Бұл оқиға кейбір бауырларымыз үшін өте ғибратты, ой саларлық болады деген сенімдемін♥
⠀
Хазіреті Саадтың мұсылмандықты қабылдауы анасы Хамнаға ұнамады. Ұлы аталарының дінінен безіп, аналарының ризалығынсыз басқа сенімді қабылдауы қалай?! Ұлына әрдайым сөзін тыңдатып келген Хамна қалайда Саадты пұтқа табындырып, өз дегенін жасатпақ болады. Осы ниетпен бір күні баласына:
⠀
"Сенің Аллаһың "ата-анаға, туған-туысқанға жақсылық жаса, оларды ренжітпе" деп бұйырады дейсің. Өзің басқаша істейсің. Мұхаммедтің (с.а.у.) дінін тастап, пұттарымызға қайта оралып, бас имесең, мен аштық жариялаймын. Сонан соң сен өз анасының өліміне себепкер болған залым атанасың", - деді.
Хазіреті Саад бұл күнге дейін анасының айтқанын екі етіп көрмеген. Бірақ анасының бұл жолғы тілегі тіпті орынсыз еді. Өйткені ол Аллаһқа иман келтіріп, елшісіне жан жүрегімен беріліп, не істесе де иман шеңберінде жасауға бекінген-ді.
Анасына:
⠀
"Анашым, күні бүгінге дейін тілазарлық жасамаппын. Мен ендігі жерде ақиқат әмірге мойынсұндым. Егер сенің жүз жаның болса, әрбіреуін Исламнан бездіру үшін құрбан етсең де, мен дінімнен қайтпаған болар ем. Себебі, мен үшін иман - ең қымбат қазына, ол кез келгенге бұйырмайтын сыбаға. Ал сен болсаң, қайдағы бір меңіреу пұттар үшін хақиқатты белінен басқың келеді. Бұл ойың жүз рет аштық жарияласаң да жүзеге аса қоймас. Айтқанымнан қайтпаймын десең, өзің біл", - деді.
⠀
Ұлының дініне беріктігіне көзі әбден жеткен Хамна ана жеңілгенін мойындады. Бұл Хамнаның жеңілісі емес, иманның күпірден басым түсуінің
көрінісі еді.
⠀
Осы оқиғадан соң Аллаһ Тағала Анкабут сүресінің сегізінші аятын түсіріп, әдеп, ата-анаға құрмет мәселесінде мұсылмандық өлшемді белгіледі:
"Біз адам баласына әке-шешесіне құрмет етуді бұйырдық. Егер олар (ата-анаң) білмейтін нәрсеңді маған серік қосуға сені зорлайтын болса, оларға (ата-анаңа) мойынсұнба. Ең ақырында маған ораласыңдар. Сол кезде барлық істеріңді өздеріңе білдіріп, бағасын Мен
беремін."
⠀
"Адамзаттың асыл тәжі" кітабынан

بِسْمِ اللَّـهِ الرَّحْمَـٰنِ الرَّحِيمِ
Әссәләму алейкум уа рахматуллахи уа баракатух, Арулар! Бүгінгі өтетін тақырыбымыз—Алла жолында табанды болып, нық тұру әрі Аллаға толық тәуекел етуді үйрену!

❤1-ші тапсырма: Сіздер үшін маңызды сабақ болғалы жатыр, ең біріншіден бүгінгі жіберген аудио, видеоларды қарап, тыңдап, мәтіндерді толық оқып шығыңыздар. Толық танысып болған соң осы оқиғалардан қандай ой түйгендеріңізді осы жазбаның пікіріне жазып кетіңіздер⬇️

❤ 2-ші тапсырма. Төменде берілген зікірді күні бойы 100 рет оқу (элетронды тасбихпен жасап санасаңыздар болады, кейін суретке түсіріп, чатқа да жіберіп қойыңыздар. Не болмаса zikrmatik қосымшасын жазып алып, сол арқылы санасаңыздар болады. Барынша шын жүрекпен оқу шарт, тез 100-ге жетіп аяқтап тастауға асықпаңыздар! (Егер хайыз болса, зікірді дәретсіз жасай берсеңіздер болады)

❤ 3-ші тапсырма. Дәрет алып, таза жерге отырып (ең абзалы намаздан соң немесе Құран оқып, не зікір айтып болған соң) дұға ету. Дұғаны Аллаға мадақтармен бастап, Пайғамбарға ﷺ салауаттар жолдап, содан соң өз тілектеріңізді айтумен жалғастырыңыз. Дұғаны өзіңізге ғана тілеп қоймай, осы тобымызға тіркеліп, орамалға ниет еткен аруларымыз үшін де дұға етіңіз. Жамағатпен жасалған дұғаның қабыл болу мүмкіндігі көп!
(Егер хайыз болса, дұғаны дәретсіз жасай берсеңіздер болады)

Жоғарыдағы танысу жазбасының астында арулар өз аты-жөндерін қалдырып кеткен, сол аты-жөндері бойынша әрқайсысын атап отырып дұға етіңіздер, шын ықыласпен! 😍

Оның маңызы неде десеңіз, сіз өзіңіз армандаған, ұмтылған нәрсені өзіңізге ғана сұрап қоймай, бауырыңыз үшін де сұрасаңыз, Мейірімді Раббымыз оны сізге де, оған да хайырлы түрде нәсіп етеді! Және мұсылман бауырыңыз үшін жасырын түрде дұға еткеніңіз үшін періштелер "Әмин, саған да соны тілейміз!" дейді екен! Дұға жасау мысалын төменге салып қойдым⬇️

Тапсырмалар орындалған соң отчётті қалай жасау керектігін білесіздер❤
Сіздерге сенемін, Алла жар болғай! 😘

Бұл соңғы 5-ші күніміздің тапсырмасы еді, ертең 23:00-ге дейін орындап жібере қойыңыздар😘
Алла қаласа Жұма-Сенбі күндері марафонның 10 жеңімпаз аруын анықтайтын боламыз! Әрбір тапсырманың уақытылы, дұрыс орындалуы есепке алынады🥰❤️

Ассаляму алейкум, асылдар❤️
Амансыздар ма?

Техникалық ақауларға және т.б мәселелерге байланысты жеңімпаз анықтау күнін кейінге шегергенімізді ескертпегеніміз үшін айып етпегейсіздер😘

Ассаламу алейкум уа рахматуллаһ баршаңызға! Қайырлы кеш, құрметті арулар! ❤️
Алланың қалауымен тапсырмаларды ұқыптылықпен, жауапкершілікпен 5 күн бойы орындаған жеңімпаз қыздарды анықтадық!

Осы парақша иегерлері марафонымыздың жеңімпаздары атанды, ин шәә Алла әрқайсысыңызға жекеңізге ертең өзіміз жазатын боламыз, күтіңіздер🥰

Барша атсалысып қатысқан қыздар, Алла разы болсын!