها وكلوا من رزقه"

لذلك الوصول لأهدافك من الأمور الغيبية القدرية ..

محدش من اللي وصل لحاجة كان يضمن ما هو فيه الآن ولا يضمن استمراريته ..

ربط الأسباب بالنتيجة من الأسباب المرهقة نفسياً ..

لأنك هتلاقي كتير بيسعوا وبيبذلوا مجهود كبير ومش بيوصلوا للحاجة اللي نفسهم فيها ..

أنت مطالب بالسعي وفقط والنتيجة مش بتاعتك ..

ولذلك أيضاً من المرهق نفسياً هو إنك تقارن نفسك بفلان وتقول أنا لسه موصلتش للي وصل له يبقى أنا يبقى لسه موصلتش ..

ولو وصلت لفلان هتلاقي بعد شوية فلان تاني وصل لحاجة أبعد فتبدأ تقول لنفسك أنا لسه موصلتش وتبدأ تحط نقطة وصول جديدة ..

تخيل بقى تعيش حياتك كلها مهما حققت فيها تشعر بعدم الرضا لأنك لسه موصلتش ..

عشان كده من المهم جداً إنك تحط لنفسك نقطة وصول لأنك لو سبتها للمقارنة بحد عمرك ما هتوصل ..

والأهم من تحديد نقطة الوصول إنك تجاوب على سؤال مهم جداً :-

أنا ليه ربنا خلقني في الدنيا ومطلوب مني ايه؟

أي حاجة هتساعدك في تحقيق إجابة السؤال ده إعرف إن البوصلة بتاعتك مظبوطة ..

أهم من الوصول إن بوصلتك تكون مظبوطة ..

ليه ؟

حتى لا تكون من الذين قال الله فيهم 👇

"الذين ضل سعيهم في الحياة الدنيا وهم يحسبون أنهم يحسنون صنعاً"

نعوذ بالله أن نكون منهم 🤲

رابط البوست لمتابعة التعليقات👇
https://m.facebook.com/story.php?story_fbid=pfbid0FMhE5HC5hnnGv6Nbyk2EtzrtZoNiWG8n6mcQN5Ljer63ETrARDXnNmdeYMUBYwjXl&id=100090053042223&mibextid=qC1gEa

صنفرة بيزنس فكرية

١- رأيي ورأيك في ذوق المنتج ده لما نكون هنستخدم المنتج شخصياً أم السوق فيستوعب الأذواق المختلفة، والوحش ليك ممكن يكون حلو ليا والعكس، ولولا اختلاف الأذواق لبارت السلع.

٢- الحب والكره في تقييم الموظفين أو الأفكار معيار فاسد مُضلل، البيزنس مفيهوش حب وكره.

٣- الكفتجي هو اللي يقيم الكفتجي اللي زيه لكن مينفعش شيف بيتزا يقيم شيف كفتة.

٤- القرارت والأفكار مفيهاش حلو ووحش، ركز ع الأثر والنتيجة.

٥- اللي تغلب بُه العب بُه، متلعبش ضد مصلحتك عشان تنتصر لرأيك، ولما تاخد قرار غلط ارجع فيه متكابرش.

٦- متحبش مشروعك، حيد مشاعرك فإن من الحب ما قتل، الأرقام هي لغة التواصل بينك وبين مشروعك غير كده هتبقى مشاعر مراهقة هتغرقك.

٧- العند والغرور والتكبر ممكن يرضوك داخلياً في العُجب بنفسك، أما في البيزنس فدي أدوات هلاك.

٨- متنتظرش أداء عالمي من موظف كسر، العيب في اختيارك فخليك واقعي.

٩- الغاية لا تبرر الوسيلة إلا عند تجار السلاح والمخدرات، لا تُجنب قيمك وأخلاقك جانباً لأي سبب.

١٠- مش كل اللي بيعمل بيزنس عنده براند، البراند أهم من المكسب السريع.

رقم كام نويت تطبقها؟

رابط البوست لمتابعة التعليقات 👇
https://www.facebook.com/100081908350594/posts/266279592778984/