قال عمر بن الخطاب رضي الله عنه: "من قال أنا عالم فهو جاهل".
"Кімде кім "мен ғалыммын" деп айтса, сол барып тұрған надан адам". Сахаба Омар ибн Хаттаб (Алла оған разы болсын).

Сен тақуа және әдепті балаларыңның болғанын қалайсың, бірақ сенде осы қасиеттердің біреуі жоқ. Бәріне белгілі, "балапан ұяда не көрсе, ұшқанда соны іледі". Ал баланың ұясы - әкесі мен анасы. Егер сен әлсіз және күнаһар болсаң, сенің перзентің де дәл сендей болады. Ал егер сен күшті әрі Раббысынан қорқатын тақуа адам болсаң, сенің балаң да дәл сендей күшті және тақуа мұсылман болып өседі.

Қымбатты бауырым, осы жайлы жақсылап ойлан!

📜 قال اﻹمام النووي رضي الله عنه:

الاشتغال بالعلم من أفضل القرب ، وأجل الطاعات ، وأهم أنواع الخير ، وآكد العبادات ، وأولى ما أنفقت فيه نفائس الأوقات .

🖋 Имам Науауи ( Алла оған разы болсын) айтады:

"Біліммен шұғылдану - Аллаға жақындаудың ең жақсы жолы, Аллаға бойұсынудың ең жақсы түрі және жақсылық жасаудың үлкені, ғибадаттардың күштісі. Онымен қоса, уақыт бөліп жасаған амалдарыңның ішінде әуелгі болып жасалуы тиістіге тұрарлығы - білім.

t.me/utlubu

⬆️
Осы парақшаға жазылып, пайдалы мәлімметтер мен арабша кітаптарды оқи аласыздар!

T.me/utlubu

Әрдайым ұйқыдан тұрғаннан кейін “Маған бұл күннің бастауын көрсеткен Аллаға шүкір” деп бастап,
“Маған бұл күннің соңын көрсеткен Аллаға шүкір” деп бітіріп қарашы.

өміріңнің құздан құлағандай, бақытқа қарай құлап бара жатырғанын байқайсың.

✔️Бүгінгі сөз

قال الحسن البصري رحمه الله: عظ الناس بفعلك ، ولا تعظهم بقولك.

Табиғин Хасан әл-Басрый айтқан екен:
"Адамдарға ісіңмен уағызда, сөзіңмен (ғана) емес!".

©Кәләм Тойыб.
#бүгінгісөз.

Сен дін жайындағы сұрақтарға жауап беруге міндетті де, лайықты да емессің!
Мухаддис, мужтаһид, фақиһтардың өзі дін тұрғысындағы сұрақтарға жауап беруде Аллаһтан қорқады.

https://t.me/ilm_wa_amall

Әбу Һурайра (р.а.): «Аллаһ елшісі (саллаллаһу аләйһи уә сәлләм): «Жанымды уысында ұстаған Аллаһтың атымен ант етейін! Егер сендер еш күнә жасамайтын болғандарыңда, Аллаһ тағала сендерді әкетіп, орындарыңа күнә жасап, дереу Аллаһтан кешірім сұрайтын қауым әкеліп, оларды әрдайым жарылқап, кешіретін еді», – деп айтты», – деген

(Муслим, тәубә 11).

МҰҢАЙМАҢЫЗ!

🔴Мұңаймаңыз! Сізде Құран бар, кез-келген уақытта жаныңызға жұбанышты Алланың Сөзінен іздеңіз.

🔴Мұңаймаңыз! Сізде дұға бар, кез-келген уақытта қажетіңізді Алладан сұраңыз.

🔴Мұңаймаңыз! Сізде иман бар, Алланың мейірімі миллиондардан сізге түсті.

🔴Мұңаймаңыз! Себебі, сіз - Мұхаммедтің үмметісіз. Сіз ең асыл, ең ізгі, жаратылыстардың ең кемел тұлғасының үмметі, сүйіктісісіз!

🔴Мұңаймаңыз! Себебі, сіздің қайғыңыз - дұшпаныңыздың қуанышы, досыңыздың мұңына себеп болады.

🔴Мұңаймаңыз! Егер күнә істесеңіз, тәубә бар. Дұға бар. Истиғфар бар. Әлі де кеш емес. Өткен іс өтті, мұңаймаңыз!

🔴Мұңаймаңыз! Егер бір қолыңыз жоқ болса, екі қолынан айырылғандар бар. Бір көзіңіз көрмесе, екі көзінен бірдей айырылғандар бар. Бір жақыныңыз жоқ болса, бүкіл отбасынан айырылғандар бар. Мұңаймаңыз!

🔴Мұңаймаңыз! Себебі, мұңаю - уақытыңызды бос өткізіп, нәтижесінде болашағыңызға зиян келтіреді.

🔴Мұңаймаңыз! Қайғы-мұң - өлгенді тірілтпейді, кеткенді келтірмейді, өткенді қайтармайды. Мұңаймаңыз!

Әбу Бәкра (р.а.): «Бірде Пайғамбарымыздың (саллаллаһу аләйһи уә сәлләм) құзырында бір адам жайлы сөз болғанда отырғандардың бірі әлгі адамды мақтай жөнелді. Сонда Пайғамбарымыз (саллаллаһу аләйһи уә сәлләм) оған бірнеше рет: «Әй байғұсау, бауырыңның желкесін үздің ғой!» – деді де егер біреуді міндетті түрде мақтауларың керек болса, әрі ол жайлы шынымен жақсы пікірде болсаңдар, «мен ол жайлы былай ойлаймын» деп айтыңдар. Нәтижеде, Аллаһ тағала мақтаушыны мақтауының орынды болып, болмағанына қатысты есепке тартады, сондықтан (құлдарының жасырын-жария барлық істерін білетін) Аллаһтың алдында ешкімді ақтап, пәктеуге болмайды»,302 – деп айтты», – деген

(Бұхари, шәһәдат 16; Муслим, зүһд 65).

 ✅ Имам әл-Қахтани (رحمه الله) айтты:

"Бөтен әйелге көз тігетін еркектер, етті айналшақтаған ит секілді. Егерде арыстандар еттерін қорғамаса, ет тегін және қайтарымсыз желінеді."

🖇 "Нуния"

@mutaallim07

قال يحيى بن معاذ رحمه الله: عجبت من يحزن على نقصان ماله ، كيف لا يحزن على نقصان عمره.
"Дүниесінің кемігендігіне қайғырған кісінің өмірінің кемігендігіне қайғырмайтындығына таң қаламын". Яхия ибн Мұғаз (Алла оған разы болсын)

@bauirjanaliuli парақшасынан

💬 Иманды жаңартып, арттырып тұрудың маңыздылығы...

Аллаһ Тағала мұсылмандарды имандары мен тақуалықтарын арттыруға бұйырып, қасиетті Құранда былай деген:

﴿وَتَزَوَّدُوا۟ فَإِنَّ خَیۡرَ ٱلزَّادِ ٱلتَّقۡوَىٰۖ وَٱتَّقُونِ یَـٰۤأُو۟لِی ٱلۡأَلۡبَـٰبِ﴾

﴾Жолазықпен қамданыңдар, ал жолазықтың ең жақсысы – тақуалық﴿.
Бақара сүресі, 197-аят.

Сондай-ақ, хадистердің бірінде Аллаһ елшісі де (ﷺ) өз үмбетіне имандарын жаңартып тұруларын өсиет етіп кеткен:

ﺇﻥ اﻹﻳﻤﺎﻥ ﻟﻴﺨﻠﻖ ﻓﻲ ﺟﻮﻑ ﺃﺣﺪﻛﻢ ﻛﻤﺎ ﻳﺨﻠﻖ اﻟﺜﻮﺏ اﻟﺨﻠﻖ، ﻓﺎﺳﺄﻟﻮا اﻟﻠﻪ ﺃﻥ ﻳﺠﺪﺩ اﻹﻳﻤﺎﻥ ﻓﻲ ﻗﻠﻮﺑﻜﻢ.

«Ақиқатында, сендердің іштеріңдегі (жүректеріңдегі) имандарың үстеріңдегі киімдерің тозатыны, ескіретіні сияқты тозып, ескіріп отырады. Сондықтан, Аллаһтан әрдайым жүректеріңдегі имандарыңды жаңартуын сұраудың үстінде болыңдар».
📚 Табарани (14668), әл-Хаким (5).

Осы тұрығдан, имандарына ең берік абзал жандар (сахабалар) бір-бірін имандарын арттыруға үгіттесіп отырған. Мәселен, мүміндердің әмірі Омар ибн Хаттаб (Аллаһ одан разы болсын) өзінің жолдастарына:

تعالوا نزدد إيمانا.

«Келіңдер, (бізбен бірге отырып, ақиқат пен сабырды үгіттесіңдер), имандарымызды арттырайық»- дейтін болған.
📚 Мусоннаф Ибн Әби Шейба (11/26).

Ал, Абдуллаһ ибн Масғуд (Аллаһ одан разы болсын) болса, келесідей дұға қылумен өткен:

اللهم زدني إيمانا ويقينا وفقها.

«Аллаһым! Мені менің иманымды, яқинымды (айқын сенімділігімді) және діндегі түсінігімді (білімімді) арттыра гөр».
📚 Абдуллаһ ибн Ахмад «Әс-Сунна» (1/368).

Алдыңғы өткен ізгілеріміздің имандарына алаңдап, бір-біріне ақиқат пен сабырды, тақуалық пен иманды үгіттесулері тектен-текке емес, өйткені, олар осы нәрсені үгіттеспегендерден басқасының барлығы ақыретте қасірет шегетінін тым жақсы түсінген. Аллаһ Тағала айтқандай:

﴿وَٱلۡعَصۡرِ * إِنَّ ٱلۡإِنسَـٰنَ لَفِی خُسۡرٍ * إِلَّا ٱلَّذِینَ ءَامَنُوا۟ وَعَمِلُوا۟ ٱلصَّـٰلِحَـٰتِ وَتَوَاصَوۡا۟ بِٱلۡحَقِّ وَتَوَاصَوۡا۟ بِٱلصَّبۡرِ﴾.

﴾Асырмен (куақытпен) ант етемін! Расында, адамдардың барлығы зиянда, үлкен қасіретте. Тек иман келтірген, ізгі амал жасаған әрі бір-біріне ақиқатты және сабырды үгіттескендерден басқалары﴿.
Асыр сүресі, 1-3 аяттар.